ലഹരിപാനീയം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ചില ലഹരിപാനീയങ്ങൾ. വലത്ത് നിന്ന് ഇടത്തോട്ട്: ചുവന്ന വീഞ്ഞ്, മാൾട്ട് വിസ്കി, ലാഗർ, സ്പാർക്ലിങ്ങ് വൈൻ, ലാഗർ, ചെറി ലിക്വൂർ, ചുവന്ന വീഞ്ഞ്.
അമേരിക്കയിലെ ഒരു ലഹരിപാനീയ വിപണനശാല

ധാന്യങ്ങളോ പഴങ്ങളോ പഞ്ചസാരയുടെ മാറ്റ് സ്രോതസ്സുകളോ പുളിപ്പിക്കൽ പ്രക്രിയക്ക് വിധേയമാക്കുമ്പോൾ കിട്ടുന്ന എഥനോൾ എന്ന ചാരായം അടങ്ങിയിരിക്കുന്ന ഏതൊരു പാനീയത്തിനെയും ലഹരി പാനീയം എന്ന് പറയുന്നു. പല സമൂഹങ്ങളിലും ഇത്തരം ലഹരിപാനീയങ്ങൾക്ക് പ്രധാന സാമൂഹിക സ്ഥാനം കല്പിച്ചിരിക്കുന്നു. ഭൂരിഭാഗം രാജ്യങ്ങളിലും ലഹരിപാനീയങ്ങളുടെ ഉത്പാദനം, വില്പന, ഉപയോഗം എന്നിവ നിയമം മൂലം നിയന്ത്രിച്ചിരിക്കുന്നു.[1] ചില രാജ്യങ്ങളിൽ പൂർണ്ണമായും ലഹരിപാനീയങ്ങൾ നിരോധിച്ചിട്ടുണ്ട്. ആഗോള ലഹരിപാനീയ വ്യവസായം 2014 ൽ 10000 കോടി ഡോളർ കവിഞ്ഞു.[2]

ചാരായം കുറഞ്ഞ അളവിൽ യുഫോറിയ ഉളവാക്കുന്നു , ഉത്കണ്ഠ കുറക്കുന്നു , കൂടിയ സൗഹൃദത്വ മനോഭാവവും പ്രദാനം ചെയ്യുന്നു. എന്നാൽ കൂടിയ അളവിൽ മത്ത് പിടിപ്പിക്കുകയും, ബോധക്കേട്, മരണം എന്നിവയിലേക്ക് വരെ ചെന്നെത്തിക്കുകയും ചെയ്യാം. ദീർഘകാല ഉപയോഗം അമിത മദ്യാസക്തി, മദ്യത്തിന് അടിമപ്പെടൽ എന്നിവയിലേക്ക് നയിക്കും. ലോകവ്യാപകമായി നേരമ്പോക്കിന് ഉപയോഗിക്കുന്ന ലഹരിപദാർത്ഥങ്ങളിൽ പ്രഥമസ്ഥാനം ചാരായത്തിനാണ്. 33% ആളുകൾ ലഹരിപാനീയം ഉപയോഗിക്കുന്നു.[3] സാധാരണയായി ലഹരിപാനീയങ്ങളെ മൂന്നാക്കി തിരിച്ചിരിക്കുന്നു -ബിയറുകൾ, വീഞ്ഞുകൾ, സ്പിരിറ്റുകൾ. അവയിലെ ചാരായതിന്റെ അളവ് 3% മുതൽ 74% വരെ കണ്ടുവരുന്നു. ശിലായുഗ കാലത്തെ പാനപാത്രങ്ങൾ അടിസ്ഥാനമാക്കിയാൽ ലഹരിപാനീയങ്ങൾ നിയോലിത്തിക് കാലഘട്ടത്തിൽ തന്നെ (10000 ബി സി ) നിലനിന്നിരുന്നുവെന്ന നിഗമനത്തിലെത്തിച്ചേരേണ്ടി വരും.[4] പല ജീവികളും അവസരം ലഭിച്ചാൽ ലഹരിപാനീയങ്ങൾ ഉപയോഗിക്കുമെങ്കിലും മനുഷ്യൻ മാത്രമാണ് മനപൂർവം ലഹരിപാനീയങ്ങൾ നിർമിച്ച് ഉപയോഗിക്കുന്ന ഏക ജീവി.[5]

ചരിത്രം[തിരുത്തുക]

10,000–5,000 ബിസി : നിയോലിത്തിക് കാലഘട്ടത്തിൽ ലഹരിപാനീയങ്ങൾ ഉണ്ടായിരുന്നു എന്ന് ശിലായുഗ പാനപാത്രങ്ങൾ സൂചിപ്പിക്കുന്നു.[6]

7000–5600 ബിസി : ചൈനയിലെ ഹെനാൻ പ്രവിശ്യയിലെ ജിയാഹു ഗ്രാമത്തിൽ നിന്ന് കണ്ടെടുത്ത പ്രാചീന മൺപാത്രങ്ങൾ പഠനവിധേയമാക്കിയപ്പോൾ ലഹരിപാനീയങ്ങളുടെ അവശിഷ്ടം ലഭിച്ചു. രസതന്ത്ര പഠനവിവരം അനുസരിച്ച് മുന്തിരിയും ഹൊബെറി പഴങ്ങളും പുളിപ്പിച്ചുണ്ടാക്കിയ വീഞ്ഞ്, തേൻ മീഡ്, അരി ബിയർ എന്നിവ അന്ന് ഉണ്ടാക്കിയിരുന്നു എന്ന അറിവ് ലഭിച്ചു.[7][8] The results of this analysis were published in December 2004.[9]

9th century എഡി: മധ്യകാല അറബികൾ വാറ്റൽ പ്രക്രിയ നല്ലവണ്ണം ഉപയോഗിക്കുന്നവരായിരുന്നു. അവർ ഇത് ചാരായം വാറ്റുന്നതിന് ഉപയോഗിക്കാം എന്ന് കണ്ടെത്തി. അറബ് രസവാദ ശാസ്ത്രജ്ഞൻ അൽ-കിന്ദി വീഞ്ഞിന്റെ വാറ്റൽ പ്രക്രിയ 9ആം നൂറ്റാണ്ടിൽ വിവരിച്ചിട്ടുണ്ട്.[10][11][12]

12ആം നൂറ്റാണ്ട്: വാറ്റൽ പ്രക്രിയ മധ്യധരണ്യാഴിയിൽനിന്ന് ഇറ്റലിയിലേക്ക് എത്തിച്ചേർന്നു.[10][13] where distilled alcoholic drinks were recorded in the mid-12th century.[14] 12 ആം നൂറ്റാണ്ടിൽ വാറ്റിയ ലഹരി പാനീയങ്ങൾ അവിടെ നിലനിന്നിരുന്നു. ഇതേ സമയം ചൈനയിൽ യഥാർത്ഥ ചാരായതിന്റെ വാറ്റൽ തുടങ്ങിയതായി തെളിവുകൾ ലഭിച്ചിട്ടുണ്ട്. [15] 12ആം നൂറ്റാണ്ടിലെ ഒരു വാറ്റുപുര ചൈനയിലെ ഹേബേയ് പ്രവിശ്യയിലെ ക്വിങ്ലൊങ് എന്ന സ്ഥലത്ത് കണ്ടെത്തി.[15]

14ആം നൂറ്റാണ്ട് : ഇന്ത്യയിൽ യഥാർത്ഥ വാറ്റൽ പ്രക്രിയ 14 ആം നൂറ്റാണ്ടിൽ മധ്യധരണ്യാഴിയിൽ നിന്ന് തന്നെ എത്തിച്ചേർന്നു.[13] ദൽഹി സുൽത്താന്റെ സാമ്രാജ്യത്തിൽ 14 ആം നൂറ്റാണ്ടിൽ വ്യാപകമായി ലഹരിപാനീയങ്ങൾ ഈ പ്രക്രിയ ഉപയോഗിച്ച് നിർമ്മിച്ചിരുന്നു. ഇതേ സമയം തന്നെ യൂറോപ്പിലും വാറ്റിയ പാനീയങ്ങൾ ജനകീയമായി.[14]

പുളിപ്പിച്ച പാനീയങ്ങൾ[തിരുത്തുക]

വാറ്റിയെടുക്കുന്ന പാനീയങ്ങൾ[തിരുത്തുക]

ഇതും കാണുക[തിരുത്തുക]

അവലംബം[തിരുത്തുക]

  1. "Minimum Legal Age Limits". IARD.org. International Alliance for Responsible Drinking. ശേഖരിച്ചത് 23 June 2016.
  2. "Faostat". Faostat.fao.org. മൂലതാളിൽ നിന്നും 2011-05-20-ന് പരിരക്ഷിച്ചത്. ശേഖരിച്ചത് 2016-08-25.
  3. "Alcohol use and burden for 195 countries and territories, 1990–2016: a systematic analysis for the Global Burden of Disease Study 2016". The Lancet. August 2018. doi:10.1016/S0140-6736(18)31310-2.
  4. Charles H, Patrick; Durham, NC (1952). Alcohol, Culture, and Society. Duke University Press (reprint edition by AMS Press, New York, 1970). പുറങ്ങൾ. 26–27. ISBN 9780404049065.
  5. Zielinski, Sarah. "The Alcoholics of the Animal World". ശേഖരിച്ചത് 2015-07-29.
  6. Patrick, Clarence Hodges (1952). Alcohol, Culture, and Society. Durham, NC: Duke University Press (reprint edition by AMS Press, New York, 1970). പുറങ്ങൾ. 26–27. ISBN 9780404049065.
  7. Chrzan, Janet (2013). Alcohol: Social Drinking in Cultural Context. Routledge. പുറം. 13. ISBN 9780415892490.
  8. McGovern, P. E.; Zhang, J.; Tang, J.; Zhang, Z.; Hall, G. R.; Moreau, R. A.; Nunez, A.; Butrym, E. D.; Richards, M. P.; Wang, C. -S.; Cheng, G.; Zhao, Z.; Wang, C. (2004). "Fermented beverages of pre- and proto-historic China". Proceedings of the National Academy of Sciences. 101 (51): 17593–17598. doi:10.1073/pnas.0407921102. PMC 539767. PMID 15590771.
  9. Roach, John. "Cheers! Eight ancient drinks uncorked by science". nbcnews.com. Nbc News. ശേഖരിച്ചത് 9 June 2013.
  10. 10.0 10.1 Ahmad Y. al-Hassan (2001), Science and Technology in Islam: Technology and applied sciences, pages 65-69, UNESCO
  11. Hassan, Ahmad Y. "Alcohol and the Distillation of Wine in Arabic Sources". History of Science and Technology in Islam. ശേഖരിച്ചത് 2014-04-19.
  12. The Economist: "Liquid fire - The Arabs discovered how to distil alcohol. They still do it best, say some" December 18, 2003
  13. 13.0 13.1 Irfan Habib (2011), Economic History of Medieval India, 1200-1500, page 55, Pearson Education
  14. 14.0 14.1 Forbes, Robert James (1970). A Short History of the Art of Distillation: From the Beginnings up to the Death of Cellier Blumenthal. BRILL. ISBN 978-90-04-00617-1. ശേഖരിച്ചത് 28 June 2010.
  15. 15.0 15.1 Haw, Stephen G. (2006). "Wine, women and poison". Marco Polo in China. Routledge. പുറങ്ങൾ. 147–148. ISBN 978-1-134-27542-7. ശേഖരിച്ചത് 2016-07-10. The earliest possible period seems to be the Eastern Han dynasty... the most likely period for the beginning of true distillation of spirits for drinking in China is during the Jin and Southern Song dynasties
"https://ml.wikipedia.org/w/index.php?title=ലഹരിപാനീയം&oldid=3084861" എന്ന താളിൽനിന്ന് ശേഖരിച്ചത്