വാസ്വോ എക്സ് വാസ്വോ
വാസ്വോ എക്സ് വാസ്വോ | |
---|---|
ജനനം | Richard John Waswo നവംബർ 13, 1953 |
അറിയപ്പെടുന്നത് | photography, writer |
അമേരിക്കൻ ഫോട്ടോഗ്രാഫറും പ്രതിഷ്ഠാപന കലാകാരനുമാണ് വാസ് വോ എക്സ് വാസ് വോ. രാജസ്ഥാനിൽ താമസിച്ച് കലാപ്രവർത്തനം നടത്തുന്നു. ഫോട്ടോഗ്രാഫും ശിൽപ്പങ്ങളും മറ്റും ഒന്നിച്ചു ചേർന്ന ഇൻസ്റ്റലേഷനുകളാണ് ഇദ്ദേഹത്തിന്റെ സൃഷ്ടികൾ.
ജീവിതരേഖ[തിരുത്തുക]
അമേരിക്കയിലെ വിസ്കോൺസിൻ സ്വദേശിയായ വാസ് വോ 2001 ലാണ് രാജസ്ഥാനിലെ ഉദയ്പൂരിൽ താമസമായത്. 2014 ൽ കൊച്ചി മുസിരിസ് ബിനാലെയോടൊപ്പം നടത്തിയ കൊളാറ്ററൽ പ്രദർശനത്തിൽ പങ്കെടുത്തു. മട്ടാഞ്ചേരിയിൽ മിൽ ഹാൾ കോംപൗണ്ടിലായിരുന്നു 'സ്ലീപ്പിങ് ത്രൂ ദി മ്യൂസിയം' എന്ന കലാസൃഷ്ടി വാസ് വോ പ്രദർശിപ്പിച്ചത്.[1] ഫോട്ടോ ഹാൻഡ് കളർ ചെയ്യുന്ന രാജേഷ് സോനി, മിനിയേച്ചർ രൂപങ്ങളുണ്ടാക്കുന്ന ആര്. വിജയ്, ലിത്തോഗ്രാഫർ സുബ്രത് കുമാർ ബെഹ്റ, ടെറാകോട്ട കലാകാരൻ ശ്യാം ലാൽ കുംഭാർ എന്നിവരുമൊത്തുള്ള സഹവർത്തിത രചനയാണ് 'സ്ലീപ്പിങ് ത്രൂ ദി മ്യൂസിയം'.
വിവാദം[തിരുത്തുക]
കയറ്റിറക്കു തൊഴിലാളികൾ കൂടുതൽ കൂലി ചോദിച്ചതിൽ പ്രതിഷേധിച്ച് ടെറാക്കോട്ടയിലുള്ള കലാസൃഷ്ടിയുടെ ഒരുഭാഗം എറിഞ്ഞുടച്ചു. ഇതിന്റെ വീഡിയോ അദ്ദേഹം യൂ ട്യൂബിൽ പോസ്റ്റ് ചെയ്യുകയും ചെയ്തു.
അവലംബം[തിരുത്തുക]
- ↑ "കയറ്റുകൂലി ചോദിച്ചു; സൃഷ്ടി എറിഞ്ഞുടച്ച് ശില്പിയുടെ പ്രതിഷേധം". www.mathrubhumi.com. Archived from the original on 2015-04-07. Retrieved 5 ഏപ്രിൽ 2015.
പുറം കണ്ണികൾ[തിരുത്തുക]
- വെബ്സൈറ്റ് Archived 2009-12-11 at the Wayback Machine.