റൊണാൾഡോ അഥവാ റൊണാൾഡോ ലൂയി നസാറിയോ ദെ ലിമ ഒരു മുൻ ബ്രസീലിയൻ ഫുഡ്ബോൾ താരവും റിയൽ വലദൊലിദ് ക്ലബിന്റെ പ്രസിഡന്റും വ്യവസായിയുമായ വ്യക്തിയാണ്. ഓ ഫെനോമിനോ (പ്രതിഭാസം) എന്ന് പരക്കെ വിശേഷിപ്പിക്കപ്പെട്ടിരുന്ന ഇദ്ദേഹം എക്കാലത്തെയും മികച്ച കാല്പന്തുകളിക്കാരിൽ ഒരാളായി കരുതപ്പെടുന്നു. ഫിഫ വേൾഡ് പ്ലേയർ ഓഫ് ദി ഇയർ മൂന്ന് തവണ കരസ്ഥമാക്കിയ ഇദ്ദേഹത്തിന് രണ്ട് പ്രാവശ്യം ബാലൻ ദ്ഓർ പുരസ്കാരം ലഭിച്ചിട്ടുണ്ട്. 2002 ലോകകപ്പിൽ എട്ട് ഗോളുകൾ അടിച്ച ഇദ്ദേഹത്തിന് അത്തവണത്തെ സ്വർണപാദുക പുരസ്കാരം ലഭിക്കുകയുണ്ടായി.
