ഉള്ളടക്കത്തിലേക്ക് പോവുക

ലിൻഡ വൂൾവർട്ടൺ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ലിൻഡ വൂൾവർട്ടൺ
ജനനം (1952-12-19) ഡിസംബർ 19, 1952 (age 72) വയസ്സ്)
ലോങ് ബീച്ച്, കാലിഫോർണിയ, യുണൈറ്റഡ് സ്റ്റേറ്റ്സ്
തൊഴിൽ
  • തിരക്കഥാകൃത്ത്
  • നാടകകൃത്ത്
  • നോവലിസ്റ്റ്
പഠിച്ച വിദ്യാലയം
Genreഫാന്റസി, യക്ഷിക്കഥ, ഹാസ്യ-നാടകം
ശ്രദ്ധേയമായ രചന(കൾ)
പങ്കാളി
ലീ ഫ്ലിക്കർ
​
(വിവാഹമോചനം നേടി)​
കുട്ടികൾ1

പ്രശസ്തയായ ഒരു അമേരിക്കൻ തിരക്കഥാകൃത്തും നാടകകൃത്തും നോവലിസ്റ്റുമാണ് ലിൻഡ വൂൾവർട്ടൺ (ജനനം: ഡിസംബർ 19, 1952) . അവരുടെ ഏറ്റവും പ്രധാനപ്പെട്ട കൃതികളിൽ പ്രശംസ നേടിയ നിരവധി ഡിസ്നി സിനിമകളുടെയും നാടകവേദിയിലെ സംഗീതവിഷയങ്ങളുടെയും തിരക്കഥകളും പുസ്തകങ്ങളും ഉൾപ്പെടുന്നു. ഡിസ്നിയിലെ ബ്യൂട്ടി ആൻഡ് ദി ബീസ്റ്റ് (1991) എന്ന ആനിമേറ്റഡ് പരമ്പരയ്ക്കുവേണ്ടി [1]എഴുതിയ ആദ്യ വനിതയാണ് അവർ. മികച്ച ചിത്രത്തിനുള്ള അക്കാദമി അവാർഡിന് നാമനിർദ്ദേശം ചെയ്യപ്പെട്ട ആദ്യത്തെ ആനിമേറ്റഡ് ചിത്രം കൂടിയാണിത്. 1994-ൽ പുറത്തിറങ്ങിയ ദി ലയൺ കിംഗിന്റെ തിരക്കഥയിൽ സഹ-എഴുത്തുകാരിയായി പ്രവർത്തിച്ച അവർ, 1998-ൽ പുറത്തിറങ്ങിയ മുളാൻ എന്ന ചിത്രത്തിന് കൂടുതൽ കഥാസന്ദർഭങ്ങൾ ഒരുക്കിയതു കൂടാതെ ബ്യൂട്ടി ആൻഡ് ദി ബീസ്റ്റിന്റെ തിരക്കഥ ബ്രോഡ്‌വേ ചലച്ചിത്രാവിഷ്കാരത്തിനുവേണ്ടി പുസ്തകത്തിലേക്ക് മാറ്റുകയും ചെയ്തു. ഇതിന്റെ പേരിൽ അവർക്ക് ടോണി അവാർഡിന് നാമനിർദ്ദേശം ലഭിക്കുകയും ഒലിവിയർ അവാർഡ് ലഭിക്കുകയും ചെയ്തു.[2][3]

അവരുടെ സമീപകാല കൃതികളിൽ ആലീസ് ഇൻ വണ്ടർലാൻഡ് (2010), മാലെഫിസെന്റ് (2014) എന്നിവയുടെ തിരക്കഥകളും ഉൾപ്പെടുന്നു. ഇവ രണ്ടും വമ്പൻ ബോക്സ് ഓഫീസ് വിജയങ്ങളായിരുന്നു. ആലീസ് ഇൻ വണ്ടർലാൻഡ് (2010)എന്ന സിനിമയുടെ വിജയം 1 ബില്യൺ ഡോളർ വരുമാനം നേടിയ ഒരു സിനിമയുടെ ഏക തിരക്കഥാകൃത്ത് എന്ന ബഹുമതിയോടെ ആദ്യ വനിതാ തിരക്കഥാകൃത്ത് ആയി അവരെ മാറ്റി.[4] പിന്നീട് ആ രണ്ട് ചിത്രങ്ങളുടെയും തുടർഭാഗങ്ങളുടെ തിരക്കഥകളായ ആലീസ് ത്രൂ ദി ലുക്കിംഗ് ഗ്ലാസ് (2016), മാലെഫിസെന്റ്: മിസ്ട്രസ് ഓഫ് ഈവിൾ (2019) എന്നിവ അവർ എഴുതി.

ആദ്യകാല ജീവിതവും വിദ്യാഭ്യാസവും

[തിരുത്തുക]

വൂൾവർട്ടൺ 1952 ൽ കാലിഫോർണിയയിലെ ലോംഗ് ബീച്ചിൽ ജനിച്ചു. അവർ കുട്ടിയായിരിക്കുമ്പോൾ അവരുടെ "ക്ലേശകരമായ ബാല്യകാലത്തിൽ " നിന്ന് രക്ഷപ്പെടാൻ വേണ്ടി പ്രാദേശിക കുട്ടികളുടെ നാടകവേദികളിൽ അവർ അഭിനയിക്കാൻ തുടങ്ങി. [1] 1969-ൽ സ്കൂളിന്റെ നാടക പരിപാടിയിൽ ഓണേഴ്സ് മാർക്കോടെ അവർ ഹൈസ്കൂളിൽ നിന്ന് ബിരുദം നേടി. അവർ ലോംഗ് ബീച്ചിലെ കാലിഫോർണിയ സ്റ്റേറ്റ് യൂണിവേഴ്സിറ്റിയിൽ ചേരുകയും 1973 ൽ തിയേറ്റർ ആർട്സിൽ ബിഎഫ്എ ബിരുദം നേടുകയും ചെയ്തു. കോളേജ് ബിരുദത്തിനുശേഷം, ഫുള്ളർട്ടണിലെ കാലിഫോർണിയ സ്റ്റേറ്റ് യൂണിവേഴ്സിറ്റിയിൽ ചേർന്ന അവർ 1979 ൽ കുട്ടികൾക്കായുള്ള നാടകവേദിയിൽ എന്ന വിഷയത്തിൽ ബിരുദാനന്തര ബിരുദം നേടുകയും ചെയ്തു.[5]

തൊഴിൽ

[തിരുത്തുക]

ആദ്യകാല പ്രവർത്തനങ്ങൾ

[തിരുത്തുക]

ബിരുദാനന്തര ബിരുദം പൂർത്തിയാക്കിയ ശേഷം, വൂൾവെർട്ടൺ സ്വന്തമായി കുട്ടികൾക്കുവേണ്ടിയുള്ള നാടക കമ്പനി രൂപീകരിച്ചു. കാലിഫോർണിയയിലുടനീളം പള്ളികളിലും മാളുകളിലും സ്കൂളുകളിലും പ്രാദേശിക തിയേറ്ററുകളിലും അവർ എഴുതിയ തിരക്കഥകൾ സംവിധാനം ചെയ്യുകയും അവതരിപ്പിക്കുകയും ചെയ്തു. 1979 ൽ അവർ ഒരു ക്രിയേറ്റീവ് നാടക ഇൻസ്ട്രക്ടറായും ജോലി ചെയ്യാൻ തുടങ്ങിയെങ്കിലും[5] 1980 ൽ, അവർ സിബിഎസിന്റെ സെക്രട്ടറിയായി ജോലി ചെയ്യാൻ തുടങ്ങി. അവിടെ അവർ കുട്ടികളുടെയും വൈകി നടത്തുന്ന രാത്രി പരിപാടികളുടെയും ശ്രദ്ധ കേന്ദ്രീകരിച്ച ഒരു പ്രോഗ്രാമിംഗ് എക്സിക്യൂട്ടീവായി മാറി. ഉച്ചഭക്ഷണ ഇടവേളകളിൽ, വൂൾവെർട്ടൺ തന്റെ ആദ്യ നോവലായ ദി യംഗ് അഡൽറ്റ് സ്റ്റാർ വിൻഡ് എഴുതി. 1984 ൽ ജോലി ഉപേക്ഷിച്ച് ഒരു പകരക്കാര അധ്യാപികയായി ജോലി ചെയ്യാൻ തുടങ്ങിയ ശേഷം, അവർ തന്റെ രണ്ടാമത്തെ നോവലായ റണ്ണിംഗ് ബിഫോർ ദി വിൻഡ് എഴുതി. [6]1986 ലും 1987 ലും ആയി രണ്ട് നോവലുകളും ഹൗട്ടൺ മിഫ്ലിൻ പ്രസിദ്ധീകരിച്ചു.

ഈ സമയത്ത്, വൂൾവെർട്ടൺ കുട്ടികൾക്കുവേണ്ടിയുള്ള ടെലിവിഷൻ ഷോകൾക്കായി തിരക്കഥകൾ എഴുതാൻ തുടങ്ങി. 1986 മുതൽ 1989 വരെ, സ്റ്റാർ വാർസ്: ഇവോക്സ്, ഡെന്നിസ് ദി മെനസ്, ദി റിയൽ ഗോസ്റ്റ്ബസ്റ്റേഴ്സ്, ദി ബെറൻസ്റ്റൈൻ ബിയേഴ്സ്, മൈ ലിറ്റിൽ പോണി, ചിപ്പ് 'എൻ ഡെയ്ൽ റെസ്ക്യൂ റേഞ്ചേഴ്സ് തുടങ്ങിയ ആനിമേറ്റഡ് പരമ്പരകൾക്കായി അവർ എപ്പിസോഡുകൾ എഴുതി. [5] ആനിമേറ്റഡ് ടെലിവിഷൻ ഷോകൾക്കായി എഴുതുന്നതിൽ മടുത്തപ്പോൾ, ഡിസ്നിയുടെ നാടക ആനിമേഷൻ സ്റ്റുഡിയോയിൽ ജോലി ചെയ്യാൻ അവർ താൽപര്യം പ്രകടിപ്പിച്ചു. പക്ഷേ അവരുടെ ഏജന്റ് അവരെ നിരുത്സാഹപ്പെടുത്തിയെങ്കിലും അതിനോട് യോജിക്കാതെ, വൂൾവെർട്ടൺ കാലിഫോർണിയയിലെ ബർബാങ്കിലുള്ള ഡിസ്നി ഓഫീസുകളിലേക്ക് പോയി. റണ്ണിംഗ് ബിഫോർ ദി വിൻഡിന്റെ ഒരു പകർപ്പ് സെക്രട്ടറിക്ക് നൽകി, "ഇത് ആർക്കെങ്കിലും വായിക്കാൻ കൊടുക്കാൻ" ആവശ്യപ്പെട്ടു. [6] രണ്ട് ദിവസത്തിന് ശേഷം, അവരെ ഒരു അഭിമുഖത്തിനായി ഷെഡ്യൂൾ ചെയ്തതായി അറിയിച്ചു കൊണ്ട് അന്നത്തെ ഡിസ്നി സ്റ്റുഡിയോ ചെയർമാനായ ജെഫ്രി കാറ്റ്‌സെൻബർഗിൽ നിന്ന് അവർക്ക് ഒരു കോൾ ലഭിച്ചു.[6][7]

ഡിസ്നിക്കുവേണ്ടിയുള്ള പ്രവർത്തനങ്ങൾ

[തിരുത്തുക]

ഡിസ്നി ഫീച്ചർ ആനിമേഷന്റെ ബ്യൂട്ടി ആൻഡ് ദി ബീസ്റ്റിന്റെ തിരക്കഥ എഴുതാൻ വൂൾവർട്ടൺ നിയമിക്കപ്പെട്ടു. അങ്ങനെ സ്റ്റുഡിയോയ്ക്കായി ഒരു ആനിമേറ്റഡ് ഫീച്ചർ എഴുതിയ ആദ്യ വനിതയായി അവർ മാറി.[1] 1985 ന്റെ തുടക്കം മുതൽ 1988 വരെ, ജീൻ-മാരി ലെ പ്രിൻസ് ഡി ബ്യൂമോണ്ടിന്റെ കഥ ഒരു ഫീച്ചർ ഫിലിമാക്കി മാറ്റുന്നതിൽ രണ്ട് വ്യത്യസ്ത എഴുത്തുകാരുടെ ടീമുകൾ പൊരുത്തപ്പെട്ടുകൊണ്ട് അവർ കഥയിൽ ഒരു വഴിത്തിരിവ് ഉണ്ടാക്കി. എന്നാൽ വൂൾവർട്ടൺ സ്വന്തം ആശയങ്ങൾ ഉദാഹരണത്തിന്, നായകനെ ഒരു പുസ്തകപ്പുഴുവാക്കി കഥയിൽ ഉൾപ്പെടുത്തി അതിൽ വിജയിച്ചു. 1991 ൽ ബ്യൂട്ടി ആൻഡ് ദി ബീസ്റ്റ് പുറത്തിറങ്ങിയപ്പോൾ, സാർവത്രിക പ്രശംസ നേടുകയും മികച്ച ചിത്രത്തിനുള്ള അക്കാദമി അവാർഡിന് നാമനിർദ്ദേശം ചെയ്യപ്പെടുന്ന ആദ്യത്തെ ആനിമേറ്റഡ് ചിത്രമായി അത് മാറുകയും ചെയ്തു. മികച്ച ചലച്ചിത്രത്തിനുള്ള മ്യൂസിക്കൽ അല്ലെങ്കിൽ കോമഡി ഗോൾഡൻ ഗ്ലോബ് അവാർഡ് ഈ ചിത്രത്തിന് ലഭിക്കുകയും ചെയ്തു .

ബ്യൂട്ടി ആൻഡ് ദി ബീസ്റ്റിന്റെ വിജയം വൂൾവർട്ടനെ ഡിസ്നിയുമായി നിരവധി പ്രോജക്ടുകളിൽ പ്രവർത്തിക്കാൻ പ്രേരിപ്പിച്ചു. 1993-ൽ പുറത്തിറങ്ങിയ ഹോംവാർഡ് ബൗണ്ട്: ദി ഇൻക്രെഡിബിൾ ജേർണി എന്ന ലൈവ്-ആക്ഷൻ സിനിമയുടെ തിരക്കഥയിൽ അവർ സഹ-രചയിതാവായി. 1992-ൽ പുറത്തിറങ്ങിയ അലാദ്ദീന്റെ പ്രീ-പ്രൊഡക്ഷൻ കഥാ വികസനത്തിനും 1994-ൽ പുറത്തിറങ്ങിയ ദി ലയൺ കിംഗിന്റെ തിരക്കഥയ്ക്കും സഹ-രചയിതാവായി അവർ വീണ്ടും ഡിസ്നി ആനിമേഷനുമായി പ്രവർത്തിച്ചു. അലാദ്ദീനും ദി ലയൺ കിംഗും നിരൂപകപ്രശംസ നേടുകയും വമ്പൻ ബോക്സ് ഓഫീസ് വിജയം നേടുകയും ചെയ്തു. ഈ സമയത്ത്, അവർ ബ്യൂട്ടി ആൻഡ് ദി ബീസ്റ്റ് തിരക്കഥയെ ഒരു ബ്രോഡ്‌വേ മ്യൂസിക്കൽ ആയി രൂപാന്തരപ്പെടുത്തി. ഇത് 1994-ൽ നിരൂപക പ്രശംസ നേടുകയും മികച്ച സംഗീത പുസ്തകത്തിനുള്ള ടോണി അവാർഡിന് നാമനിർദ്ദേശം ചെയ്യപ്പെടാനും മികച്ച പുതിയ സംഗീതത്തിനുള്ള ഒലിവിയർ അവാർഡ് നേടാനും കാരണമായി.[2][3]1998-ൽ പുറത്തിറങ്ങിയ മുലാന് വേണ്ടി അവർ കൂടുതൽ കഥാ വസ്തുക്കൾ നൽകി. അവർ 2000-ൽ ബ്രോഡ്‌വേയിൽ പുറത്തിറങ്ങിയ നിരൂപക പ്രശംസ നേടിയ സ്റ്റേജ് മ്യൂസിക്കൽ പുസ്തകമായ ഐഡയുടെ സഹ-രചയിതാവായിരുന്നു

2007-ൽ, ലൂയിസ് കരോളിന്റെ 'ആലീസ് അഡ്വഞ്ചേഴ്സ് ഇൻ വണ്ടർലാൻഡ്' എന്ന സിനിമയിലെ പ്രായമായ ആലീസ്, വർഷങ്ങളായി മനസ്സിൽ സൂക്ഷിച്ചിരുന്ന ഒരു ആശയത്തിൽ നിന്ന് വണ്ടർലാൻഡിലേക്ക് മടങ്ങുന്ന മനോഹരമായ ഒരു തിരക്കഥ അവർ പൂർത്തിയാക്കി. അവർ ആ തിരക്കഥ ഡിസ്നിയിലേക്ക് കൊണ്ടുപോയി നിർമ്മാതാക്കളായ സൂസൻ ടോഡ്, ജെന്നിഫർ ടോഡ്, ജോ റോത്ത് എന്നിവർക്ക് സമർപ്പിച്ചു, ടിം ബർട്ടണെ സംവിധാന ചുമതല ഏൽപ്പിച്ചുകൊണ്ട് സ്റ്റുഡിയോ ഉടൻ തന്നെ തിരക്കഥ ഏറ്റെടുത്തു.[8] 2010-ൽ പുറത്തിറങ്ങിയ ആലീസ് ഇൻ വണ്ടർലാൻഡ് ലോകമെമ്പാടുമുള്ള ബോക്സ് ഓഫീസിൽ 1 ബില്യൺ ഡോളറിലധികം സമ്പാദിച്ചു. ഇത് 1 ബില്യൺ ഡോളർ നേടിയ ഒരു സിനിമയുടെ ഏക എഴുത്തുകാരിയായി വൂൾവെർട്ടണിനെ മാറ്റി.[4]

2010-ൽ, ആനിമേറ്റഡ് ചിത്രമായ സ്ലീപ്പിംഗ് ബ്യൂട്ടിയുടെ പുനരാഖ്യാനമായ മാലെഫിസെന്റിന്റെ തിരക്കഥ എഴുതാൻ ഡിസ്നി അവരെ ക്ഷണിച്ചു. ബ്യൂട്ടി ആൻഡ് ദി ബീസ്റ്റിനെപ്പോലെ, വൂൾവെർട്ടൺ എഴുതുന്നതുവരെ ഈ ചിത്രവും വികസന നരകത്തിലായിരുന്നു. [9]പിന്നീട് അവർ തന്റെ കഥയുടെ പതിപ്പിനെ "ഒരേ കഥയുടെ പുനരാഖ്യാനം മാത്രമല്ല, പൂർണ്ണമായ പുനർനിർമ്മാണമാണെന്ന് വിശേഷിപ്പിച്ചു. 2014-ൽ മാലെഫിസെന്റ് പുറത്തിറങ്ങി.[10][11]

തുടർന്ന് ആ രണ്ട് ചിത്രങ്ങളുടെയും തുടർഭാഗങ്ങളായ ആലീസ് ത്രൂ ദി ലുക്കിംഗ് ഗ്ലാസ് (2016), മാലെഫിസെന്റ്: മിസ്ട്രസ് ഓഫ് ഈവിൾ (2019) എന്നിവയുടെ തിരക്കഥയും അവർ എഴുതി.[12][13]

പ്രതിപാദ്യം

[തിരുത്തുക]

"ശക്തമായ സ്ത്രീ കഥാപാത്രങ്ങൾ"

[തിരുത്തുക]
"[ശക്തയായ ഒരു സ്ത്രീ കഥാപാത്രം] എന്നാൽ സ്വന്തം ലോകത്ത് മുൻകൈയെടുത്ത് പ്രവർത്തിക്കുന്ന, ലോകത്തെ സ്വാധീനിക്കുന്ന, ഇരയല്ലാത്ത, ചതിപറ്റിയ ഒരാളാണ് - അല്ലെങ്കിൽ അവർ അതിന് ഇരയാകുകയാണെങ്കിൽ, അത് സ്വയം മാറ്റാൻ അവർ നടപടിയെടുക്കുന്നു. അവർ ലോകത്തെ രസകരമായ രീതിയിലാണ് കാണുന്നത്, സംസ്കാരത്തിന് അപ്പുറമുള്ള മറ്റൊരു വഴി. അവൾ അതിനെക്കുറിച്ച് ശബ്ദമുയർത്തുകയോ, മാറ്റത്തിന് ശ്രമിക്കുകയോ ചെയ്താൽ അത് ഒരു ശക്തയായ സ്ത്രീയാകുന്നു. സ്ത്രീകളെ ശക്തരാണെന്ന് വിശേഷിപ്പിക്കുന്നതിന് പുറമേ, ഈ ശുദ്ധമായ പ്രയാസകരമായ ശക്തിയെപ്പോലും വിവരിക്കാൻ നിരവധി രസകരമായ മാർഗങ്ങളുണ്ട്. അത് ശക്തമായ ഇച്ഛാശക്തിയാണ്."
—"ശക്തമായ സ്ത്രീ കഥാപാത്രം" എന്ന ആലങ്കാരിക പദപ്രയോഗത്തിൽ വൂൾവർട്ടൺ.[14]

വൂൾവർട്ടന്റെ കഥാപാത്രങ്ങൾ "ശക്തമായ സ്ത്രീ കഥാപാത്രങ്ങൾക്ക്" പേരുകേട്ടതാണ്.[15]ബ്യൂട്ടി ആൻഡ് ദി ബീസ്റ്റിലെ പ്രധാന കഥാപാത്രമായ ബെല്ലെയുടെ രചനയിലൂടെ, ഡിസ്നി ശക്തമായ സ്ത്രീ കഥാപാത്രങ്ങളെ സൃഷ്ടിക്കുന്നതിനുള്ള വഴിയൊരുക്കിയതിലൂടെ അവർ അംഗീകരിക്കപ്പെട്ടു.ബെല്ലെ ബുദ്ധിമതിയും ശക്തയുമായ ഒരു യുവതിയാണ്, "തന്റെ രാജകുമാരൻ വരുന്നതുവരെ കാത്തിരിക്കുന്ന " ഒരു ഡിസ്നി നായിക.[1] എംപയർ മാസിക ബെല്ലെയെ "മുൻ ഡിസ്നി കഥാപാത്രങ്ങളെക്കാൾ ഒരു സ്ത്രീവാദി നായിക" എന്ന് പ്രശംസിച്ചു. [16]വൂൾവർട്ടൺ തന്നെ പറഞ്ഞിട്ടുണ്ട്, ബെല്ലെ "ഞങ്ങളെ കുറച്ച് ഇഞ്ച് മുന്നോട്ട് നീക്കി.. അവൾ ഒരു പാഠപ്പുസ്തകമായിരുന്നു. ലോകത്തിലൂടെ കടന്നുപോകാൻ അവൾ തന്റെ സൗന്ദര്യത്തെ ആശ്രയിക്കുന്നില്ല. തന്റെ രാജകുമാരൻ വരുന്നതുവരെ കാത്തിരിക്കുന്ന ഒരു ദുഃഖിതയായിരുന്നില്ല അവൾ. അവൾ ഒരു സജീവ കഥാപാത്രമായിരുന്നു" [17]

ആലീസ് ഇൻ വണ്ടർലാൻഡിലെ മുഖ്യകഥാപാത്രമായ ആലീസ് കിംഗ്സ്ലീയ്ക്ക് അവർ സാഹസികതയും ജിജ്ഞാസയും നിറഞ്ഞ അനുരൂപമില്ലാത്തതുമായ ഒരു വ്യക്തിത്വം നൽകി. അത് കഥാപാത്രത്തെ വിക്ടോറിയൻ സമൂഹത്തിന്റെ മൂല്യങ്ങളെ ചോദ്യം ചെയ്യുന്നതിലേക്ക് നയിക്കുന്നു. ഒടുവിൽ ഒരു ലോക പര്യവേക്ഷകയാകാനുള്ള ഒരു ഇടപെടലിനെ തകർക്കുന്നു. ഇതിനായി, എല്ലെ മാഗസിൻ പറഞ്ഞു: "വണ്ടർലാൻഡിലെ തന്റെ പതിപ്പിൽ, സന്തോഷത്തിനോ വാണിജ്യ വിജയത്തിനോ വേണ്ടി ഒരു പുരുഷനെ ആശ്രയിക്കാത്ത ഒരു സ്ത്രീ കഥാപാത്രത്തെയാണ് അവർ [വൂൾവർട്ടൺ] പ്രേക്ഷകർക്ക് നൽകിയത്."[4] സിനിമയിലെ തന്റെ പ്രവർത്തനത്തെക്കുറിച്ച് വിവരിക്കുമ്പോൾ വൂൾവർട്ടൺ പറഞ്ഞു: "ആലീസിൽ ഞാൻ ഉദ്ദേശിച്ചത്, നിങ്ങൾ നിങ്ങളുടെ സ്വന്തം പാത കണ്ടെത്തണം എന്നാണ്. നിങ്ങൾക്ക് മറ്റൊരാളുടെ [വഴിയിൽ] പോകാനാവില്ല. അത് നിങ്ങളുടെ സ്വപ്നമാണ്.. ഇത് നിങ്ങളുടെ ജീവിതമാണ്. സ്വയം എന്തുചെയ്യണമെന്ന് മറ്റുള്ളവർ നിങ്ങളോട് പറയേണ്ടതില്ല. നിങ്ങൾ തീരുമാനിക്കുക."[17]

തന്റെ സ്ത്രീ കഥാപാത്രങ്ങളെക്കുറിച്ച് വൂൾവർട്ടൺ പറഞ്ഞു: "എന്റെ കാലത്ത് ഞാൻ ഒരു ഫെമിനിസ്റ്റ് ആയിട്ടാണ് വളർന്നത്. ബ്യൂട്ടി ആൻഡ് ദി ബീസ്റ്റ് ചെയ്യാൻ എന്നെ ആദ്യമായി സമീപിച്ചപ്പോൾ, പൂർവ്വികലക്ഷണങ്ങൾ പ്രകടമാക്കുന്ന ഒരു ഡിസ്നി ഇര/നായിക ചെയ്യാൻ കഴിയില്ലെന്ന് എനിക്കറിയാമായിരുന്നു. 70 കളിലെ ഒരു ഉണർവിന് ശേഷം സ്ത്രീകളായ ഞങ്ങൾ അത് അംഗീകരിക്കാൻ പോകുന്നില്ല. ആരും അത് അംഗീകരിക്കാൻ പോകുന്നില്ല. അങ്ങനെ ഈ ഡിസ്നി രാജകുമാരിമാരെ വ്യത്യസ്തമായ രീതിയിൽ പുനർവിചിന്തനം ചെയ്യുന്നതിനുള്ള ഒരു പാതയിലേക്ക് എന്നെ നയിച്ചു. നിങ്ങൾക്ക് ഒരു ശാക്തീകരണ സന്ദേശം ഉണ്ടായിരിക്കണമെന്ന് ഞാൻ കരുതുന്നു, അല്ലെങ്കിൽ നിങ്ങൾ പ്രസക്തനാകാൻ പോകുന്നില്ല. ആളുകൾ എങ്ങനെയാണെന്നും സ്ത്രീകൾ ഇപ്പോൾ ജീവിതത്തെ എങ്ങനെ സമീപിക്കുന്നുവെന്നും നിങ്ങൾ പ്രസക്തമായി തുടരുന്നില്ലെങ്കിൽ, അത് സത്യമായി തോന്നില്ല."[18]

മറ്റ് പ്രവർത്തനങ്ങൾ

[തിരുത്തുക]

ആൻ റൈസിൻ്റെ ദി വാമ്പയർ ക്രോണിക്കിൾസിൽ നിന്ന് പ്രചോദനം ഉൾക്കൊണ്ട് വൂൾവെർട്ടൺ എഴുതിയ ഒരു ബ്രോഡ്‌വേ മ്യൂസിക്കൽ പുസ്തകം ലെസ്റ്റാറ്റ് നഗരത്തിൻ്റെ ചരിത്രത്തിൽ ഏറ്റവും കൂടുതൽ വരുമാനം നേടിയ പ്രീ-ബ്രോഡ്‌വേ നാടകമായി മാറുകയും 2005-ൽ സാൻ ഫ്രാൻസിസ്കോയിൽ ഇത് അരങ്ങേറ്റം കുറിക്കുകയും ചെയ്തു . 2006-ൽ ബ്രോഡ്‌വേയിൽ ഈ മ്യൂസിക്കൽ ആരംഭിച്ചു. 2007-ൽ പുറത്തിറങ്ങിയ നാഷണൽ ജിയോഗ്രാഫിക് നാടക ഡോക്യുമെന്ററി ചിത്രമായ ആർട്ടിക് ടെയിലിന്റെ ആഖ്യാന സ്ക്രിപ്റ്റിന്റെ സഹ-രചയിതാവായിരുന്നു അവർ. 2014-ൽ, ഒരു ടെലിവിഷൻ പരമ്പരയ്ക്കായി ഒരു പൈലറ്റ് എപ്പിസോഡ് തിരഞ്ഞെടുക്കുന്നതായി അവർ പ്രഖ്യാപിച്ചു.[19][20][21] വൂൾവെർട്ടൺ അമേരിക്കൻ ബേസിക് കേബിൾ ചാനൽ ലൈഫ് ടൈം ദി ക്ലാൻ ഓഫ് ദി കേവ് ബെയർ എന്ന നോവൽ പുനരാവിഷ്കരിക്കാൻ തീരുമാനിച്ചതായി പ്രഖ്യാപിക്കുകയും പിന്നീട് അവർ ആ പരമ്പരയുടെ എക്സിക്യൂട്ടീവ്-പ്രൊഡ്യൂസറും പൈലറ്റ് എപ്പിസോഡിന്റെ എഴുത്തുകാരിയുമായിരുന്നു.[22] ഈ അഡാപ്റ്റേഷൻ ഒടുവിൽ ഒരു ടെലിവിഷൻ ചിത്രമായി പുറത്തിറങ്ങി.

വ്യക്തിജീവിതം

[തിരുത്തുക]

നിർമ്മാതാവ് ലീ ഫ്ലിക്കറിൽ നിന്ന് വിവാഹമോചനം നേടിയ വൂൾവർട്ടന് 1991 ൽ ജനിച്ച കീറ്റൺ എന്ന മകളുണ്ട്.[6] ലോസ് ഏഞ്ചൽസിലെ ഹാൻകോക്ക് പാർക്കിൽ താമസിക്കുന്ന അവർ,[23]രണ്ട് നായ്ക്കളെയും വളർത്തുന്നു.[21] അവർ യുണൈറ്റഡ് ടാലന്റ് ഏജൻസിയുടെ പ്രതിനിധിയാണ്. [24]

ഫിലിമോഗ്രാഫി

[തിരുത്തുക]

ചലച്ചിത്ര രചയിതാവ്

[തിരുത്തുക]
Year Title Director Notes
1991 ബ്യൂട്ടി ആൻഡ് ദി ബീസ്റ്റ് ഗാരി ട്രൗസ്‌ഡെയ്ൽ
Kirk Wise
1993 ഹോംവേർഡ് ബൗണ്ട്: ദി ഇൻക്രെഡിബിൾ ജേർണി Duwayne Dunham
1994 ദി ലയൺ കിംഗ് റോജർ അല്ലേഴ്‌സ്
റോബ് മിങ്കോഫ്
2007 ആർട്ടിക് ടെയിൽ Adam Ravetch
സാറാ റോബർട്ട്സൺ 		Narration script
2010 ആലീസ് ഇൻ വണ്ടർലാൻഡ് ടിം ബർട്ടൺ
2014 മാലെഫിസെന്റ് റോബർട്ട് സ്ട്രോംബർഗ്
2016 ആലീസ് ത്രൂ ദി ലുക്കിംഗ് ഗ്ലാസ് ജെയിംസ് ബോബിൻ
2019 മാലിഫിസെൻ്റ്: മിസ്ട്രസ് ഓഫ് ഈവിൾ ജോക്കിം റോണിംഗ് Also executive producer

അവലംബം

[തിരുത്തുക]
  1. ↑ 1.0 1.1 1.2 1.3 Dutka, Elaine (January 19, 1992). "MOVIES: Ms. Beauty and the Beast". Los Angeles Times. Archived from the original on May 31, 2020. Retrieved May 30, 2014.
  2. ↑ 2.0 2.1 "List of 1994 Tony Award Nominations With AM-Tony Nominations". Associated Press. May 16, 1994. Archived from the original on June 9, 2021. Retrieved December 10, 2020.
  3. ↑ 3.0 3.1 "OLIVIER AWARDS – Best Musicals Winners". West End Theatre. June 13, 2010. Archived from the original on May 18, 2021. Retrieved May 25, 2014.
  4. ↑ 4.0 4.1 4.2 Terrill, Ashley (November 8, 2010). "LADIES, LEADING: From screenwriters to cinematographers, 15 top-tier trailblazers making behind-the-scenes movie magic". Elle. Archived from the original on June 9, 2021. Retrieved May 25, 2014.
  5. ↑ 5.0 5.1 5.2 "The Lion King: Production Notes" (Press release). Walt Disney Pictures. May 25, 1994. Archived from the original on October 26, 2008. Retrieved December 11, 2020 – via LionKing.org.
  6. ↑ 6.0 6.1 6.2 6.3 Woolard, John (September 8, 1996). "Life is a fairy tale for Disney screenwriter Linda Woolverton". Star-Banner. p. 2D. Archived from the original on June 9, 2021. Retrieved May 25, 2014 – via Google News Archive.
  7. ↑ Senger, Amy (April 28, 2014). "2014 Newport Beach Film Festival: A Talk With 'Maleficent' Screenwriter Linda Woolverton". Pacific Punch. Archived from the original on May 5, 2014. Retrieved May 25, 2014.
  8. ↑ Linda Woolverton (February 8, 2010). Interview with Geoff Boucher. "'Alice in Wonderland' screenwriter is ready for haters: 'It's audacious, what we've done'". Hero Complex. http://herocomplex.latimes.com/uncategorized/wonderland-screenwriter-is-ready-for-haterswn-path-its-audacious-what-weve-done/. ശേഖരിച്ചത് May 25, 2014. 
  9. ↑ Kang, Inkoo (April 24, 2014). "Angelina Jolie and Linda Woolverton Talk Maleficent in New Featurette". Women and Hollywood. Archived from the original on June 9, 2021. Retrieved May 25, 2014.
  10. ↑ Maison, Jordan (2012-04-09). "Disney Sets Release Date for Maleficent". Cinelinx | Movies. Games. Geek Culture. (in അമേരിക്കൻ ഇംഗ്ലീഷ്). Archived from the original on June 27, 2021. Retrieved 2021-06-27.
  11. ↑ Taylor, Kate (2014-05-29). "Why Angelina Jolie's Maleficent is magnificent". The Globe and Mail. Archived from the original on June 13, 2014. Retrieved 2021-06-27.
  12. ↑ Kroll, Justin; Graser, Marc (2012-12-07). "Disney mad for 'Alice in Wonderland' sequel". Variety (in അമേരിക്കൻ ഇംഗ്ലീഷ്). Archived from the original on December 19, 2014. Retrieved 2021-06-27.
  13. ↑ Fleming, Mike Jr. (June 15, 2015). "'Maleficent' Sequel On Disney Drawing Board As Linda Woolverton Makes Scripting Deal". Deadline Hollywood. Archived from the original on November 30, 2020. Retrieved June 16, 2015.
  14. ↑ Erbland, Kate (October 17, 2019). "Disney's Most Valuable Screenwriter Has Had Enough of the 'Strong Female' Trope". IndieWire. Archived from the original on June 16, 2021. Retrieved October 20, 2019.
  15. ↑ Rothman, Lily (May 30, 2014). "The Same Woman Wrote Maleficent and Beauty and the Beast—Here's How They're Linked". Time. Archived from the original on 2020-11-30. Retrieved May 31, 2014.
  16. ↑ Cochrane, Emma. "Beauty And The Beast". Empire. Archived from the original on October 12, 2013. Retrieved March 27, 2013.
  17. ↑ 17.0 17.1 Silverstein, Melissa (October 7, 2014). "Makers Presents 'Women in Hollywood'; 'Maleficent' Screenwriter Linda Woolverton on What's Changed and What Hasn't". Women and Hollywood. Archived from the original on June 9, 2021. Retrieved August 23, 2015.
  18. ↑ "The Impact of Legendary Linda Woolverton, Writer of Maleficent". Wide Lantern. June 19, 2014. Archived from the original on March 5, 2016. Retrieved August 23, 2015.
  19. ↑ Shaw, Lucas (May 30, 2014). "Will the 'Maleficent' and 'Lion King' Writer Finally Get to Direct Her Own Epic?". TheWrap. Archived from the original on June 5, 2014. Retrieved June 1, 2014.
  20. ↑ Wloszczyna, Susan. "Maleficent Writer Linda Woolverton on Adapting Fairy Tales for a New Generation". Women and Hollywood. Archived from the original on June 9, 2021. Retrieved June 1, 2014.
  21. ↑ 21.0 21.1 Gachman, Dina (May 30, 2014). "Spotlight: Maleficent Writer Linda Woolverton on Working with Angelina Jolie and Turning a Villain into a Hero". Studio System News. Archived from the original on June 3, 2014. Retrieved June 1, 2014.
  22. ↑ Friedlander, Whitney (July 9, 2014). "Lifetime Adapting 'Clan of the Cave Bear' With Ron Howard, Brian Grazer, Allison Shearmur". Variety. Archived from the original on April 11, 2021. Retrieved August 23, 2015.
  23. ↑ Fallon, Kevin (June 1, 2014). "The 'Maleficent' Screenwriter also Wrote 'The Lion King' and 'Beauty and the Beast'". The Daily Beast. Archived from the original on May 20, 2016. Retrieved June 1, 2014.
  24. ↑ Ramos, Dino-Ray (September 16, 2020). "UTA Signs 'Beauty And The Beast' Screenwriter Linda Woolverton". Deadline Hollywood. Archived from the original on April 13, 2021. Retrieved October 12, 2020.

പുറം കണ്ണികൾ

[തിരുത്തുക]
"https://ml.wikipedia.org/w/index.php?title=ലിൻഡ_വൂൾവർട്ടൺ&oldid=4563262" എന്ന താളിൽനിന്ന് ശേഖരിച്ചത്