റഷീദ് മസൂദ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
റഷീദ് മസൂദ്
പാർലമെന്റംഗം
മണ്ഡലംഷാരൺപൂർ
വ്യക്തിഗത വിവരണം
ജനനം (1947-08-15) 15 ഓഗസ്റ്റ് 1947  (73 വയസ്സ്)
ഷാരൺപൂർ, ഉത്തർപ്രദേശ്
രാഷ്ട്രീയ പാർട്ടിIndian National Congress[1]
പങ്കാളിസലീല
മക്കൾ1 son and 1 daughter
വസതിGangoh, ഷാരൺപൂർ
As of September 21, 2006
ഉറവിടം: [1]

മുൻ കേന്ദ്ര മന്ത്രിയും രാജ്യസഭാംഗവുമായിരുന്നു റഷീദ് മസൂദ് (ജനനം : 15 ആഗസ്റ്റ് 1947). ക്രിമിനൽ കേസിൽ ശിക്ഷിക്കപ്പെടുന്നവർ ഉടൻ അയോഗ്യരാകുമെന്ന സുപ്രീംകോടതി വിധിയുടെ അടിസ്ഥാനത്തിൽ സ്ഥാനം നഷ്ടമാകുന്ന ആദ്യ ജനപ്രതിനിധിയാണ് ഇദ്ദേഹം.[2] കോൺഗ്രസ് പ്രവർത്തകസമിതിയംഗവും ഉപരാഷ്ട്രപതിസ്ഥാനത്തേക്ക് പരിഗണിച്ച ആളുമാണ്.

ജീവിതരേഖ[തിരുത്തുക]

ഉത്തർപ്രദേശിലെ ഷാരൺപൂരിൽനിന്ന് അഞ്ചു തവണ ലോക്സഭയിലേക്ക് ജയിച്ചു.[3] 1990-91 കാലഘട്ടത്തിൽ അന്നത്തെ വി.പി. സിങ് മന്ത്രിസഭയിൽ ആരോഗ്യ സഹമന്ത്രിയായിരുന്നു. 2007 ൽ രൂപംകൊണ്ട മൂന്നാം മുന്നണിയായ ഐക്യപുരോഗമന ദേശീയ സഖ്യത്തിന്റെ ഉപരാഷ്ട്രപതി സ്ഥാനാർഥിയായി റഷീദ് മസൂദ് മൽസരിച്ചിരുന്നു. എന്നാൽ 75 വോട്ടുകൾ നേടി മൂന്നാം സ്ഥാനത്ത് എത്താനെ ഇദ്ദേഹത്തിന് കഴിഞ്ഞുള്ളു.

മെഡിക്കൽ പ്രവേശന കുംഭകോണവും സി.ബി.ഐ. കേസും[തിരുത്തുക]

ത്രിപുര മെഡിക്കൽ കോളേജിന് അനുവദിച്ച എം.ബി.ബി.എസ് സീറ്റുകൾ കേന്ദ്ര പൂളിലേക്ക് മാറ്റി ക്രമക്കേട് നടത്തിയെന്നതാണ് റഷീദ് മസൂദിനെതിരായ കേസ്. [4] ഈ പരീക്ഷയിലെ പഴുതുകൾ ഉപയോഗിച്ച് ചില വിദ്യാർഥികൾ ത്രിപുര റെസിഡൻറ് കമ്മീഷണറായിരുന്ന ഗുർദയാൽ സിങ്ങിന്റെയും മറ്റൊരു ഐ.പി.എസ്. ഉദ്യോഗസ്ഥന്റെയും സഹായത്തോടെ സീറ്റുകൾ കരസ്ഥമാക്കിയെന്നാണ് സി.ബി.ഐ. കേസ്. ക്രിമിനൽ ഗൂഢാലോചന, വഞ്ചന, ചതി എന്നീ വകുപ്പുകളിൽ ചുമത്തിയ കുറ്റങ്ങളാണ് റഷീദ് മസൂദിനെതിരെ തെളിഞ്ഞത്.[5] അന്നത്തെ ത്രിപുര മുഖ്യമന്ത്രി സുധീർ രഞ്ജൻ മജുംദാറും ആരോഗ്യമന്ത്രി കാൻഷിറാം റിയാങ്ങും വിചാരണവേളയിൽ മരിച്ചു. സി.ബി.ഐ. എടുത്ത 11 കേസുകളിൽ മൂന്നെണ്ണത്തിൽ മസൂദ് പ്രതിയാണ്.

അഴിമതി നിരോധന നിയമപ്രകാരം മസൂദ് കുറ്റക്കാരനാണെന്ന് സപ്തംബർ 19-ന് ഡൽഹിയിലെ പ്രത്യേക കോടതി കണ്ടെത്തിയിരുന്നു. ജനപ്രാതിനിധ്യ നിയമത്തിലെ എട്ട്-ഒന്ന് വകുപ്പുപ്രകാരം അഴിമതി ക്കേസുകളിൽ കുറ്റക്കാരനെന്ന് കണ്ടെത്തിയതിനാൽ അയോഗ്യനായി. സി.ബി.ഐ പ്രത്യേക കോടതി ജഡ്ജി ജെ.പി.എസ്. മാലിക് നാലു വർഷം തടവിന് ശിക്ഷിച്ചു. തടവ് ശിക്ഷയ്​ക്ക് പുറമേ മസൂദ് 60,​000 രൂപ പിഴയൊടുക്കണം. [6]

അവലംബം[തിരുത്തുക]

  1. http://www.ummid.com/news/2011/December/12.12.2011/rasheed_masood_joins_cong.htm
  2. പി. ബസന്ത്‌ (2013 ഒക്ടോബർ 2). "റഷീദ് മസൂദിന് നാലുകൊല്ലം തടവ്". മാതൃഭൂമി. ശേഖരിച്ചത് 2013 ഒക്ടോബർ 2. Check date values in: |accessdate= and |date= (help)CS1 maint: discouraged parameter (link)
  3. "റഷീദ് മസൂദിന് നാലു വർഷം തടവ്; എംപി സ്ഥാനം നഷ്ടമാവും". മനോരമ. 2013 ഒക്ടോബർ 2. ശേഖരിച്ചത് 2013 ഒക്ടോബർ 2. Check date values in: |accessdate= and |date= (help)CS1 maint: discouraged parameter (link)
  4. "മെഡിക്കൽ പ്രവേശന കുംഭകോണം: റഷീദ് മസൂദ് എം.പിക്ക് നാല് വർഷം തടവ്". 2013 ഒക്ടോബർ 2. റിപ്പോർട്ടർ. ശേഖരിച്ചത് 2013 ഒക്ടോബർ 2. Check date values in: |accessdate= (help)CS1 maint: discouraged parameter (link)
  5. "കോൺഗ്രസ് എം.പി റഷീദ് മസൂദിന് നാല് വർഷം തടവ്". മാധ്യമം. 2013 ഒക്ടോബർ 2. ശേഖരിച്ചത് 2013 ഒക്ടോബർ 2. Check date values in: |accessdate= and |date= (help)CS1 maint: discouraged parameter (link)
  6. "റഷീദ് മസൂദിന് നാലു വർഷം തടവ്; എം.പി സ്ഥാനം നഷ്​ടമാകും". കേരള കൗമുദി. 2013 ഒക്ടോബർ 2. ശേഖരിച്ചത് 2013 ഒക്ടോബർ 2. zero width space character in |title= at position 47 (help); Check date values in: |accessdate= and |date= (help)CS1 maint: discouraged parameter (link)

പുറം കണ്ണികൾ[തിരുത്തുക]

Persondata
NAME Masood, Rasheed
ALTERNATIVE NAMES
SHORT DESCRIPTION Indian politician
DATE OF BIRTH 15 August 1947
PLACE OF BIRTH Gangoh, Saharanpur, Uttar Pradesh
DATE OF DEATH
PLACE OF DEATH
"https://ml.wikipedia.org/w/index.php?title=റഷീദ്_മസൂദ്&oldid=3489935" എന്ന താളിൽനിന്ന് ശേഖരിച്ചത്