അമേരിക്കൻ ഗായകനും ഗാനരചയിതാവുമായ മൈക്കൽ ജാക്സന്റെ ഒരു ഗാനമാണ് " ലവ് നെവർ ഫെൽറ്റ് സോ ഗുഡ് ", 2014 മെയ് 2 ന് ജാക്സന്റെ മരണാനന്തരംമാണിത് പുറത്തിറങ്ങിയത് . ജാക്സണും കനേഡിയൻ ഗായകനും ഗാനരചയിതാവുമായ പോൾ അങ്കയും ചേർന്ന് 1983-ൽ നിർമിച്ച ഡെമോ ട്രാക്കിൽ നിന്ന് പുനർനിർമ്മിച്ച ഈ ഗാനം ജാക്സന്റെ രണ്ടാമത്തെ മരണാനന്തര ആൽബമായ എക്സ്സ്കേപ്പിൽ നിന്ന് പുറത്തിറങ്ങിയ ആദ്യ സിംഗിൾ ആയിരുന്നു.
ഗാനത്തിന്റെ രണ്ട് പതിപ്പുകൾ പുറത്തിറങ്ങിയിരുന്നു . ആദ്യത്തേത് അമേരിക്കൻ റെക്കോർഡ് നിർമ്മാതാവ് ജോൺ മക്ക്ലെയിനും ഡച്ച് റെക്കോർഡ് നിർമ്മാതാവ് ജോർജിയോ ടുയിൻഫോർട്ടും ചേർന്ന് നിർമ്മിച്ച സോളോ പതിപ്പായിരുന്നു. അമേരിക്കൻ പതിപ്പ് നിർമാതാക്കളായ ടിംബാലാൻഡും ജെ-റോക്കും ചേർന്ന് നിർമ്മിച്ച അമേരിക്കൻ ഗായകൻ ജസ്റ്റിൻ ടിംബർ‌ലെക്ക് ജാക്‌സനോട് ചേർന്ന് പാടിയ ഒരു ഡ്യുയറ്റ് ആയിരുന്നു രണ്ടാമത്തെ പതിപ്പ്, ഇതിന് സംഗീത നിരൂപകരിൽ നിന്ന് നല്ല പ്രതികരണങ്ങൾ ലഭിച്ചു. ഇതിനോടൊപ്പമുള്ള മ്യൂസിക് വീഡിയോ 2014 മെയ് 14 ന് ദി എല്ലെൻ ഡിജെനെറസ് ഷോയിൽ പ്രദർശിപ്പിച്ചു . വീഡിയോയിൽ, ജാക്സന്റെ ഏറ്റവും അറിയപ്പെടുന്ന നൃത്തചലനങ്ങളെ അവതരിപ്പിക്കുന്ന ചെറുപ്പക്കാരായ നർത്തകരോടൊപ്പമാണ് ടിംബർ‌ലെക്ക് പ്രത്യക്ഷപ്പെടുന്നത്,
പതിനെട്ട് അന്താരാഷ്ട്ര ചാർട്ടുകളിൽ ആദ്യ പത്തിൽ ഇടംനേടിയ "ലവ് നെവർ ഫെൽറ്റ് സോ ഗുഡ്" ന്റെ ഡ്യുയറ്റ് പതിപ്പ് അഞ്ച് രാജ്യങ്ങളിൽ ഒന്നാം സ്ഥാനത്തെത്തി. ഇതോടെ അഞ്ച് വ്യത്യസ്ത ദശകങ്ങളിൽ യുഎസ് <i id="mwGQ">ബിൽബോർഡ്</i> ഹോട്ട് 100 ചാർട്ടിൽ ആദ്യ 10 ൽ ഇടം കണ്ടെത്തിയ ചരിത്രത്തിലെ ആദ്യത്തെ കലാകാരനായി മൈക്കൽ ജാക്സൺ മാറി. ഈ ഗാനം യുകെ സിംഗിൾസ് ചാർട്ടിൽ എട്ടാം സ്ഥാനത്താണ് .
