വള്ളിസമരം

വിക്കിപീഡിയ, ഒരു സ്വതന്ത്ര വിജ്ഞാനകോശം.

കേരളത്തിലെ ആദ്യത്തെ ആദിവാസി സമരമാണ്‌ വള്ളി സമരം[1] തിരുനെല്ലിയിൽ നക്സലൈറ്റായ വർഗീസാണ്‌ ഇതിനു നേതൃത്വം കൊടുത്തത്. സമരത്തിൽ ആദിവാസികൾ ജയിച്ചുവെങ്കിലും വർഗീസ് കൊല്ലപ്പെട്ടു.

പേരിനു പിന്നിൽ[തിരുത്തുക]

ആദിവാസികളെ വനമേഖലയിൽ ജോലിക്ക് നിയോഗിച്ചാൽ അവർക്ക് കൂലിയായി കൊടുത്തിരുന്നതിനെ വള്ളി എന്നാണ്‌ വിളിച്ചിരുന്നത്. [2] ഭക്ഷ്യധാന്യമോ മറ്റു ഉപയോഗസാധനങ്ങളോ ആണ്‌ കൂലിയായി കൊടുത്തിരുന്നത്. ധാന്യമാണ്‌ കൊടുക്കുന്നതെങ്കിൽ അതിനുപയോഗ്ഗിക്കുന്ന അളവു പാത്രം (നാഴി/എടങ്ങഴി) സാധാരണ അളവിലും കൂറഞ്ഞവയായിരുന്നു. ഇതിനെതിരെയായിരുന്നു സംഘടിതമായ ഈ സമരം. അങ്ങനെയാണ്‌ വള്ളി സമരം എന്ന പേരു വരാൻ കാരണം.

ചരിത്രം[തിരുത്തുക]

ചരിത്രാതീതകാലം മുതൽക്കേ കാട്ടിൽ ജീവിച്ചിരുന്നവരാണ്‌ ആദിവാസികൾ. അവർക്ക് എഴുത്തും വായനയും വശമില്ലാത്തതിനാലും ലിഖിതവിദ്യ അറിയാത്തതിനാലും മറ്റു കാരണങ്ങളാലും ജീവിച്ചുപോന്ന ഭൂമിയുടെ കൈവശരേഖകൾ ഒന്നുമില്ല. അവർ നിയമപരമായി കുടിയേറ്റക്കാർ എന്നാണറിയപ്പെടുന്നത്. ഇത് കേരളത്തിൽ മാത്രമല്ല ഇന്ത്യയിലെല്ലായിടത്തും ഇതാണ്‌ സ്ഥിതി. 1864-ൽ ബ്രിട്ടീഷുകാർ കാടായ കാടെല്ലാം ഏറ്റെടുത്തശേഷം വനം വകുപ്പുണ്ടാക്കി ഏല്പിച്ചു. അന്ന് അവരുടെ അനുവാദമില്ലാതെ കാട്ടിൽ താമസിച്ചിരുന്നവരെല്ലാം കുടിയേറ്റക്കാരായിത്തീർന്നു. ഇതേ അഭിപ്രായം തന്നെയാണ്‌ ഇന്ത്യാ ഗവർണ്മെന്റിനും സംസ്ഥാന സർക്കാരുകൾക്കും. ആദിവാസികൾ നായാടിയും ഭക്ഷ്യസാധനങ്ങൾ ശേഖരിച്ചും, കൃഷി ചെയ്തും വിവിധ ജീവിതമാർഗ്ഗങ്ങൾ സ്വീകരിച്ചിരുന്നവരാണ്‌.

കുറിപ്പുകൾ[തിരുത്തുക]

അവലംബം[തിരുത്തുക]

  1. ആദിവാസി സമരത്തിന്റെ അർത്ഥാന്തരങ്ങൾ-മുത്തങ്ങ സമരത്തിന്റെ പശ്ചാത്തലത്തിൽ ഒരപ്രഗ്രഥനം- എഡീറ്റർ പ്രൊഫ: എം.കെ. പ്രകാശ്- ശാസ്ത്രസാഹിത്യ പരിഷത്ത്
  2. "ആർക്കൈവ് പകർപ്പ്". Archived from the original on 2009-06-07. Retrieved 2008-05-22.


"https://ml.wikipedia.org/w/index.php?title=വള്ളിസമരം&oldid=3657027" എന്ന താളിൽനിന്ന് ശേഖരിച്ചത്