വിക്കിപീഡിയ:തിരഞ്ഞെടുത്ത പട്ടിക (മാനദണ്ഡങ്ങൾ)

ഈ താൾ മലയാളം വിക്കിപീഡിയയുടെ ഔദ്യോഗിക മാർഗ്ഗരേഖയായി കണക്കാക്കുന്നു. വിക്കിപീഡിയയുടെ ലേഖകർ ഇതിനെ എല്ലാ ഉപയോക്താക്കളും പിന്തുടരേണ്ടതുണ്ടെന്ന് അംഗീകരിച്ചിരിക്കുന്നു. എന്നിരുന്നാലും ഇവിടുത്തെ പ്രതിപാദ്യങ്ങൾ മാറ്റമില്ലാത്തതൊന്നുമല്ല. സാമാന്യബോധത്തിനും സന്ദർഭത്തിനും ചേർത്തായിരിക്കണം ഇവ ഉപയോഗിക്കേണ്ടത്. ഈ താൾ തിരുത്തുവാൻ താങ്കൾ ഉദ്ദേശിക്കുന്നുവെങ്കിൽ, ആ പ്രവൃത്തി സർവ്വസമ്മതമാണെന്ന് ഉറപ്പുവരുത്തുക. സംശയം തോന്നിയാൽ സംവാദം താളിൽ രേഖപ്പെടുത്തുക.

താഴെപ്പറയുന്ന മാനദണ്ഡങ്ങൾ ഉപയോഗിച്ചാകണം വിക്കിപീഡിയയിലെ തിരഞ്ഞെടുത്ത പട്ടികകൾ നിശ്ചയിക്കേണ്ടത്.

തിരഞ്ഞെടുക്കപ്പെട്ടവ:	ലേഖനങ്ങൾ	ചിത്രങ്ങൾ	പട്ടികകൾ
മാനദണ്ഡം:	ലേഖനങ്ങൾ	ചിത്രങ്ങൾ	പട്ടികകൾ
സ്ഥാനാർത്ഥികൾ:	ലേഖനങ്ങൾ	ചിത്രങ്ങൾ	പട്ടികകൾ

ഗുണനിലവാരത്തിലും ഉള്ളടക്കത്തിലും എല്ലാത്തരത്തിലും മികച്ചു നിൽക്കുന്ന പട്ടികകളാണ് വിക്കിപീഡിയയിലെ തിരഞ്ഞെടുത്ത പട്ടികകളുടെ ഗണത്തിൽ വരേണ്ടത്. താഴെപ്പറയുന്ന നിബന്ധനകൾ പ്രാവർത്തികമാക്കിയവയായിരിക്കണം തിരഞ്ഞെടുത്ത പട്ടികകൾ:

• ശൈലി: വിക്കിപീഡിയ നിഷ്കർഷിക്കുന്ന ശൈലിയിലും ഘടനയിലും അവതരിപ്പിക്കപ്പെട്ടതാകണം തിരഞ്ഞെടുത്ത പട്ടികകൾ.
• തുടക്കം: ഏത് വിഷയത്തെക്കുറിച്ചാണൊ പ്രതിപാദിക്കുന്നത് ആ വിഷയത്തെക്കുറിച്ച് ചെറിയ രൂപത്തിലുള്ള ഒരു വിവരണം മുകളിൽ ഉണ്ടായിരിക്കണം.
• സമഗ്രമായിരിക്കണം.
• പൂർണ്ണമായും മലയാളത്തിലായിരിക്കണം.
• കൃത്യമായ അവലംബങ്ങളുടെ പിൻബലം ഉണ്ടായിരിക്കണം.
  • ചുവപ്പു കണ്ണികൾ പരമാവധി കുറവായിരിക്കണം.