ലോട്ടസ് ടവർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ലോട്ടസ് ടവർ
Nelum Kuluna
නෙළුම් කුළුණ
தாமரைக் கோபுரம்
ColomboSkyline - November 2017 (1).jpg
Colombo Skyline with Lotus Tower
ലോട്ടസ് ടവർ is located in Central Colombo
ലോട്ടസ് ടവർ
Location in Central Colombo
ലോട്ടസ് ടവർ is located in Sri Lanka
ലോട്ടസ് ടവർ
ലോട്ടസ് ടവർ (Sri Lanka)
ലോട്ടസ് ടവർ is located in Asia
ലോട്ടസ് ടവർ
ലോട്ടസ് ടവർ (Asia)
ലോട്ടസ് ടവർ is located in Earth
ലോട്ടസ് ടവർ
ലോട്ടസ് ടവർ (Earth)
അടിസ്ഥാന വിവരങ്ങൾ
സ്ഥിതിComplete
തരംMixed use:
സ്ഥാനംColombo, Sri Lanka
നിർദ്ദേശാങ്കം06°55′37″N 79°51′30″E / 6.92694°N 79.85833°E / 6.92694; 79.85833Coordinates: 06°55′37″N 79°51′30″E / 6.92694°N 79.85833°E / 6.92694; 79.85833
Completed15 September 2019
Opened16 September 2019
Height
Antenna spire356 m (1,168.0 ft)
Technical details
Floor count13
(6 in base, 7 in flower)
Lifts/elevators8
വെബ്സൈറ്റ്
http://www.lotustower.lk/
Lotus Tower

ശ്രീലങ്കയിലെ കൊളംബോയിൽ സ്ഥിതി ചെയ്യുന്ന 356 മീറ്റർ (1,168 അടി) ഉയരമുള്ള ഒരു ഗോപുരമാണ് കൊളംബോ ലോട്ടസ് ടവർ എന്നുകൂടി അറിയപ്പെടുന്ന ലോട്ടസ് ടവർ. (Sinhala: නෙළුම් කුළුණ; Tamil: தாமரைக் கோபுரம்)[1][2] ശ്രീലങ്കയുടെ ചരിത്രപ്രധാനമായ സംഭവത്തിന്റെ ഒരു നാഴികക്കല്ലായും ഇത് പ്രതിഫലിക്കുന്നു.[3] 2019 സെപ്റ്റംബർ 16 ലെ കണക്കനുസരിച്ച്, നിലവിൽ ദക്ഷിണേഷ്യയിലെ ഏറ്റവും ഉയരം കൂടിയ നിർമ്മിതിയാണ് ഈ ടവർ. ഗൈ-വയർ പിന്താങ്ങുള്ള ഐ‌എൻ‌എസ് കട്ടബൊമ്മന് ശേഷം ദക്ഷിണേഷ്യയിലെ ഏറ്റവും ഉയരം കൂടിയ രണ്ടാമത്തെ നിർമ്മിതിയാണിത്. ഏഷ്യയിലെ ഏറ്റവും ഉയരം കൂടിയ പതിനൊന്നാമത്തെ ഗോപുരവും ലോകത്തിലെ ഏറ്റവും ഉയരം കൂടിയ പത്തൊമ്പതാമത്തെ ഗോപുരവുമാണ് ഇത്.[3] ആദ്യം ഇത് പെലിയഗോഡയുടെ പ്രാന്തപ്രദേശത്ത് നിർമ്മിക്കാൻ നിർദ്ദേശിച്ചെങ്കിലും പിന്നീട് ശ്രീലങ്ക സർക്കാർ നിർമ്മാണസ്ഥലം മാറ്റാൻ തീരുമാനിക്കുകയായിരുന്നു.[4] താമരയുടെ ആകൃതിയിലുള്ള ഈ ഗോപുരം, ആശയവിനിമയം, നിരീക്ഷണം, മറ്റ് ഒഴിവുസമയ വിശ്രമസൗകര്യങ്ങൾ എന്നിവയ്ക്കായി ഉപയോഗിക്കുന്നു. ശ്രീലങ്കയും ചെെനയും തമ്മിലുള്ള വിദേശ ബന്ധത്തെ തുടർന്ന് മുൻ ശ്രീലങ്കൻ പ്രസിഡന്റ്‌ മഹേന്ദ്ര രജപക്ഷെയുടെ കാലത്താണ് ഈ ടവർ നിർമ്മാണം ആരംഭിച്ചത്. ചൈനയുടെ ധനസഹായത്തോടെ നിർമ്മിച്ച ഇതിന്റെ നിർമാണച്ചെലവ് 104.3 മില്യൺ ഡോളർ ആയിരുന്നു.[5] ചൈനയുടെ നാഷണൽ ഇലക്ട്രോണിക് ഇമ്പോർട്ട് ആൻഡ്‌ എക്സ്പോർട്ട്‌ കോർപറേഷനാണ് ഇതിനു നേതൃത്വം നല്കിയത്. കൊളംബോ, അതിന്റെ പ്രാന്തപ്രദേശങ്ങൾ, നഗരത്തിൽ നിന്നും പരിസരത്തുനിന്നും പുറപ്പെടുന്ന പ്രധാന ഹൈവേകൾ എന്നിവിടങ്ങളിൽ നിന്ന് ഈ ഗോപുരം കാണാം.[6]

30,600 ചതുരശ്രയടിയാണ് വിസ്തീർണ്ണമുള്ള 17 നിലകളുള്ള കെട്ടിടമാണിത്. ഈ ടവറിന്റെ 80 ശതമാനം ഫണ്ടും മുടക്കിയിരിക്കുന്നത്‌ ചൈനയാണ്.[7] 2012 ലാണ് ഇരു രാജ്യങ്ങളും ലോട്ടസ് ടവർ നിർമ്മിക്കാനുള്ള കരാറിൽ ഒപ്പ് വച്ചത്. പദ്ധതി ആരംഭിച്ച് ഏഴു വർഷത്തിനുശേഷം പ്രസിഡന്റ് മൈത്രിപാല സിരിസേന 2019 സെപ്റ്റംബർ 16 ന് ടവർ പൊതുജനങ്ങൾക്കായി തുറന്നുകൊടുത്തു.[8][9]

സ്ഥാനം[തിരുത്തുക]

രാജ്യത്തിന്റെ സാമ്പത്തിക തലസ്ഥാന നഗരമായ കൊളംബോയുടെ പ്രാന്തപ്രദേശത്ത് ടവർ നിർമ്മിക്കാനുള്ള പ്രാഥമിക തീരുമാനത്തിനുശേഷം, ശ്രീലങ്കൻ സർക്കാർ നഗരത്തിന്റെ ഹൃദയഭാഗത്തേക്ക് സ്ഥലം മാറ്റാനുള്ള പദ്ധതികൾ തയ്യാറാക്കിയതായി പ്രഖ്യാപിച്ചു. ബെയ്‌റ തടാകത്തിന്റെ നദീതടപ്രദേശത്തിലാണ് ഗോപുരത്തിന്റെ പുതിയ സ്ഥാനം.

നിർമ്മാണം[തിരുത്തുക]

2012 ജനുവരി 3 ന്‌ ശ്രീലങ്കയിലെ ടെലികമ്മ്യൂണിക്കേഷൻ റെഗുലേറ്ററി കമ്മീഷൻ (TRCSL, ശ്രീലങ്കൻ വിദേശകാര്യ മന്ത്രാലയം സെക്രട്ടറി, ചൈന നാഷണൽ ഇലക്ട്രോണിക്സ് ഇറക്കുമതിക്കാർ, കയറ്റുമതി കോർപ്പറേഷൻ (CEIEC), എയ്‌റോസ്‌പേസ് ലോംഗ് മാർച്ച് ഇന്റർനാഷണൽ ട്രേഡ് Co. Ltd (ALIT) എന്നിവർ TRCSL ഡയറക്ടർ ജനറൽ അനുഷ പൽ‌പിറ്റയുമായി കരാർ ഒപ്പിട്ടു.[10]

മുൻ രാഷ്ട്രപതി [[മഹിന്ദ രാജപക്‌സെ|മഹീന്ദ രാജപക്‌സെയുടെ] ഭരണകാലത്താണ് പദ്ധതി ആരംഭിച്ചത്. ശിലാസ്ഥാപനച്ചടങ്ങിനെത്തുടർന്ന് 2012 ജനുവരി 20 ന് നിർമ്മാണം ആരംഭിച്ചു. ബെയ്‌റ തടാകത്തിന്റെ നദീതടപ്രദേശത്തും ഡി. ആർ. വിജേവർധന മാവതയുടെ ഭാഗത്തുമായിട്ടാണ് ഈ നിർദിഷ്ടസ്ഥലം സ്ഥിതിചെയ്യുന്നത്.[11]2014 ഡിസംബറിൽ ടവറിന്റെ നിർമ്മാണം 125 മീറ്റർ (410 അടി) നാഴികക്കല്ല് പിന്നിട്ടു, 2015 ജൂലൈയിലെ കണക്കനുസരിച്ച് ടവർ 255 മീറ്റർ (837 അടി) എത്തി.

ഡിസൈനുകളും പ്രവർത്തനങ്ങളും[തിരുത്തുക]

ഈ കെട്ടിടത്തിന്റെ രൂപകൽപ്പന താമരയിൽ നിന്ന് പ്രചോദനം ഉൾക്കൊള്ളുന്നു. താമര ശ്രീലങ്കൻ സംസ്കാരത്തിനുള്ളിലെ വിശുദ്ധിയെ പ്രതീകപ്പെടുത്തുന്നു, മാത്രമല്ല രാജ്യത്തിന്റെ അഭിവൃദ്ധി പ്രാപിക്കുന്നതിന്റെ പ്രതീകമാണിതെന്നും പറയപ്പെടുന്നു. താമര സിംഹാസനത്തിൽ നിന്ന് പ്രചോദനം ഉൾക്കൊണ്ട ടവർ ബേസ് രണ്ട് വിപരീത ലംബകങ്ങളാൽ രൂപം കൊള്ളുന്നു. [3]സുഗമമായ പരിവർത്തനത്തിലൂടെ ഗോപുരത്തിന്റെ നിറം പിങ്ക്, ഇളം മഞ്ഞ എന്നിവയ്ക്കിടയിൽ ഒന്നിടവിട്ട് മാറ്റാൻ പദ്ധതിയിട്ടിരുന്നു- ഇത് ഗ്ലാസ് പൂശുന്നതിലൂടെ ഈ ഫലം ലഭിക്കുന്നതുമാണ്.

Lotus Tower,South Asia's Tallest Tower

ഏകദേശം 350 മീറ്റർ (1,150 അടി) ഉയരമുള്ള ഈ ഗോപുരം 30,600 മീ 2 (329,000 ചതുരശ്ര അടി) വിസ്തീർണ്ണം ഉള്ളതാണ്.[12]

ലോട്ടസ് ടവറിന്റെ പ്രധാന വരുമാന മാർഗ്ഗം ടൂറിസവും ആന്റിന പാട്ടവുമാണ്. റേഡിയോ, ടെലിവിഷൻ പ്രക്ഷേപണ ആന്റിന ഐ‌എസ്‌ഡിബി-ടി, 50 ടെലിവിഷൻ സേവനങ്ങൾ, 35 എഫ്എം റേഡിയോ സ്റ്റേഷനുകൾ, 20 ടെലികമ്മ്യൂണിക്കേഷൻ സേവന ദാതാക്കൾ എന്നിവയ്ക്കായി ഡിവിബി-ടി 2 പിന്തുണാ ഘടനയായി ഇത് പ്രവർത്തിക്കും[13] കൂടാതെ വിവിധ വിനോദസഞ്ചാര ആകർഷണങ്ങളും ഇവിടെ പ്രദർശിപ്പിക്കും.

ടവറിന് നാല് പ്രവേശന കവാടങ്ങളുണ്ട്. രണ്ടെണ്ണം വിഐപി (വിശിഷ്ട അതിഥികളും സംസ്ഥാന നേതാക്കളും) പ്രവേശന കവാടങ്ങളായി ഉപയോഗിക്കുന്നു. ഒരു ടെലികമ്മ്യൂണിക്കേഷൻ മ്യൂസിയവും റെസ്റ്റോറന്റും താഴത്തെ നിലയിൽ സ്ഥിതിചെയ്യുന്നു. ടവർ പോഡിയത്തിൽ 6 നിലകളാണുള്ളത്. [14] വേദിയുടെ ഒന്നാം നിലയിൽ ഒരു മ്യൂസിയവും രണ്ട് എക്സിബിഷൻ ഹാളുകളും കാണുന്നു. രണ്ടാം നില 500 ൽ കൂടുതൽ ആളുകൾക്ക് ഇരിക്കാനുള്ള ഇടമുള്ള നിരവധി കോൺഫറൻസ് ഹാളുകൾക്കായി ഉപയോഗപ്പെടുത്തുന്നു. റെസ്റ്റോറന്റുകൾ, സൂപ്പർമാർക്കറ്റുകൾ, ഫുഡ് കോർട്ടുകൾ എന്നിവ മൂന്നാം നിലയിൽ സ്ഥിതിചെയ്യുന്നു. നാലാം നിലയിൽ 1000 സീറ്റുകളുള്ള ഓഡിറ്റോറിയം സ്ഥിതിചെയ്യുന്നു. അത് ബോൾറൂമായും ഉപയോഗിക്കും. അഞ്ചാം നിലയിൽ ആഢംബര ഹോട്ടൽ മുറികൾ, വലിയ ബോൾറൂമുകൾ, ഏഴാം നിലയിൽ ഒരു നിരീക്ഷണ ഗാലറി എന്നിവ ഉൾപ്പെടുന്നു. ലാൻഡ്സ്കേപ്പിംഗ് ഒരു വലിയ വാട്ടർ പാർക്കിന്റെ രൂപത്തിലാണ് ആസൂത്രണം ചെയ്തിരിക്കുന്നത്.[15][16]

Lotus Tower

ഗതാഗത കേന്ദ്രം[തിരുത്തുക]

കൊളംബോയിലെ നിർദ്ദിഷ്ട മോണോറെയിൽ സംവിധാനമായ കൊളംബോ മോണോറെയിലും ബിആർടി സംവിധാനവും ലോട്ടസ് ടവറിന് സമീപത്തായി സ്ഥിതിചെയ്യുന്ന ഒരു പൊതു 'മൾട്ടി-മോഡൽ ഹബിൽ' കൂടിച്ചേർന്ന് ടവറിനെ ഒരു പ്രധാന നഗര കേന്ദ്രമാക്കി മാറ്റിയിരിക്കുന്നു. 2016-ൽ മോണോറെയിൽ റദ്ദാക്കി, പകരം കൊളംബോയിൽ ഒരു ലൈറ്റ് റെയിൽ നിർമ്മിച്ചിരുന്നു.

തർക്കം[തിരുത്തുക]

2019 സെപ്റ്റംബർ 16 ന് നടന്ന ഉദ്ഘാടനച്ചടങ്ങിൽ നിലവിലെ പ്രസിഡന്റ് മൈത്രിപാല സിരിസേന ആചാരപരമായ ഒരു പ്രസംഗത്തിൽ പരാമർശിക്കുകയും 2 ബില്യൺ രൂപയുടെ അഡ്വാൻസ് സംബന്ധിച്ച ഒരു അഴിമതിയെക്കുറിച്ച് ആരോപിക്കുകയും ചെയ്തു. ഇത് അംഗീകൃത കമ്പനിയായ അലിറ്റിന് (ALIT) 2012-ൽ അന്നത്തെ സർക്കാർ നൽകിയിരുന്നു. അത്തരമൊരു കമ്പനി നിലവിലില്ലെന്ന് പിന്നീട് 2016-ൽ വെളിപ്പെടുത്തി. എന്നിരുന്നാലും ഇത് പിന്നീട് തെറ്റാണെന്ന് തെളിയിക്കപ്പെട്ടു. കാരണം ചൈനീസ് സർക്കാർ ഉടമസ്ഥതയിലുള്ള എയ്‌റോസ്‌പേസ് ലോംഗ്-മാർച്ച് ഇന്റർനാഷണൽ ട്രേഡ് കോയുടെ ചുരുക്കപ്പേരാണ് ALIT. ALIT പദ്ധതി ഉപേക്ഷിച്ചതിനാൽ മുഴുവൻ തുകയും ചൈന നാഷണൽ ഇലക്ട്രോണിക്സ് ഇംപോർട്ട് & എക്‌സ്‌പോർട്ട് കോർപ്പറേഷന് (CEIEC) നൽകിയെന്ന് പറഞ്ഞ് പേയ്‌മെന്റ് ALIT സ്വീകരിച്ചിരുന്നില്ല. ALIT "ദുരുപയോഗം ചെയ്തു" എന്ന് സിരിസേന അവകാശപ്പെടുന്ന അതേ തുക 2012 ഒക്ടോബറിൽ എക്‌സിം ബാങ്കിലെ സിഇഇസിയുടെ അക്കൗണ്ടിലേക്ക് ടിആർസി (TRC)15.6 മില്യൺ ഡോളർ (2 ബില്യൺ രൂപ) അടച്ചതായും റിപ്പോർട്ടിൽ പറയുന്നു.[17][18]

അവലംബം[തിരുത്തുക]

  1. "Lotus Tower - The Skyscraper Center". www.skyscrapercenter.com. ശേഖരിച്ചത് 2017-12-15.
  2. "Foundation stone laid for Lotus Tower". മൂലതാളിൽ നിന്നും 9 മാർച്ച് 2013-ന് ആർക്കൈവ് ചെയ്തത്. ശേഖരിച്ചത് 21 ഫെബ്രുവരി 2013.
  3. 3.0 3.1 3.2 "Symbolic landmark of Sri Lanka: Lotus Tower (Nelum Kuluna)". Sunday Observer (ഭാഷ: ഇംഗ്ലീഷ്). 2019-09-14. ശേഖരിച്ചത് 2019-09-16.
  4. "Colombo to get 350 m high multifunctional communication tower soon". Sunday Times. ശേഖരിച്ചത് 15 December 2011.
  5. "Sri Lankan version of Rs. 11bn Eiffel tower mooted". Asian Tribune News. മൂലതാളിൽ നിന്നും 19 ഏപ്രിൽ 2012-ന് ആർക്കൈവ് ചെയ്തത്. ശേഖരിച്ചത് 10 നവംബർ 2010.
  6. "ദക്ഷിണേഷ്യയിലെ ഏറ്റവും വലിയ ടവർ ഇനി ശ്രീലങ്കയിൽ; പിന്നിൽ ചൈന!". ManoramaOnline. ശേഖരിച്ചത് 2019-09-19.
  7. Daily, Keralakaumudi. "ഇന്ത്യക്ക് തൊട്ടടുത്ത് ചെെനയുടെ ലോട്ടസ് ടവർ,​ ഭാവിയിൽ ഡിജിറ്റൽ ടവറായി മാറും". Keralakaumudi Daily (ഭാഷ: ഇംഗ്ലീഷ്). ശേഖരിച്ചത് 2019-09-19. zero width space character in |title= at position 45 (help)
  8. "China hails BRI progress - Global Times". www.globaltimes.cn. ശേഖരിച്ചത് 1 May 2019.
  9. "Lotus Tower to bloom today - Sri Lanka Latest News". Sri Lanka News - Newsfirst (ഭാഷ: ഇംഗ്ലീഷ്). 2019-09-16. ശേഖരിച്ചത് 16 September 2019.
  10. CEIEC Signed the Contract of Colombo Lotus Tower Project, CEIEC.com News. Retrieved 3 January 2012
  11. Colombo Lotus Tower – Minister Basil Rajapakse Lays Foundation Stone, TRCSL Press. Retrieved 20 January 2012
  12. "Lotus Tower in Colombo". Akathy. ശേഖരിച്ചത് 20 January 2012.[പ്രവർത്തിക്കാത്ത കണ്ണി]
  13. "Chinese contractor puts India at ease; Dispute over Colombo Lotus Tower". The Island. 20 April 2015. ശേഖരിച്ചത് 29 April 2017.
  14. LBO (2019-09-16). "Lotus Tower, tallest in South Asia to open today". Lanka Business Online (ഭാഷ: ഇംഗ്ലീഷ്). ശേഖരിച്ചത് 16 September 2019.
  15. "Tallest in South Asia". Development LK. മൂലതാളിൽ നിന്നും 28 ജൂലൈ 2012-ന് ആർക്കൈവ് ചെയ്തത്. ശേഖരിച്ചത് 20 ജനുവരി 2012. Unknown parameter |url-status= ignored (help)
  16. "Colombo Lotus Tower Project Contract Signing Ceremony". TRCSL Press. ശേഖരിച്ചത് 20 January 2012.
  17. "China firm vanishes with billions in Sri Lanka Lotus Tower scam". EconomyNext. 2019-09-16. ശേഖരിച്ചത് 2019-09-16.
  18. "China's ALIT rejects Sri Lanka leader's graft allegation". www.reuters.com. Reuters. ശേഖരിച്ചത് 23 September 2019.
"https://ml.wikipedia.org/w/index.php?title=ലോട്ടസ്_ടവർ&oldid=3227680" എന്ന താളിൽനിന്ന് ശേഖരിച്ചത്