വിക്കിപീഡിയ:കാര്യനിർവാഹകർക്കുള്ള നോട്ടീസ് ബോർഡ്/നിലവറ 3

പെട്ടെന്ന് നീക്കം ചെയ്യുവാൻ സാധ്യതയുള്ളവ

ഏകദേശം നൂറ്റിഅറുപതിലധികം താളുകൾ കഴിത്ത പത്ത് ദിവസമായി തീരുമാനമെടുക്കാൻ ഇവിടെ കിടക്കുന്നു. ഇവയിൽ അധികവും ഞാൻ തന്നെ നിർദ്ദേശിച്ചതായതിനാൽ എനിക്ക് തീരുമാനമെടുക്കാൻ നിലവിൽ ബുദ്ധിമുട്ടുണ്ട്. പെട്ടെന്ന് തീരുമാനം ആകുമെന്ന് കരുതുന്നു--KG (കിരൺ) 05:33, 12 മേയ് 2017 (UTC)

മറ്റുള്ള കാര്യനിർവ്വാഹകർ ആരെക്കിലും കൂടെ കൈ വെച്ചാൽ നന്നായിരുന്നു , ഞാൻ ഇടയ്ക്കു കയറി ചെയ്യുനുണ്ട് . (കൈ കഴക്കും വരെ) ഒരു ആഴ്ച കൊണ്ട് തീരും എന്ന് പ്രതീക്ഷിക്കുന്നു - ഇർവിൻ കാലിക്കറ്റ്‌ .... സംവദിക്കാൻ 18:04, 13 മേയ് 2017 (UTC)

ഞാന് കുറേനോക്കി പക്ഷെ പലതും നിലനിറുത്താനുള്ളത്ര ശ്രദ്ധേയതയുള്ളവയാണ്. അഞ്ച് പതിപ്പ് എന്ന മാനദണ്ഡം പാലിക്കുന്നവയാണ് ചില പരിഷത്ത് പുസ്തകങ്ങൾ തെളിവായി അഞ്ചാമത്തെ പതിപ്പിന്റെ പേജ് തരണമെന്നുവന്നാൽ എന്റെ കയ്യിലില്ല. കിട്ടണമെങ്കിൽ കുറേ മെനക്കെടണം. അതിനുള്ള അവസ്ഥയിലുമല്ല ഇപ്പോൾ അതുകൊണ്ട് മായ്ക്കാനും പറ്റില്ല. നിലനിറുത്താനും പറ്റില്ല എന്നവസ്ഥയിലാണ് ഞാൻ രൺജിത്ത് സിജി {Ranjithsiji} ✉ 16:12, 24 മേയ് 2017 (UTC)

Import Request

en:Template:Infobox comics meta series ഈ ഫലകം മലയാളം വിക്കിയിലേക്ക് ഇറക്കുമതി ചെയ്യാമൊ-Arjunkmohan (സംവാദം) 15:26, 24 മേയ് 2017 (UTC)

 Done--KG (കിരൺ) 19:11, 29 മേയ് 2017 (UTC)

വി.ഡി. സാവർക്കർ

Adv.tksujithഅരയശ്ശേരിൽ സുബ്രഹ്മണ്യപ്പണിക്കർ മനു,- ഇർവിൻ കാലിക്കറ്റ്‌ ..ഉപയോക്താവ്:Ranjithsiji,

വി.ഡി. സാവർക്കർ എന്ന താൾ ഒന്നു ശ്രദ്ധിക്കാമൊ? പറ്റുമെങ്കിൽ ആ താൾ ഒന്നു സംരക്ഷിക്കാമൊ?Akhiljaxxn (സംവാദം) 11:37, 5 ജൂലൈ 2017 (UTC)

Improved search in deleted pages archive

Please help translate to your language

During Wikimedia Hackathon 2016, the Discovery team worked on one of the items on the 2015 community wishlist, namely enabling searching the archive of deleted pages. This feature is now ready for production deployment, and will be enabled on all wikis, except Wikidata.

Right now, the feature is behind a feature flag - to use it on your wiki, please go to the Special:Undelete page, and add &fuzzy=1 to the URL, like this: https://test.wikipedia.org/w/index.php?title=Special%3AUndelete&fuzzy=1. Then search for the pages you're interested in. There should be more results than before, due to using ElasticSearch indexing (via the CirrusSearch extension).

We plan to enable this improved search by default on all wikis soon (around August 1, 2017). If you have any objections to this - please raise them with the Discovery team via email or on this announcement's discussion page. Like most Mediawiki configuration parameters, the functionality can be configured per wiki. Once the improved search becomes the default, you can still access the old mode using &fuzzy=0 in the URL, like this: https://test.wikipedia.org/w/index.php?title=Special%3AUndelete&fuzzy=0

Please note that since Special:Undelete is an admin-only feature, this search capability is also only accessible to wiki admins.

നന്ദി! CKoerner (WMF) (talk) 18:39, 25 ജൂലൈ 2017 (UTC)

തിരഞ്ഞെടുത്ത ലേഖനങ്ങൾ പട്ടികകൾ

ഈയിടെയായി ലേഖനങ്ങൾ മാസാമാസങ്ങളിൽ തിരഞ്ഞെടുക്കാറില്ലല്ലോ എന്തു പറ്റി?. പണ്ട് ബിപിൻ എന്ന കാര്യനിർവാഹകൻ ഒരു മാസം വൈകിയെങ്കിലും ലേഖനങ്ങൾ തിരഞ്ഞെടുക്കാറുണ്ട്.കൂടാതെ തിരഞ്ഞെടുത്ത ലേഖനങ്ങളുടെ നാമനിർദ്ദേശങ്ങൾ അർക്കൈവ് ചെയ്യാറുമുണ്ട്. അദ്ദേഹം തിരക്കിലാണെങ്കിൽ മറ്റാർക്കെങ്കിലും ഈ ഉത്തരവാദിത്വം ഏറ്റെടുക്കാമൊ?.അതു പോലെ മലയാളം വിക്കിയിൽ ഇതുവരെ ഒരു പട്ടികയും തിരഞ്ഞെടുത്തിട്ടില്ല. നാമനിർദ്ദേശം ചെയതാൽ തിരഞ്ഞെടുക്കാമൊ?. ഇങ്ങനെ ലേഖനങ്ങളും പട്ടികകളും യഥാസമയം തിരഞ്ഞെടുക്കുന്നത് ഉപയോക്താതാക്കളെ കൂടുതൽ സംഭാവനകൾ നൽകാൻ പ്രേരിപ്പിക്കുമെന്നാണ് എന്റെ പക്ഷം.Akhiljaxxn (സംവാദം) 03:38, 27 ജൂലൈ 2017 (UTC)

തിരഞ്ഞെടുത്ത ലേഖനങ്ങൾ മാറ്റിക്കൊണ്ടിരുന്ന ബിപിൻ ഇപ്പോ അത്ര ആക്റ്റീവായി കാണുന്നില്ല. അദ്ദേഹം ചെയ്യുന്നില്ല എന്ന് എവിടെയും അറിയിച്ചുമില്ല. പിന്നെ പ്രവർത്തിക്കുന്ന അഡ്മിൻമാരുടെ എണ്ണത്തിലുള്ള ഗണ്യമായ കുറവാണ് ഇത്തരം കാര്യങ്ങൾ തുടർച്ചയായി നടക്കാത്തതിനുകാരണം. മലയാളം വിക്കിയിൽ ഇതുവരെ ഒരു പട്ടികയും തിരഞ്ഞെടുത്തിട്ടില്ല. നാമനിർദ്ദേശം ചെയതാൽ തിരഞ്ഞെടുക്കാം. അതിലും കൂടുതലായി തിരഞ്ഞെടുക്കാവുന്ന ലേഖനങ്ങളുടെ എണ്ണം തീർന്നുകൊണ്ടിരിക്കുന്നു ഒന്നു നോക്കാമോ --രൺജിത്ത് സിജി {Ranjithsiji} ✉ 15:41, 1 ഓഗസ്റ്റ് 2017 (UTC)

പ്രവർത്തിച്ചുകൊണ്ടിരിക്കുന്ന വിക്കിപീഡിയയുടെ നയങ്ങളെപ്പറ്റി നല്ല അവബോധമുള്ള മുതിർന്ന രണ്ടു പേരെ കാര്യനിർവാഹകരായി തിരഞ്ഞെടുക്കാമൊ?

മലയാളം വിക്കിയിൽ പട്ടികകൾ തിരഞ്ഞെടുക്കുന്നതിനായി ഒരു മാർഗ്ഗരേഖയുമില്ലല്ലൊ ഇതിനു വേണ്ട യോഗ്യതകൾ എന്താണെന്നറിഞ്ഞാൽ നാമനിർദ്ദേശം ചെയ്യാമായിരുന്നു. അതുപോലെ ഗുഡ് ആർട്ടിക്കിൾ വിക്കിപീഡിയ:Good articles എന്ന വിഭാഗവുമില്ല. സൗരവ് ഗാംഗുലി എന്ന താളിനെ തിരഞ്ഞെടുക്കാവുന്ന ലേഖനത്തിലേക്ക് എത്തിക്കാൻ ഞാൻ ശ്രമിക്കുന്നുണ്ട്. താമസിയാതെ സാധിക്കുമെന്ന് പ്രതീക്ഷിക്കുന്നു.Akhiljaxxn (സംവാദം) 02:53, 5 ഓഗസ്റ്റ് 2017 (UTC)

മലയാളംവിക്കിയിൽ അത്ര നല്ല പട്ടികകൾ ഇല്ലാത്തതിനാലാണ് അങ്ങനെ ഒരു വിഭാഗമില്ലാത്തത്. ഗുഡ് ആർട്ടിക്കിൾ വിഭാഗവും ഇല്ലാത്തത് ഇവിടെ പണിയെടുക്കുന്ന ആളുകളുടെ ഒരു കുറവുകൊണ്ടാണ്. ഇവ ശരിയാക്കാൻ ശ്രമിക്കുന്നതാണ് --രൺജിത്ത് സിജി {Ranjithsiji} ✉ 02:09, 9 ഓഗസ്റ്റ് 2017 (UTC)

'ബ്ദ', 'ബ്ധ'

ബ്ദ കടുപ്പിച്ച് പ്രസിദ്ധീകരിക്കുമ്പോൾ ബ്ധ യാണ് കാണുന്നത്. പ്രശ്നമുള്ള ഒരു പേജ്: ക്രിസ്ത്വബ്ദം. ഇത് പരിഹരിക്കണം.--ജോസഫ് 10:29, 8 ഒക്ടോബർ 2017 (UTC)

മലബാർ കലാപം

മലബാർ കലാപം എന്ന താൾ ഒന്നു ശ്രദ്ധിക്കാമോ?. കുറച്ചു മാസങ്ങൾക്കു മുമ്പ് ഈ താളിന്റെ ലീഡ് ഇംഗ്ലീഷ് വിക്കിയിലെതിന് സമമാക്കിയിരുന്നു[1].ഇത് ആരും തന്നെ ചോദ്യം ചെയ്തിരുന്നിരുന്നില്ല.എന്നാൽ കുറച്ചു മാസങ്ങൾക്കു മുമ്പ് Krish56 എന്ന ഉപയോക്താവ് ആ തിരുത്തലുകൾ ഒരു മുന്നറിയപ്പും കൂടാതെ നീക്കം ചെയ്യുകയും പകരം 15000 ത്തിലധികം വരുന്ന കാര്യങ്ങൾ ചേർത്തിരുന്നു.ഇവ മിക്കതും കണ്ടത്തലുകളും Pov ഉം,വിശ്വസ യോഗ്യമല്ലാത്ത, ശ്രാതസ്സുകളിൽ നിന്നുള്ളവയുമാണ്. ആയതിനാൽ ഇവ ഞാൻ നീക്കം ചെയ്യുകയുമുണ്ടായി.എന്നാൽ Asmkparalikkunnu എന്ന ഉപയോക്താവ് ഈ താൾ ഡിലീറ്റ് ചെയ്യാൻ നിർദ്ദേശിക്കുകയും ചെയ്യുകയും അവ ഞാൻ റിവർട്ട് ചെയ്യുകയും ഉണ്ടായി.എന്നാൽ അദ്ദേഹം ഈ താളിൽ നിന്ന് വലിയ തോതിൽ വിവരങ്ങൾ നീക്കം ചെയ്യുന്നത് വീണ്ടും തുടരുന്നു. ഈ ഉപയോക്താക്കളുടെ സംഭാവനകൾ ഇവിടെ കൊടുത്തിട്ടുണ്ട് Asmkparalikkunnu,[2]. ഇവ സംശയാസ്പദമാണ്. രണ്ടും ഒരാളാണൊ എന്ന് സംശയമുണ്ട്. ഈ താൾ കുറച്ചു ദിവസത്തേക്ക് സംരക്ഷിക്കാമൊ?.Akhiljaxxn (സംവാദം) 14:00, 14 ഒക്ടോബർ 2017 (UTC)

താൾ രണ്ടാഴ്ചത്തേക്കു സംരക്ഷിച്ചിട്ടുണ്ട് ബിപിൻ (സംവാദം) 14:25, 14 ഒക്ടോബർ 2017 (UTC)

നന്ദി. Akhiljaxxn (സംവാദം) 14:41, 14 ഒക്ടോബർ 2017 (UTC)

നന്ദി

മലബാർ കലാപം എന്ന താൾ സംരക്ഷിക്കാനെടുത്ത തീരുമാനം സ്വാഗതം ചെയ്യുന്നു. ഇത് തന്നെയാണ് ആവശ്യപ്പെട്ടത്. --Asmkparalikkunnu (സംവാദം) 15:35, 14 ഒക്ടോബർ 2017 (UTC)

അൻസാരിയ്യ പബ്ലിക് സ്കൂൾ

അൻസാരിയ്യ പബ്ലിക് സ്കൂൾ എന്ന താളിൽ ആധികാരികമായ അവലംബങ്ങൾ ചേർത്തിട്ടുണ്ട്. താൾ നീക്കം ചെയ്യുവാനുള്ള നിർദ്ദേശം പിൻവലിക്കുക. --Asmkparalikkunnu (സംവാദം) 07:29, 18 ഒക്ടോബർ 2017 (UTC)

വി.ഡി. സാവർക്കർ

ബിപിൻ,വി.ഡി. സാവർക്കർ എന്ന താളും അതിന്റെ സംവാദം താളും ഒന്നു ശ്രദ്ധിക്കാമൊ? ആ താളിൽ തിരുത്തൽ യുദ്ധം നടന്നുകൊണ്ടിരിക്കുന്നു.Renrav എന്ന ഉപയോക്താവ് 3 തവണ മുപ്ര ചെയ്യരുതെന്ന നിയമം ലംഘിച്ചിരിക്കുന്നു . പറ്റുമെങ്കിൽ ആ താൾ ഒന്നു സംരക്ഷിക്കാമൊ?.Akhiljaxxn (സംവാദം) 06:26, 11 നവംബർ 2017 (UTC)

തെരഞ്ഞെടുത്ത ചിത്രങ്ങൾ

തിരഞ്ഞെടുത്ത ചിത്രങ്ങൾ താൾ സംരക്ഷിക്കൂ.. - അരുൺ സുനിൽ കൊല്ലം (സംവാദം) 14:54, 21 ഡിസംബർ 2017 (UTC)

നശീകരണം നടക്കുന്നുണ്ട്. ദയവായി ഇത് സംരക്ഷിക്കുക...- അരുൺ സുനിൽ കൊല്ലം (സംവാദം) 12:59, 22 ഡിസംബർ 2017 (UTC)

ഈഴവർ, തീയർ താളുകൾ

ഈഴവർ, തീയർ എന്നിവ ശരിക്കും ഒരു ജാതിയാണോ?.സ്കൂളുകളിലും മറ്റും തിയ്യർ എന്നവർ ഈഴവർ എന്ന കോളത്തിലാണ് എഴുതിയിരുന്നത്. കുറച്ചു നാളുകൾ വരെ മലയാളം വിക്കിയിലും ഇംഗ്ലീഷ് വിക്കിയിൽ ഇപ്പോഴും രണ്ടിനും ഒരു താളാണുണ്ടായിരുന്നത്.ഇതിനെ കുറിച്ച് കൂടുതൽ അറിയുന്നവർ ആരെങ്കിലുമുണ്ടൊ?Akhiljaxxn (സംവാദം) 12:35, 6 ജനുവരി 2018 (UTC)

എന്റെ വ്യക്തിപരമായ അഭിപ്രായത്തിൽ മനുഷ്യർക്കിടയിൽ രണ്ട് ജാതിയേ ഉള്ളൂ പെൺ ജാതിയും ആൺ ജാതിയും. പ്രകടമായ വ്യത്യാസങ്ങൾ ഉള്ളവയാണത്. സ്കൂളുകളിൽ ഈഴവർ, തീയർ എന്നൊക്കെയുള്ള കോളങ്ങൾ ഉണ്ടെന്നു കരുതുന്നില്ല. ഗവണ്മീന്റ് ഇതുപോലുള്ള ഒത്തിരി സമുദായങ്ങൾ ഒ.ബി.സി.-യിൽ ആണുൾപ്പെടുത്തിയിരിക്കുന്നത്. അതുകൊണ്ട് ഒ.ബി.സി. എന്ന ഒറ്റ ജാതി മതിയെങ്കിൽ വിക്കിയിലെ മറ്റെല്ലാ പേജുകളും അപ്രസക്തം തന്നെയാണ്. സബ് ടൈറ്റിലിനിടയിൽ ചേർക്കേണ്ടതേ ഉള്ളൂ. ഒ.ബി.സി. ഏതായാലും ഗുണവും നേട്ടവും ഒന്നാണെന്നറുയുമ്പോൾ ജാതിഭ്രാന്തില്ലാത്തവർ കേരളം ഒട്ടുക്ക് അറീയപ്പെടുന്ന പേരു കൊടുത്തു എന്നതാവാനാണു സാധ്യത. കാരണം, എസ്. എൻ. ഡി. പിയുടെ സ്കൂൾ അടക്കമുള്ള വിദ്യാഭ്യാസസ്ഥാപനങ്ങൾ, ജോലി സാധ്യതകൾ എന്നിവയൊക്കെ മക്കൾക്കെങ്കിലും ഗുണപ്രദമാവട്ടേന്നു കരുതുന്നവരാവണം പിതാക്കൾ. ഇതേപറ്റി അറിയേണ്ടത് എന്താണെന്നു ചോദിച്ചുകൊള്ളൂ. തീയർ എന്ന പേജിൽ ഒരു ടാഗ് കണ്ടതിനാൽ കയ്യിലുള്ള മറ്റൊരു പുസ്തകം കൂടി നോക്കിയിരുന്നു. അത് അവിടെ കുറിക്കാം, കിട്ടിയാൽ വായിക്കുക.

Rajesh Odayanchal - രാജേഷ്‌ ഒടയഞ്ചാൽ - (സംവാദം) 03:12, 10 ജനുവരി 2018 (UTC)

തീയർ താളിൽ പറഞ്ഞിരിക്കുന്ന ഇല്ലം (ഇത് ബ്രാഹമണരുടെ ഇല്ലമല്ല - ലേഖനം വായിച്ചാൽ മനസ്സിലാവും), കഴകം, താനം, തറവാട് (ഇതും പൊതുവേ അറിയപ്പെടുന്ന തറവാടിൽ നിന്നും അല്പം ഭിന്നമാണ് - ഒരേ ഇല്ലക്കാർ ഒരു തറവാട്ടുകാർ എന്നപോലെ) തുടങ്ങിയുള്ള ചില പരിപാടികൾ തീയർക്കിടയിൽ ഇന്നും ശക്തമാണ്. വടക്ക് കാണാത്ത തെക്കന്മാരായ ഈഴവർ ഇതൊന്നും കേൾക്കാൻ പോലും തരമില്ല. തെയ്യം എന്ന സംഗതി ഒരു കലാരൂപം എന്നതിലുപരി ഇവരുടെ ജീവിതചര്യയിൽ അലിഞ്ഞു ചേർന്ന സംഗതി കൂടിയാണ്. തെയ്യങ്ങൾ ഇതുപോലെ ഇവരുമായി ബന്ധപ്പെട്ടു നിരവധിയുണ്ട്, പ്രധാനപ്പെട്ട ചിലതു കുറിച്ചു വെച്ചു എന്നേ ഉള്ളൂ. അതിനൊക്കെ തെളിവ് വേണമെന്നാണാഗ്രഹമെങ്കിൽ ആർ. സി. കരിപ്പത്ത് സാറിന്റെ തെയ്യപ്രപഞ്ചം എന്ന പുസ്തകത്തിൽ പേജ് നമ്പർ അടക്കം കൊടുത്തിട്ടുണ്ട്.

Rajesh Odayanchal - രാജേഷ്‌ ഒടയഞ്ചാൽ - (സംവാദം) 03:25, 10 ജനുവരി 2018 (UTC)

കാര്യ നിർവാഹക പദവിയിൽ നിന്ന് വിരമിക്കൽ

സഖാക്കളെ,

ഇത്രയൊക്കയേ പറ്റുന്നുള്ളൂ. നിവൃത്തികേട് കാരണം സജീവമാകൽ ഉടനടിയൊന്നും നടക്കില്ല. കാര്യ നിർവാഹക പദവിയിൽ നിന്ന് സ്വയം വിരമിക്കുന്നു. പ്രത്യേക പരിഗണനകൾക്കും സ്നേഹത്തിനും നന്ദി. നല്ല നമസ്ക്കാരം. ആശംസകളോടെ കണ്ണൻ ഷൺമുഖം 10:38, 9 ജനുവരി 2018 (UTC) കണ്ണൻ ഷൺമുഖം

@ഉ:fotokannan ആരെങ്കിലുമൊക്കെ വിവരക്കേട് പറയുന്നു എന്നാണെങ്കിൽ അത് ഗൗനിക്കേണ്ട കാര്യമില്ല എന്നെന്റെ അഭിപ്രായം.--പ്രവീൺ:സംവാദം 01:19, 11 ജനുവരി 2018 (UTC)

എന്റേയും അതേ അഭിപ്രായം. ഇടയ്ക്ക് ഒക്കെ വന്ന് എന്തെങ്കിലും സഹായം ചെയ്യാനുള്ള മനസ്സ് ഉള്ളിടത്തോളം വിരമിക്കരുത് എന്ന് അഭ്യർത്ഥിക്കുന്നു. --ശ്രീജിത്ത് കെ ^{(സം‌വാദം)} 20:47, 11 ജനുവരി 2018 (UTC)

കണ്ണൻ മാഷ് വിരമിക്കാനുള്ള തീരുമാനം പിൻവലിക്കണം. ബിപിൻ (സംവാദം) 05:45, 12 ജനുവരി 2018 (UTC)

കണ്ണന്മാഷേ, വിവരക്കേടുകളൊക്കെ പലതരത്തിൽ വന്നുകൊണ്ടിരിക്കുന്ന ഇക്കാലത്ത്, ഇതൊന്നും തീരെ ഗൗനിക്കാൻ നിൽക്കാതെ തന്നെ മുന്നോട്ടു പോകുവതല്ലേ ഉചിതം. തിരിച്ചു വരണം. ആ ചർച്ചതുടങ്ങിയതിനു ക്ഷമ ചോദിക്കുന്നു. ഇതൊന്നും കാര്യമാക്കാതെ എത്രയും വേഗം തിരിച്ചെത്തണം. ആ വിവരക്കേടുകൾ ഉൾക്കൊണ്ട അതേ വികാരത്തോടെ തന്നെ ഇക്കാര്യവും ഉൾക്കൊള്ളാനാവുമെന്നു വിശ്വസിക്കുന്നു.

Rajesh Odayanchal - രാജേഷ്‌ ഒടയഞ്ചാൽ - (സംവാദം) 06:06, 12 ജനുവരി 2018 (UTC)

ഡിയർ ശ്രീ കണ്ണൻ ഷൺമുഖം കാര്യ നിർവ്വാഹക പദവിയിൽ നിന്നു സ്വയം വിരമിക്കാനുള്ള തീരുമാനം പിൻവിലക്കുവാൻ അഭ്യർത്ഥിച്ചുകൊള്ളുന്നു. താങ്കളേപ്പോലെയുള്ള പരിചയസമ്പന്നരായ ആളുകളെ മലയാളം വിക്കിപീഡിയയ്കു തുടർന്നും ആവശ്യമുണെന്ന് അഭിപ്രായപ്പെട്ടുകൊള്ളുന്നു. മാളികവീട് malikaveedu 10:38, 12 ജനുവരി 2018 (UTC)

ഉപയോക്താവ്

റാസി & റസൽ എന്ന ഉപയോക്താവിനെ നിരീക്ഷിക്കുന്നത് നന്നായിരിക്കും.--അരുൺ സുനിൽ കൊല്ലം (സംവാദം) 12:03, 28 ജനുവരി 2018 (UTC)

അരുൺ . സൂചനയായി ഒരു ദിവസത്തേക്ക് തടഞ്ഞിട്ടുണ്ട്. മുന്നറിയിപ്പ് നൽകിയിട്ടുണ്ട്. Adv.tksujith (സംവാദം) 17:52, 28 ജനുവരി 2018 (UTC)

എന്നിട്ടും പ്രയോജനമില്ല. റാസി & റസൽ വീണ്ടും നശീകരണം തുടരുന്നു--അരുൺ സുനിൽ കൊല്ലം (സംവാദം) 12:16, 3 ഫെബ്രുവരി 2018 (UTC) ഒരു മുന്നറിയിപ്പ് കൂടി കൊടുത്തിട്ടുണ്ട്. എന്നിട്ടും നശീകരണം തുടർന്നാൽ വീണ്ടും തടയേണ്ടി വരും.--അരുൺ സുനിൽ കൊല്ലം (സംവാദം) 12:25, 3 ഫെബ്രുവരി 2018 (UTC)

ഒരു കാര്യനിർവ്വാഹകന് ചേരാത്ത പ്രവൃത്തി

user:viswaprabha , നയം രൂപീകരണം പൂർത്തിയാവുകയോ , വോട്ടിനിട്ട് തീരുമാനം ആവുകയോ ചെയ്യാത്ത നയങ്ങൾ സ്വയം തിരുമാനിക്കരുത് , ഏകപക്ഷീയമായ തീരുമാനം അടിച്ചേൽപ്പിക്കാനുള്ള ഇടമല്ല വിക്കിപീഡിയ , താങ്കൾ നടത്തിയ ഈ [3] തിരുത്തു ഉടനെ മാറ്റി തിരുത്തേണ്ടതാണ് , കൃത്യമായി വിക്കിയുടെ നയങ്ങളും കാര്യങ്ങളും അറിഞ്ഞിരിക്കേണ്ട താങ്കളുടെ ഭാഗത്തു നിന്നും ഇങ്ങനെ ഒരു നീക്കം പ്രതീക്ഷിച്ചില്ല , തെറ്റ് തിരുത്തും എന്ന് പ്രതീക്ഷിക്കുന്നു , തെറ്റായ കീഴ്വഴക്കങ്ങൾ ഉണ്ടാക്കി വെക്കരുത് , താങ്കൾ വിക്കിപീഡിയ:കാര്യനിർവാഹകർ ഇത് വായിച്ചു നോക്കുന്നത് നല്ലതാണ് , ഒപ്പം ഈ നടപടിയിൽ എന്റെ പ്രതിഷേധം അറിയിക്കുന്നു. - ഇർവിൻ കാലിക്കറ്റ്‌ .... സംവദിക്കാൻ 11:07, 6 ഫെബ്രുവരി 2018 (UTC)

അവിടെ എഴുതിവെച്ചിട്ടുള്ളത് ആദ്യം രണ്ടു ഭാഗങ്ങളായി കാണുക. ഒന്നു് ഒരു നയരൂപീകരണത്തിനുള്ള നിർദ്ദേശമാണു്. അതു് തക്കതായ ഇടത്തേക്കു് മാറ്റിപ്പകർത്താവുന്നതാണെന്നു് അവിടെത്തന്നെ എഴുതിവെച്ചിട്ടുണ്ടു്.

രണ്ടാമത്തെ ഭാഗം നിലവിൽ നടന്നുകൊണ്ടിരിക്കുന്ന തെരഞ്ഞെടുപ്പിന്റെ ഖണ്ഡത്തെ വിവിധഭാഗങ്ങളാക്കി വേർതിരിച്ചു വെച്ചു എന്നതാണു്. തെരഞ്ഞെടുപ്പിന്റെ കാര്യക്രമത്തെയോ വിക്കിപീഡിയയുടെ നയത്തെയോ വ്യത്യാസപ്പെടുത്തുന്ന ഒന്നും അതിലില്ല. നിർദ്ദേശിക്കപ്പെട്ട നയത്തിന്റെ ഒരു മാതൃക എന്ന നിലയിൽ ഇപ്പോഴുള്ള കാര്യങ്ങൾ അതേ പടി വേർതിരിച്ചെഴുതി എന്നു മാത്രം. ഇനി അങ്ങനെ അടുക്കും ചിട്ടയുമായി എഴുതിവെച്ചുകൂടാ എന്നാണെങ്കിൽ ഇടക്കാലത്തു ശീലമായതുപോലെ ‘തോന്നും‌പടി‘ രൂപത്തിലേക്കു് മാറ്റണമെങ്കിൽ ആർക്കുവേണമെങ്കിലും റോൾബാക്ക് ചെയ്യാം.

ഏകപക്ഷീയമായ തീരുമാനം എന്നു പറഞ്ഞാൽ ഇതൊന്നുമല്ല. വിക്കിപീഡിയയിലെ നിർവ്വചനങ്ങൾ വകവെയ്ക്കാതെ, രണ്ടോ മൂന്നോ പേരുടെ പിടിപ്പില്ലായ്മ കേട്ട്, നിർജ്ജീവത്വം ആരോപിച്ച് രണ്ടോ മൂന്നോ പേരെ പിടിച്ചുവലിച്ചുനിർത്തി സ്ഥാനാർത്ഥിയാക്കിനിർത്തി, നിലവിൽ നടന്നുകൊണ്ടിരിക്കുന്ന ഒരു തെരഞ്ഞെടുപ്പു മുഴുവൻ ഒറ്റയടിക്കു മുക്കുന്നതൊക്കെയാണു് ഏകപക്ഷീയമായ തീരുമാനം. വിക്കിപീഡിയ:കാര്യനിർവാഹകർ എന്ന സെൿഷനും വകുപ്പുമൊക്കെ അനവധാനപൂർവ്വം ചർച്ചചെയ്തും കൂടിയാലോചിച്ചും എഴുതിവെച്ചിട്ടുള്ള പഴയ പ്ലാവിലകളിൽ ഈ ഞാനും പെടും. അതു വീണ്ടും പ്രത്യേകിച്ചു വായിപ്പിച്ചുനോക്കേണ്ട അമ്നേഷ്യയൊന്നും ഇതുവരെ എനിക്കു വന്നിട്ടുമില്ല.

ബാക്കിയുള്ള കുറ്റാരോപണങ്ങൾക്കു് ഇപ്പോൾ മറുപടി പറയുന്നില്ല. ഈ തലക്കെട്ടിനോടും ഇതിലെ പരാമർശങ്ങളോടും നിറഞ്ഞ സഹതാപം മാത്രം. വിശ്വപ്രഭസംവാദം 12:50, 6 ഫെബ്രുവരി 2018 (UTC)

ഒന്നാമതായി തോന്നിയ പോലെ എഴുതി വെച്ചിട്ട് ആരേലും വന്നു മാറ്റട്ടെ എന്ന് പറയുന്നത് വൻഡലിസം ആണ് . നിർജ്ജീവത്വം ആരോപിച്ചു എന്നോ ? ? അസാധു ആയതു താങ്കൾ ഇവിടെ ഏറെ നാളായി നിർജീവമായി ഇരുന്നത് കൊണ്ടാണ് . നയങ്ങൾ ഒക്കെ അറിയാം എന്ന് പറഞ്ഞിട്ടും അതൊന്നും ഓർക്കാതിരുന്നത് എന്താണെന്നു മനസിലായില്ല . --- ഇർവിൻ കാലിക്കറ്റ്‌ .... സംവദിക്കാൻ 20:09, 6 ഫെബ്രുവരി 2018 (UTC)

മറുപടി

ഇർവിൻ കാലിക്കറ്റ്‌, നിർജ്ജീവത്വത്തിന്റെ ലക്ഷണം ഈ താളിൽ കൃത്യമായി നിർവ്വചിച്ചുവെച്ചിട്ടുണ്ടു്.

സജീവരല്ലാത്ത കാര്യനിർവാഹകർ
സമീപകാലത്ത് വിക്കിപീഡിയയിൽ സജീവമായി പ്രവർത്തിക്കാത്ത കാര്യനിർവാഹകരെ നിർജ്ജീവകാര്യനിർവാഹകർ എന്നു പറയുന്നു. താഴെക്കാണുന്ന വ്യവസ്ഥകൾ രണ്ടും പാലിക്കുന്നെങ്കിൽ ഒരു കാര്യനിർവാഹകൻ നിർജ്ജീവമെന്ന് കണക്കാക്കാം.
# കഴിഞ്ഞ ആറു മാസത്തിനുള്ളിൽ ഒരു തിരുത്തു പോലും നടത്തിയിട്ടില്ല.
# കഴിഞ്ഞ ഒരു വർഷത്തിനുള്ളിൽ അമ്പതു തിരുത്തുകൾ നടത്തിയിട്ടില്ല.
വിശേഷാധികാരങ്ങളുള്ള അംഗത്വത്തിന്റെ ദുരുപയോഗം ഒഴിവാക്കുന്നതിന് അവരുടെ കാര്യനിർവാഹകപദവി താൽക്കാലികമായി ഒഴിവാക്കുന്നു. അവർ വീണ്ടും സജീവമാകുമ്പോൾ വോട്ടെടുപ്പു കൂടാതെ തന്നെ കാര്യനിർവാഹകപദവി തിരിച്ചുനൽകേണ്ടതാണ്

ഒരാൾ ഒന്നോ രണ്ടോ ദിവസം എഡീറ്റു ചെയ്ത് സ്ഥാനാർത്ഥിയായി നിൽക്കരുതെന്നു് നയരേഖയിൽ എഴുതിവെച്ചിരിക്കുന്നതു് അതിനു മുമ്പ് ഒന്നോ രണ്ടോ മാസം അനങ്ങാതിരുന്നതുകൊണ്ടു് അയാളെ നിർജ്ജീവനായി കണക്കാക്കാമെന്നല്ല. മാനദണ്ഡങ്ങളനുസരിച്ച് ആവശ്യമുള്ളത്ര എണ്ണം എഡിറ്റുകൾ വളരെ മുമ്പ് നടത്തി, പിന്നീട് ഏറെക്കാലം (വർഷങ്ങളോളം) വിക്കിപീഡിയയിൽ മുഖം കാണിക്കാത്തവരെ ഉദ്ദേശിച്ചാണു് ഈ നയങ്ങളുണ്ടാക്കുന്ന കാലത്തു് അത്തരത്തിലൊരു വരി അവിടെ ഏറെ ചർച്ചകൾക്കുശേഷം എഴുതിച്ചേർത്തിട്ടിരുന്നതു്. അല്ലാതെ നിത്യേന അടിച്ചുതളി നടത്താത്തവരെ എന്നല്ല.

ഒരു കാര്യം കൂടി.

കാര്യനിർവ്വാഹകജോലികൾ (അവർക്കു മാത്രം ചെയ്യാവുന്ന ജോലികൾ) ഏറെയൊന്നുമില്ല എന്നും എല്ലാവരും മനസ്സിലാക്കണം. ലേഖനം ഡീലിറ്റ് ചെയ്യാനുള്ളപ്പോൾ ഡീലിറ്റ് ചെയ്യുക, തെമ്മാടിത്തിരുത്തുകാരെ ബ്ലോക്ക് ചെയ്യണമെങ്കിൽ ബ്ലോക്കു ചെയ്യുക, ലേഖനങ്ങൾ ആവശ്യമെങ്കിൽ സംരക്ഷിക്കുക, ഇവയുടെ തിരിച്ചുള്ള കാര്യങ്ങൾ ചെയ്യുക: ഇത്ര മാത്രമാണു് കാര്യനിർവ്വാഹകർക്കു മാത്രമായി ചെയ്യാവുന്ന ജോലികൾ. സംഘത്തിലെ ആരെങ്കിലുമൊക്കെ ഇവ ചെയ്തു കൊണ്ടിരിക്കണമെന്നല്ലാതെ എല്ലാ ദിവസവും എല്ലാരും ചെന്നു് സ്കോർ ഒപ്പിക്കേണ്ട ജോലിയല്ല കാര്യനിർവ്വാഹകത്വം. (അതുപോലെ, ബ്യൂറോക്രാറ്റുകൾ സൂപ്പർ കാര്യനിർവ്വാഹകരുമല്ല. അവർക്കു മാത്രം ചെയ്യാനാവുന്ന ജോലികൾ, എണ്ണത്തിൽ വളരെ പരിമിതവും, പ്രയോഗത്തിൽ അതിപ്രധാനമായവയും, വേറെയാണു്. വേണമെങ്കിൽ അവർക്കും മറ്റു ജോലികളിൽ സഹായിക്കാമെന്നു മാത്രം). ഇതൊക്കെയൊഴിച്ചാൽ, ലേഖനങ്ങളുടെ ലയനം, പേരു മാറ്റൽ, ഒറ്റവരി ലേഖനങ്ങൾ വികസിപ്പിക്കൽ, ഫലകങ്ങൾ റിപ്പയർ ചെയ്യൽ, അനാഥലേഖങ്ങൾ ഇല്ലാതാക്കൽ, ബോട്ടോടിക്കൽ, ലേഖനങ്ങൾ നീക്കം ചെയ്യാൻ നിർദ്ദേശിക്കൽ, ചുമ്മാ പട്രോൾ ചെയ്യൽ ഇവയൊക്കെ വിക്കിപീഡിയയിൽ ഉപയോക്തൃനാമത്തോടെ അംഗത്വമെടുത്തിട്ടുള്ള ആർക്കും ചെയ്യാവുന്ന ജോലികളാണു്. ഇത്തരം ജോലികളും, ഇതിലപ്പുറമുള്ള പല സാങ്കേതിക ഇടപെടലുകളും (Wikidata, phabricator, translatewiki etc) ഒന്നും നടേ ആരോ വീശിക്കാണിച്ചിരുന്ന കാര്യനിർവ്വാഹകന്മാരുടെ സ്കോർ ബോർഡിൽ വരില്ല.

ഇപ്പോഴും ഇതിനൊക്കെ മറുപടി പറയാൻ നിൽക്കുന്നതു് ബ്യൂറോക്രാറ്റായി അരങ്ങുവാഴാൻ ഇവിടെ കച്ച കെട്ടിക്കൊണ്ടിരിക്കുന്നതുകൊണ്ടൊന്നുമല്ല. അങ്ങനെ വേണമെങ്കിൽ വർഷങ്ങൾക്കു മുമ്പുതന്നെ ശ്രമിക്കാമായിരുന്നു. ഈ തെരഞ്ഞെടുപ്പിനിടയിലും അതിനുമുമ്പും ഇവിടെ നടന്ന പല ആരോപണങ്ങളും വിധിന്യായങ്ങളും വളരെ അപക്വവും അബദ്ധവുമായിരുന്നു എന്നു് എല്ലാവരും തിരിച്ചറിയണം എന്നതാണെന്റെ പോയിന്റ്. അതിൽ ഇപ്പോഴും ഉറച്ചുനിൽക്കുന്നു.

ഇപ്പോൾ സമർപ്പിക്കപ്പെട്ടിരുന്ന നാമനിർദ്ദേശത്തിൽ അരുതാത്ത എന്തെങ്കിലും വാൻഡലിസം ഞാൻ നടത്തിയിട്ടുണ്ടോ എന്നു് ഇതൊക്കെ കണ്ടുനിൽക്കുന്ന ബാക്കിയുള്ളവർ പറയട്ടെ.

പിന്നെ ഒന്നുകൂടി: വിക്കിപീഡിയ എന്ന മഹത്തായ ആശയത്തേക്കാൾ വലുതാവരുതു് വിക്കിപീഡിയന്മാർ എന്ന സംഘബോധം. വിക്കിപീഡിയന്മാർ വരും പോകും. പക്ഷേ വിക്കിപീഡിയ നിലനിൽക്കണം. ഇതും വെറുതെ പറഞ്ഞൂന്നേള്ളൂ. വിശ്വപ്രഭ സംവാദം 21:00, 6 ഫെബ്രുവരി 2018 (UTC)

കാര്യനിർവ്വാഹകൻ എന്ന നിലയിൽ താങ്കൾ എന്ത് ചെയ്തു ചെയ്തില്ല എന്ന് ഒന്നും തന്നെ ഞാൻ പറഞ്ഞില്ലെല്ലോ ! ! സജീവമായി മലയാളം വിക്കിയിൽ പ്രവർത്തിക്കുന്ന ആളുകളെ തന്നെ ആണ് ഉദേശിച്ചത്‌ അല്ലാതെ ആവശ്യം വരുമ്പോ വന്നു തിരുത്തുന്നവരെ അല്ല , അത് കൊണ്ട് തന്നെ ആണ് " നാമനിർദ്ദേശം ചെയ്യപ്പെടുന്ന ഒരു മാസത്തിനുള്ളിൽ മലയാളം വിക്കിപീഡിയയിൽ സജീവപങ്കാളിത്തം ഉണ്ടായിരിക്കണം എന്ന യോഗ്യത വെച്ചിട്ടുള്ളത് അത് താങ്കൾ പാലിച്ചില്ല എന്നാണ് പറഞ്ഞത് , തിരഞ്ഞെടുപ്പിന് 9 - 10 ദിവസം മുൻപ്പ് മാത്രം ആണ് താങ്കൾ സജീവമായത് , അതിനു മുന്പ്പേ ഉള്ള മാസങ്ങളിലെ തിരുത്തലുകൾ . 1 തിരുത്തും (ഡിസംബർ) അതിനു മുൻപത്തെ മാസം 3 തിരുത്തും (നവംബർ) , ഒക്ടോബറിൽ പൂജ്യം തിരുത്തും .

വേറെ എവിടെ ഒക്കെ ഇടപെടൽ നടത്തിയോ എന്നത് അല്ലാ മലയാളം വിക്കിപീഡിയയിൽ എന്ത് ചെയ്തു എന്നതാണ് പറഞ്ഞത് . വിക്കിപീഡിയന്മാർ വരും പോകും. പക്ഷേ വിക്കിപീഡിയ നിലനിൽക്കണം. അത് തന്നെയേ എനിക്കും പറയാൻ ഉള്ളൂ നന്ദി നമസ്കാരം --- ഇർവിൻ കാലിക്കറ്റ്‌ .... സംവദിക്കാൻ 21:33, 6 ഫെബ്രുവരി 2018 (UTC)

Template:Speciesbox

Template:Speciesbox മലയാളം വിക്കിയിൽ വേണ്ടവിധം പ്രവർത്തിക്കുന്നില്ല.Template:Taxobox ഉമായി ഇതിനുള്ള വ്യത്യാസം ബൈനോമിയൽ നാമവും അതോറിറ്റിയും (taxon, authority) മാത്രം നൽകിയാൽ മതിയെന്നതാണ്. ബാക്കി regnum മുതൽ genus വരെ അത് അതിന്റെ സംഗ്രഹാലയത്തിൽനിന്നും എടുത്തുകൊള്ളും. അതു എളുപ്പമായതുകൊണ്ട് ഇംഗ്ലീഷ് വിക്കിയിൽ ഇപ്പോൾ അതാണ് ഉപയോഗിക്കുന്നത്. പക്ഷേ ആ താളുകൾ ഇങ്ങോട്ടു ഇറക്കുമതി ചെയ്യുമ്പോൾ Template:Speciesbox പ്രവർത്തിക്കില്ല ((ഉദാ: കരിമ്പൻ കാട്ടുബുൾബുൾ) ). Template:Taxobox ഉപയോഗിച്ചു ബാക്കി വിവരങ്ങൾ കൂടി നൽകേണ്ടിവരും. ഇത് പരിഹരിക്കാൻ വല്ല വഴിയുമുണ്ടോ? ജീവൻ 04:42, 7 ഫെബ്രുവരി 2018 (UTC)

ജീ, ആ പേജ് ശരിയാക്കിയിട്ടുണ്ട്. ആ ഫലകങ്ങളുടെ ഉപഫലകങ്ങൾ ഇല്ലാത്തതിനാലാണ് മലയാളത്തിൽ പ്രവർത്തിക്കാത്തത്. മാനുവലായി അവ കോപ്പി പേസ്റ്റ് ചെയ്താലും മതി. ഏതെന്നറിയാൻ പ്രസ്തുത താൾ എഡിറ്റിങ് ഓപ്ഷനിൽ വെച്ച ശേഷം പേജിലെ ഫലകങ്ങൾ കാണിക്കുന്ന ഏറ്റവും അടിയിലെ ഭാഗത്തു നോക്കുക.--റോജി പാലാ (സംവാദം) 04:50, 8 ഫെബ്രുവരി 2018 (UTC)

നന്ദി റോജി. നോക്കാം. ജീവൻ 04:53, 8 ഫെബ്രുവരി 2018 (UTC)

റോജി: ഇതിൽ ചെയ്‌തുനോക്കി. ഫലകം:Taxonomy/Megaptera ഉൾപ്പെടെ മൂന്ന് ഫലകങ്ങൾ ഇംഗ്ലീഷ് വിക്കിയിൽനിന്നും ഇറക്കുമതി ചെയ്തു. ശരിയായി. വളരെനന്ദി. ജീവൻ 07:48, 8 ഫെബ്രുവരി 2018 (UTC)

--മനോജ്‌ .കെ (സംവാദം) 08:02, 8 ഫെബ്രുവരി 2018 (UTC)

--Shajiarikkad (സംവാദം) 09:57, 8 ഫെബ്രുവരി 2018 (UTC)

നന്ദി റോജി ഇറക്കുമതി ചെയുമ്പോൾ കൂടെ ഉള്ള ഫലകങ്ങളും ഉൾപെടുത്തുക എന്ന ഓപ്ഷൻ ടിക്ക് ചെയ്താലും മാറ്റിയെല്ലോ ? ? - ഇർവിൻ കാലിക്കറ്റ്‌ .... സംവദിക്കാൻ 11:29, 8 ഫെബ്രുവരി 2018 (UTC)

- ഇർവിൻ കാലിക്കറ്റ്‌ .. അതുമതി. ഞാൻ അതൊക്കെ മറന്നു. :), ജീ, താങ്കൾക്ക് ഇറക്കുമതി ചെയ്യാനുള്ള സംഗതി ഉണ്ടോ?--റോജി പാലാ (സംവാദം) 12:27, 8 ഫെബ്രുവരി 2018 (UTC)

ഇല്ല റോജി; കോപ്പി പേസ്റ്റ് ചെയ്യാനേ കഴയൂ. :( ജീവൻ 13:41, 8 ഫെബ്രുവരി 2018 (UTC)

ഒപ്പം ഈ ഒരു പ്രശ്നവും മിക്ക ഫലകങ്ങളിലും ഉണ്ട്. ഇംഗ്ലീഷ് വിക്കിയിൽ ആ മാറ്റം വരുത്തിയിരിക്കുന്നതിനാൽ നമ്മുടെ ഫലകങ്ങളിൽ {{{}}} എന്ന കാണിക്കുക. അതു മൊത്തമായി ഒന്നിച്ചു നീക്കം ചെയ്യാൻ എന്തു ചെയ്യുമെന്ന് ആലോചിക്കുക എല്ലാവരും.--റോജി പാലാ (സംവാദം) 12:31, 8 ഫെബ്രുവരി 2018 (UTC)

[4] പ്രശ്നമുള്ള പെട്ടി വീണ്ടും ഇറക്കുമതി ചെയ്താൽ പ്രശനം പരിഹരിക്കപ്പെടുന്നതായി കണ്ടു (തൽകാലം ഇത് പ്രയോഗിക്കാം) പക്ഷെ വീണ്ടും തർജമ ചെയ്‌യേണ്ടി വന്നേക്കാം , മൊത്തമായി ഒന്നിച്ചു നീക്കം ചെയ്യാൻ ഒരു പോംവഴി കണ്ടെത്തണം - ഇർവിൻ കാലിക്കറ്റ്‌ .... സംവദിക്കാൻ 09:31, 13 ഫെബ്രുവരി 2018 (UTC)

ഈ പ്രശ്നം ഇപ്പോഴും ബാക്കിയുണ്ടോ? എല്ലാ ഫലകങ്ങളിലും ഒറ്റയടിക്കു മാറ്റാൻ വഴിയുണ്ടു്. വേണോ? (ഈ ഭാഗത്തേക്ക് ഞാൻ ഇതുവരെ അത്ര ശ്രദ്ധിച്ചിട്ടില്ല.) വിശ്വപ്രഭ സംവാദം 02:44, 21 ഏപ്രിൽ 2018 (UTC)

നേരത്തെ ഇറക്കുമതിചെയ്ത ഫലകങ്ങളിൽ ആ പ്രശ്നം ഉണ്ട്. ഒരുമിച്ചു തിരുത്താൻ കഴിയുമെങ്കിൽ വളരെ ഉപകാരം. ജീവൻ 04:08, 21 ഏപ്രിൽ 2018 (UTC)

നീക്കം ചെയ്ത താളുകൾ

വിക്കിപീഡിയ:ഒഴിവാക്കാൻ സാദ്ധ്യതയുള്ള ലേഖനങ്ങൾ നീക്കം ചെയ്തവ ഈ താളിൽ നിന്ന് പത്തായത്തിലാക്കാമോ?. Akhiljaxxn (സംവാദം) 11:16, 8 ഫെബ്രുവരി 2018 (UTC)

തീർച്ചയായും , നീക്കം ചെയ്തവ നയം അനുസരിച്ചുള്ള ഫലകങ്ങൾ ചേർത്ത ശേഷം പത്തായത്തിലേക്ക് മാറ്റി കൊള്ളൂ --- ഇർവിൻ കാലിക്കറ്റ്‌ .... സംവദിക്കാൻ 11:27, 8 ഫെബ്രുവരി 2018 (UTC)

പ്രമാണത്തിന്റെ സംവാദം:തിരുവിഴാ ജയശങ്കർ .JPG

ഈ ചിത്രം തിരികെ കിട്ടാൻ സാദ്ധ്യത ഉണ്ടോ?--Mpmanoj (സംവാദം) 12:21, 10 ഫെബ്രുവരി 2018 (UTC) 16:49, 15 ജൂൺ 2016 (UTC)ൽ സംവാദത്താളിൽ കുറിച്ചിരുന്നു.

പ്രമാണം:തിരുവിഴ ജയശങ്കർ.jpeg കോമൺസിൽ ഉള്ളതാണോ?--പ്രവീൺ:സംവാദം 13:04, 10 ഫെബ്രുവരി 2018 (UTC)

ഉണ്ട്--Mpmanoj (സംവാദം) 15:25, 14 ഫെബ്രുവരി 2018 (UTC)

ഔദ്യോഗിക ട്വിറ്റർ

മലയാളം വിക്കിയുടെ ഔദ്യോഗിക ട്വിറ്റർ ഹാൻഡിൽ ഇതാണൊ ? .ഇതെന്താണ് അത്ര ആക്ടീവായി കാണാത്തത്?.ദിവസേന Did you Know പോലെ ഓരോ സംഗതികൾ മലയാളം വിക്കിയിൽ നിന്നായി ട്വിറ്ററിലോട്ട് ഷെയർ ചെയ്യാമൊ? ഇങ്ങനെ ചെയ്താൽ അത് കൂടുതൽ പേരിലേക്ക് എത്തുകയും അതുവഴി കൂടുതൽ പേർ മലയാളം വിക്കിയിൽ കയാറാനും സാധ്യത ഉണ്ട്. ഇതൊന്നു വൈരിഫൈഡ് അക്കൗണ്ട് ആക്കാൻ പറ്റില്ലെ?. ഇപ്പോൾ ട്വിറ്റർ പൊതുജനങ്ങളിൽ നിന്നും ഇത്തരം റിക്വാസ്റ്റുകൾ സ്വീകരിക്കുകയും അതുപോലെ അവരുടെ മാനദണ്ഡങ്ങൾ പാലിക്കുന്നുണ്ട് എങ്കിൽ വെരിഫൈഡ് ബാഡ്ജ് കൊടുക്കുന്നുമുണ്ട്. ആരെങ്കിലും വെരിഫൈ ചെയ്യാൻ മുൻകൈ എടുത്താൽ നന്നായിരുന്നു.Akhiljaxxn (സംവാദം) 13:17, 14 ഫെബ്രുവരി 2018 (UTC)

നാൾവഴി ലയനം

ഇവിടത്തെ നാൾവഴി, ജോൺ മൺറോ എന്ന പേജിലേക്ക് മെർജ് ചെയ്യണം. Vssun (സംവാദം) 15:24, 14 ഫെബ്രുവരി 2018 (UTC)

 Done--അരുൺ സുനിൽ കൊല്ലം (സംവാദം) 17:38, 18 ഫെബ്രുവരി 2018 (UTC)

Thank you Vssun (സംവാദം) 01:06, 2 മാർച്ച് 2018 (UTC)

Template:Taxonbar

Taxonbar -ന് ഇംഗ്ലീഷ് വിക്കിയിൽ ഒരുപാട് കാണ്ണികളുടെ കൂട്ടിച്ചേർക്കലും ലൂഅയിലേക്കുള്ള മാറ്റവും നടന്നിട്ടുണ്ട്. വീണ്ടും ഇറക്കുമതിചെയ്താൽ നന്നായിരിക്കും. ജീവൻ 09:37, 15 ഫെബ്രുവരി 2018 (UTC)

--- ഇർവിൻ കാലിക്കറ്റ്‌ .... സംവദിക്കാൻ 22:16, 15 ഫെബ്രുവരി 2018 (UTC)

നന്ദി. ജീവൻ 02:27, 16 ഫെബ്രുവരി 2018 (UTC)

ശാസ്ത്രത്തിൽ ഉപയോഗിക്കുന്ന അതേപദങ്ങൾ മറ്റുതരം ലേഖനങ്ങളിൽ വേറെ അർത്ഥത്തിൽ ഉപയോഗിക്കുമ്പോൾ

കുണ്ഡലിനി ശക്തി മുതലായ ലേഖനങ്ങളിൽ ഉള്ള കാര്യങ്ങളിൽ പലതിലും ആധുനികശാസ്ത്രത്തിൽ ഉപയോഗിക്കുന്ന വാക്കുകൾ മറ്റൊരു അർത്ഥത്തിൽ ഉപയോഗിക്കുന്നതായി കാണുന്നു. ഉദാഹരണത്തിന് "കുണ്ഡലിനി ശക്തിയെ പൊതിഞ്ഞു വെച്ചിരിക്കുന്നതിനാൽ അത് ഉറങ്ങികിടക്കുന്ന അവസ്ഥയാണ്. കഠിനാഭ്യാസത്തിന്റെ ഫലമായി കുണ്ഡലിനി ശക്തി ഉണരുകയും ഞരമ്പുകൾക്ക് ശക്തി ഉണ്ടാകുകയും ചെയ്യുന്നു. പ്രാണായാമം ചെയ്യുമ്പോൾ ദേഹത്തിന്റെ വിവിധ ശക്തികൾ ഒന്നിക്കുകയും മനസ്സിന്റെ ഇച്ഛാശക്തി കൂടുകയും ശരീരത്തിലെ എല്ലാ ചലനങ്ങളും ഒന്നിച്ചു പ്രവർത്തിക്കുകയും ചെയ്യുന്നു.ആ സമയത്ത് നമ്മുടെ ശരീരം ഒരു അതിശക്തിയുള്ള പവർസ്റ്റേഷൻ പോലെ പ്രവർത്തിക്കുന്നതായി സ്വയം അനുഭവിക്കാൻ കഴിയുന്നു. കുണ്ഡലിനി ശക്തി ഉയരുമ്പോൾ നമുക്കു ശരീരത്തിൽ നിന്ന് മാറി ആകാശത്തിൽ നിന്നു കൊണ്ട് സ്ഥൂലവും സൂക്ഷ്മവുമായ സർവ്വതും സ്വയം കാണാം. ഇങ്ങനെ ഒരു യോഗിക്ക് മറ്റുള്ളവരുടെ ചിന്തയെല്ലാം സ്വയം അറിയാൻ കഴിയുന്നു. ഇതിനെയാണ് ഇന്ദ്രിയാതീത സന്ദേശം (റ്റെലിപ്പതി) എന്നുപറയുന്നത്" - ഇതിൽ പറയുന്ന പവർ സ്റ്റേഷൻ (ഞരമ്പ്, ആകാശം) എന്നത് ആധുനികശാസ്ത്രത്തിന്റെ അർത്ഥത്തിൽ അല്ലെന്ന് ഉറപ്പാണ്. ഇത്തരം ലേഖനങ്ങളിൽ ഭൗതികശാസ്ത്രത്തിലെ വാക്കുകൾ അതുപോലെത്തന്നെ മറ്റൊരു അർത്ഥത്തിൽ ഉപയോഗിക്കുന്നത് തെറ്റിദ്ധരിക്കപ്പെടാതിരിക്കാൻ വേണ്ടി ലേഖനത്തിൽ വരുത്തിയ ഈ തിരുത്ത് പോലും നീക്കം ചെയ്തതായിക്കാണുന്നു. അതുപോലെ മൂലാധാരം മുതൽ സഹസ്രാരപത്മം വരെ നീണ്ടുകിടക്കുന്ന സുഷുമ്നനാഡി പ്രാണായാമം ചെയ്യുന്നതിലൂടെ കുണ്ഡലിനി മേല്പോട്ടുയരുകയും അതോടെ ഇഡ, പിംഗള എന്നീ നാഡികളുടെ മദ്ധ്യത്തിലുള്ള സുഷുമ്ന നാഡി മുകളിലേയ്ക്ക് കയറുകയും ചെയ്യുന്നു. ഈ വിശ്വാസം തന്നെയാണ് ഉറങ്ങുന്ന കുണ്ഡലിനിയെ തട്ടിയുണർത്തുന്നത്. അപ്പോൾ അത് ഒരു ദീപനാളം പോലെ പ്രകാശിക്കും. ഈ പ്രകാശം സുഷുമ്ന നാഡിയിൽ കൂടി മുകളിലേയ്ക്ക് സഞ്ചരിക്കുന്ന വഴിയിൽ ആറു ചക്രങ്ങളെ ഭേദിച്ച് സഹസ്രാരപത്മത്തിൽ എത്തുകയും ചെയ്യുന്നു. എന്ന വാചകമൊക്കെ ശാസ്ത്രം എന്നപോലെ ഉറപ്പായി പറയുന്നതും അതൊരു യോഗ/മതപര/Mystical experience concept ആണെന്നതിലുപരി ശാസ്ത്രീയമായ തെളിവുകളുള്ള കാര്യങ്ങൾ പോലെ ലേഖനത്തിൽ കാണുന്നതും തെറ്റിദ്ധാരണ ഉണ്ടാക്കാൻ ഇടവരുത്തുന്നു. കൂടാതെ ഒരു യോഗിക്ക് മറ്റുള്ളവരുടെ ചിന്തയെല്ലാം സ്വയം അറിയാൻ കഴിയുന്നു എന്നതിനൊന്നും ശാസ്ത്രീയമായ അടിത്തറ ഇല്ലാത്തതുമാണ്. അങ്ങനെയൊക്കെ ഉള്ളപ്പോൾ മുകളിലെ തിരുത്ത് തിരിച്ചാക്കിയതിന്റെ ന്യായീകരണം എന്താണ്?--Vinayaraj (സംവാദം) 13:21, 17 ഫെബ്രുവരി 2018 (UTC)

ഇത് കാര്യനിർവാഹകാർക്ക് ഉള്ള നോട്ടീസ് ബോർഡ് ആണ് , മുകളിൽ സൂചിപ്പിച്ച വിഷയം ഇവിടെ പറയാൻ എന്താണ് കാരണം ? ? ബന്ധപ്പെട്ട ലേഖനത്തിന്റെ സംവാദത്താളിൽ അല്ലേ ഇത് പറയേണ്ടുന്നത് ? ? - ഇർവിൻ കാലിക്കറ്റ്‌ .... സംവദിക്കാൻ 19:20, 18 ഫെബ്രുവരി 2018 (UTC)

ആ ലേഖനം ഒരു ഉദാഹരണം മാത്രമാണ്. പൊതുവേ ഇങ്ങനെ അർത്ഥം മാറി വരാവുന്ന വാക്കുകൾ ഉപയോഗിക്കുമ്പോൾ സൂചന നൽകേണ്ടതുണ്ട്. ലേഖനത്തിൽ അക്കാര്യം സൂചിപ്പിക്കാൻ വേണ്ടത് ചെയ്യേണ്ടതാണ്. ഒരു നയം ഉണ്ടാക്കിയാൽ നല്ലത്. അവിടെ തിരുത്തുന്നത് തിരിച്ചാക്കിയപ്പോൾ ആണ് ഇവിടെ വന്ന് ചേർത്തത്.--Vinayaraj (സംവാദം) 01:04, 19 ഫെബ്രുവരി 2018 (UTC)

നയങ്ങൾ തീരുമാനിക്കേണ്ടത് കാര്യനിർവാഹകർ അല്ലല്ലോ? ആദ്യം എഴുതിയ സ്ഥലം തന്നെയല്ലേ ഉചിതം? എന്നാൽ നിലവിൽ ഒരു നയമുണ്ടായിരിക്കുകയും അത് തെറ്റിക്കുകയുമാണ് ഉണ്ടായതെങ്കിൽ ഇത് തന്നെയാണ് ഉചിതമായ സ്ഥലം. ജീവൻ 03:23, 19 ഫെബ്രുവരി 2018 (UTC)

ഉചിതമായ എവിടെയെങ്കിലും ചേർത്ത് ചോദ്യത്തിനെ ഒന്ന് അഡ്രസ് ചെയ്യൂ ആരേലും (അതിരിക്കട്ടേ, ഒരു സംശയം ചോദിക്കണമെങ്കിൽ അത് എവിടെയാണ് ചോദിക്കേണ്ടത് എന്നറിയാൻ വഴി വല്ലതുമുണ്ടോ?)--Vinayaraj (സംവാദം) 15:58, 19 ഫെബ്രുവരി 2018 (UTC)

ഇതിലെ ഏതെങ്കിലും ഒരു സഭയിൽ (വിഷയമാനുസരിച്ച്}. നയങ്ങളുടെ ലംഘനമോ മറ്റോ ആണെങ്കിൽ ഇവിടെ. കാര്യനിർവ്വാഹകർക്കു മാത്രമോ എളുപ്പത്തിലോ ചെയ്യാൻ കഴിയുന്നതാണെങ്കിലും ഇവിടെ. ഒറ്റ ജാലകസംവിധാനം ഉണ്ടായിരുന്നെങ്കിൽ നന്നായിരുന്നു. :) ജീവൻ 16:18, 19 ഫെബ്രുവരി 2018 (UTC)

@ഉ:Vinayaraj ശാസ്ത്രാർത്ഥത്തിലല്ലാത്തവയെ അതിന്റേതായ താളുകളിലേക്ക് കണ്ണി ചേർക്കുകയോ മറ്റോ ചെയ്താൽ മതിയാകുമോ? പ്രസ്തുത താളിൽ {{ഹൈന്ദവം}} ഉള്ളതിനാൽ ആ ഉള്ളടക്കത്തെക്കുറിച്ചുള്ള വിവരണം/മുന്നറിയിപ്പ് അവിടെനിന്നും ലഭ്യമാകില്ലേ? വാക്യങ്ങൾ തീർച്ചയായും മാറ്റിയെഴുതപ്പടേണ്ടത് തന്നെ. "വികാരാവേശമില്ലാത്ത വിജ്ഞാനകോശത്തിനുതകുന്ന" രീതിയിൽ മാറ്റിയെഴുതാവുന്നതാണ്.--:- എന്ന് - അരയശ്ശേരിൽ സുബ്രഹ്മണ്യപ്പണിക്കർ മനു✆ 11:42, 26 ഫെബ്രുവരി 2018 (UTC)

ചെ ഗുവേര

Che Guevara എന്നതിന്റെ ഉച്ചാരണം ചെ ഗെവാര അല്ലെങ്കിൽ ചെ ഗെവാറ എന്നായിട്ടാണ് [5], [6] ഇവിടെങ്ങളിൽ കാണിക്കുന്നത് ഒന്നു ശ്രദ്ധിക്കാമൊ?.Akhiljaxxn (സംവാദം) 05:48, 21 ഫെബ്രുവരി 2018 (UTC)

വിക്കിപീഡിയ:തിരഞ്ഞെടുത്ത പട്ടിക (മാനദണ്ഡങ്ങൾ)

വിക്കിപീഡിയ:തിരഞ്ഞെടുത്ത പട്ടിക (മാനദണ്ഡങ്ങൾ) എന്ന പേരിൽ ഒരു താൾ തുടങ്ങാനും അതിനു വേണ്ടി നയരൂപീകരണം നടത്താനും അഭിപ്രായങ്ങൾ ക്ഷണിച്ചിരുന്നുവെങ്കിലും ആരും തന്നെ താൽപ്പര്യപ്പെട്ടു കണ്ടിരുന്നില്ല ആയതിനാൽ ഞാൻ ഇംഗ്ലീഷ് വിക്കിയേ അനുകരിച്ച് ഉണ്ടാക്കിട്ടുണ്ട്.ഇതിനെക്കുറിച്ച് എല്ലാവരുടെയും അഭിപ്രായം അറിയാൻ താൽപര്യമുണ്ട്.നിർദേശങ്ങളും മറ്റും പ്രസ്തുത താളിന്റെ സംവാദം താളിൽ രേഖപ്പെടുത്താവുന്നതാണ്. Akhiljaxxn (സംവാദം) 09:02, 28 ഫെബ്രുവരി 2018 (UTC)

റിവർട്ട്

ചെമ്മീൻ എന്ന താളിൽ അവസാനത്തെ രണ്ട് തിരുത്തലുകൾ റിവർട്ട് ചെയ്യുക.--സുഗീഷ് (സംവാദം) 05:42, 4 മാർച്ച് 2018 (UTC)

 Done--അരുൺ സുനിൽ കൊല്ലം (സംവാദം) 06:09, 4 മാർച്ച് 2018 (UTC)

നാൾവഴി ശ്രദ്ധിച്ചിരുന്നില്ല. അതായിരുന്നു തെറ്റുപറ്റിയത്. --സുഗീഷ് (സംവാദം) 06:25, 4 മാർച്ച് 2018 (UTC)

ലേഖനം

[ഈമാറ്റം] ശ്രദ്ധിക്കുക.--സുഗീഷ് (സംവാദം) 18:59, 4 മാർച്ച് 2018 (UTC)

 Done--അരുൺ സുനിൽ കൊല്ലം (സംവാദം) 01:06, 5 മാർച്ച് 2018 (UTC)

റിവർട്ടുകൾ

എം.പി. അബ്ദുസമദ് സമദാനി എന്ന താളിൽ നടക്കുന്ന പ്രവർത്തികൾ ശ്രദ്ധിക്കുക.--സുഗീഷ് (സംവാദം) 11:17, 15 മാർച്ച് 2018 (UTC)

 Doneഉപയോക്താവിനെ ഒരു കാര്യനിർവാകൻ വിലക്കിയിട്ടുണ്ട്. Akhiljaxxn (സംവാദം) 03:31, 18 മാർച്ച് 2018 (UTC)

ഉപയോക്താവിനുള്ള അവകാശങ്ങൾ

Sebinaj എന്ന ഉപയോക്താവിന്റെ സംഘ അംഗത്വം 2014 മുതൽ സ്വതേ റോന്തുചുറ്റുന്നയാൾ ഒപ്പം റോന്തു ചുറ്റുന്നവർ എന്നതിലേക്ക് സുജിത് വക്കീൽ മാറ്റിയിട്ടുണ്ട്.

ഇതിനു വേണ്ട യോഗ്യതയായി പറയുന്നത് ശ്രദ്ധേയത, പകർപ്പവകാശം, ജീവചരിത്രങ്ങൾ പരിശോധനായോഗ്യത തുടങ്ങിയ വിക്കി നയങ്ങളെപ്പറ്റി അറിവുള്ള വിശ്വസ്തരായ ഉപയോക്താക്കളെ ഏതൊരു കാര്യനിർവാഹകനും യുക്താനുസാരമായി സ്വതേ റോന്തുചുറ്റുന്നവരാക്കാം. എന്നിരുന്നാലും തിരിച്ചുവിടലുകളൊഴികെ, കുറഞ്ഞത് 20 ലേഖനങ്ങളെങ്കിലും പുതിയതായി തുടങ്ങിയിരിക്കുകയും ലേഖനങ്ങളിൽ കുറഞ്ഞത് അഞ്ഞൂറ് തിരുത്തുകളെങ്കിലും നടത്തിയിരിക്കുകയും വേണം എന്നുള്ളതാണ് അടിസ്ഥാന മാനദണ്ഡം. പുതിയ ഉപയോക്താക്കൾ ഈ മാനദണ്ഡം മറികടന്നിട്ടുണ്ടെങ്കിൽക്കൂടിയും വിക്കി നയങ്ങളെപ്പറ്റി അറിവ് ലഭിക്കാത്തിടത്തോളം കാലം ഈ അവകാശങ്ങൾക്ക് യോഗ്യനല്ല. എന്നാണ്

2007-ൽ മുതൽ വിക്കി ഉപയോഗിച്ചു വരുന്ന ഇദ്ദേഹത്തിന് 129 മെയിൻ സ്‌പേസ് തിരുത്തലുകളും 189 ആകെ തിരുത്തലുകളുമാണ് മലയാളം വിക്കിയിലുള്ളത് ഇദ്ദേഹത്തിന് [7] . അതുപോലെ ആകെ ഒരു താൾ മാത്രമാണ് ഇതുവരെ നിർമ്മിച്ചിട്ടുള്ളത് [8].

അതുപോലെ സംവാദം താളുകളിൽ [https://ml.wikipedia.org/wiki/പ്രത്യേകം:സംഭാവനകൾ/Sebinaj എങ്ങനെയാണ് ഒപ്പു ചേർക്കേണ്ടത് എന്നു പോലും ഇദ്ദേഹത്തിനറിയില്ല എന്നു തോന്നുന്നു.

ആയതിനാൽ സ്വതേ റോന്തുചുറ്റുന്നയാൾ ഒപ്പം റോന്തു ചുറ്റുന്നവർ എന്ന ഇദ്ദേഹത്തിനു നിലവിലുള്ള അവകാശങ്ങൾ പിൻവലിക്കാൻ താൽപര്യപ്പെടുന്നു. യോഗ്യതാ മാനദണങ്ങൾ കൈവരിക്കപ്പെടുന്ന പക്ഷം തിരിച്ചു നൽകാവുന്നതാണ്.Akhiljaxxn (സംവാദം) 03:31, 18 മാർച്ച് 2018 (UTC)

ഒരിടത്ത് അഭിപ്രായം രേഖപ്പെടുത്തിയതിന്റെ പേരിൽ ഇങ്ങനെ ആളെ കളിയാക്കുന്നത് വിക്കി നയമാണെന്ന് അഭിപ്രായമില്ല. വിക്കിപ്പീഡിയ ആണു ലോകം എന്നു വിശ്വസിക്കുന്നവർക്ക് മറ്റുള്ളവരുടെ അവകാശങ്ങൾ എടുത്തുകളയുകയോ ബ്ലോക്ക് ചെയ്യുകയോ ആവാം. ഒപ്പിടാൻ പോലും അറിയില്ല എന്നൊക്കെ തീരുമാനിക്കുന്നത് എന്തു ധാരണയുടെ അടിസ്ഥാനത്തിലാണെന്നു വിശദീകരിച്ചാൽ കൊള്ളാം. ഇപ്പോൾ തർക്കവിഷയമായ സജി ചെറിയാൻ എന്ന ലേഖനം നിലനിർത്തണമെന്ന അഭിപ്രായം പോലും ഇല്ലാത്തയാളാണു ഞാൻ. അതേ സമയം ദേശാഭിമാനിയിലെ വാർത്ത വിശ്വസനീയമല്ല എന്നു കാട്ടി, ഒരു വരി നീക്കം ചെയ്തതിന്റെ സാംഗത്യത്തെ ചോദ്യം ചെയ്തതിൽ ഉറച്ചുനിൽക്കയും ചെയ്യുന്നു. എന്നെ റോന്തു ചുറ്റാതാക്കിയാലും ഇനി ഉപയോക്താവിനെ ബ്ലോക്ക് ചെയ്താലും അഭിപ്രായം ഇല്ലാതാവില്ല. Self rightous ആയി ചർച്ച തുടങ്ങിവച്ചയാൾ എന്റെ സംഭാവനകൾ എന്നതിലേക്കു നൽകിയിരിക്കുന്ന ലിങ്ക് ശരിയല്ല. അതുകാട്ടി താങ്കൾക്ക് മര്യാദയ്ക്കൊരു ഹൈപ്പർലിങ്ക് പോലും നൽകാനാവില്ല എന്നു വാദിക്കുന്നത് എത്ര ബാലിശമാകും? അത്തരം ബാലിശമായ നീക്കമാണ് താങ്കളുടെ ഭാഗത്തുനിന്ന് ഉണ്ടായിട്ടുള്ളത് എന്നു പറയുന്നതിൽ പ്രയാസം തോന്നരുത്.

• എതിർക്കുന്നു--സെബിൻ ഏബ്രഹാം ജേക്കബ് (സംവാദം) absolute_void(); 09:50, 18 മാർച്ച് 2018 (UTC)

തീർച്ചയായും അഭിപ്രായം രേഖപ്പെടുത്തിയതിന്റെ പേരിൽ നിങ്ങളെ കളിയാക്കാനൊ കുറച്ചു കാണിക്കാനൊ ഞാൻ ശ്രമിച്ചിട്ടില്ല. ഇക്കാര്യത്തിൽ താങ്കൾക്ക് എന്നെ പൂർണ്ണമായും വിശ്വസിക്കാം.

താങ്കളുടെ സംഭവാനകൾ ഞാൻ പരിശോധിച്ചു ഇതുവരെ നടത്തിയ സംവാദം താളുകളിൽ ഇവിടെ ഇപ്പോൾ ചേർത്തത് ഒഴിച്ചാൽ താങ്കൾ ഒപ്പ് ഇടുന്നത് ഞാൻ എവിടെയും കണ്ടിട്ടില്ല. അതിനാലാണ് ഇക്കാര്യം ഇവിടെ സൂചിപ്പിച്ചത്.

വിക്കിപീഡിയ:സ്വതേ റോന്തുചുറ്റുന്നവർ അതുപോലെ റോന്തുചുറ്റുന്നവർ കുറഞ്ഞത് 20 ലേനങ്ങൾ മലയാളം വിക്കിയിൽ നിർമ്മിച്ചിട്ടുള്ളവരായിരിക്കണം ,500 തിരുത്തലുകൾ എങ്കിലും നടത്തിയിട്ടുള്ളവരായിരിക്കണം. ഇതാണ് അടിസ്ഥാന മാനദണ്ഡം. പുതിയ ഉപയോക്താക്കൾ ഈ മാനദണ്ഡം മറികടന്നിട്ടുണ്ടെങ്കിൽക്കൂടിയും വിക്കി നയങ്ങളെപ്പറ്റി അറിവ് ലഭിക്കാത്തിടത്തോളം കാലം ഈ അവകാശങ്ങൾക്ക് യോഗ്യനല്ല. താങ്കൾ ഇവയൊന്നും പാലിക്കപ്പെടുന്നില്ല. ഇവയൊന്നും പാലിക്കപ്പെടാതെ എങ്ങെനെയാണ് ഒരാൾ ഇത്തരം അവകാശം നൽകാൻ സാധിക്കുക?. സജി ചെറിയാന്റെ AFDയുമായുള്ള ചർച്ച അവിടെ പുരോഗമിക്കട്ടെ .Akhiljaxxn (സംവാദം) 11:05, 18 മാർച്ച് 2018 (UTC)

ഏതൊരു കാര്യനിർവ്വാഹകന്റെ ഭാഗത്തുനിന്നായാലും ഇങ്ങനെയുള്ള അഭിപ്രായപ്രകടനങ്ങൾ പ്രോത്സാഹിക്കപ്പെടാവുന്നതല്ല.നയങ്ങൾക്കനുസരിച്ച് കാര്യങ്ങൾ നിർവ്വഹിക്കുക എന്നതാകണം മുഖ്യ ലക്ഷ്യം.വ്യക്തിപരമായ പരാമർശങ്ങൾ ഒഴിവാക്കുകയും വേണം.--Mpmanoj (സംവാദം) 13:03, 18 മാർച്ച് 2018 (UTC)

Mpmanoj മലയാളം വിക്കിയിലെ നയങ്ങൾക്കനുസരിച്ച് കാര്യങ്ങൾ ചൂണ്ടിക്കാണിക്കുക മാത്രമാണ് ചെയ്തിട്ടുള്ളത്. ഓരോ ഉപയോക്താവിന്റെയും സംഭാവനകളും പ്രവർത്തനരേഖകകളും എല്ലാവർക്കും ലഭ്യവും പരിശോധനാ വിധേയമാക്കാവുന്നതുമല്ലെ?

മുകളിൽ എന്റെ ഭാഗത്തുനിന്ന് എന്ത് തരം മോശം അഭിപ്രായം, അത് വ്യക്തിപരമായും അല്ലാതെയും ആണ് ഉണ്ടായത് എന്ന് ഒന്ന് ചൂണ്ടിക്കാണിച്ചാൽ അക്കാര്യത്തിൽ ഒരു തിരുത്തലിന് ഞാൻ തയ്യാറാണ്.Akhiljaxxn (സംവാദം) 14:13, 18 മാർച്ച് 2018 (UTC)

ഒരു ഉപയോക്താവിനു ഒപ്പ് ചേർക്കുവാൻ പോലും അറിയില്ല എന്ന പ്രസ്താവനയാണ് ഉദ്ദേശിച്ചത്. അങ്ങനെ ഒരു കാര്യനിർവ്വാഹകൻ എഴുതേണ്ടകാര്യമില്ല എന്നു ഞാൻ കരുതുന്നു.--Mpmanoj (സംവാദം) 14:53, 18 മാർച്ച് 2018 (UTC)

അതുപോലെ സംവാദം താളുകളിൽ എങ്ങനെയാണ് ഒപ്പു ചേർക്കേണ്ടത് എന്നു പോലും ഇദ്ദേഹത്തിനറിയില്ല എന്നു തോന്നുന്നു എന്നാണ് ഞാൻ പറഞ്ഞത് ഇത് ഒരു തരം സംശയം പ്രകടിപ്പിക്കലായിരുന്നു. ഇത് വേദനിപ്പിച്ചുവെങ്കിൽ ഞാൻ നിർവ്യാജം ഈ വാക്ക് പിൻവലിക്കുന്നു. ഈ കാര്യം ഉന്നയിക്കാനുള്ള കാരണം ഇദ്ദേഹത്തിന്റെ സംഭാവനകളിലെ സംവാദം താളുകളുടെ പരിശോധനയിൽ നിന്ന് മനസ്സിലാക്കിയതാണ്. ഇന്ന് വരെ (ഇന്നു മുതൽ തുടങ്ങി) ഇദ്ദേഹം നടത്തിയ സംവാദങ്ങളിൽ ഒന്നിലും തന്നെ ഇദ്ദേഹം ഒപ്പു ചാർത്തിയിരുന്നില്ല.11 വർഷമായി വിക്കി അംഗത്വമുള്ള ഒരു ഉപയോക്താവ്.സ്വതേ റോന്തുചുറ്റുന്നവർ,റോന്തുചുറ്റുന്നവർ എന്നീ അവകാശങ്ങൾ ഉള്ള ഒരു ഉപയോക്താവ് ഇക്കാര്യം നിർബന്ധമായും അറിഞ്ഞിരിക്കണം എന്ന ഒരു ചിന്തയാണ് എന്നെ ഇത്തരത്തിൽ ഒരു പരാമർശം നടത്താൻ പ്രേരിപ്പിച്ചത്.Akhiljaxxn (സംവാദം) 17:14, 18 മാർച്ച് 2018 (UTC)

--Mpmanoj (സംവാദം) 18:02, 18 മാർച്ച് 2018 (UTC)

കാര്യനിർവാഹകരേക്കാൾ യാഗ്യതയുള്ളവരാണല്ലോ സ്വതേ റോന്തുചുറ്റുന്നവർ.--സുഗീഷ് (സംവാദം) 18:40, 18 മാർച്ച് 2018 (UTC)

• ഡിയർ അഖിൽജീ, താങ്കൾ അങ്ങനെ ഉദ്ദേശിച്ചിട്ടില്ലായിരിക്കാമെങ്കിലും താങ്കൾ നയങ്ങൾ ചൂണ്ടിക്കാണിക്കുവാൻ ശ്രമിച്ചത് വിപരീത ഫലമാണുളവാക്കിയതെന്നു വേണം മനസിലാക്കുവാൻ. ഉപയോക്താവിന് അദ്ദേഹത്തെ അപമാനിച്ചുവെന്ന ഒരു തോന്നലുണ്ടുവുക തികച്ചും സ്വാഭാവികമാണ്. താങ്കളുടെ ഖേദപ്രകടനത്തിൽ ഉപയോക്താവ് സംതൃപ്തനാവുമെന്നു പ്രത്യാശിക്കാം.

മാളികവീട് (സംവാദം) 18:46, 18 മാർച്ച് 2018 (UTC)

• ചർച്ചാ വിഷയത്തിൽ എന്റെ പേര് ടാഗ് ചെയ്തതിനാൽ വിശദീകരിക്കണമെന്ന് കരുതുന്നു. സെബിന് റോന്ത് ചുറ്റൽ പദവികൾ നൽകിയത് ഞാനാണ്. അതിന് കാരണം അഖിൽ ക്വോട്ട് ചെയ്തിട്ടുണ്ടെങ്കിലും ഒരിക്കൽ കൂടി ക്വോട്ട് ചെയ്യട്ടെ.

ശ്രദ്ധേയത, പകർപ്പവകാശം, ജീവചരിത്രങ്ങൾ പരിശോധനായോഗ്യത തുടങ്ങിയ വിക്കി നയങ്ങളെപ്പറ്റി അറിവുള്ള വിശ്വസ്തരായ ഉപയോക്താക്കളെ ഏതൊരു കാര്യനിർവാഹകനും യുക്താനുസാരമായി സ്വതേ റോന്തുചുറ്റുന്നവരാക്കാം. എന്നിരുന്നാലും തിരിച്ചുവിടലുകളൊഴികെ, കുറഞ്ഞത് 20 ലേഖനങ്ങളെങ്കിലും പുതിയതായി തുടങ്ങിയിരിക്കുകയും ലേഖനങ്ങളിൽ കുറഞ്ഞത് അഞ്ഞൂറ് തിരുത്തുകളെങ്കിലും നടത്തിയിരിക്കുകയും വേണം എന്നുള്ളതാണ് അടിസ്ഥാന മാനദണ്ഡം. പുതിയ ഉപയോക്താക്കൾ ഈ മാനദണ്ഡം മറികടന്നിട്ടുണ്ടെങ്കിൽക്കൂടിയും വിക്കി നയങ്ങളെപ്പറ്റി അറിവ് ലഭിക്കാത്തിടത്തോളം കാലം ഈ അവകാശങ്ങൾക്ക് യോഗ്യനല്ല.

കടുപ്പിച്ചിട്ടുള്ള ഭാഗം ശ്രദ്ധിക്കുക. ഒരാൾക്ക് അവകാശങ്ങൾ നൽകുന്നത് അയാളെ പ്രോത്സാഹിപ്പിക്കലും കൂടിയാണ്. സ്വതന്ത്രമലയാളം കമ്പ്യൂട്ടിംഗ് പ്രസിഡന്റും പത്രപ്രവർത്തകനുമായ സെബിനെ വിക്കിപീഡിയയിൽ സജീവമാക്കുകവഴി ആ വിഭാഗത്തിൽപ്പെട്ട ആളുകളെ കൂടുതലായി വിക്കിയിലേക്ക് ആകർഷിക്കാൻ കഴിയും എന്ന "അത്യാഗ്രഹത്തിന്റെ" കൂടി പുറത്താണ് കാര്യനിർവ്വാഹകനായിരുന്ന എന്റെ യുക്തിക്കനുസരിച്ച് അന്നത് ചെയ്തത്. അക്കാലത്ത് വിക്കിപീഡിയയിലേക്ക് പരമാവധി ആളുകളെ എത്തിക്കുവാൻ പരിപാടികളൊക്കെ സംഘടിപ്പിക്കുന്ന കാലമായിരുന്നു. അന്നും എന്നും അദ്ദേഹത്തിന്റെ പ്രവർത്തികൾ വിക്കിപീഡിയയ്ക് നശീകരണപ്രവർത്തനമായിരിക്കില്ല എന്ന ബോദ്ധ്യവുമുണ്ടായിരുന്നു.

വിക്കി സമൂഹത്തിന് സ്വതേ റോന്തുചുറ്റുന്ന വ്യക്തിയിലുള്ള വിശ്വാസം നഷ്ടപ്പെട്ടാൽ ഈ അവകാശങ്ങൾ കാര്യനിർവാഹകർ നീക്കം ചെയ്യുന്നതായിരിക്കും.

എന്ന് മേൽപ്പറഞ്ഞ മാനദണ്ഡങ്ങളിൽ പറഞ്ഞിട്ടുണ്ട്. അതിനനുസരിച്ച് സമവായമുണ്ടാകുകയാണെങ്കിൽ സെബിനിൽ നിന്നും ആ ഫ്ലാഗുകൾ എടുത്ത് മാറ്റാം. ഈ വിഷയത്തിൽ കൂടുതൽ ചർച്ചയ്കില്ല. കാരണം താല്പര്യവ്യത്യാസമുള്ള വിഷയത്തിൽ മിതത്വം പാലിക്കാൻ ആഗ്രഹിക്കുന്നു. Adv.tksujith (സംവാദം) 13:50, 19 മാർച്ച് 2018 (UTC)

Adv.tksujith തിരിച്ചുവിടലുകളൊഴികെ, കുറഞ്ഞത് 20 ലേഖനങ്ങളെങ്കിലും പുതിയതായി തുടങ്ങിയിരിക്കുകയും ലേഖനങ്ങളിൽ കുറഞ്ഞത് അഞ്ഞൂറ് തിരുത്തുകളെങ്കിലും നടത്തിയിരിക്കുകയും വേണം എന്നുള്ള അടിസ്ഥാന മാനദണ്ഡം ഒഴിവാക്കി ശ്രദ്ധേയത, പകർപ്പവകാശം, ജീവചരിത്രങ്ങൾ പരിശോധനായോഗ്യത തുടങ്ങിയ വിക്കി നയങ്ങളെപ്പറ്റി അറിവുള്ള വിശ്വസ്തരായ ഉപയോക്താക്കളെ ഏതൊരു കാര്യനിർവാഹകനും യുക്താനുസാരമായി സ്വതേ റോന്തുചുറ്റുന്നവരാക്കുന്നത് ചിലപ്പോൾ ഒരു തെറ്റായ കീഴ്‌വഴക്കം സൃഷ്ടിക്കാൻ കാരണമായേക്കാം.ഒരാൾക്ക് അവകാശങ്ങൾ നൽകുന്നത് അയാളെ പ്രോത്സാഹിപ്പിക്കലും കൂടിയാണ്. എന്നാൽ ഇത് മറ്റ് ഉപയോക്താക്കൾക്ക് പക്ഷപവുമായിട്ടും തോന്നാൻ സാധ്യതയുണ്ട്.കൂടാതെ താങ്കൾ ഉന്നയിച്ചതു പോലെ ഈ അവകാശങ്ങൾ നൽകിയ കാര്യനിർവാഹകർക്കെതിരെ മറ്റുള്ളവർ ചിലപ്പോൾ താല്പര്യവ്യത്യാസമുള്ളയാൾ എന്ന് ആരോപിക്കാനും സാധ്യത ഉണ്ട്. അതിനാൽ സമവായമുണ്ടാകുകന്ന പക്ഷം സെബിനിൽ നിന്നും ആ ഫ്ലാഗുകൾ എടുത്ത് മാറ്റിയിട്ട് അടിസ്ഥാനമാനഭണ്ഡങ്ങൾ കൈവരിക്കുന്ന പക്ഷം തിരിച്ചു നൽകുന്നതല്ലേ ഉചിതം?.Akhiljaxxn (സംവാദം) 23:35, 19 മാർച്ച് 2018 (UTC)

മൂന്ന് സംശയങ്ങൾ ആദ്യം.

1. സെബിൻ എന്ന ഉപയോക്താവിനെ ലക്ഷ്യം വച്ചുകൊണ്ട് ഇങ്ങനെ ഒരു വിഷയം പൊന്തിവന്നതിനുപിന്നിലുള്ള ചേതോവികാരം എന്തായിരുന്നു?
2. സെബിൻ എന്ന ഉപയോക്താവിനോ മറ്റേതെങ്കിലും ഉപയോക്താവിനോ മുകളിൽ പറഞ്ഞിരിക്കുന്ന രീതിയിലുള്ള അവകാശങ്ങൾ നൽകിയത്/നൽകുന്നത് പഞ്ചായത്തിലോ മറ്റോ ചർച്ച ചെയ്ത് തീരുമാനിച്ചതിന്റെ അടിസ്ഥാനത്തിലാണോ?
3. മലയാളം വിക്കിപീഡിയയിൽ വെറും ഉപയോക്താവ് അല്ലാത്ത പ്രത്യേകം അവകാശങ്ങൾ ലഭ്യമായിട്ടുള്ള എല്ലാവരും മുകളിൽ പറഞ്ഞിരിക്കുന്ന നയങ്ങളേയും കീഴ്വഴക്കങ്ങളേയും കുറിച്ച് ആഴത്തിൽ അറിവുള്ളവരാണോ?--സുഗീഷ് (സംവാദം) 07:30, 20 മാർച്ച് 2018 (UTC)

സുഗീഷ്, ചേതോവികാരം സെബിന്റെ absolute_void(); എന്ന ഒപ്പ് മൂലമായിരിക്കാം. അതിൽ ഇതിലെ താങ്കളുടെ ഒപ്പിൽ താങ്കളുടെ ഉപയോക്തൃനാമം ഭാഗികമായെങ്കിലും ഉപയോഗിച്ചിരിക്കണം. ഈ നിർദ്ദേശം പാലിക്കുന്നുമില്ല.--റോജി പാലാ (സംവാദം) 08:32, 20 മാർച്ച് 2018 (UTC)

ഉന്നയിച്ചിരിക്കുന്ന ആരോപണം അതല്ലല്ലോ.. സംവാദതാളുകളിൽ ഒപ്പിടുന്നില്ല എന്നതല്ലേ!--സുഗീഷ് (സംവാദം) 08:41, 20 മാർച്ച് 2018 (UTC)

അഖിൽ പറഞ്ഞ ഈ കാര്യം: അതുപോലെ സംവാദം താളുകളിൽ എങ്ങനെയാണ് ഒപ്പു ചേർക്കേണ്ടത് എന്നു പോലും ഇദ്ദേഹത്തിനറിയില്ല എന്നു തോന്നുന്നു. അതുകൊണ്ട് അങ്ങനെ തോന്നി.--റോജി പാലാ (സംവാദം) 08:50, 20 മാർച്ച് 2018 (UTC)

ദാ ഇവിടെ സംവാദത്തിൽ ഒപ്പില്ല. ഇതൊക്കെ അടിസ്ഥാന കാര്യങ്ങളല്ലേ? അഥവാ ഒപ്പുണ്ടെങ്കിലും ആളെ തിരിച്ചറിയാൻ പറ്റില്ല. നാൾവഴി നോക്കണം.--റോജി പാലാ (സംവാദം) 08:54, 20 മാർച്ച് 2018 (UTC)

• എതിർക്കുന്നു "സ്വതേ റോന്തുചുറ്റാനുള്ള അവകാശമുള്ള ഉപയോക്താക്കൾ നിർമ്മിക്കുന്ന പുതിയ താളുകൾ സ്വയം റോന്തു ചുറ്റപ്പെട്ടതായി അടയാളപ്പെടുത്തും. ഇതുവഴി പുതിയ താളുകൾ, തിരുത്തലുകൾ മുതലായവ റോന്തുചുറ്റുന്നവരുടെ സമയം ലാഭിക്കാൻ സാധിക്കുന്നു." അതായത് "റോന്തുചുറ്റുന്നവരുടെ സമയം ലാഭിക്കുക" എന്നതല്ലാതെ വേറൊരു ഗുണവും ഇതുകൊണ്ടുണ്ടാകുന്നില്ല.

"തിരുത്തലുകളും പുതിയ താളുകളും റോന്തു ചുറ്റിയതായി അടയാളപ്പെടുത്താൻ ഒരു ഉപയോക്താവിന് നൽകുന്ന അനുവാദമാണ് റോന്തു ചുറ്റൽ. റോന്തു ചുറ്റൽ പൂർത്തിയാകാത്ത തിരുത്തുകൾ സംശോധനം ചെയ്യാൻ ഉപയോക്താവിന് ഇതു വഴി സഹായിക്കുന്നു. റോന്തു ചുറ്റുക വഴി വിജ്ഞാനകോശസംബന്ധമല്ലാത്ത തിരുത്തുകൾ മറ്റുള്ള റോന്തുചുറ്റൽക്കാർക്ക് പെട്ടെന്ന് കണ്ടെത്താനും അത്തരം തിരുത്തുകൾ തിരസ്കരിക്കാനോ അനായാസം സാധിക്കുന്നു." കാര്യനിർവാഹകരരുടെ ജോലി എളുപ്പമാകുകയെന്നതല്ലാതെ ഇതുകൊണ്ടും വലിയ ഗുണമൊന്നുമില്ല.

"സമൂഹത്തിന് ഉപയോക്താവിന്മേലുള്ള വിശ്വാസ്യത നഷ്ടപെട്ടാൽ ഈ അവകാശങ്ങൾ തിരിച്ചെടുക്കുന്നതാണ്." അത്തരം തെളിവുകളൊന്നും ഇവിടെ അഖിൽ ജാക്സൺ നൽകിയിട്ടില്ല. അങ്ങനെയുണ്ടായാൽ അഖിലിനോ മറ്റേതെങ്കിലും കാര്യനിർവാഹകനോ ആ അവകാശങ്ങൾ നീക്കം ചെയ്യാവുന്നതാണ്. ഒരിക്കൽ നൽകിയ ഈ താരതമ്യേന നിരുപദ്രവകരമായ അവകാശങ്ങൾ കേവലം യോഗ്യതാ മാനദണങ്ങൾ പാലിക്കുന്നില്ല എന്ന കാരണത്താൽ നീക്കം ചെയ്യുന്നതിനെ എതിർക്കുന്നു. ജീവൻ 09:49, 20 മാർച്ച് 2018 (UTC)

സുഗീഷ്

1. സെബിൻ എന്ന ഉപയോക്താവിനെ ലക്ഷ്യം വച്ചുകൊണ്ട് ഇങ്ങനെ ഒരു വിഷയം പൊന്തിവന്നതിനുപിന്നിലുള്ള ചേതോവികാരം എന്തായിരുന്നു? ഇതിനു പിറകിൽ ഒരു ചേതോവികാരവുമില്ലായിരുന്നു.റോജി പാലാ പറഞ്ഞ പോലെ സെബിന്റെ absolute_void എന്നതാണ് ആദ്യം കൗതുകമുയർത്തിയത് തുടർന്ന് ആരാണ് ഉപയോക്താവ് എന്നറിയാൻ തിരുത്തിയ താളിന്റെ നാൾവഴി പോകേണ്ടി വന്നു. തുടർന്ന് ഉപയോക്താവ് അദ്ദേഹത്തിന്റെ ഉപയോക്താസംഘങ്ങൾ സംഭാവനകൾ എന്നിവ പരിശോധിച്ചു.
2. സെബിൻ എന്ന ഉപയോക്താവിനോ മറ്റേതെങ്കിലും ഉപയോക്താവിനോ മുകളിൽ പറഞ്ഞിരിക്കുന്ന രീതിയിലുള്ള അവകാശങ്ങൾ നൽകിയത്/നൽകുന്നത് പഞ്ചായത്തിലോ മറ്റോ ചർച്ച ചെയ്ത് തീരുമാനിച്ചതിന്റെ അടിസ്ഥാനത്തിലാണോ? തീർച്ചയായും ആയിരിക്കില്ല .മാനദണ്ഡങ്ങൾ പാലിക്കപ്പെടുന്ന പക്ഷം കാര്യനിർവാഹകർ അവരുടെ യുക്തിക്കനുസരിച്ചും. ഉപയോക്താക്കൾ സ്വയം ഇവിടെ ആവശ്യപെടുന്ന പ്രകാരവും ചെയ്യാറുണ്ട്.
3. മലയാളം വിക്കിപീഡിയയിൽ വെറും ഉപയോക്താവ് അല്ലാത്ത പ്രത്യേകം അവകാശങ്ങൾ ലഭ്യമായിട്ടുള്ള എല്ലാവരും മുകളിൽ പറഞ്ഞിരിക്കുന്ന നയങ്ങളേയും കീഴ്വഴക്കങ്ങളേയും കുറിച്ച് ആഴത്തിൽ അറിവുള്ളവരാണോ? ആഴത്തിലുള്ള അറിവില്ലങ്കിൽ പോലും അടിസ്ഥാനപരമായ കാര്യങ്ങളെ കുറിച്ച് അത്യാവശ്യം അറിവുണ്ടാവുന്നത് അല്ലെ നല്ലത്?

ജീവ സ്വതേ റോന്തുചുറ്റാനുള്ള അവകാശങ്ങൾ കൊണ്ടും റോന്തുചുറ്റാനുള്ള അവകാശങ്ങൾ കൊണ്ടും പ്രത്യേകിച്ച് ഗുണമൊന്നും ഇല്ലെങ്കിൽ ഇത്തരം അവകാശങ്ങൾ നൽകുന്നതിനായി മാത്രമായി പ്രത്യേക യോഗ്യതാനയങ്ങൾ ഉണ്ടാക്കിയിരിക്കുന്നത്?. അതൊ ഇവിടെ ഇങ്ങനെയൊക്കെ മതി എന്നാണെങ്കിൽ എനിക്ക് വേറെ പരാതി ഒന്നും ഇല്ല. Akhiljaxxn (സംവാദം) 12:01, 20 മാർച്ച് 2018 (UTC)

മറ്റു വിക്കികളിലുള്ള എന്റെ അനുഭവത്തിൽ ഈ രണ്ടു അവകാശങ്ങളും കാര്യനിർവാഹകർ അവരുടെ വിവേചനനാവകാശം ഉപയോഗിച്ചു ഉപയോക്താക്കൾക്ക് നൽകുന്നതാണ്. അതിനുകാരണം ഞാൻ ആദ്യം പറഞ്ഞതുപോലെ "റോന്തുചുറ്റുന്നവരുടെ സമയം ലാഭിക്കുക" എന്നതുതന്നെ. നശീകരണ സ്വഭാവമുള്ളവരോ തീരെ തിരുത്താനറിയാത്തവരോ അല്ലാത്തവരെ പെട്രോൾ ചെയ്യുന്നത് സമയനഷ്ടമാണ്. ഇന്ന യോഗ്യതകൾ അഭികാമ്യം എന്നെ ഇംഗ്ലീഷ് വിക്കിയിൽ പറയുന്നുള്ളൂ. അത് മലയാളത്തിലേക്ക് വിവർത്തനം ചെയ്തപ്പോൾ വേണം എന്നായിപ്പോയതാകാം. ഇനി അഥവാ മലയാളം വിക്കി ആ യോഗ്യതകൾ നിര്ബന്ധമാക്കിയിട്ടുണ്ടെങ്കിൽത്തന്നെ ഒരു കാര്യനിർവാഹകൻ അത് ലംഘിച്ചാൽ അയാളുടെ സംവാദം താളിൽ ആദ്യം കാര്യമെന്താണെന്നു ചോദിക്കുക. മറുപിടി ലഭിച്ചില്ലെങ്കിൽമാത്രം പൊതുവേദിയിൽ ചർച്ചചെയ്യുക. ഇതും ശ്രദ്ധിക്കുക. ജീവൻ 12:13, 20 മാർച്ച് 2018 (UTC)

മറ്റു വിക്കികളിൽ ഇംഗ്ലീഷ് വിക്കിയെ ആണുദ്ദേശിക്കുന്നതെങ്കിൽ അവിടെ തിരിച്ചുവിടലുകളും വിവക്ഷകളും ഒഴികെ, കുറഞ്ഞത് 25 ലേഖനങ്ങളെങ്കിലും പുതിയതായി തുടങ്ങിയ ഉപയോക്താക്കൾ ആയിരിക്കണം എന്നതാണ് മാനദണ്ഡം ഇവരിൽ തന്നെ ശ്രദ്ധേയത, പകർപ്പവകാശം, ജീവചരിത്രങ്ങൾ പരിശോധനായോഗ്യത തുടങ്ങിയ വിക്കി നയങ്ങളെപ്പറ്റി അറിവില്ല എന്ന് അവർ പ്രവർത്തനരേഖകൾ പരിശോധിച്ച ശേഷം കണ്ടെത്തിയാൽ അവകാശങ്ങൾ നൽകുകയുമില്ല. ഇവ അഭികാമ്യം എന്നല്ല അടിസ്ഥാന യോഗ്യതയായിട്ടാണ് അവരവിടെ [9].

ഇക്കാര്യത്തെ കുറിച്ച് അന്വേഷിക്കാൻ സുജിത് വക്കീൽ എന്ന കാര്യനിർവാഹകന്റെ സംവാദം താളിൽ ചെന്നങ്കിലും അദ്ദേഹം 2017 ജനുവരി മുതൽ അവിടെ ആക്ടീവായി കാണാത്തതിനാലാൽ അവിടെ ചുണ്ടിക്കാണിക്കുന്നതിലും നല്ലത് ഇവിടാണ് എന്ന് തോന്നിയതിനാലാണ് ഇവിടെ ചർച്ചയ്ക്കു വെച്ചത്.Akhiljaxxn (സംവാദം) 12:49, 20 മാർച്ച് 2018 (UTC)

"A suggested standard is.." [10]: "to mention an idea, possible plan, or action for other people to consider" ജീവൻ 14:15, 20 മാർച്ച് 2018 (UTC)

A suggested standard is the prior creation of 25 valid articles, not including redirects or disambiguation pages, but the right is not normally given to very new editors regardless of the number of articles created. ഇതാണ് അവരു പ്രധാനമായും നോക്കുന്ന യോഗ്യത. ഇതാ അതിനു വേണ്ടി അപേക്ഷ സമർപ്പിക്കേണ്ട [11] അവിടെ ഏറ്റവും മുകളിൽ തന്നെ കൊടുത്തിട്ടുണ്ട് കുറഞ്ഞത് 25 ലേഖനം എങ്കിലും നിർമ്മിച്ചില്ലാത്തവർക്ക് ഈ അവകാശം നൽകാൻ സാധ്യതയില്ല എന്ന്. ഈ താളിന്റെ നാൾവഴി പരിശോധിച്ചാൽ അറിയാം ഈ നമ്പർ തികയ്ക്കാത്തവരുടെ അപേക്ഷകൾ രണ്ടാമതൊന്നു നോക്കാതെ തളളുന്നത്.Akhiljaxxn (സംവാദം) 14:53, 20 മാർച്ച് 2018 (UTC)

എന്റെ ചോദ്യങ്ങൾക്കു് നൽകിയ ഉത്തരങ്ങൾക്ക് നന്ദി,

1. ഒരു ചേതോവികാരവും ഇല്ലാതെ ഒന്നും തന്നെ ഉണ്ടാകുന്നില്ല. എന്തിനും കാരണങ്ങൾ ഉണ്ടാകാം; ചിലപ്പോൾ ഇല്ലായിരിക്കാം.
2. സുജിത്തിനേയോ സെബിനേയോ മാത്രം ബന്ധപ്പെടുന്ന ഒരു വിഷയം എന്തുകൊണ്ട് കാര്യനിർവാഹകർക്കുള്ള നോട്ടീസ് ബോർഡിൽ നൽകി. ചർച്ച ചെയ്തോ കമ്യൂണിറ്റി വോട്ടു ചെയ്തോ അനുവദിച്ചു നൽകിയ ഒരു അംഗീകാരം അല്ല എങ്കിൽ അത് നീക്കം ചെയ്യുന്നതിന് ഇത്രയ്ക്ക് കോലാഹലം ഉണ്ടാക്കേണ്ടതിന്റെ ആവശ്യമില്ലതന്നെ.
3. അവശ്യം അറിവ് എന്നത് ഒരിക്കലും സ്വീകാര്യമല്ല. എനിക്ക് ഒരു നിയമത്തെക്കുറിച്ച് അറിവില്ല എങ്കിൽ അത് എന്റെ മാത്രം തെറ്റാണ്.
4. ഇതുവരെ നടന്ന ഒരു സംവാദത്തിലും ഒപ്പ് ഇട്ടിട്ടില്ല എങ്കിൽ അത് തെറ്റു തന്നെയാണ്.
5. ഉപയോക്താവിനുള്ള ക്രമീകരണങ്ങളിൽ ഒപ്പ് എന്നതിനെ ഒപ്പ് ഒരു വിക്കി എഴുത്തായി പരിഗണിക്കുക (കണ്ണി സ്വയം ചേർക്കേണ്ടതില്ല) എന്നതിനും സൗകര്യവും നിലവിലുണ്ട്.
6. ഇത്രയും ചർച്ചയായ സ്ഥിതിക്ക് സെബിനു നൽകിയ പ്രത്യേക അവകാശങ്ങൾ നീക്കം ചെയ്തേ മതിയാകൂ എങ്കിൽ വോട്ടിനിട്ട് തീരുമാനിക്കാവുന്നതുമാണ്.

എല്ലാവരോടുംകൂടി ഒരു വിഷയം ബോധിപ്പിക്കാൻ ആഗ്രഹിക്കുന്നു. ഒന്നുകിൽ ഇ,ഗ്ലീഷ് വിക്കിപീഡിയയിലെയോ മറ്റേതെങ്കിലും വിക്കികളിലേയോ നയം പിന്തുടരുക. അല്ലെങ്കിൽ മലയാളത്തിൽ ഉള്ളവ പിൻപറ്റുക. മലയാളത്തിൽ നയം ഇല്ലാ എങ്കിൽ അത് മലയാളത്തിനായി ചെയ്തെടുക്കുക. --സുഗീഷ് 15:05, 20 മാർച്ച് 2018 (UTC)

അതിനാരാ ഇവിടെ കോലാഹലം ഉണ്ടാക്കിയെ? ആർക്കും സംശയങ്ങൾ എവിടെയും ചോദിക്കാം. ഇവിടെ ചോദിച്ചതു കൊണ്ട് നൽകിയ ആളും സ്വീകരിച്ച ആളും മറുപടി നൽകി. പ്രത്യേക അവകാശങ്ങൾ നയത്തിനെതിരെ അല്ലെ നൽകിയത്? --റോജി പാലാ (സംവാദം) 04:50, 21 മാർച്ച് 2018 (UTC)

സംശയങ്ങളോ ആരോപണങ്ങളോ ആർക്കും എവിടേയും ഉന്നയിക്കാമോ എന്നത് എനിക്ക് അറിയില്ല. ചോദിച്ച ആളും സ്വീകരിച്ച ആളും മാത്രമല്ല ചർച്ചയിൽ പങ്കെടുക്കുക എന്നത് അറിയില്ല എങ്കിൽ എനിക്ക് ഒന്നും തന്നെ ചെയ്യുവാനില്ല. പ്രത്യേക അവകാശങ്ങൾ നയത്തിന് എതിരായി നൽകി എങ്കിൽ അത് ഒഴിവാക്കിയോ? അതിനേക്കുറിച്ച് കൊടുത്ത ആളും വാങ്ങിയ ആളും കണ്ട ആളും ആരും തന്നെ ഒന്നും പറഞ്ഞിട്ടില്ല.

കൂട്ടത്തിൽ ഒരു കാര്യം കൂടി.. എന്റെ ഫ്ലോഗുകൾ നീക്കം ചെയ്യുന്നതിന് ഞാൻ എവിടെ അപേക്ഷ നൽകണം..?--സുഗീഷ് 16:33, 22 മാർച്ച് 2018 (UTC)

മുകളിൽ കൊടുത്ത സംശയങ്ങളും ആരോപണങ്ങളും നൽകിയ സ്ഥലം മാറി പോയി എന്ന അഭിപ്രായം എനിക്കില്ല. അവകാശങ്ങൾ നൽകിയ കാര്യനിർവാഹകന്റെ സംവാദം താളിൽ ചെന്നങ്കിലും അദ്ദേഹം 2017 ജനുവരി മുതൽ അവിടെ ആക്ടീവായി കാണാത്തതിനാലാൽ അവിടെ ചുണ്ടിക്കാണിക്കുന്നതിലും നല്ലത് ഇവിടാണ് എന്ന് തോന്നിയതിനാലാണ് ഇവിടെ ചർച്ചയ്ക്കു വെച്ചത്. ചോദിച്ച ആളും സ്വീകരിച്ച ആളും മാത്രമല്ല ചർച്ചയിൽ  പങ്കെടുക്കുക എന്ന ഉത്തമ ബോധ്യമുള്ള കൊണ്ടും ഒരു കാര്യനിർവാഹകൻ ഉൾപ്പെട്ടതുകൊണ്ടും കൂടുതൽ കാര്യനിർവാഹകരുടെ അഭിപ്രായം പെട്ടന്ന് ലഭ്യമാവും എന്ന വിശ്വാസത്തിലാണ് ഇവിടെ ഉന്നയിച്ചത്. ഏതായാലും ഇത്രത്തോളം എത്തിയ നിലയ്ക് സമയവായത്തിലേക്ക് നീങ്ങാം

1. മലയാളം വിക്കിയിലെ നിലവിലെ യോഗ്യതാ മാനദണ്ഡങ്ങൾക്കനുസരിച്ചാണ് ഫ്ളാഗുകൾ നൽകേണ്ടത് എന്നത് തോന്നുന്നവർ,

• അതുപോലെ ഇത്തരം അടിസ്ഥാന മാനദണ്ഡങ്ങൾ പാലിക്കാത്ത ഉപയോക്താക്കളെ  വിശ്വസ്തരായ ഉപയോക്താക്കളെ ഏതൊരു കാര്യനിർവാഹകനും യുക്താനുസാരമായി സ്വതേ റോന്തുചുറ്റുന്നവരാക്കുന്നത് ചിലപ്പോൾ ഒരു തെറ്റായ കീഴ്‌വഴക്കം സൃഷ്ടിക്കാൻ കാരണമായേക്കാം എന്നു കരുതുന്നവർ

1. ഇത് ഭാവിയിൽ മറ്റ് ഉപയോക്താക്കൾക്ക് പക്ഷപവുമായിട്ടും  ഈ അവകാശങ്ങൾ നൽകിയ കാര്യനിർവാഹകർക്കെതിരെ മറ്റുള്ളവർ ചിലപ്പോൾ താല്പര്യവ്യത്യാസമുള്ളയാൾ എന്ന് ആരോപിക്കാനും സാധ്യത ഉണ്ട് എന്ന് കരുതുന്നവർക്ക് അനുകൂലിച്ചും അല്ലാത്തവർക്ക് പ്രതികൂലിച്ചും വോട്ട് ചെയ്യാവുന്നതാണ് Akhiljaxxn (സംവാദം) 00:24, 23 മാർച്ച് 2018 (UTC).

അഭിപ്രായം

റോന്തു ചുറ്റുന്നതിനും സ്വതേ റോന്തു ചുറ്റുന്നതിനും ഉള്ള അവകാശങ്ങൾ നൽകുന്നതിനു് ഒരു കൊള്ളലും ഒരു കൊടുക്കലുമുണ്ടു്. പരസ്പരവിശ്വാസമാണു് അതിനുവേണ്ട ഒന്നാമത്തെ സംഗതി. നിരന്തരം മാറിക്കൊണ്ടിരിക്കുന്ന വിക്കിതാളുകളിൽ ആരൊക്കെയാണു് വ്യാജമോ തെറ്റോ പക്ഷപാതപരമോ ആയ വിവരങ്ങൾ കൂട്ടിച്ചേർക്കുന്നതെന്നു് പരിശോധിച്ചുകൊണ്ടിരിക്കുന്നവർക്കു് (അവർ കാര്യനിർവ്വാഹകർ തന്നെയാവണമെന്നില്ല) ജോലിഭാരം കുറയ്ക്കാനാണു് തങ്ങൾക്കു് സാമാന്യവിശ്വാസമുള്ളവരെ റോന്തു ചുറ്റാൻ ഏൽപ്പിക്കുകയോ അവർ ചെയ്യുന്ന തിരുത്തുകളിൽ റോന്തുചുറ്റേണ്ട ആവശ്യമില്ലെന്നു് അടയാളപ്പെടുത്തുകയോ ചെയ്യുന്നതു്. വിക്കിപീഡിയ (അതിന്റെ കാര്യനിർവ്വാഹകരും അഭ്യുദയകാംക്ഷികളും) അത്തരമൊരു പണിയെളുപ്പം കൊള്ളുമ്പോൾ, അങ്ങനെ ലഭ്യമായ പ്രത്യേകാവകാശങ്ങൾ ദുരുപയോഗം ചെയ്തു് തങ്ങളുടെ പക്ഷപാതപരമായ വിശ്വാസങ്ങൾ വേറെ ആരാലും മിക്കവാറും ശ്രദ്ധിക്കപ്പെടാതെ വിക്കിയിൽ അടിച്ചുകയറ്റാതിരിക്കും എന്ന അലിഖിതമായ ഉറപ്പാണു് പകരമായി ഉപയോക്താവു് വിക്കിപീഡിയയിലേക്കു കൊടുക്കേണ്ടതു്.

ഇക്കാര്യത്തിൽ വളരെ കർശനമായ നയങ്ങളും മാനദണ്ഡങ്ങളും ആവശ്യമില്ല എന്നാണെന്റെ അഭിപ്രായം. പൊതുവേ പക്ഷപാതരഹിതമായും തുടർച്ചയായി ആ ശീലം നിലനിർത്തുന്നതുമായ ഉപയോക്താക്കൾക്കു്, പ്രത്യേകിച്ച് ഉത്തരവാദിത്തത്തോടെ പ്രവർത്തിക്കാറുള്ള ഒരു കാര്യനിർവ്വാഹകനു് അവരെ വ്യക്തിപരമായി നേരിട്ടു പരിചയമുണ്ടെങ്കിൽ, റോന്തുചുറ്റാനുള്ള ചുമതലയും സ്വന്തം തിരുത്തുകൾ സ്വതേ റോന്തുചുറ്റപ്പെടുന്നവയായി പരിഗണിക്കപ്പെടുമ്പോൾ വേണ്ട ഉത്തരവാദിത്തവും അനുവദിച്ചുനൽകാമെന്നു തന്നെയാണു് ഞാൻ കരുതുന്നതു്.

എന്നാൽ എല്ലാ ഉപയോക്താക്കളും എല്ലായ്പോഴും എല്ലാ വിഷയങ്ങളിലും ഒരുപോലെ NPOV ഉള്ളവരായിരിക്കണമെന്നില്ല. ഇവിടെത്തന്നെ, അന്യഥാ ഞാൻ ബഹുമാനിക്കുന്ന പലരും ചില പ്രത്യേക വിഷയങ്ങളിലുള്ള ലേഖനങ്ങളിൽ ഇടപെടുമ്പോൾ അവർ ഉള്ളടക്കത്തിൽ മാറ്റിയ വിവരങ്ങൾ എന്തൊക്കെയെന്നു് ഞാൻ ചികഞ്ഞുനോക്കാറുണ്ടു്. ചിലപ്പോൾ അതൊരു POV ആണെന്നുതോന്നിയാൽത്തന്നെ, അങ്ങനെ എനിക്കു തോന്നുന്നതു് ഒരുപക്ഷേ എന്റെ POV മൂലമാണോ എന്നു് ആദ്യം സ്വയംപരിശോധന നടത്തും. അല്ല എന്നുറപ്പു വന്നാൽ, ആ തിരുത്തിൽ ഞാൻ ഇടപെടുകയും പതിവുണ്ടു്. എന്നാൽ റോന്ത് അവകാശങ്ങളുള്ള ആരെങ്കിലും തുടർച്ചയായി ഈ രീതിയിൽ പെരുമാറുന്നതായി തോന്നിയിട്ടില്ല.

പുതിയ ഉപയോക്താക്കളെ ആറുമാസമെങ്കിലും നിരീക്ഷിക്കാതെ റോന്തുചുറ്റാൻ / സ്വതേ റോന്തപ്പെടാൻ പരിഗണിക്കരുതു് എന്ന കാലാടിസ്ഥാനത്തിലുള്ള നയമാണു് എനിക്കിക്കാര്യത്തിൽ അഭികാമ്യം. ആ സമയത്തിനിടയ്ക്കു് ‘കടിയൊന്നു കിട്ടിയാലും നായയുടെ സ്വഭാവം അറിയാം’ (വെറും തമാശപ്പഴഞ്ചൊല്ലാണേ! ആരും മുഖം വീർപ്പിക്കരുതു്!). തങ്ങളുടെ വിശ്വാസസംഹിതകൾ വിക്കിയിലേക്കു് പകർത്തിവെച്ച് ‘ഒഫീഷ്യൽ‘ ആക്കി മാറ്റാൻ ശ്രമിക്കുന്നവരെ, അതു മാത്രം ലക്ഷ്യമാക്കി വിക്കിയിൽ വന്നിട്ടുള്ളവരെ, തിരിച്ചറിയാൻ അത്രയും സമയം മതി. (അതിനപ്പുറം, പല പുതിയ ഉപയോക്താക്കളും വിക്കിയിലുള്ള പരിചയക്കേടുകൊണ്ടു്, ഒട്ടൊക്കെ ബോധപൂർവ്വമല്ലാതെത്തന്നെ, തങ്ങളുടെ വ്യക്തിപരമായ വിശ്വാസങ്ങളും അനുമാനങ്ങളും എഴുതിച്ചേർത്തെന്നു വരാം. സ്വല്പം ക്ഷമയോടെ പറഞ്ഞുകൊടുത്താൽ, അവരിൽ ഒരു നല്ല ഭാഗം, സാവധാനം ശരിയായിക്കൊള്ളും. സ്ഥിരം ദാതാക്കളായി അവരെ നിലനിർത്താൻ സാധിക്കുക എന്നതാണു പ്രധാന കാര്യം. അല്ലാതെ, അവരെ ഉടന്തടി കടിച്ചുകീറുന്നതിനോട് യോജിപ്പില്ല). അങ്ങനെയൊന്നുമല്ലാത്തവർക്കു് (ഒട്ടും POV പ്രകടിപ്പിക്കാത്തവർക്കു്, അല്ലെങ്കിൽ അത്തരം വിഷയങ്ങളിൽ കൂടുതൽ ശ്രദ്ധിക്കാതെ വസ്തുനിഷ്ഠമായ ലേഖനങ്ങളിൽ പ്രവർത്തിക്കുന്നവർക്കു്) ) പ്രത്യേകം കൂടിയാലോചനകളോ മറ്റു മാനദണ്ഡങ്ങളോ പരിഗണിക്കാതെ ഞാനും റോന്തുചുറ്റൽ അവകാശങ്ങൾ കൊടുക്കാറുണ്ടു്. (എന്നാൽ, മറ്റു കാര്യനിർവ്വാഹകർക്കോ ഉപയോക്താക്കൾക്കുതന്നെയോ ആ പ്രവൃത്തിയിൽ അഭിപ്രായവ്യത്യാസമുണ്ടെങ്കിൽ തീർച്ചയായും പുനരാലോചിക്കേണ്ടതും അഭിപ്രായസമന്വയമനുസരിച്ച് പ്രവൃത്തി പിൻവലിക്കുകയോ നിലനിർത്തുകയോ ചെയ്യേണ്ടതാണു്.)

സെബിന്റെ കാര്യത്തിൽ, റോന്തുചുറ്റൽ അവകാശം തൽക്കാലം നിലനിർത്താമെന്നും അസാമാന്യമായ വിധത്തിൽ POV പ്രകടിപ്പിക്കുന്ന തരം തിരുത്തുകൾ തുടർച്ചയായി നടത്തിയില്ലെങ്കിൽ (ഇതുവരെ അങ്ങനെ ചെയ്തിട്ടുണ്ടെന്നോ ഇല്ലെന്നോ അർത്ഥമാക്കുന്നില്ല. അദ്ദേഹത്തിന്റെ തിരുത്തുകൾ ഞാൻ ഈയിടെയൊന്നും ശ്രദ്ധിച്ചിട്ടില്ല) അക്കാര്യത്തിൽ പ്രത്യേകം നടപടികളൊന്നും ഭാവിയിലും വേണ്ടെന്നുമാണു്, സെബിനെ വ്യക്തിപരമായി പരിചയമുണ്ടു്, അദ്ദേഹവുമായി വിക്കിപീഡിയയുടെ നയങ്ങളെ സംബന്ധിച്ചും മറ്റു പല കാര്യങ്ങളിലും, അഭിപ്രായവ്യത്യാസങ്ങൾ പതിവുണ്ടു് എന്നീ താല്പര്യസംഘട്ടനസാദ്ധ്യതകൾ നിലനിൽക്കെത്തന്നെ, എന്റെ അഭിപ്രായം. വിശ്വപ്രഭ സംവാദം 04:03, 23 മാർച്ച് 2018 (UTC)

യോജിക്കുന്നു. ഈ ഉദാഹരണം നോക്കുക. ഇന്നലെ അവർ എനിക്ക് "സ്വതേ റോന്തുചുറ്റുന്നയാൾ" എന്ന അവകാശം നൽകി. എന്റെ ആകെ അവിടെയുള്ള തിരുത്തലുകൾ ഇത്രയും മാത്രം ആണ്. അതിൽനിന്നും അവർ എന്നെ വിലയിരുത്തി. ജീവൻ 05:52, 23 മാർച്ച് 2018 (UTC)

ജീവ ഇത് ചിലപ്പോൾ താങ്കളുടെ കോമൺസിസിലെ സംഭാവനകൾ, ആഗോള സംഭാവനകൾ, ക്രോസ് വിക്കി ആക്റ്റിവിറ്റികൾ തുടങ്ങിയവ പരിഗണിച്ചാവാനാണ് സാധ്യത.Akhiljaxxn (സംവാദം) 11:52, 23 മാർച്ച് 2018 (UTC)

ഇടയ്ക്കു കയറി അഭിപ്രായം പറയുന്നതിൽ ക്ഷമിക്കണം. ക്രോസ് വിക്കി ആക്റ്റിവിറ്റികളെക്കുറിച്ചു പറഞ്ഞതിനാലാണിത്. ഇത് പൂർണ്ണമായും ഞാൻ ഒറ്റയ്ക്കു ചേർത്തതാണ്. എപ്പോഴും യൂസർനെയിം ഉപയോഗിച്ചു തന്നെ തിരുത്തി സാന്നിദ്ധ്യം ഉറപ്പാക്കാറില്ല. എങ്കിലും തെറ്റു കാണുമ്പോഴൊക്കെ തിരുത്താറുണ്ട്. ആരെയും അറിയിക്കാനല്ല, ഇതൊക്കെ നിങ്ങളെയൊക്കെപ്പോലെ എന്റെ സന്തോഷത്തിനു ഞാൻ ചെയ്യുന്നവയാണ്. ഒരിടത്ത് വ്യത്യസ്ത അഭിപ്രായം പറഞ്ഞതിനോടുണ്ടായ പ്രതികരണം ഇത്തരത്തിലായിപ്പോയതിനാലാണ്, ഞാൻ പ്രതികരിച്ചത്. അല്ലാതെ എനിക്കു റോന്തു ചുറ്റണമെന്നോ സ്വതേ റോന്തു ചുറ്റണമെന്നോ ഉള്ള ആഗ്രഹമൊന്നുമില്ല. കഴിയുന്നിടത്തൊക്കെ വിക്കിപ്പീഡിയ പരിചയപ്പെടുത്താൻ ശ്രമിച്ചിട്ടുണ്ട്. എന്റെ മകൾ പഠിക്കുന്ന സ്കൂളിലെങ്കിലും കുട്ടികൾക്കുവേണ്ടി വിക്കിപ്പീഡിയ പഠനക്കളരി സംഘടിപ്പിച്ചിട്ടുണ്ട്. വിക്കിയുമായി ബന്ധപ്പെട്ട പരിപാടികളിൽ പങ്കെടുക്കാറുണ്ട്. ഇവിടെയൊന്നും ഒപ്പിടാറോ ഒപ്പീസുപാടാറോ ഇല്ല. അതിനാൽ കണ്ടെന്നും വരില്ല. Sebinaj (സംവാദം)absolute_void(); 11:57, 6 ഏപ്രിൽ 2018 (UTC)

മലയാളം വിക്കിപീഡിയയിൽ സെബിൻ എന്ന ഉപയോക്താവ് ചില വിഷയങ്ങളിൽ എടുക്കുന്ന നിലപാടിനെ നയങ്ങൾ അനുസരിച്ച് പലപ്പോഴും എതിർത്തിട്ടുണ്ട്. ഇനിയും അത്തരം നിലപാടുകളെ നയങ്ങൾക്കോ കീഴ്വഴക്കങ്ങൾക്കോ എതിരായി തോന്നിയാൽ ശക്തമായി എതിർക്കുകയും ചെയ്യും. ആ നിലപാട് എല്ലാവരോടും ഉള്ളതുതന്നെയാണ്. അതുകൊണ്ടുതന്നെ ഒരു കാര്യനിർവാഹകൻ ഒരു ഉപയോക്താവിന് നൽകുന്ന പ്രത്യേകമായ അവകാശങ്ങൾ അത് കാര്യനിർവാഹകന് സ്വയം ബോദ്ധ്യമുള്ളതുകൊണ്ട് തന്നെയാണെന്ന് നൽകുന്നത് കരുതുന്നു. അത് കാര്യനിർവാഹകന്റെ വിവേചനാധികാരം മാത്രമായി കാണാൻ മാത്രമേ കഴിയൂ. --സുഗീഷ് 13:50, 23 മാർച്ച് 2018 (UTC)

അനുകൂലിക്കുന്നവർ

• അനുകൂലിക്കുന്നു--മാളികവീട് (സംവാദം) 04:07, 18 മാർച്ച് 2018 (UTC)

• അനുകൂലിക്കുന്നു--അരുൺ സുനിൽ കൊല്ലം (സംവാദം) 05:35, 18 മാർച്ച് 2018 (UTC)

എതിർക്കുന്നവർ

• എതിർക്കുന്നു--സെബിൻ ഏബ്രഹാം ജേക്കബ് (സംവാദം) absolute_void(); 09:50, 18 മാർച്ച് 2018 (UTC)
• എതിർക്കുന്നു-- ജീവൻ 09:49, 20 മാർച്ച് 2018 (UTC)
• എതിർക്കുന്നു-- കാരണം മുകളിൽ വിശദീകരിക്കാം വിശ്വപ്രഭ സംവാദം 03:08, 23 മാർച്ച് 2018 (UTC)
• എതിർക്കുന്നു- മുകളിൽ കാരണം വിശദീകരിച്ചിട്ടുണ്ട്. --സുഗീഷ് 13:50, 23 മാർച്ച് 2018 (UTC)
• എതിർക്കുന്നു- --മനോജ്‌ .കെ (സംവാദം) 14:26, 23 മാർച്ച് 2018 (UTC)

ആവശ്യമില്ലാത്ത പരാമർശങ്ങൾ.

ഈതാളിൽ (നീക്കം ചെയ്ത പരാമർശം ഇവിടെ കാണാം) വിക്കിപീഡിയയിൽ കുറെ മണ്ടന്മാരുടെയിടയിൽ അനുസരിക്കാൻ ഞാൻ കണ്ട ഒരു പേരു മാത്രമേയുള്ളൂ. വിശ്വപ്രഭ.പറയാതിരിക്കവയ്യ. ഇങ്ങനെ ഒരു പരാമർശം കാണുന്നു. ഇത് ആരെയൊക്കെയാണെന്നും എന്തു കാരണത്താലാണെന്നും വിശദമാക്കേണ്ടതുണ്ട്. വിശ്വപ്രഭയിൽ ഇല്ലാത്ത മണ്ടത്തരവും മറ്റുള്ളവർ കാണിച്ച മണ്ടത്തരങ്ങളും കൃത്യമായും വിശദമാക്കുക. വിക്കിപീഡീയയിൽ വിശ്വപ്രഭയ്ക്ക് മാത്രമായി ഒരു സ്ഥാനവും ഇല്ല. വിശ്വപ്രഭയ്ക്കോ മറ്റുള്ളവർക്കോ എന്തെങ്കിലും സ്ഥാനമാനങ്ങൾ ലഭ്യമാക്കിയിട്ടുണ്ടെങ്കിൽ അവർ ഇരന്നു വങ്ങിയതു തന്നെയാണ്. ഇരക്കുന്നവർ ആരും തന്നെ മണ്ടന്മാർ ആകുന്നുമില്ല. ആയതു കൊണ്ട് വിശ്വപ്രഭയേക്കാൾ ബുദ്ധിശക്തിയിലോ അറിവിലോ ഒട്ടും തന്നെ താഴെയുള്ളവരല്ല മറ്റുള്ള ഉപയോക്താക്കൾ. ആയതിനാൽ വിശ്വപ്രഭ ഒഴികെ മറ്റുള്ളവരെല്ലാം മണ്ടന്മാരാണ് എന്ന പരാമർശം നീക്കം ചെയ്യുന്നതിനും പ്രസ്തുത പരാമർശം നടത്തിയ വ്യക്തി നിരുപാധികം മാപ്പു പറയുന്നതിനും തക്ക നടപടികൾ കൈക്കൊള്ളേണ്ടതാണ്. --സുഗീഷ് (സംവാദം) 05:46, 19 ഏപ്രിൽ 2018 (UTC)

user:Meenakshi nandhini --122.174.233.193 08:09, 19 ഏപ്രിൽ 2018 (UTC)

സുഗീഷ് മടങ്ങിവരുന്നത് തന്നെ സന്തോഷം. നമ്മളെല്ലാം വിക്കികൂട്ടുകാരാണ്. അർഹരായവർക്ക് സ്ഥാനം കിട്ടുകതന്നെ വേണം. സുഗീഷ്, മാളികവീട്, നമ്മളെല്ലാം ഒന്നിച്ച് വിക്കിപീഡിയയിൽ പ്രവർത്തിച്ചത് ഓർത്തുനോക്കുക.ഏകാധിപത്യം നന്നല്ല. ഞാൻ മാളികവീടിന്റെ സംവാദത്താളിൽ എഴുതും മുമ്പെ മറുപടിയായി എത്തും. ഇട്ടെറിഞ്ഞിട്ടുപോകുന്നത് മണ്ടത്തരമല്ലേ. ഇത്രയും കുറിയ്ക്കാനുള്ള സ്വാതന്ത്രൃം എനിയ്ക്കുണ്ടോയെന്നറിയില്ല. വിക്കിപീഡിയയിൽ സുഗീഷിന്റെ കുറവുണ്ട്. ഈ അടുത്തകാലത്തെ വിക്കിപീഡിയയുടെ നിലവാരം നോക്കുക. വാദപ്രതിവാദത്തിനു നിൽക്കാതെ എന്റെ ഉദ്ദേശശുദ്ധിയെ മനസ്സിലാക്കുക.--Meenakshi nandhini (സംവാദം) 09:35, 19 ഏപ്രിൽ 2018 (UTC)

ഒരു സംശയം, മുകളിൽ സുഗീഷ്, മാളികവീട്, നമ്മളെല്ലാം ഒന്നിച്ച് വിക്കിപീഡിയയിൽ പ്രവർത്തിച്ചത് ഓർത്തുനോക്കുക എന്നൊരു പരാമർശം കണ്ടു. 2007 മുതൽ മലയാളം വിക്കിപീഡിയയിൽ പ്രവർത്തിച്ച സുഗീഷും 2017 നവംബറിൽ മാത്രം അംഗത്വമെടുത്ത മുകളിലെ ഉപയോക്താവും ഏതുകാലത്താണ് ഒന്നിച്ചുപ്രവർത്തിച്ചതെന്ന് അറിയാനൊരു കൗതുകം--Vinayaraj (സംവാദം) 13:47, 19 ഏപ്രിൽ 2018 (UTC)

• ആ താളിന്റെ പരിധിയിൽ വരാത്ത പരാമർശങ്ങൾ നീക്കം ചെയ്തിരിക്കുന്നു. അത്തരം കാര്യങ്ങൾക്ക് ഉപയോക്താവിന്റെ സംവാദം താളോ നോട്ടീസ് ബോർഡുകളോ ഉപയോഗിക്കുക. ജീവൻ 03:42, 20 ഏപ്രിൽ 2018 (UTC)

A quick comment on the issues: 1. I agree with Viswa that new users should not be feel attacked/discouraged. 2. I've no evidence for en:Wikipedia:Harassment#Wikihounding; but there is indeed a strong conflict of interest between the two users. So its better to stay away each other and let others to mentor that new user, if the new user feel so. 3. At any circumstances, comments like one Sugeesh quoted above must be avoided. It will be eligible for a sanction if repeated. (Sorry for the comment in English; I'm a bit busy and there is an interruption of power supply too. Hope everybody understand what was going wrong here and this matter is resolved.) ജീവൻ 04:08, 20 ഏപ്രിൽ 2018 (UTC)

User:Jkadavoor i dont see it as a conflict between two user . The user targeted all users , please note the line വിക്കിപീഡിയയിൽ കുറെ മണ്ടന്മാരുടെയിടയിൽ not targeting any one user , in fact as a whole the user is saying those who edit here apart from the one supported her as മണ്ടന്മാർ and it is not singular .--- ഇർവിൻ കാലിക്കറ്റ്‌ .... സംവദിക്കാൻ 11:54, 20 ഏപ്രിൽ 2018 (UTC)

ഇർവിൻ കാലിക്കറ്റ്‌, I meant COI which is visible since here. ജീവൻ 13:02, 20 ഏപ്രിൽ 2018 (UTC)

Meenakshi nandhini - വ്യക്തിഹത്യ വിശാലാർത്ഥത്തിൽ ഉള്ള പരാമർശങ്ങൾ വിക്കിയുടെ താല്പര്യങ്ങൾക്ക് എതിരാണ് വിക്കിയുടെ നയങ്ങൾക്കും എതിരാണ് , ആയതു കൊണ്ട് സ്വയം വിലയിരുത്തുക , താങ്കളുടെ ആശയപ്രകാശനത്തിന്റെയോ അഭിപ്രായപ്രകടനത്തിന്റെയോ വേദി അല്ലാ വിക്കിപീഡിയ . ഇത് ആവർത്തിക്കുന്ന പക്ഷം താങ്കളെ ഇവിടെ നിന്ന് തടയേണ്ടി വരും എന്ന് സ്നേഹപൂർവ്വം ഓർമിപ്പിക്കുന്നു , ദയവായി ഇത്തരം പ്രവർത്തികൾ തുടരരുത് . സ്നേഹത്തോടെ --- ഇർവിൻ കാലിക്കറ്റ്‌ .... സംവദിക്കാൻ 11:55, 20 ഏപ്രിൽ 2018 (UTC)

ഞാനിവിടെ മടങ്ങിവരുന്നതിനായി എങ്ങും തന്നെ പോയിട്ടില്ല. ഇനി വിഷയത്തിലേയ്ക്ക് വരാം. ഈ വിഷയവുമായി കുറച്ചധികം ഉപയോക്താക്കൾ അഭിപ്രായം രേഖപ്പെടുത്തിയിരിക്കുന്നതായി സംവാദം താളിന്റെ നാൾവഴികളിൽ കണ്ടെങ്കിലും താളിൽ നിലവിലിൽ കാണാൻ കഴിയുന്നില്ല. അതിനാൽ തന്നെ ഈ ചർച്ച ആദ്യമായി കാണുന്ന ആർക്കും വിഷയത്തെക്കുറീച്ച് കൃത്യമായ വിവരം ലഭിക്കണമെന്നുമില്ല. ഒരു സംവാദം നടക്കുമ്പോൾ ഓരോരുത്തരുടേയും സംവാദം ലഭ്യമായാൽ മാത്രമേ കാര്യങ്ങൾ മനസ്സിലാക്കാൻ കഴിയൂ. ആയതു കൊണ്ട് കാര്യനിർവാഹകനു യോജിക്കാത്ത പ്രവർത്തികൾ ചെയ്ത കാര്യ നിർവാഹകൻ/സിസോപ്പ് നീക്കം ചെയ്തിരിക്കുന്നതായി മനസ്സിലാകുന്നു. അത് മറ്റേഠെങ്കിലും താളുകളിൽ ചേർത്തിട്ടുണ്ട് എങ്കിൽ അത് വിശദമാക്കുക. അല്ലാ എങ്കിൽ നീക്കം ചെയ്ത വിവരങ്ങൾ പുനഃസ്ഥാപിക്കണം എന്ന് ആവശ്യപ്പെടുന്നു. അക്കാര്യം ആദ്യം തീരുമാനം ആക്കിയതിനുശേഷം ഇനി ഇക്കാര്യത്തിൽ ചർച്ചകൾ തുടരാം എന്ന് കരുതുന്നു. ഇത് ഏതെങ്കിലും ഒരു ഉപയോക്താവ് / കാര്യനിർവാഹകൻ /സിസോപ് എന്നിവരുടെ കുടുംബക്കാര്യമല്ല. പൊതുവായ കാര്യം തന്നെയാണ്. ഇത് ഏതെങ്കിലും താളിനെ സംബന്ധിക്കുന്ന വിഷയവുമല്ല എന്ന് മനസ്സിലാക്കുമെന്ന് കരുതുന്നു. --സുഗീഷ് (സംവാദം) 18:40, 20 ഏപ്രിൽ 2018 (UTC)

@ സുഗീഷ്, മീഡിയാവിക്കി സോഫ്റ്റ്‌വെയറിന്റെയോ മറ്റോ പിഴവുകൊണ്ട് ചില പ്രശ്നങ്ങൾ ഈ പേജിൽ ഉണ്ടായി. ഈ ഖണ്ഡികയിൽ വിനയരാജ് എഴുതിയ കുറിപ്പ് വരെ പ്രശ്നമുണ്ടായിരുന്നില്ല. അതിനുശേഷം വിശ്വേട്ടൻ ചെയ്ത ഈ തിരുത്തിനു ശേഷം പേജിലെ അക്ഷരങ്ങൾ മുഴുവൻ ചുവപ്പ് നിറത്തിൽ കാണപ്പെട്ടു. (ഈ തിരുത്തിന്റെ Preview-വിലും ചുവപ്പ് നിറമുണ്ടായിരുന്നു.) അദ്ദേഹം ഈ പേജിലെ പഴയ ഒരു ഖണ്ഡികയിലെ സ്വന്തം ഒപ്പിൽ ഒരു സ്പേസ് ഇടുക മാത്രമാണ് ചെയ്തത്. ഇപ്പോഴത്തെ ഈ ഖണ്ഡികയിൽ അദ്ദേഹം അഭിപ്രായം രേഖപ്പെടുത്തിയിട്ടില്ല. ചുവപ്പ് നിറം മാറ്റുന്നതിനായി ഞാൻ ആ എഡിറ്റ് നീക്കം ചെയ്തു. അപ്പോൾ ചുവപ്പ് നിറം മാറി. അതോടെ എനിക്ക് ഒരു സംശയം തോന്നി. സുഗീഷിന്റെ ചോദ്യത്തിന് അദ്ദേഹം പഴയ ഖണ്ഡികയിലെ മറുപടി തന്നെ നൽകിയതാണോ എന്നായിരുന്നു സംശയം. ഇക്കാര്യം ഇവിടെ കുറിക്കുന്നതിന് സമയമില്ലാതിരുന്നതിനാൽ ഒരു ഡമ്മി എഡിറ്റ് ചെയ്ത് എഡിറ്റ് സമ്മറിയിൽ ഇക്കാര്യം സൂചിപ്പിക്കാമെന്ന് കരുതി. പേജിൽ യാതൊരു തിരുത്തും വരുത്താതെ വിശ്വേട്ടാ ഈ രീതിയിൽ മറുപടി നൽകുന്നത് ഉചിതമല്ല എന്ന എഡിറ്റ് സമ്മറിയോടെ ഞാൻ മാറ്റം പ്രസിദ്ധീകരിച്ചു. അത്ഭുതമെന്നു പറയട്ടെ, ആ തിരുത്തിൽ ഞാൻ എന്തോ ടെക്സ്റ്റ് ടൈപ്പു ചെയ്ത് ചേർത്തതായി കാണിക്കുന്നു. ആ സമയത്ത് മറ്റാരും ഇവിടെ എഡിറ്റു ചെയ്തിരുന്നില്ല. അത് നീക്കം ചെയ്യുവാനായി ഞാൻ വരുത്തിയ എല്ല തിരുത്തുകളും ഞാൻ തന്നെ മുൻപ്രാപനം ചെയ്തു. അപ്പോൾ ആ ടെക്സ്റ്റും മാഞ്ഞുപോയി ! എന്താണ് സംഭവിച്ചതെന്ന് അറിയില്ല. പേജിന്റെ എല്ലാ നാൾവഴിയിലും ചുവപ്പ് നിറം കണ്ടതുകൊണ്ടാണ് എഡിറ്റു ചെയ്തതെന്ന് വിശ്വേട്ടൻ അറിയിച്ചിട്ടുണ്ട്. അദ്ദേഹം വിചാരിച്ചത് സ്വന്തം ഒപ്പിലെ ചുവന്ന നിറം പടർന്നുവെന്നാണ്. അതിനാലാണ് space ഇട്ടത്. ആ സമയത്ത് മീഡിയവിക്കി സോഫ്റ്റ്‌വെയറിൽ എന്തോ പ്രശ്നമുണ്ടായിരുന്നുവെന്ന് തോന്നുന്നു. ഇതേപ്പറ്റി എന്റെ സംവാദം താളിൽ നടന്ന ചർച്ച കുടി കാണുക. സുഗീഷ് തുടങ്ങിവച്ച ആവശ്യമില്ലാത്ത പരാമർശങ്ങൾ എന്ന ഈ ഖണ്ഡികയിൽ ഞങ്ങൾ രണ്ടുപേരും ഇതുവരെ അഭിപ്രായം രേഖപ്പെടുത്തിയിരുന്നില്ല. ആരിലും തെറ്റിദ്ധാരണ ഉണ്ടാകാതിരിക്കുവാനാണ് ഇത്രയും വിശദീകരിച്ചത്. ഒരു ഉപയോക്താവ് / കാര്യനിർവാഹകൻ / സിസോപ് എന്നിവരുടെ കുടുംബക്കാര്യമല്ല. എന്നൊരു പരാമർശം താങ്കൾ നടത്തിയതായി കണ്ടു. ഇത്തരം ഒരു പരാമർമുണ്ടാകാൻ എന്താണു കാരണമെന്ന് മനസ്സിലാകുന്നില്ല. അങ്ങനെയെങ്കിൽ ആവശ്യമില്ലാത്ത പരാമർശം നടത്തുന്നത് ആരാണ് ? ഏതെങ്കിലും ഉപയോക്താവ് വിശദീകരണം നൽകണമെന്ന് ആവശ്യപ്പെടേണ്ടത് ഈ ശൈലിയിലാണോ? ഇത്തരം പ്രയോഗങ്ങൾ വിക്കിപീഡിയയ്ക്കു പുറത്ത് നിർത്തുന്നതാണ് അഭികാമ്യം. ഈ ഖണ്ഡികയിലെ താങ്കളുടെ ആദ്യ കുറിപ്പിലെ ഭാഷയും അത്ര മാന്യമായി തോന്നുന്നില്ല. സംവാദം താളുകളിൽ പരസ്പര ബഹുമാനത്തോടെയും മാന്യതയോടെയുമാണ് ചർച്ച നടത്തേണ്ടതെന്ന കാര്യം മീനാക്ഷിക്കു മാത്രമല്ല വിക്കിപീഡിയയിലെ ഏതൊരു ഉപയോക്താവിനും ബാധകമാണ്. താങ്കളും അക്കാര്യം ശ്രദ്ധിക്കുമെന്ന് പ്രതീക്ഷിക്കുന്നു.--അരുൺ സുനിൽ കൊല്ലം (സംവാദം) 01:38, 21 ഏപ്രിൽ 2018 (UTC)

"ആവശ്യമില്ലാത്ത പരാമർശങ്ങൾ" എന്ന സംവാദത്തിലെ ചിലവാക്കുകൾ ഉൾക്കൊള്ളാൻ സാധിക്കുന്നവയല്ല എന്നുണർത്തിച്ചുകൊള്ളുന്നു. പ്രത്യേകിച്ച് മണ്ടൻമാർ എന്ന പ്രയോഗവും "വിക്കിപീഡീയയിൽ വിശ്വപ്രഭയ്ക്ക് മാത്രമായി ഒരു സ്ഥാനവും ഇല്ല. വിശ്വപ്രഭയ്ക്കോ മറ്റുള്ളവർക്കോ എന്തെങ്കിലും സ്ഥാനമാനങ്ങൾ ലഭ്യമാക്കിയിട്ടുണ്ടെങ്കിൽ അവർ ഇരന്നു വങ്ങിയതു തന്നെയാണ്" എന്നീ പ്രയോഗങ്ങളും ആ ഇരന്നു വാങ്ങിയത് എന്നുള്ള ഭാഗം ഒഴിവാക്കേണ്ടതായിരുന്നു. ഇരക്കുക എന്നതിന് "തെണ്ടുക" എന്നാണ് നേരേയുള്ള അർത്ഥം. ഈ പറഞ്ഞവർക്കൊന്നും ഇവിടെ വന്ന് ഒന്നും ഇരന്നു വാങ്ങേണ്ട ആവശ്യമുണ്ടെന്നു തോന്നുന്നില്ല. ഇങ്ങനെയുള്ള സന്ദർഭങ്ങളിൽ പേരു പരാമർശിക്കുന്നതു തീരെ ഉചിതമല്ല. ഈ പരാമർശനങ്ങളെല്ലാം ഉടനടി നീക്കം ചെയ്യുന്നതാണ് ഉചിതം. malikaveedu (സംവാദം) 06:35, 21 ഏപ്രിൽ 2018 (UTC)

Speciesbox and Taxobox

ജീവവർഗങ്ങളെ നാമകരണം ചെയ്യുന്ന ദ്വിപദ നാമപദ്ധതി പ്രകാരം ഒരു ജനുസിന്റെ പേരോ ഒരു സ്പീഷിസിന്റെ പേരോ unique ആയിരിക്കും. അതായത് ഒരു ജനുസിന്റെ/സ്പീഷിസിന്റെ/Taxon -ന്റെ പേര് എവിടെ refer ചെയ്താലും മുകളിലേക്ക് ഉള്ള എല്ലാ വിഭാഗങ്ങളും Family, Order, Kingdom മുതലായവ fix ആയിക്കഴിഞ്ഞു. എന്നുപറഞ്ഞാൽ ഒരു ജനുസിനെപ്പറ്റിയോ സ്പീഷിസിനെപ്പറ്റിയോ പറയുമ്പോൾ മുകളിലേക്കുള്ളവ എല്ലാം വീണ്ടും വീണ്ടും പറയേണ്ടതില്ല എന്നർത്ഥം. പക്ഷേ ഒരിക്കൽ എല്ലാ Taxon -നേയും തൊട്ടുമുകളിൽ ഏതാണുവേണ്ടതെന്ന് സൂചിപ്പിച്ചാലേ ഇതുനടക്കൂ. ഇംഗ്ലീഷ് വിക്കിപീഡിയയിലെ Speciesbox എന്ന Concept ഈ മാതൃക സ്വീകരിച്ചുകൊണ്ടാണ് ഉള്ളത്. എന്നാൽ മലയാളത്തിൽ ഇത് ഇല്ലാത്തതുകൊണ്ട് ലേഖനങ്ങൾ ഇംഗ്ലീഷിൽ നിന്നും കൊണ്ടുവരുമ്പോൾ അവിടെയുള്ള Speciesbox മാറ്റി Taxobox ചേർത്താലേ സംഭവം പ്രവർത്തിക്കൂ. അതു പലപ്പോഴും വലിയ മെനക്കേടാണ്. ഈ പരിപാടി, ഇംഗ്ലീഷ് വിക്കിപീഡിയയിലെ Speciesbox എന്ന പരിപാടി, മലയാളത്തിലേക്ക് Import ചെയ്യേണ്ടതുണ്ട്. ഇതിനെപ്പറ്റി അറിവുള്ളവർ ഒന്നു ശ്രമിച്ച് മലയാളത്തിലും Speciesbox കൊണ്ടുവരേണ്ടതുണ്ട്.--Vinayaraj (സംവാദം) 01:54, 21 ഏപ്രിൽ 2018 (UTC)

വിശ്വപ്രഭ സംവാദം 02:00, 21 ഏപ്രിൽ 2018 (UTC)

Vinayaraj, ഇത് കാണുക. ജീവൻ 02:02, 21 ഏപ്രിൽ 2018 (UTC)

ഇത് ശ്രദ്ധയ്ൽപ്പെട്ടില്ല. അതിരിക്കട്ടേ മൊത്തം Taxon -നെയും ഇങ്ങോട്ടെത്തിച്ചുകൂടേ ഒരുമിച്ച്, എന്നാലേ കാര്യമുള്ളൂ--Vinayaraj (സംവാദം) 02:06, 21 ഏപ്രിൽ 2018 (UTC)

അതിനിടയ്ക്കു് എന്റെ ഈ എഡിറ്റിനെന്തു പറ്റി?വിശ്വപ്രഭ സംവാദം 02:15, 21 ഏപ്രിൽ 2018 (UTC)

എനിക്കൊരു "തിരുത്തൽ യുദ്ധം" അനുഭവപ്പെട്ടിരുന്നു. പക്ഷെ കൈ നഷ്ടപ്പെട്ടത് കണ്ടില്ല. പുനഃസ്ഥാപിച്ചു. ജീവൻ 02:33, 21 ഏപ്രിൽ 2018 (UTC)

തിരഞ്ഞെടുത്ത ലേഖനം മൊബൈലിൽ

മൊബൈൽ ദൃശ്യരൂപത്തിന്റെ പ്രധാന താളിൽ തിരഞ്ഞെടുത്ത ലേഖനം പ്രത്യക്ഷപ്പെടണമെങ്കിൽ id="mf-featuredarticle" എന്ന് ഐ.ഡി. ചെയ്ത് കൊണ്ടുക്കേണ്ടതുണ്ട് (ചിത്രത്തിന് mf-featuredpicture). ഫലകം പുതുക്കുന്നവർ ശ്രദ്ധിക്കുക.--പ്രവീൺ:സംവാദം 15:55, 28 ഏപ്രിൽ 2018 (UTC)

@ പ്രവീൺ, തിരഞ്ഞെടുത്ത ചിത്രത്തിൽ ഇത് ചേർത്തിട്ടുണ്ട്. ശരിയാണോ എന്നു പരിശോധിക്കുമല്ലോ.--അരുൺ സുനിൽ കൊല്ലം (സംവാദം) 23:04, 28 ഏപ്രിൽ 2018 (UTC)

തിരഞ്ഞെടുത്ത ചിത്രത്തിന് കണ്ടൈനർ ഫലകമായി ഉപയോഗിക്കുന്ന താളിൽ തന്നെ നൽകിയിട്ടുള്ളതിനാൽ ആവർത്തിക്കേണ്ടതില്ല. ടെസ്റ്റ് ചെയ്യാൻ മൊബൈലിൽ പ്രത്യക്ഷപ്പെടുന്നുണ്ടോ എന്ന് നോക്കാവുന്നതാണ്. --പ്രവീൺ:സം‌വാദം 01:48, 29 ഏപ്രിൽ 2018 (UTC)

തിരഞ്ഞെടുത്ത ചിത്രത്തിൽ mf-featuredpicture ചേർക്കേണ്ടതില്ല. ചേർത്താലും ഇല്ലെങ്കിലും മൊബൈലിൽ ശരിയായി വരുന്നുണ്ട്. തിരഞ്ഞെടുത്ത ലേഖനം മുമ്പ് മൊബൈൽ ദൃശ്യരൂപത്തിൽ കാണിക്കുന്നില്ലായിരുന്നു. താങ്കൾ വരുത്തിയ മാറ്റത്തിനു ശേഷം അത് ശരിയായിട്ടുണ്ട്.--അരുൺ സുനിൽ കൊല്ലം (സംവാദം) 02:43, 29 ഏപ്രിൽ 2018 (UTC)

Importing certain infoboxes

മൂലകങ്ങളുടെ ഉപഫലകങ്ങളായി കുറേയേറെയെണ്ണം കാണുന്നു. ഇവ എല്ലാം ഒന്ന് ഇറക്കുമതി ചെയ്യാമോ?--Vinayaraj (സംവാദം) 16:29, 18 മേയ് 2018 (UTC)

 Done.- Akhiljaxxn (സംവാദം) 00:21, 19 മേയ് 2018 (UTC)

നന്ദി, ചിലത് കാണുന്നില്ല.

• ഫലകം:Infobox element/symbol-to-top-image-caption
• ഫലകം:Infobox element/pronunciation/format
• ഫലകം:Infobox element/vapor pressure table
• ഫലകം:Infobox element/crystal structure
• ഫലകം:Infobox element/isotopes decay
• ഫലകം:Infobox element/isotopes stable --Vinayaraj (സംവാദം) 01:29, 19 മേയ് 2018 (UTC)

 Done.-Akhiljaxxn (സംവാദം) 14:28, 19 മേയ് 2018 (UTC)

ഹോമിയോപ്പതി

ഹോമിയോപ്പതി ഒരുപാട് "vandalize/POV pushing" ചെയ്യപ്പെടുന്നു. IP തിരുത്തലുകൾ തടയുകയോ മറ്റു മുൻകരുതലുകൾ എടുക്കുകയോ ചെയ്യുക. ജീവൻ 03:38, 22 മേയ് 2018 (UTC)

മുന്നറിയിപ്പുകൾ നൽകിയതിന് ശേഷവും Fccuba നയവിരുദ്ധമായ രീതിയിൽ തിരുത്തലുകൾ നടത്തുന്നു. ആദ്യം ഒരു IP ആയിരുന്നു. അത് തടഞ്ഞപ്പോൾ അതിനെ മറികടക്കാനായി ഉണ്ടാക്കിയ ഏക ഉദ്ദേശ അക്കൗണ്ട് (single purpose account) ആന്നെന്നു തോന്നുന്നു.

ഹോമിയോപ്പതിയോടു എനിക്കോ വിക്കിപീഡിയക്കോ പ്രത്യേക മമതയെ താല്പര്യമോ ആവശ്യമില്ല. നിലവിലുള്ള വിവരങ്ങൾ ക്രോഡീകരിക്കാവുന്നതാണ്. എന്നാൽ സന്തുലിതമായ കാഴ്ച്ചപ്പാട് മറന്നു ആധുനിക വൈദ്യശാസ്ത്രം ഉൾപ്പെടെയുള്ള ഏതെങ്കിലും ഒരു വിഭാഗത്തിന്റെ അഭിപ്രായങ്ങൾ പൊതു അഭിപ്രായമായി കണക്കാക്കാനാവില്ല. ഹോമിയോപ്പതി#വിമർശനങ്ങൾ എന്ന ഭാഗത്ത് അവ രേഖപ്പെടുത്താം. അതല്ലാതെ താളിന്റെ ഏറ്റവും തുടക്കത്തിൽ ഹോമിയോപ്പതി ഒരു കപടശാസ്ത്രമാണ് എന്ന് എഴുതുന്നതിനോട് യോജിക്കാനാവില്ല. en:Regulation and prevalence of homeopathy എന്ന താളിൽ കൂടുതൽ വിവരങ്ങൾ ലഭ്യമാണ്.

"Outside of the alternative medicine community, scientists have long considered homeopathy a shamor a pseudoscience, and the mainstream medical community regards it as quackery" എന് പറഞ്ഞാൽ പൊതുസമൂഹം അങ്ങനെ കരുതുന്നു എന്നല്ല അർഥം. Russian Academy of Sciences എന്ന് പറഞ്ഞാൽ റഷ്യയുമല്ല. ഇതൊക്കെ തിരിച്ചറിയാനുള്ള വിവേകം ഉണ്ടാകണം.

ഉചിതമായ നടപടികൾ സ്വീകരിക്കുക. ജീവൻ 02:00, 29 മേയ് 2018 (UTC)

ഫലകം:Cite book

ഈ ഫലകം തീയതി പരിധി (date range, ഉദാ: year=1903-1905, നാട്ടുകുടുക്ക) അനുവദിക്കുന്നില്ല. ജീവൻ 04:17, 22 മേയ് 2018 (UTC)

ഘടകം:Citation/CS1/Date validation, ഘടകം:Citation/CS1/Configuration, ഘടകം:Citation/CS1 ഈ മൂന്നു ഘടകങ്ങൾ അപ്ഡേറ്റ് ചെയ്താൽ ശരിയാകും. പക്ഷേ അപ്പോൾ മലയാളത്തിലാക്കിയവ നഷ്ടപ്പെടുകയും മറ്റു ലേഖനങ്ങളിലെ അവലംബ തിയതികൾ തെറ്റായി കാണിക്കുകയും ചെയ്യും.--റോജി പാലാ (സംവാദം) 05:25, 29 മേയ് 2018 (UTC)

ഹോമിയോപ്പതി

ഹോമിയോപ്പതി തിരുത്തലുകൾ നയവിരുദ്ധമായി നിരാകരിക്കപ്പെടുന്നു. IP തിരുത്തലുകൾ തടയുകയോ മറ്റു മുൻകരുതലുകൾ എടുക്കുകയോ ചെയ്യുക. GK

ഹോമിയോപ്പതി എന്ന പേജിൽ റെഫറൻസുകൾ അടക്കം ചേർക്കുന്ന വിവരങ്ങൾ Jkadavoor ഏകപക്ഷീയമായി തിരസ്ക്കരിക്കുന്നു. വിക്കിപീഡിയ സംരക്ഷിച്ചിരിക്കുന്ന ഹോമിയോപ്പതിയുടെ ഇംഗ്ലീഷ് പേജിൽ നൽകിയിരിക്കുന്ന വിവരങ്ങൾ പോലും മലയാളം പേജിൽ (തെളിവുകൾ സഹിതം) ഉൾപ്പെടുത്താൽ ടിയാൻ അനുവദിക്കുന്നില്ല. നിരവധി ലിങ്കുകൾ നൽകിയിട്ടും അതിൽനിന്നും തിരഞ്ഞെടുത്ത ഏതെങ്കിലും ഒരു വരി ഉദ്ധരിച്ച് മാറ്റത്തെ Jkadavoor നയവിരുദ്ധമായി നിരാകരിക്കുന്നു. പ്ലാസിബോ പ്രതിഭാസമാണ് ഹോമിയോ രോഗശമനത്തിന് പിന്നിൽ എന്ന ശാസ്ത്രം തെളിയിച്ച വസ്തുതകൾ പേജിൽ ഉൾപ്പെടുത്തുമ്പോൾ == Keep a neutral point of view == എന്ന വിക്കിപീഡിയ എഡിറ്റിംഗ് നിയമത്തിന് വിരുദ്ധമായി ടിയാൻ അവ തിരസ്ക്കരിക്കുന്നു. അവ പേജിൻറെ തുടക്കത്തിൽ ഒരുകാരണവശാലും ഉണ്ടാകാൻ പാടില്ല, അത്ര നിർബദ്ധമെങ്കിൽ സംവാദത്തിൽ ഉൾപ്പെടുത്തിയാൽ മതിയെന്ന് == Keep a neutral point of view == എന്ന വിക്കിപീഡിയ എഡിറ്റിംഗ് നിയമത്തിന് വിരുദ്ധമായി Jkadavoor ശഠിക്കുന്നു.

(മേൽ പറഞ്ഞ എല്ലാം തന്നെ ഇംഗ്ലീഷ് വിക്കിപീഡിയ പേജ് അനുവദിച്ച്, സംരക്ഷിച്ചിരിക്കുന്ന വസ്തുതകൾ മാത്രമാണ്.)

ഉചിതമായ നടപടികൾ സ്വീകരിക്കുമെന്ന് കരുതുന്നു. GK --Fccuba (സംവാദം) 07:02, 29 മേയ് 2018 (UTC)

I need help reviewing a Global RFC

Dear admins, I am preparing a Global Request for Comments about financial support for admins that might be relevant for you .

Can you please review the draft and give me some feedback about how to improve it? Thank you.

MassMessage sent by Micru on 18:00, 7 ജൂൺ 2018 (UTC)

തെരഞ്ഞെടുത്ത ലേഖനം

നിലവിലെ തെരഞ്ഞെടുത്ത ലേഖനം മാറ്റാറായതല്ലേ?

N Sanu / എൻ സാനു / एन सानू 13:59, 20 ജൂൺ 2018 (UTC)

ലേഖനങ്ങൾ പുതിയതായി തിരഞ്ഞെടുത്ത ലേഖനങ്ങൾ എന്ന നിരയിലേക്കുയർത്താനോ,തിരഞ്ഞെടുക്കാവുന്ന ലേഖനങ്ങൾ എന്നവയ്ക്കായി സമർപ്പിക്കുന്ന ലേഖനങ്ങളിൽ അഭിപ്രായം രേഖപ്പെടുത്താനാ Vinayaraj ഒഴിച്ച് ആരും തന്നെ തയ്യാറായി കാണുന്നില്ല.

വിക്കിപീഡിയയിലെ തിരഞ്ഞെടുത്ത പട്ടികയാണിത്. സാധാരണയായി ഓരോ മാസത്തിലും ഇങ്ങനെ ഒരോ ലേഖനങ്ങൾ തിരഞ്ഞെടുക്കാറുണ്ട്. മലയാളം വിക്കിപീഡിയയിലെ ഏറ്റവും മികച്ച താളുകളെയാണ് ഇത്തരത്തിൽ തിരഞ്ഞെടുക്കുക.അവ പിന്നീട് മലയാളം വിക്കിയുടെ പ്രധാന താളിൽ പ്രദർശിപ്പിക്കുകയും ചെയ്യും. മലയാളം വിക്കിയിലെ ഏറ്റവും കൂടുതൽ വിവരങ്ങൾ അടങ്ങിയ താളുകളുടെ പട്ടികയാണിത് ഈ താളുകളിൽ കൂടുതൽ വിവരങ്ങൾ അവലംബങ്ങൾ ചിത്രങ്ങൾ എന്നിവ ചേർത്ത് ഈ ലേഖനങ്ങൾ തന്നെയൊ (ഈ പട്ടികയിലെ ലേഖനങ്ങൾ ആദ്യ 200 സ്ഥാനങ്ങളിലുള്ളവ ഏകദേശം നല്ല നിലവാരം പുലർത്തുന്നവയാണ്) അതല്ലെങ്കിൽ തങ്ങൾക്കിഷ്ടപ്പെട്ട മറ്റുതാളുകളൊ ഇത്തരത്തിൽ ചെയ്യാവുന്നതാണ്. എല്ലാവരും തീർച്ചയായും സമയത്തിനനുസരിച്ച് ചെയ്യും എന്നു പ്രതീക്ഷിക്കുന്നു.Akhiljaxxn (സംവാദം) 15:08, 20 ജൂൺ 2018 (UTC)

ലേഖനങ്ങളുടെ തലക്കെട്ടുകളുടെ ഭാഷ സംബന്ധിച്ച സംവാദത്തിലെ ഭൂരിപക്ഷാഭിപ്രായ ലംഘനം

സംവാദത്തിൽ പങ്കെടുത്ത ഉപയോക്താക്കളിൽ ഭൂരിഭാഗം പേരും ലേഖനങ്ങളുടെ തലക്കെട്ട് മറ്റു ഭാഷകളിൽ എതിർത്ത് അതിനുള്ള കാരണങ്ങൾ  വ്യക്തമാക്കിയിട്ടുണ്ടെങ്കിലും Vinayaraj , Jkadavoor എന്നീ ഉപയോക്താക്കൾ ഇപ്പോഴും മിക്ക ലേഖനങ്ങളും നിർമ്മിക്കുന്നത് ഫ്രഞ്ച്- ഇംഗ്ലീഷ് തലക്കെട്ടിലാണ് [12] [13] ഇത് കാരണം മറ്റു ചില ഉപയോക്താക്കളും ഇപ്പോൾ ഈ പ്രവണത കാണിക്കുന്നുണ്ട്.ഇതിനാൽ തന്നെ ചില ദിവസങ്ങളിൽ പുതിയ താളുകൾ തുറന്നാൽ നമ്മൾ മലയാളം വിക്കിപീഡിയയിലാണൊ എന്ന് പോലും സംശയം വരുന്ന സ്ഥിതിയിലായിട്ടുണ്ട്.ഇത്തരം പ്രവണതകൾ മൂലം ഇതിനാൽ തന്നെ നിരവധി ലേഖനങ്ങളുടെ തലക്കെട്ട് മലയാളത്തിലേക്ക് മാറ്റി എഴുതേണ്ടതുണ്ട്. സംവാദത്തിൽ പങ്കെടുത്ത് ഭൂരിഭാഗം പേരും ഇതിന്റെ വിവിധ വശങ്ങൾ ചുണ്ടിക്കാണ്ടി എതിർത്ത് വോട്ട് രേഖപ്പെടുത്തിയ നിലയ്ക്ക് ഇനിയും ലേഖനങ്ങൾ അന്യഭാഷ തലക്കെട്ടിൽ നിർമ്മിക്കുന്നത് ഒരിക്കലും ന്യായികരിക്കാവുന്നതല്ല. ആയതിനാൽ ഇനിയും ഇത്തരത്തിൽ ലേഖന നിർമ്മാണം നടത്തുന്നത് മലയാള വിക്കിപീഡിയ അലങ്കോലപ്പെടുതുന്നതിന് തുല്യമായികാണേണ്ടതാണ്.Akhiljaxxn (സംവാദം) 12:23, 25 ജൂൺ 2018 (UTC)

തലക്കെട്ടൊക്കെ ഇഷ്ടം പോലെ മാറ്റിക്കൊള്ളൂ. ഞാൻ ഇതുവരെ ഒന്നും തിരിച്ചാക്കിയിട്ടില്ലല്ലോ (revert) ? എനിക്ക് ഉച്ചാരണം അറിയില്ലാത്ത വാക്കുകൾ ഞാൻ തർജ്ജിമ ചെയ്യാറില്ല; തലക്കെട്ടായാലും മറ്റെവിടെയാണെങ്കിലും. അതിനാണ് ഭാഗിക തർജ്ജിമ എന്ന് പറയുന്നത്. അത് മുഴുമിപ്പിക്കാനുള്ള ഉത്തരവാദിത്വമൊന്നും എനിക്കില്ല. കേരളത്തിലെ_ചിത്രശലഭങ്ങൾ#അവലംബം എന്ന ഭാഗത്തു കാണുന്ന ചുവന്ന കണ്ണികൾ കഴിഞ്ഞ നാളുകളിലായി ഏറെക്കുറെ പുതിയ താളുകളാക്കിയിട്ടുണ്ട്. ഇത്തരം പട്ടികകളും അതിന്റെ അവലംബങ്ങളുമൊന്നും ഇഷ്ടപ്പെടുന്നില്ലെങ്കിൽ നിങ്ങൾ തന്നെ ചെയ്തുകൊള്ളൂ. എനിക്ക് കോമൺസിൽത്തന്നെ ആവശ്യത്തിലധികം പണികൾ ഉണ്ട്. ജീവൻ 13:52, 25 ജൂൺ 2018 (UTC)

നിങ്ങൾ തലക്കെട്ടുകൾ ഇതുവരെ റിവേർട്ട് ചെയ്തില്ലെങ്കിലും തലക്കെട്ട് മാറ്റത്തെ എത്തിർത്തവരും [14] അതിനെ പരിഹസിച്ചവരുമുണ്ട്  [15] എനിക്ക് ഉച്ചാരണം അറിയില്ലാത്ത വാക്കുകൾ ഞാൻ തർജ്ജിമ ചെയ്യാറില്ല; തലക്കെട്ടായാലും മറ്റെവിടെയാണെങ്കിലും. അതിനാണ് ഭാഗിക തർജ്ജിമ എന്ന് പറയുന്നത്. അത് മുഴുമിപ്പിക്കാനുള്ള ഉത്തരവാദിത്വമൊന്നും എനിക്കില്ല. മറ്റു ഭാഷകളിലെ വിവരങ്ങൾ അതു തലക്കെട്ടായാലും മറ്റേന്തായാലും അതിനു പകരം മലയാള പദങ്ങൾ കണ്ടെത്തി മലയാളത്തിൽ എഴുതുന്നതിനെയൊ (പദാനുപദവിവർത്തനം) ,അന്യഭാഷയിലെ വിവരങ്ങൾ  അതിന്റെ ആശയം പൂർണ്ണമായും ഉൾക്കൊണ്ട് കൊണ്ട് മലയാള ഭാഷയിൽ മാറ്റി എഴുതുന്നതിനെയൊ (ആശയ വിവർത്തനം) ആണ് തർജജിമ എന്നു പ്രധാനമായി പറയുന്നത്. അപ്പോൾ മറ്റു ഭാഷയിലുള്ള തലക്കെട്ടുകൾ അവയുടെ ഉച്ചാരണത്തിനനുസരിച്ച് മലയാള അക്ഷരത്തിൽ മാറ്റി എഴുതുന്നത് എങ്ങനെയാണ് തർജ്ജിമ ആകുന്നത്? നിങ്ങൾ ഒരു ലേഖനം നിർമ്മിക്കുമ്പോൾ ആ ലേഖനം തിരഞ്ഞെടുത്ത ലേഖനങ്ങളുടെ നിലവാരത്തിലേക്ക് എത്തിച്ചില്ലെങ്കിൽ പോലും കുറഞ്ഞത് ആ ലേഖനത്തിന് കൃത്യമായി സാധാരണക്കാരന് വായിക്കാനുതകുന്നതായ തലക്കെട്ടു നൽകുവാനും ഏത് വിഷയത്തേക്കുറിച്ചാണൊ ലേഖനം പ്രതിപാദിക്കുന്നത് ആ വിഷയത്തെക്കുറിച്ചുള്ള പ്രധാന വിവരങ്ങൾ സംക്ഷിപ്‌തംമായി നൽക്കാനും നിങ്ങൾക്ക് ഉത്തരവാദിത്വം ഉണ്ട്. Akhiljaxxn (സംവാദം) 05:02, 26 ജൂൺ 2018 (UTC)

Malayalathil type cheyyathathinu sorry. Njan oru user aanu. Admin alla. Ee thalakettukal ende abhiprayathil kazhiyunnathum malayalathil thanne kodukkunnatha nallath. Ini malayalathil aakkan pattilla enn vekkuka. Pattumengil aa letters malayalathil kodukkunnadha nallath. Templates ende abhipraayathil kazhiyunnathum english il thanne aakkunnatha nallath.Adithyak1997 (സംവാദം) 17:33, 15 ഓഗസ്റ്റ് 2018 (UTC)

പ്രശ്നമുള്ള ഒപ്പ്

ഉ:viswaprabha എന്ന വ്യക്തിയുടെ ഒപ്പ് വിക്കിപീഡിയ:സഹായമേശ പോലുള്ള പല താളുകളിലും പ്രശ്നങ്ങൾ സൃഷ്ടിക്കുന്നുണ്ട്. ഒപ്പ് കഴിഞ്ഞുവരുന്ന പാരഗ്രാഫുകൾ ചെമപ്പ് നിറത്തിൽ കാണുന്നുണ്ട്. ആവശ്യമെങ്കിൽ ബോട്ടിനെ ഇറക്കിയോ മറ്റോ ഈ problem എത്രയും പെട്ടെന്ന് solve ചെയ്യണമെന്ന് താൽപ്പര്യപ്പെടുന്നു.--2405:204:D10C:B86B:357F:A300:CF4B:247B 04:27, 22 ജൂലൈ 2018 (UTC)

മുൻകാലങ്ങളിൽ ശരിയായിത്തന്നെ പ്രവർത്തിച്ചിരുന്ന ഒപ്പുകളാണു് ഇപ്പോൾ വികലമായി കാണുന്നതു്. ഈ പ്രശ്നം ഉണ്ടാകുന്നതു് മീഡിയാവിക്കിയിലെ ഒരു പരിഷ്കരണം മൂലമാണു്. ഇത്തരം ഇടങ്ങൾ കാണുന്ന പടിയ്ക്കു് ആ താളുകൾ അപ്പപ്പോൾ മാറ്റിച്ചേർക്കുന്നുണ്ടു്. ഇനിയും കൂടുതൽ താളുകളിൽ ഇങ്ങനെയുള്ള വൈകല്യം കണ്ടാൽ ശ്രദ്ധയിൽ പെടുത്തുമല്ലോ. നന്ദി. ഒപ്പു്: വിശ്വപ്രഭViswaPrabha^{സം‌വാദം} 21:22, 24 ജൂലൈ 2018 (UTC)

ജൂലൈ 5 മുതൽ ആണ് ഈ പ്രശ്നം ആരംഭിച്ചത്. ഇവിടെ പഞ്ചായത്തിൽ ഒരു ഇമെയിലും ഒരു കുറിപ്പുമുണ്ട്. നിലവിൽ error ഉള്ള താളുകളുടെ ലിസ്റ്റ് [ഇവിടെ ഉണ്ട്]-ജിനോയ്‌ ടോം ജേക്കബ് (സംവാദം) 22:12, 24 ജൂലൈ 2018 (UTC)

നിയമപരമായ ഭീഷണി

Ennilepranayam എന്ന ഉപയോക്താവ് മദർ തെരേസ എന്ന താളിൽ വലിയ തോതിൽ നശീകരണ പ്രവർത്തനം നടത്തുന്നു. ഇതിനു കാരണമായി അദ്ദേഹം എഡിറ്റ് സമ്മറിയിൽ രേഖപ്പെടുത്തിയിരിക്കുന്നത് ഇതിൽ ചേർത്തിരിക്കുന്ന വിവരങ്ങൾ, മദർ തെരേസ്സയെ കുറിച്ചുള്ള കുറ്റങ്ങളും യാതൊരു തെളിവും ഇല്ലാതെ പടച്ചു വിട്ട മഞ്ഞ പത്രങ്ങളുടെ ലിങ്ക് കാട്ടി ചേർത്തതാണ്. ഇനിയും ഈ അഖിൽ(Akhiljaxxn) എന്ന വ്യക്തി ഞാൻ മാറ്റിയ തെറ്റായ വിവരങ്ങൾ ചേർത്താൽ ഐടി ആക്ട്‌ പ്രകാരം ശിക്ഷിക്കണം, കൂടാതെ അയാളുടെ വികി അക്കൗണ്ട്‌ ഡിആക്റ്റീവ് ആക്കണം. എന്നാൽ ഇതിൽ ചേർത്തിരിക്കുന്ന വിവരങ്ങൾ (ഉപയോക്താവ് ഒഴിവാക്കിയവ) ന്യൂയോർക്ക് ടൈംസ്, ബിബിസി, ഫോബ്സ്, ടൈംസ്, ലോസ് ഏഞ്ചൽസ് ടൈംസ്, ടൈംസ് ഓഫ് ഇന്ത്യ, ഗൂഗിൾ ബുക്ക്, സ്ലേറ്റ്, ടൈംസ് ഓഫ് മാൾട്ട, ടെലഗ്രാഫ്, എന്നിവയിൽ നിന്നുള്ള വിവരങ്ങളാണ്. കൂടുതൽ വിവരങ്ങൾ സംവാദം:മദർ തെരേസ എന്ന താളിൽ ലഭ്യമാണ്.ഈ [16] താൾ പരിശോധിച്ച് വേണ്ട നടപടിയെടുക്കും എന്ന് പ്രതീക്ഷിക്കുന്നു. Akhiljaxxn (സംവാദം) 13:54, 8 സെപ്റ്റംബർ 2018 (UTC)

അങ്ങനെയുള്ള ഉപയോക്താക്കൾക്ക് ഒരു മുന്നറിയിപ്പ് നൽകാവുന്നതാണ്. അത് ലംഘിക്കുന്ന പക്ഷം വിക്കിപീഡിയയിൽ നിന്ന് ആജീവനാന്തം വിലക്കണമെന്നാണ് എന്റെ അഭിപ്രായം. -- അരുൺ സുനിൽ കൊല്ലം (സംവാദം) 14:08, 8 സെപ്റ്റംബർ 2018 (UTC)

സാങ്കേതികം/സെർവർ മാറ്റം 2018

[ഈ] പോസ്റ്റ് വേണ്ട സ്ഥലങ്ങളിൽ പോസ്റ്റ് ചെയ്‌താൽ നന്നായിരുന്നു.(എവിടെ പോസ്റ്റ് ചെയ്യണം എന്ന് അറിയാത്തത്കൊണ്ട).Adithyak1997 (സംവാദം) 06:17, 9 സെപ്റ്റംബർ 2018 (UTC)

ഇക്കാര്യം വിക്കിപീഡിയ:പഞ്ചായത്ത്_(സാങ്കേതികം)#സാങ്കേതികം/സെർവർ_മാറ്റം എന്ന താളിലും വന്നിട്ടുണ്ട്. ഒരു സൈറ്റ് നോട്ടീസ് ഇട്ട് അതിൽ നിന്ന് ഈ താളിലേക്ക് ഒരു ലിങ്ക് കൊടുക്കാവുന്നതാണ്. -- അരുൺ സുനിൽ കൊല്ലം (സംവാദം) 15:10, 9 സെപ്റ്റംബർ 2018 (UTC)

ലേഖനത്തിന്റെ നിലനിൽപ്പ് സംബന്ധമായ സംശയം

[[17]] ലേഖനം മലയാളം വിക്കിപീഡിയയിൽ നിന്നും ഒഴിവാക്കേണ്ടതല്ലേ എന്ന് ദയവായി പരിശോധിക്കണമെന്ന് അഭ്യർത്ഥിക്കുന്നു.Adithyak1997 (സംവാദം) 17:47, 15 ഒക്ടോബർ 2018 (UTC)

ഇതെന്താ ഇനിയും മാറ്റാത്തത്? Shajiarikkad (സംവാദം) 13:41, 26 ഒക്ടോബർ 2018 (UTC)

 Done. Akhiljaxxn (സംവാദം) 16:18, 26 ഒക്ടോബർ 2018 (UTC)

സമീപകാല മാറ്റങ്ങൾ

സമീപകാല മാറ്റങ്ങൾ നിരീക്ഷിക്കുവാൻ Recent Changes Patroller എന്ന ഒന്ന് നിലനിൽക്കുന്നുണ്ട്. അത് മലയാളം വിക്കിപീഡിയയിൽ ഉണ്ടോ?Adithyak1997 (സംവാദം) 18:51, 24 ഒക്ടോബർ 2018 (UTC)

@Adithyak1997: എന്താണ്? ഗാഡ്ജറ്റാണോ?--പ്രവീൺ:സംവാദം 15:08, 27 ഒക്ടോബർ 2018 (UTC)

@പ്രവീൺ, ക്ഷമിക്കണം ഞാൻ ഉദ്ദേശിച്ചത് ഒരു ഉപയോക്താവിന്റെ അവകാശം ആണ്(ഉദാഹരണത്തിന് കാര്യനിർവാഹകൻ, റോന്തുചുറ്റൽ, ബ്യൂറോക്രറ്റ്).Adithyak1997 (സംവാദം) 16:12, 28 ഒക്ടോബർ 2018 (UTC)

@Adithyak1997: അങ്ങനെ ഒരു അവകാശം മലയാളം വിക്കിപീഡിയയിൽ ഇല്ല⁽¹⁾, ഇംഗ്ലീഷിലും ഇല്ല⁽²⁾. റോന്തുചുറ്റൽ (Patrol) അനുമതിയാണ് ആവശ്യമെങ്കിൽ, ഇവിടെ ചോദിച്ച് മേടിക്കാവുന്നതാണ്.--പ്രവീൺ:സംവാദം 17:54, 28 ഒക്ടോബർ 2018 (UTC)

@Praveenp: ദയവായി ഈ താൾ ഒന്ന് നോക്കണമെന്ന് അഭ്യർത്ഥിക്കുന്നു.Adithyak1997 (സംവാദം) 11:00, 29 ഒക്ടോബർ 2018 (UTC)

@Adithyak1997: അത് ടൈപ്പോ ടീം പോലെ, പുതിയ താളുകളിൽ റോന്തുചുറ്റുന്നവർ പോലെ ഒരു ടീം എന്നേയുള്ളു. അവകാശം (User right) അല്ല.--പ്രവീൺ:സംവാദം 03:24, 31 ഒക്ടോബർ 2018 (UTC)

പ്രത്യേക താളുകളിലെ പ്രശ്നങ്ങൾ

ഈ താളിലെ പ്രശ്നങ്ങൾ പരിഹരിക്കേണ്ടവയാണോ?Adithyak1997 (സംവാദം) 18:05, 3 നവംബർ 2018 (UTC)

ഫലകം തിരുത്തൽ

ഫലകം:Prettyurl എന്ന ഫലകത്തിലെ <font color="#333333"> എന്ന വരി <span style="color:#333333;"> എന്നാക്കണമെന്നും </font> എന്നത് </span> എന്നാക്കണമെന്നും അഭ്യർത്ഥിക്കുന്നു. കാസ്കേഡിങ് എന്ന സവിശേഷത കാരണം എനിക്ക് അത് തിരുത്തുവാൻ സാധിക്കില്ല.ഞാൻ പറയുന്ന തിരുത്തൽ ശെരിയാണെന്ന് ഉറപ്പുവരുത്താൻ [ഈ] താൾ നോക്കിയാൽ മതിയാവും. Adithyak1997 (സംവാദം) 11:27, 11 നവംബർ 2018 (UTC)

 Done ഒരു റാപിങ് പ്രശ്നം ഉള്ളതായി കാണുന്നു. പുതിയതാണോ പഴയതാണോ എന്ന് ഉറപ്പില്ല. ശരിയാക്കാൻ നോക്കാം--പ്രവീൺ:സം‌വാദം 15:58, 21 നവംബർ 2018 (UTC)

കാര്യനിർവാഹകർ സ്വന്തം ഇഷ്ടപ്രകാരം നയവിരുദ്ധമായി ചെയ്യുന്ന മായ്ക്കലുകൾ

ഒറ്റ നോട്ടത്തിൽ മനസ്സിലാക്കാവുന്ന പരീക്ഷണങ്ങളോ നശീകരണപ്രവർത്തനങ്ങളോ അല്ലാത്ത ലേഖനങ്ങൾ കാര്യനിർവാഹകർ യാതൊരു ചർച്ചയും കൂടാതെ മായ്ക്കുന്നത് ഏത് നയപ്രകാരമാണ്. നേരത്തെ Akhiljaxxn ഇത്തരത്തിൽ മായ്ച്ച ഒരു ലേഖനം പുനഃസ്ഥാപിച്ചിരുന്നു. ഇതേ വരെ പിന്നീടാ ലേഖനത്തിൽ മായ്ക്കൽ അഭ്യർത്ഥനയോ, പെട്ടന്ന് മായ്ക്കൽ റ്റാഗോ വന്നിട്ടില്ല. ഇന്നും അഖിൽ അത്തരത്തിൽ തന്നെ ഒരു ലേഖനം മായ്ച്ചിരിക്കുന്നു (കല്ലറ ഗോപൻ), Ranjithsiji ഇതേ രീതിയിൽ മറ്റൊരു താളും മായ്ച്ചിരിക്കുന്നു (കെ -അഞ്ച് (മിസൈൽ )). ഒരു വരിയേ ഉള്ളുവെങ്കിൽ മായ്ക്കുന്നതെന്തിനാണ്? ഒരു വരി മായ്ക്കണം എന്നു തന്നെയാണെങ്കിൽ മായ്ക്കൽ അഭ്യർത്ഥന നടത്തി ചെയ്യാവുന്നതല്ലേയുള്ളു. എന്തിനീ താൻപോരിമ?--പ്രവീൺ:സം‌വാദം 15:35, 21 നവംബർ 2018 (UTC)

ഒറ്റ നോട്ടത്തിൽ ശ്രദ്ധേയത ഇല്ല അല്ലെങ്കിൽ ശ്രദ്ധേയത തെളിയിക്കുന്നതിനാവശ്യമായ അവലംബങ്ങളൊന്നും തന്നെ കല്ലറ ഗോപൻ എന്ന താളിൽ ഉണ്ടായിരുന്നില്ല.രണ്ടു മുന്ന് വരികളുള്ള ഇത്തരം ധാരാളം ലേഖനങ്ങൾ ഒരു ഉപയോഗവുമില്ലാതെ കിടക്കുന്നത് കാണാറുണ്ട്. അതിന്റെ എണ്ണം കൂട്ടേണ്ട എന്നു കരുതിയാണ് പെട്ടെന്നു തന്നെ താൾ ചർച്ച കൂടാതെ നീക്കം ചെയ്തത്. ഇംഗ്ലീഷ് വിക്കിയിലും മറ്റും ഇങ്ങനെ ചെയ്യാറുണ്ട്.

നടി അക്രമിക്കപ്പെട്ട കേസ് എന്ന താൾ ഈ സംവാദം താളിൽ തന്നെ ലേഖനത്തിന്റെ നിലനിൽപ്പ് സംബന്ധമായ സംശയം എന്ന തലക്കെട്ടിനു താഴെ അവശ്യപ്പെട്ട പ്രകാരമാണ് നീക്കം ചെയ്തിട്ടുള്ളത്. Akhiljaxxn (സംവാദം) 16:14, 21 നവംബർ 2018 (UTC)

ശ്രദ്ധിക്കുക. ഇനിയും വിശദീകരണം വേണമെങ്കിൽ ചോദിക്കാവുന്നതാണ്. ഇതിനെല്ലാം മായ്ക്കൽ അപേക്ഷയും കാത്തിരിപ്പും പിന്നെ അടുത്ത നടപടികളും വേണമെന്നാണെങ്കിൽ ശരി. നമുക്ക് നോക്കാം. അല്ലെങ്കിൽ ഇങ്ങനെയൊക്കെ ചെയ്യുന്നത് ആവശ്യമുള്ളതുകൊണ്ടുകൂടിയാണെന്ന് മനസ്സിലാക്കാമല്ലോ. ഇവിടെ ആർക്കും ഒരു പോരിമയും ഉണ്ടാവേണ്ടതല്ല. --രൺജിത്ത് സിജി {Ranjithsiji} ✉ 16:25, 21 നവംബർ 2018 (UTC)

ഒരു ലേഖനത്തിന്റെ ശ്രദ്ധേയത എങ്ങനെയാണ് ഒറ്റനോട്ടത്തിൽ കണ്ടുപിടിക്കുന്നത്? ഒന്നും രണ്ടും മൂന്നും വരികളുള്ള ലേഖനങ്ങൾ എപ്രകാരമാണ് ഉപയോഗമില്ലാത്തവയാണ് എന്ന് തീരുമാനിക്കുന്നത്? ലേഖനം മായ്ക്കാനുള്ള കാരണമായി മുകളിൽ കൊടുത്തിരിക്കുന്ന ലേഖനത്തിന്റെ നിലനിൽപ്പ് സംബന്ധമായ സംശയം തലക്കെട്ടിൽ ഒരു കാരണം കൂടി നൽകിയിട്ടില്ല.--പ്രവീൺ:സം‌വാദം 18:13, 21 നവംബർ 2018 (UTC)

ഒറ്റനോട്ടത്തിൽ കണ്ടെത്താൻ കഴിയുകയില്ലതന്നെ. വിശദമായ പരിശോധന വേണ്ടിവരും. പിന്നെ കല്ലറ ഗോപൻ എന്ന താളിനെപ്പറ്റി പറഞ്ഞാൽ അത് ഈ പറഞ്ഞ ശ്രദ്ധേയത പരിധിയിൽ വരില്ലെന്ന് തോന്നുന്നു. ഭാവിയിൽ ചിലപ്പോ വന്നേക്കാം. അത്രന്നെ. ഒറ്റവരിയുടെ കാര്യം വേറെ തന്നെ വിഷയമാണ് അനേകം ച‍ർച്ച ഇതിനകം നടന്നതുമാണല്ലോ. ഒറ്റവരി മായ്ക്കരുത് (ഉപദ്രവമില്ലാത്തത്) എന്നാണ് എന്റെ അഭിപ്രായം. പക്ഷെ ആവർത്തനം, വളരെ ആസൂത്രിതമായി എഴുതുന്ന പുകഴ്ത്തൽ തുടങ്ങിയവ നിലനിറുത്തേണ്ടതില്ലെന്നാണ് എനിക്ക് തോന്നുന്നത്. ഇതിൽ ചർച്ചയിലൂടെ തീരുമാനമെടുക്കാവുന്നതാണ്. --രൺജിത്ത് സിജി {Ranjithsiji} ✉ 19:54, 21 നവംബർ 2018 (UTC)

മുൻപത്തെ തിരഞ്ഞെടുപ്പിലെ അപേക്ഷകൾ

വിക്കിപീഡിയ:കാര്യനിർവാഹകരുടെ തിരഞ്ഞെടുപ്പ് എന്ന താളിലെ നിലവിലത്തെ തിരഞ്ഞെടുപ്പിലെ അപേക്ഷകളല്ലാത്തത് ദയവായി നിലവറയിലേക്ക് മാറ്റണമെന്ന് അഭ്യർത്ഥിക്കുന്നു.Adithyak1997 (സംവാദം) 06:53, 23 നവംബർ 2018 (UTC)

• അനുകൂലിക്കുന്നു.

Malikaveedu (സംവാദം) 15:06, 28 നവംബർ 2018 (UTC)

മറുപടി പ്രതീക്ഷിക്കുന്നു

വിക്കിപീഡിയ സംവാദം:നശീകരണം എന്ന താളിൽ പോസ്റ്റ് ചെയ്ത ചോദ്യത്തിന് ഒരു മറുപടി പ്രതീക്ഷിക്കുന്നു. ആ താൾ ആരെങ്കിലും പിന്തുടരുന്നുണ്ടോ എന്ന് അറിയില്ല. അതാ ഇവിടെ ചോദിച്ചത്.Adithyak1997 (സംവാദം) 09:27, 28 നവംബർ 2018 (UTC)

താളുകൾ ഒന്ന് പരിശോധിക്കണം

സംവാദം:അഫ്ഗാൻ യുദ്ധം (2001), സംവാദം:പെർമനന്റ് അക്കൗണ്ട് നമ്പർ. ഈ താളുകളിൽ നടത്തിയ അപേക്ഷകൾ ഒന്ന് പരിശോധിക്കണമെന്ന് അഭ്യർത്ഥിക്കുന്നു.Adithyak1997 (സംവാദം) 14:46, 4 ഡിസംബർ 2018 (UTC)

New Wikimedia password policy and requirements

Please help translate to your language

The Wikimedia Foundation security team is implementing a new password policy and requirements. You can learn more about the project on MediaWiki.org.

These new requirements will apply to new accounts and privileged accounts. New accounts will be required to create a password with a minimum length of 8 characters. Privileged accounts will be prompted to update their password to one that is at least 10 characters in length.

These changes are planned to be in effect on December 13th. If you think your work or tools will be affected by this change, please let us know on the talk page.

നന്ദി!

CKoerner (WMF) (talk) 21:21, 6 ഡിസംബർ 2018 (UTC)

വിക്കിഗ്രന്ഥശാല സംബന്ധിച്ചൊരു സംശയം

വിക്കിഗ്രന്ഥശാലയിൽ നിലവിൽ സജീവമായി കാണുന്നത് ഒരു കാര്യനിർവാഹകൻ മാത്രമാണ്. എന്നാൽ അദ്ദേഹം ഒരാഴ്ചയായി തിരുത്തലുകൾ നടത്തിയതായി കാണുന്നില്ല. അതുകൊണ്ടാണ് ഞാൻ എന്റെ സംശയം അവിടെ ചോദിക്കാത്തത്. വിക്കിഗ്രന്ഥശാലയിൽ ഒരു സമ്പർക്കമുഖ കാര്യനിർവാഹകൻ ആവാൻ എനിക്ക് താല്പര്യം ഉണ്ട്. അവിടെ ഈ അവകാശത്തിനുവേണ്ടിയുള്ള തിരഞ്ഞെടുപ്പ് എപ്പോഴാ നടക്കാറ് എന്നറിഞ്ഞാൽ നന്നായിരുന്നു.Adithyak1997 (സംവാദം) 05:32, 31 ഡിസംബർ 2018 (UTC)

വിക്കിഗ്രന്ഥശാലയിലെ സംശയങ്ങൾ/അഭിപ്രായങ്ങൾ അവിടെ തന്നെ ചോദിക്കുക. കാര്യനിർവാഹകരോ വിഷയത്തെപറ്റി അറിയാവുന്ന മറ്റേതെങ്കിലും ഉപയോക്താവോ തീർച്ചയായും മറുപടി നൽകുന്നതാണ്. --സുഗീഷ് (സംവാദം) 09:41, 31 ഡിസംബർ 2018 (UTC)

Geobox എന്ന ഫലകം ഒഴിവാക്കണോ

നിലവിൽ മലയാളം വിക്കിപീഡിയയിലെ ഒട്ടുമിക്ക ഫലകങ്ങളും ഇംഗ്ലീഷ് വിക്കിപീഡിയയിൽ നിന്നുമാണ് ഇറക്കുമതി ചെയ്യുന്നത്. ഫലകം:Geobox എന്ന ഫലകം മലയാളം വിക്കിയിൽ ഉണ്ട്. എന്നാൽ നവംബർ 20ന് ഇംഗ്ലീഷ് വിക്കിപീഡിയയിൽ നടന്ന ചർച്ചയിൽ ആ ഫലകം ഒഴിവാക്കപ്പെടുകയുണ്ടായി. ഇൻഫോബോക്സ് ഉള്ളതിനാൽ ജോബോക്‌സിന്റെ പരിപാലനം കുറഞ്ഞതും ജോബോക്‌സിനേക്കാൾ കൂടുതൽ കാര്യങ്ങൾ ഇൻഫോബോക്സിന് ചെയ്യാൻ കഴിയും എന്ന കാരണത്താലാണ് ഇംഗ്ലീഷ് വിക്കിയിൽ അത് ഒഴിവാക്കിയത് എന്നാണ് എനിക്ക് മനസിലാക്കാൻ സാധിച്ചത്. മലയാളം വിക്കിയിലും ആ ഒരു മാറ്റം വരുത്തട്ടെ? ഇംഗ്ലീഷ് വിക്കിയിലെ ചർച്ചയുടെ കണ്ണി [ഇതാണ്].ഈ ചർച്ചയിൽ അവസാനത്തെ തീരുമാനം ഇത് ഒഴിവാക്കണം എന്നാണെങ്കിൽ പോലും ആ ഫലകം ഇപ്പോൾ ഒഴിവാക്കരുത്. കാരണം അത് ഇപ്പോൾ ഒഴിവാക്കിയാൽ നിലവിലുള്ള നിരവധി താളുകളെ അത് ബാധിക്കും. അതിനാൽ എല്ലാ താളുകളും ഇൻഫോബോക്സിലേക്ക് മാറ്റിയതിനുശേഷം മാത്രം ഈ ഫലകം ഒഴിവാക്കുവാൻ പാടുള്ളു(ഒരു മുൻകരുതൽ എന്ന നിലയ്ക്ക് പറഞ്ഞെന്നെ ഉള്ളു). Adithyak1997 (സംവാദം) 15:03, 8 ജനുവരി 2019 (UTC)

• അനുകൂലിക്കുന്നു --ജേക്കബ് (സംവാദം) 15:09, 8 ജനുവരി 2019 (UTC)

• ഏതാണ്ട് 240 താളുകളിൽ ഫലകം ഉൾപ്പെടുത്തിയിട്ടുണ്ട്. ജിയോബോക്സ് മാറ്റി ഈ ലേഖനങ്ങളെല്ലാം എങ്ങനെ ശരിയാക്കും? -- റസിമാൻ ടി വി 15:16, 8 ജനുവരി 2019 (UTC)

എനിക്ക് ബോട്ട് ഉപയോഗിച്ച് ശീലമില്ല. അതിനാൽ അവ മാനുവലായി മാറ്റാം.Adithyak1997 (സംവാദം) 15:18, 8 ജനുവരി 2019 (UTC)

ഈ ഫലകം ഒഴിവാക്കുന്നതിനോട് ആർക്കെങ്കിലും എതിർപ്പുണ്ടോ?Adithyak1997 (സംവാദം) 14:53, 10 ജനുവരി 2019 (UTC)

• അനുകൂലിക്കുന്നു --Malikaveedu (സംവാദം) 03:05, 7 ഫെബ്രുവരി 2019 (UTC)

Merging request

Per wikidata:Wikidata:Requests for deletions#Q13110184, please help us to merge അഹ്‌മ്മദ് മേത്തർ (അഹ്‌മദ് മാത്തർ (Q13110184)) and അഹ്‌മദ് മാത്തർ (അഹ്‌മദ് മാത്തർ (Q4695904)). Thanks in advance! Bencemac (സംവാദം) 08:24, 9 ഫെബ്രുവരി 2019 (UTC)

@Bencemac: The same user had created two different articles with approximately the same content, I have redirected one -- Raziman T V 18:03, 9 ഫെബ്രുവരി 2019 (UTC)

Many thanks!