വിവിധതരം വധശിക്ഷകളിൽ ഒന്നാണ് കുരിശിലേറ്റിയുള്ള വധശിക്ഷ. ഈ ശിക്ഷാരീതിയിൽ പ്രതിയെ ഒരു മരക്കുരിശിൽ ആണിയടിച്ച് തളയ്ക്കുകയാണ് ചെയ്യുക. വേദനാജനകമായ വധശിക്ഷ നടപ്പാക്കണം എന്ന ഉദ്ദേശത്തോടുകൂടി രൂപപ്പെടുത്തിയ പുരാതനമായ ഒരു ശിക്ഷാരീതിയാണിത്. സെല്യൂസിഡ് സാമ്രാജ്യം, കാർത്തേജ്, റോമാ സാമ്രാജ്യം എന്നിവിടങ്ങളിൽ ക്രിസ്തുവിന് മുൻപ് നാലാം ശതകം മുതൽ ക്രിസ്തുവിനു ശേഷം നാലാം ശതകം വരെ കുരിശിലേറ്റൽ താരതമ്യേന കൂടിയ തോതിൽ നടപ്പാക്കപ്പെട്ടിരുന്നു. യേശുക്രിസ്തുവിനെ കുരിശിലേറ്റി വധിച്ചുവെന്നാണ് ക്രൈസ്തവ വിശ്വാസം. ക്രിസ്തുവിനോടുള്ള ബഹുമാനത്താൽ കോൺസ്റ്റന്റൈൻ ചക്രവർത്തി എ.ഡി. 337-ൽ ഈ ശിക്ഷാരീതി നിർത്തലാക്കുകയുണ്ടായി. ജപ്പാനിലും ഒരു ശിക്ഷാരീതിയായി ഇത് ഉപയോഗത്തിലുണ്ടായിരുന്നു. മരണശേഷം മൃതശരീരങ്ങൾ മറ്റുള്ളവർക്കുള്ള ഒരു താക്കീത് എന്ന നിലയ്ക്ക് പ്രദർശിപ്പിക്കപ്പെട്ടിരുന്നു. കാഴ്ചക്കാരെ ഹീനമായ കുറ്റങ്ങൾ ചെയ്യുന്നതിൽ നിന്നും തടയുക എന്ന ഉദ്ദേശത്തോടെയാണ് കുരിശിലേറ്റൽ സാധാരണഗതിയിൽ നടത്തിയിരുന്നത്.
വിവിധതരം വധശിക്ഷകളിൽ ഒന്നാണ് കുരിശിലേറ്റിയുള്ള വധശിക്ഷ. ഈ ശിക്ഷാരീതിയിൽ പ്രതിയെ ഒരു മരക്കുരിശിൽ ആണിയടിച്ച് തളയ്ക്കുകയാണ് ചെയ്യുക. വേദനാജനകമായ വധശിക്ഷ നടപ്പാക്കണം എന്ന ഉദ്ദേശത്തോടുകൂടി രൂപപ്പെടുത്തിയ പുരാതനമായ ഒരു ശിക്ഷാരീതിയാണിത്. സെല്യൂസിഡ് സാമ്രാജ്യം, കാർത്തേജ്, റോമാ സാമ്രാജ്യം എന്നിവിടങ്ങളിൽ ക്രിസ്തുവിന് മുൻപ് നാലാം ശതകം മുതൽ ക്രിസ്തുവിനു ശേഷം നാലാം ശതകം വരെ കുരിശിലേറ്റൽ താരതമ്യേന കൂടിയ തോതിൽ നടപ്പാക്കപ്പെട്ടിരുന്നു. യേശുക്രിസ്തുവിനെ കുരിശിലേറ്റി വധിച്ചുവെന്നാണ് ക്രൈസ്തവ വിശ്വാസം. ക്രിസ്തുവിനോടുള്ള ബഹുമാനത്താൽ കോൺസ്റ്റന്റൈൻ ചക്രവർത്തി എ.ഡി. 337-ൽ ഈ ശിക്ഷാരീതി നിർത്തലാക്കുകയുണ്ടായി. ജപ്പാനിലും ഒരു ശിക്ഷാരീതിയായി ഇത് ഉപയോഗത്തിലുണ്ടായിരുന്നു. മരണശേഷം മൃതശരീരങ്ങൾ മറ്റുള്ളവർക്കുള്ള ഒരു താക്കീത് എന്ന നിലയ്ക്ക് പ്രദർശിപ്പിക്കപ്പെട്ടിരുന്നു. കാഴ്ചക്കാരെ ഹീനമായ കുറ്റങ്ങൾ ചെയ്യുന്നതിൽ നിന്നും തടയുക എന്ന ഉദ്ദേശത്തോടെയാണ് കുരിശിലേറ്റൽ സാധാരണഗതിയിൽ നടത്തിയിരുന്നത്.
