ലിങ്കൺ ബൈബിൾ

From വിക്കിപീഡിയ
Jump to navigation Jump to search
Lincoln Bible

അമേരിക്കൻ പ്രസിഡന്റായിരുന്ന എബ്രഹാം ലിങ്കന്റെ ഉടമസ്ഥതയിലുണ്ടായിരുന്ന ബൈബിളാണ് ലിങ്കൺ ബൈബിൾ. ലൈബ്രറി ഓഫ് കോൺഗ്രസിന്റെ ശേഖരത്തിന്റെ ഭാഗമായിരുന്ന ഈ ബൈബിൾ, 1861 മാർച്ച് 4 ന് എബ്രഹാം ലിങ്കൺ സത്യപ്രതിജ്ഞാ ചടങ്ങിനിടെ ഉപയോഗിക്കുന്നതിനായി സുപ്രീം കോടതി ക്ലർക്ക് ആയിരുന്ന വില്യം തോമസ് കരോൾ ആണ് വാങ്ങിയത്.[1] പിന്നീട് ലിങ്കൺ കുടുംബം ലൈബ്രറി ഓഫ് കോൺഗ്രസിന് ഈ ബൈബിൾ സംഭാവന ചെയ്തു. 2017 ൽ ഡൊണാൾഡ് ട്രപും 2009 ലും 2013 ലും മുൻ പ്രസിഡന്റ് ആയിരുന്ന ബറാക് ഒബാമയും അധികാരത്തിൽ എത്തിയപ്പോൾ സത്യപ്രതിജ്ഞാ ചടങ്ങിനായി ഈ ബൈബിൾ ഉപയോഗിച്ചിരുന്നു.[2][3]

സവിശേഷതകൾ[edit]

കിംഗ് ജെയിംസ് ബൈബിളിന്റെ ഓക്സ്ഫോർഡ് യൂണിവേഴ്സിറ്റി പ്രസ്സ് പതിപ്പാണ് ഈ ബൈബിൾ. 1853-ൽ പ്രസിദ്ധീകരിച്ച ഇതിന് 1280 പേജുകളുണ്ട്. ഏകദേശം 6 ഇഞ്ച് (150 മില്ലീമീറ്റർ) നീളവും 4 ഇഞ്ച് (100 മില്ലീമീറ്റർ) വീതിയും 1.75 ഇഞ്ച് (44 മില്ലീമീറ്റർ) കട്ടിയുള്ളതുമാണിത്.[4][5] ബൈബിളിൻറെ പുറംചട്ടയിൽ 1861 ലെ ഉദ്ഘാടനത്തിന്റെ രേഖയോടൊപ്പം അമേരിക്കൻ ഐക്യനാടുകളിലെ സുപ്രീം കോടതിയുടെ മുദ്രയും കാണപ്പെടുന്നു.

ഇതൊരു അപൂർവമായ പതിപ്പല്ല. ലിങ്കൺ ബൈബിളിൻറെ ചരിത്രപരമായി പ്രാധാന്യമില്ലാത്ത സമാനമായ ഒരു ബൈബിളിന് ഏകദേശം $ 30 അല്ലെങ്കിൽ $ 40 വിലമതിക്കും.[6]

ചരിത്രം[edit]

Donald Trump using the Lincoln Bible (being held by wife Melania Trump, with his personal Bible on top of it) to take oath of office at his inauguration.

1861 ൽ സത്യപ്രതിജ്ഞചടങ്ങിനായി എബ്രഹാം ലിങ്കൺ വാഷിംഗ്ടൺ ഡി.സിയിലെത്തിയെങ്കിലും അദ്ദേഹത്തിന്റെ ബൈബിൾ ഉൾപ്പെടെയുള്ള വസ്തുക്കൾ ഒന്നും എത്തിയിട്ടില്ലായിരുന്നു. അതിനാൽ യുഎസ് സുപ്രീം കോടതിയുടെ ഗുമസ്തനായിരുന്ന വില്യം തോമസ് കരോൾ ഔദ്യോഗിക ഉപയോഗത്തിനായി സൂക്ഷിച്ചിരുന്ന ഒരു ബൈബിൾ കൊണ്ടുവന്നു നല്കി. ഇത് പിന്നീട് ലിങ്കൺ ബൈബിളായി.[7] കരോളിനൊപ്പം ബൈബിൾ കുറച്ചുകാലം തുടർന്നെങ്കിലും അജ്ഞാതമായ സമയത്ത് എബ്രഹാം ലിങ്കൺ അത് സ്വന്തമാക്കി. എന്നാൽ 1928 ൽ റോബർട്ട് ടോഡ് ലിങ്കന്റെ വിധവയായ മേരി യൂനിസ് ഹാർലൻ അത് ലൈബ്രറി ഓഫ് കോൺഗ്രസിന് സംഭാവന ചെയ്തു.[6] ബൈബിൾ ദാനം ചെയ്തപ്പോൾ, ആവർത്തനപുസ്തകത്തിന്റെ 31-ാം അധ്യായത്തിലും ഹോസിയായുടെ പുസ്‌തകത്തിന്റെ നാലാം അധ്യായത്തിലും മാർക്കറുകൾ ഉണ്ടായിരുന്നു.[8]

1861-ൽ എബ്രഹാം ലിങ്കൺ ബൈബിൾ ഉപയോഗിച്ചതിനുശേഷം സത്യപ്രതിജ്ഞ ചടങ്ങിൽ ലിങ്കൺ ബൈബിൾ ഉപയോഗിച്ച ആദ്യത്തെ പ്രസിഡന്റാണ് ബറാക് ഒബാമ.[1] 2017 ജനുവരി 20 ന് ഡൊണാൾഡ് ട്രംപ് അദ്ദേഹത്തിന്റെ സത്യപ്രതിജ്ഞ ചടങ്ങിൽ ഈ ബൈബിളും 1955ൽ അദ്ദേഹത്തിന്റെ അമ്മ സമ്മാനിച്ച ബാല്യകാല ബൈബിളും സത്യപ്രതിജ്ഞയ്ക്കായി ഉപയോഗിച്ചിരുന്നു.[9]

2016 സെപ്റ്റംബർ 14 ന് കോൺഗ്രസിന്റെ പതിനാലാമത്തെ ലൈബ്രേറിയനായി കാർല ഹെയ്ഡൻ സത്യപ്രതിജ്ഞ ചെയ്യാൻ ഈ ബൈബിൾ ഉപയോഗിച്ചു.[10]

അവലംബം[edit]

  1. 1.0 1.1 TODAY, David Jackson, USA. "Obama to be sworn in with Lincoln, King Bibles". USA TODAY (ഭാഷ: ഇംഗ്ലീഷ്). ശേഖരിച്ചത് 2020-02-05.
  2. "Trump Will Be Sworn In With Same Bible As Lincoln And Obama". NPR.org (ഭാഷ: ഇംഗ്ലീഷ്). ശേഖരിച്ചത് 2020-02-05.
  3. "Obama chooses Lincoln's Bible for inauguration". December 23, 2008. ശേഖരിച്ചത് 2013-08-09.
  4. "Obama first president to use Lincoln's Bible". The Economic Times. January 20, 2009.
  5. "President-Elect Obama To Take Oath of Office on Lincoln-Inaugural Bible from Library of Congress". Library of Congress. December 23, 2008.
  6. 6.0 6.1 "The Story Behind the Lincoln Bible at Obama's Inauguration - God & Country". usnews.com. 2008-12-23. ശേഖരിച്ചത് 2012-08-13.
  7. "The Real Story Of The Lincoln Bible". CBS News. ശേഖരിച്ചത് 2012-08-13.
  8. "Lincoln's Bible Pages Marked: Was it Chance That Left Two Ribbon Markers At Passages? Verses Seen as Appropriate: Bring to Mind Dark Days That Lincoln Passed Through After Taking Office". The Telegraph-Herald. Associated Press. December 2, 1928. p. 12. ശേഖരിച്ചത് 2013-08-09.
  9. Mettler, Katie (January 18, 2017). "The symbolism of Trump's two inaugural Bible choices, from Lincoln to his mother". The Washington Post. ശേഖരിച്ചത് January 21, 2017.
  10. "Welcome Carla Hayden". loc.gov. Library of Congress. September 15, 2016.

പുറംകണ്ണികൾ[edit]