വിക്കിപീഡിയ:വിക്കിപദ്ധതി/സർവ്വവിജ്ഞാനകോശം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കേരളസർക്കറിന്റെ അധീനതയിലുള്ള സർവ്വവിജ്ഞാനകോശം സർക്കാർ ഗ്നൂ സ്വതന്ത്രപ്രമാണീകരണാനുമതിയോടെ വെബ്ബിൽ പ്രസിദ്ധപ്പെടുത്തിയിട്ടുണ്ട്.

(ഇവിടെ: http://mal.sarva.gov.in/).

സർവ്വവിജ്ഞാനകോശത്തിലെ ഉള്ളടക്കം ഇതുവഴി വിക്കിപീഡിയയുടെ വികാസത്തിന്‌ പ്രയോജനപ്പെടുത്താൻ സാധിക്കുന്നു. സർവ്വവിജ്ഞാനകോശത്തിലെ ഉള്ളടക്കം ഉപയോഗിച്ച് പുതിയ ലേഖനങ്ങൾ തുടങ്ങുകയോ നിലവിലുള്ള ശുഷ്കലേഖനങ്ങൾ വികസിപ്പിക്കുകയോ ചെയ്യാം. എന്നാൽ അച്ചടിവിജ്ഞാനകോശമായ സർവ്വവിജ്ഞാനകോശത്തിലെ ഉള്ളടക്കം വിക്കിപീഡിയയുടെ ശൈലിക്കും നയങ്ങൾക്കും അനുസരിച്ച് പരിവർത്തിപ്പിക്കുക ശ്രമകരമായ പ്രവൃത്തിയാണ്‌. അതിനുള്ളതാണ്‌ ഈ പദ്ധതി.

നാൾവഴി[തിരുത്തുക]

കേരള സർക്കാരിന്റെ കീഴിലുള്ള ഒരു വിഭാഗമായ സർ‌വ്വവിജ്ഞാനകോശം ഇൻസ്റ്റിറ്റ്യൂട്ടിന്റെ പ്രസിദ്ധീകരണങ്ങളിൽ ഒന്നായ മലയാളം സർ‌വ്വവിജ്ഞാനകോശത്തിലെ ലേഖനങ്ങൾ മൊത്തമായി മലയാളം വിക്കിപീഡിയക്ക് സംഭാവന ചെയ്യുന്നു എന്ന് 2008 നവംബറിൽ സംസ്ഥാന വിദ്യാഭ്യാസമന്ത്രി എം.എ. ബേബി പ്രസ്താവിക്കയുണ്ടായി. ഇതു് സംബന്ധിച്ച് മലയാളം വിക്കിപീഡിയരുമായി ആരും ചർച്ചയൊന്നും നടത്തിയിട്ടില്ലെങ്കിലും, എന്താണ്‌ ഈ വാർത്തയുടെ നിജസ്ഥിതി എന്ന് 2008 ഡിസംബറിൽ തിരുവനനന്തപുരത്ത് നടന്ന ഫ്രീ സൊഫ്റ്റ്‌വെയർ കോൺ‌ഫറൻസിൽ പങ്കെടുത്ത മലയാളം വിക്കിപീഡിയ പ്രവർത്തകർ സർ‌വ്വവിജ്ഞാനകോശം ഇൻസ്റ്റിറ്റ്യൂട്ട് ഡയറക്ടർ പാപ്പുട്ടി മാഷോട് ആരായുകയുണ്ടായി. അപ്പോഴാണ്‌ സർ‌വ്വവിജ്ഞാനകോശത്തിലെ ലേഖനങ്ങൾ മൊത്തമായി മലയാളം വിക്കിപീഡിയക്ക് സംഭാവന ചെയ്യുകയല്ല, സർ‌വ്വവിജ്ഞാനകോശത്തിന്റെ വെബ്ബ് എഡീഷൻ ഗ്നു/ഫ്രീ ഡോക്കുമെന്റേഷൻ ലൈസൻസിൽ പ്രസിദ്ധീകരിക്കയാണ്‌ സർക്കാർ ചെയ്തത് എന്ന് മനസ്സിലായത്. ഒരു വിധത്തിൽ മലയാളം വിക്കിപീഡിയ്ക്ക് ലേഖനങ്ങൾ തന്നത് പോലെ തന്നെയാണ്‌ അത്. പക്ഷെ സർ‌വ്വവിജ്ഞാനകോശലേഖനങ്ങൾ വിക്കിപീഡിയക്ക് യോജിച്ച വിധത്തിൽ മാറ്റിയെഴുതി വിക്കിപീഡിയയിലെക്ക് ലയിപ്പിക്കുക എന്നതു് ഒരു ബൃഹത്പദ്ധതി തന്നെയാണ്‌.

അന്നുതൊട്ട് പലരും സർ‌വ്വവിജ്ഞാനകോശലേഖനങ്ങൾ മലയാളം വിക്കിപീഡിയയിലെക്ക് പകർത്തുന്നുണ്ട്. അത് വെറുതെ പകർത്താതെ വിക്കിപീഡിയയ്ക്ക് യോജിച്ച് വിധത്തിൽ മാറ്റിയെഴുതി, ചിത്രവും അവലംബവും ഒക്കെ ചേർത്ത് എഴുതുകയാണ് പക്ഷേ, ആവശ്യം.

ഇതുവരെയായി സർ‌വ്വവിജ്ഞാനകോശത്തിന്റെ 1,12,13,14 വാല്യങ്ങൾ ആണ്‌ വെബ്ബിൽ ( http://mal.sarva.gov.in/) അക്കിയത്/ആക്കി കൊണ്ടിരിക്കുന്നത്. ഇത് വരെ വെബ്ബിൽ ആക്കിയ വാല്യങ്ങൾ ഒക്കെ അപൂർണ്ണമാണ്‌ താനും. മൊത്തം 20/21 വാല്യങ്ങൾ ഉണ്ട്/ഇറക്കും എന്ന് പറയപ്പെടുന്ന സർ‌വ്വവിജ്ഞാനകോശം മൊത്തമായി എന്ന് വെബ്ബിലെത്തും എന്നും ആർക്കും അറിയില്ല

ശ്രമദാതാക്കൾ[തിരുത്തുക]

നിലവിൽ വിക്കിയിൽ സജീവരായവരിൽ, താഴെ പറയുന്നവർ സർ‌വ്വവിജ്ഞാനകോശത്തിൽനിന്ന് മലയാളം വിക്കിപീഡിയയിലേക്ക് ലേഖനങ്ങൾ ചേർക്കുന്നുണ്ട്. വേറെ ആരെങ്കിലും ഉണ്ടെങ്കിൽ അവരുടെ പേർ താഴെ ചേർക്കുക:

ഉപയോക്താവ് പദ്ധതിയിൽ ചെയ്യുന്ന പണികൾ
Babug -- സജീവ ഉപയോക്താവ്, ലേഖനങ്ങൾ ചേർക്കൽ, ഇംഗ്ലീഷ് വിക്കി കൊടുക്കൽ, വിക്കിവൽക്കരണം.
Lic.habeeb -- സർ‌വ്വവിജ്ഞാനകോശം വെബ്‌സൈറ്റിൽ നിന്നും ലേഖനങ്ങളുടെ ഉള്ളടക്കം വിക്കിയിലേക്ക് പകർത്തുന്നതിനോടൊപ്പം അവ വിക്കി ശൈലിയിലേക്ക് മാറ്റി, കണ്ണികൾ, ചിത്രങ്ങൾ, അവലംബങ്ങൾ, തലക്കെട്ടുകൾ, തുടങ്ങിയവ ചേർത്ത് മെച്ചപ്പെടുത്തൽ.
Fotokannan --ലേഖനം സമകാലികമാക്കൽ,ചിത്രം ചേർക്കൽ,വർഗ്ഗം ചേർക്കൽ മുതലായവ.
Shijualex --
Kiran Gopi വിക്കി വൽക്കരണം, ചിത്രം ചേർക്കൽ, ലേഖനത്തെ സരളമാക്കൽ, വർഗ്ഗം ചേർക്കൽ മുതലായവ.
തച്ചന്റെ മകൻ --
Rameshng അത്യാവശ്യം: വാല്യം-1, വാല്യം-12, വാല്യം-13, വാല്യം-14 എന്നീ പദ്ധതി പേജുകൾ സ.വി.കോശം പ്രിന്റഡ് നോക്കി പൂർത്തീകരിക്കുക.
പിന്നീട്: വിക്കിഫൈയിംഗ്, തലക്കെട്ട് തിരിക്കൽ, en വിക്കി തിരയൽ,
ജേക്കബ്‌ നൈനാൻ സർ‌വ്വവിജ്ഞാനകോശം വെബ്‌സൈറ്റിൽ നിന്നും ലേഖനങ്ങളുടെ ഉള്ളടക്കം വിക്കിയിലേക്ക് പകർത്തുന്നതിനോടൊപ്പം അവ വിക്കി ശൈലിയിലേക്ക് മാറ്റുന്നു
അഡ്വ.ടി.കെ. സുജിത് വിക്കി വൽക്കരണം, അവലംബം ചേർക്കൽ, ലേഖനത്തെ വിജ്ഞാനകോശത്തിനനുയോജ്യമാക്കൽ, വർഗ്ഗം ചേർക്കൽ മുതലായവ.
അശ്വിനി കുമാർ സർ‌വ്വവിജ്ഞാനകോശത്തിൽ നിന്നും പ്രമാണങ്ങൾ,താൾ എന്നിവ വിക്കിയിലേക്ക് പകർത്തി വിക്കിവൽക്കരിക്കുക.
ജോസ് ആറുകാട്ടി സർ‌വ്വവിജ്ഞാനകോശത്തിൽ നിന്നും ലേഖനങ്ങൾ എന്നിവ വിക്കിയിലേക്ക് പകർത്തി അവലംബവും ചിത്രങ്ങളും ചേർത്തു വിക്കിവൽക്കരിക്കുന്നു.

പദ്ധതിയുടെ ലക്ഷ്യം[തിരുത്തുക]

സർ‌വ്വവിജ്ഞാനകോശലേഖനങ്ങൾ മലയാളം വിക്കിപീഡിയയിലേക്ക് പകർത്തുമ്പോൾ അത് മലയാളം വിക്കിപീഡിയക്കും വിക്കിപീഡിയ വായിക്കുന്നവർക്കും ഏറ്റവും ഉപയോഗപ്രദമായി തീർക്കാനുള്ള ശ്രമങ്ങൾ ഏകോപനം ചെയ്യാനാണ്‌ ഈ വിക്കിപദ്ധതി.

പദ്ധതി നടത്തേണ്ട വിധം[തിരുത്തുക]

സർ‌വ്വവിജ്ഞാനകോശത്തിലെ ഉള്ളടക്കം മലയാളം വിക്കിപീഡിയയിലേക്ക് കണ്ണുമടച്ച് ചേർക്കാതെ, അല്പം ചിട്ടയൊടെ ക്രമാനുഗതമായി ചേർത്ത് ആ ഉള്ളടക്കം വിക്കിപീഡിയ ലേഖനങ്ങൾ വായിക്കുന്നവർക്ക് ഏറ്റവും ഉപയോഗപ്രദമായി തീരണം. അതിനായി താഴെ പറയുന്ന നയങ്ങൾ പാലിക്കുക.

  1. ലേഖനം വിക്കിശൈലിയിലായിരിക്കണം
  2. ആമുഖം വ്യക്തതയുള്ളതായിരിക്കണം
  3. സർവ്വവിജ്ഞാനകോശത്തിൽ നിന്ന് പകർത്തുന്നത് വിക്കിവൽക്കരണം നടത്തിയിരിക്കണം
  4. അവലംബങ്ങൾ ഇല്ലാത്തിട്ടത്ത്, ലഭ്യമായുള്ളവ ചേർത്തിരിക്കണം.
  5. ചിത്രങ്ങൾ ചേർക്കുക.

പദ്ധതി പുരോഗതി[തിരുത്തുക]

വാല്യം തീർന്ന പണികൾ പുരോഗതി തീർക്കാനുള്ള പണികൾ
വാല്യം1 ലേഖനങ്ങളുടെ പട്ടിക നിർമ്മാണം തീർന്നു,
1331 ലേഖനങ്ങൾ
3% പൂർത്തിയാകാത്തവ നീലവൽക്കരിക്കുക
വാല്യം 2 ലേഖനങ്ങളുടെ പട്ടിക 0% പ്രിന്റഡ് പുസ്തകത്തിന്റെ ലഭ്യത
വാല്യം 12 ലേഖനങ്ങളുടെ പട്ടിക 0% പ്രിന്റഡ് പുസ്തകത്തിന്റെ ലഭ്യത
വാല്യം 13 ലേഖനങ്ങളുടെ പട്ടിക 0% പ്രിന്റഡ് പുസ്തകത്തിന്റെ ലഭ്യത
വാല്യം 14 ലേഖനങ്ങളുടെ പട്ടിക 0% പ്രിന്റഡ് പുസ്തകത്തിന്റെ ലഭ്യത