വാൽപ്പാറ

വിക്കിപീഡിയ, ഒരു സ്വതന്ത്ര വിജ്ഞാനകോശം.
വാൽപ്പാറ
வால்பாறை
town
Valparai
Valparai
വാൽപ്പാറ is located in Tamil Nadu
വാൽപ്പാറ
വാൽപ്പാറ
Location in Tamil Nadu, India
Coordinates: 10°22′N 76°58′E / 10.37°N 76.97°E / 10.37; 76.97Coordinates: 10°22′N 76°58′E / 10.37°N 76.97°E / 10.37; 76.97
Country  India
State Tamil Nadu
District Coimbatore
Government
 • Municipal Chairman K. Balamurugan
Elevation 1,193 മീ(3 അടി)
Population (2011)[1]
 • Total 70,859
Languages
 • Official Tamil
Time zone IST (UTC+5:30)
PIN 642127
Telephone code 04253
വാഹന റെജിസ്ട്രേഷൻ TN 41
അപ്പർ നീരാർ ജലാശയവും ഊസിമലൈ കൊടുമുടിയും.

തമിഴ്‌നാട്‌ സംസ്ഥാനത്തിലെ കോയമ്പത്തൂർ ജില്ലയിലെ ഒരു താലൂക്കും ഹിൽസ്റ്റേഷനുമാണ് വാൽപ്പാറ(തമിഴ്: வால்பாறை). സമുദ്ര നിരപ്പിൽ നിന്നും 3500 അടി (1,100 മീറ്റർ) ഉയരത്തിൽ പശ്ചിമഘട്ട മലനിരകളിലെ ആനമലൈ കുന്നുകളിൽ, കോയമ്പത്തൂരിൽ നിന്നും 100 കിലോമീറ്റർ (62 മൈൽ) അകലെയും പൊള്ളാച്ചിയിൽ നിന്ന് 65 കിലോമീറ്ററുകൾ (40 മൈൽ) ദൂരത്തിലുമാണ് ഈ ഹിൽസ്റ്റേഷൻ നിലനിൽക്കുന്നത്. അത് കൊണ്ടു തന്നെ വിവിധ സസ്യ, ജന്തു, പക്ഷി വിഭാഗങ്ങൾ കൊണ്ട് സമ്പുഷ്ടമാണ് ഈ പ്രദേശം. സ്ഥിതിചെയ്യുന്നത്. ഭൂരിഭാഗം പ്രദേശങ്ങളും സ്വകാര്യ തോട്ടങ്ങളാണ്. വനഭൂമിയിൽ സന്ദർശകർക്ക് പ്രവേശനമില്ല. കോയമ്പത്തൂരിൽ നിന്ന് 100 കിലോമീറ്ററും പൊള്ളാച്ചിയിൽ നിന്ന് 65 കിലോമീറ്ററുമാണ് ദൂരം. അഴിയാറിൽ നിന്ന് വാൽപ്പാറയിലേയ്ക്കുള്ള റോഡിൽ 40 ഹെയർ പിൻ വളവുകളുണ്ട്. വലിയ വനമേഖലകൾ തൊട്ടംമേഖലയുടെ പരിധിക്കപ്പുറം തുടരുന്നു.[2] തമിഴ്നാട് സർക്കാർ റിസോർട്ടുകളും മറ്റുമുണ്ടാക്കി ഇവിടെ ടൂറിസം വികസിപ്പിക്കാൻ സഹായം ചെയ്യുന്നുണ്ട്. [3]

ചരിത്രം[തിരുത്തുക]

1846 ൽ രാമസ്വാമി മുതലിയാർ കാപ്പിത്തോട്ടങ്ങൾ ആരംഭിക്കുന്ന കാലം മുതലുള്ളതാണ് ഈ പ്രദേശത്തിൻറെ ആദ്യകാല രേഖകൾ.

1864 ൽ കർണാട്ടിക് കോഫി കമ്പനി അവരുടെ കാപ്പി തോട്ടങ്ങൾ ഇവിടെ ആരംഭിച്ചുവെങ്കിലും അവർക്ക് ലാഭമുണ്ടാക്കാൻ കഴിഞ്ഞില്ല, അതിനാൽ അവർ തങ്ങളുടെ ഭൂമിയുടെ ഒരു ഭാഗം വിറ്റു. 1875 ൽ, ഇംഗ്ലണ്ടിലെ വെയൽസ് രാജകുമാരൻറെ (എഡ്വേർഡ് VII രാജാവ്) സന്ദർശനത്തിനായി പട്ടാളക്കാർ റോഡുകളും ഗസ്റ്റ് ഹൗസുകളും നിർമ്മിച്ചു. നിർമ്മാണപ്രവർത്തനങ്ങൾക്കായി ഇവിടെ നിയോഗക്കപ്പെട്ടിരുന്ന പട്ടാളക്കാർ കുതിരകളെയും ആനകളെയും ഉപയോഗിച്ചിരുന്നു. എന്നിരുന്നാലും ഈ സന്ദർശനം പിന്നീട് റദ്ദാക്കപ്പെട്ടു. 1890 ൽ ഡബ്ല്യൂ. വിൻറിൽ, നോർഡൻ എന്നിവർ വാൽപ്പാറയുടെ ഭൂരിഭാഗവു ബ്രിട്ടീഷ് രാജിനു കീഴിലുള്ള മദ്രാസ് സ്റ്റേറ്റ് ഗവൺമെൻറിൽനിന്നു വാങ്ങുകയും ചെയ്തു. വിൻറിൽ ഈ പ്രദേശത്തെ വനഭൂമി വെട്ടിത്തെളിച്ച് തേയില, കാപ്പി എന്നിവ കൃഷി ചെയ്തു. കാർവർ മാർഷ് എന്ന പരിചയസമ്പന്നനായ തോട്ടക്കാരൻറെ സഹായം 250 രൂപ ഒരു ശമ്പള പ്രകാരം അദ്ദേഹത്തിനു ലഭിക്കുകയുണ്ടായി.[4]

ഭൂമിശാസ്ത്രം[തിരുത്തുക]

വാൽപ്പാറ സ്ഥിതിചെയ്യുന്ന അക്ഷാംശ രേഖാംശങ്ങൾ 10°22′N 76°58′E / 10.37°N 76.97°E / 10.37; 76.97 ആണ്. സമുദ്രനിരപ്പിൽനിന്നുള്ള ശരാശരി ഉയരം 3,914 അടി (1,193 മീറ്റർ) ആണ്.[5]

എത്തിച്ചേരാൻ ഉള്ള മാർഗ്ഗം[തിരുത്തുക]

റോഡ്‌ ഗതാഗതം മാത്രമേ ഈ പ്രദേശത്തേക്ക്‌ ഉള്ളൂ. തമിഴ്നാട്ടിലെ പൊള്ളാച്ചിയിൽ നിന്നും 64 കിലോ മീറ്റർ അകലെയാണ് വാൽപ്പാറ. 40 കൊടും വളവുകൾ നിറഞ്ഞ ചുരം കയറി വേണം വാൽപാറയിൽ എത്തിച്ചേരാൻ. കേരളത്തിൽ നിന്നും ചാലക്കുടി ആതിരപ്പള്ളി വാഴച്ചാൽ മലക്കപ്പാറ വഴി വാൽപ്പാറയിൽ എത്തിച്ചേരാം.

ജനങ്ങൾ[തിരുത്തുക]

2001-ലെ സെൻസസ് പ്രകാരം ജനസംഖ്യ 70,859 ആയിരുന്നു. പുരുഷന്മാർ 49% സ്ത്രീകൾ 51%. സാക്ഷരത 72% ആണ്. ഇത് ദേശീയശരാശരിയേക്കാൾ ഉയർന്നതാണ്. [6]

സാമ്പത്തികമേഖല[തിരുത്തുക]

കൃഷിയാണ് ഈ മേഖലയിലെ പ്രധാന വരുമാനമാർഗ്ഗം. വാൽപ്പാറയിൽ ധാരാളം കാപ്പിത്തോട്ടങ്ങളും തേയിലത്തോട്ടങ്ങളുമുണ്ട്. നാട്ടുകാർ മിക്കവരും ഇത്തരം തോട്ടങ്ങളിലെ ജോലിക്കാരാണ്. ചില പ്രധാന തോട്ടക്കമ്പനികൾ ഇവയാണ് :[7][8]

  • തമിഴ് നാട് ടീ പ്ലാന്റേഷൻ കോർപ്പറേഷൻ (ടിഎൻടിപിസി)
  • ദി ബോംബെ ബർമ ട്രേഡിംഗ് കോർപ്പറേഷൻ
  • ടാറ്റ ടീ എസ്റ്റേറ്റ്സ് ലിമിറ്റഡ്
  • ടീ എസ്റ്റേറ്റ്സ് ഇൻഡ്യ ലിമിറ്റഡ്
  • വുഡ് ബ്രയർ ലിമിറ്റഡ്
  • പാരി അഗ്രോ ലിമിറ്റഡ്
  • എൻ. ഇ. പി. സി ടീ ലിമിറ്റഡ്
  • ജയശ്രീ ടീ ഇൻഡസ്ട്രീസ് ലിമിറ്റഡ് (ബിർള ഗ്രൂപ്പ്)
  • പെരിയ കാരമലൈ ടീ എസ്റ്റേറ്റ്സ് ലിമിറ്റഡ്
  • പുതുതോട്ടം ടീ എസ്റ്റേറ്റ്സ് ലിമിറ്റഡ്
  • വാട്ടർ ഫാൾസ് ടീ എസ്റ്റേറ്റ്സ് ലിമിറ്റഡ്

തേയിലയും കാപ്പിയും കൂടാതെ സുഗന്ധവ്യഞ്ജനങ്ങളുടേയും മലഞ്ചരക്കുകളുടേയും ഒരു കേന്ദ്രം കൂടെയാണ് ഇവിടം. ഇതുകൂടാതെ അതിരപ്പിള്ളി വെള്ളച്ചാട്ടത്തിന്റെ അനുബന്ധമായും അല്ലാതെയുമുള്ള വിനോദസഞ്ചാരവും ഈ ഒരു വരുമാന മാർഗ്ഗമാണ്. സംവിധായകൻ ബാലു മഹേന്ദ്രയുടെ 'യാത്ര' എന്ന ചിത്രം പ്രധാനമായും ഈ പ്രദേശത്താണ് ചിത്രീകരിച്ചത് .

സന്ദർശിക്കാവുന്ന സ്ഥലങ്ങൾ[തിരുത്തുക]

ചിത്രശാല[തിരുത്തുക]

അവലംബം[തിരുത്തുക]

  1. ഉദ്ധരിച്ചതിൽ പിഴവ്: അസാധുവായ <ref> ടാഗ്; dashboard എന്ന അവലംബങ്ങൾക്ക് ടെക്സ്റ്റ് ഒന്നും കൊടുത്തിട്ടില്ല.
  2. "Valparai tea estates". The Hindu. 11 December 2004. ശേഖരിച്ചത് 12 April 2016. 
  3. Govt of Tamil Nadu Order
  4. "Valparai Heavenly Hill Station". vanakkamindia.com. ശേഖരിച്ചത് 31 January 2016. 
  5. "Falling Rain Genomics, Inc - Valparai". fallingrain.com. ശേഖരിച്ചത് 31 January 2016. 
  6. "Census of India 2001: Data from the 2001 Census, including cities, villages and towns. (Provisional)". Census Commission of India. ശേഖരിച്ചത് 2007-09-03. 
  7. Valparaiinfo.com
  8. Valparai
"https://ml.wikipedia.org/w/index.php?title=വാൽപ്പാറ&oldid=2611187" എന്ന താളിൽനിന്നു ശേഖരിച്ചത്