ലിങ്കൺ കടൽ

ലിങ്കൺ കടൽ
Map of the Lincoln Sea
Coordinates	83°N 58°W
Type	Sea
Basin countries	Canada and Greenland
Surface area	64,000 km2 (25,000 sq mi)
Average depth	257 m (843 ft)
Water volume	16,000 km3 (1.3×1010 acre⋅ft)
Frozen	Practically all year round
References

ലിങ്കൺ കടൽ (ഫ്രഞ്ച്: Mer de Lincoln; ഡാനിഷ്: Lincolnhavet) പടിഞ്ഞാറ് കാനഡയിലെ കേപ് കൊളംബിയ മുതൽ കിഴക്ക് ഗ്രീൻലാൻഡിലെ കേപ് മോറിസ് ജെസപ്പ് വരെ വ്യാപിച്ചുകിടക്കുന്ന ആർട്ടിക് സമുദ്രത്തിലെ ഒരു ജലഭാഗമാണ്. ആ രണ്ട് മുനമ്പുകൾക്കിടയിലുള്ള വലിയ വൃത്തരേഖയായി വടക്കൻ പരിധി നിർവചിച്ചിരിക്കുന്നു. ഇത് വർഷം മുഴുവനും മഞ്ഞുകട്ടകളാൽ മൂടപ്പെട്ടിരിക്കുന്നതും 15 മീറ്റർ (49 അടി) വരെ കട്ടിയുള്ളതുമായ ഇത്, ആർട്ടിക് സമുദ്രത്തിലെ ഏറ്റവും കട്ടിയുള്ള കടൽപ്പരപ്പിലെ മഞ്ഞാണ്. ഈ ഭാഗത്തെ ജലത്തിന്റെ ആഴം 100 മീറ്റർ (330 അടി) മുതൽ 300 മീറ്റർ (980 അടി) വരെയാണ്. ലിങ്കൺ കടലിൽ നിന്നുള്ള ജലവും മഞ്ഞും മിക്കപ്പോഴും നരേസ് കടലിടുക്കിന്റെ വടക്കേയറ്റത്തുള്ള റോബ്സൺ ചാനലിലേക്ക് പതിക്കുന്നു.

അഡോൾഫസ് ഡബ്ല്യു. ഗ്രീലിയുടെ 1881-1884 ലെ ലേഡി ഫ്രാങ്ക്ലിൻ ബേയിലേക്കുള്ള ആർട്ടിക് പര്യവേഷണ കാലത്ത് അന്നത്തെ യു.എസ്. യുദ്ധകാര്യ സെക്രട്ടറിയായിരുന്ന റോബർട്ട് ടോഡ് ലിങ്കണിന്റെ പേർ കടലിന് ലഭിച്ചു. കാനഡയുടെ വടക്കേയറ്റത്തുള്ള സ്റ്റേഷനായ അലേർട്ട്, ലിങ്കൺ കടലിന്റെ തീരത്തുള്ള ഏക ജനവാസ കേന്ദ്രമാണ്. ലിങ്കൺ കടലിന്റെ കിഴക്കുള്ള (കേപ് മോറിസ് ജെസപ്പിന്റെ കിഴക്ക്) ജലാശയം വാൻഡൽ കടലാണ്.