റങ്കാളാ തടാകം

വിക്കിപീഡിയ, ഒരു സ്വതന്ത്ര വിജ്ഞാനകോശം.
റങ്കാളാ തടാകം
view of Rankala Lake
റങ്കാളാ തടാകം
Location of Rankala lake within Maharashtra
Location of Rankala lake within Maharashtra
റങ്കാളാ തടാകം
സ്ഥാനംകോലാപ്പൂർ, മഹാരാഷ്ട്ര
നിർദ്ദേശാങ്കങ്ങൾ16°41′19″N 74°12′40″E / 16.688585°N 74.211016°E / 16.688585; 74.211016Coordinates: 16°41′19″N 74°12′40″E / 16.688585°N 74.211016°E / 16.688585; 74.211016
Basin countriesഇന്ത്യ
തടാകത്തിലെ വിനോദസഞ്ചാരനൗകകൾ, ഒരു പുലർകാലദൃശ്യം

മഹാരാഷ്ട്രയിലെ കോലാപ്പൂരിൽ സ്ഥിതി ചെയ്യുന്ന ഒരു ശുദ്ധജല തടാകമാണ് റങ്കാളാ തടാകം.[1]

ചരിത്രം[തിരുത്തുക]

എട്ടാം നൂറ്റാണ്ടിനുമുമ്പ് റങ്കാളാ ഒരു പാറമടയായിരുന്നു. എ.ഡി. 800-900 കാലഘട്ടത്തിൽ ഉണ്ടായ ഒരു ഭൂകമ്പം ഈ പാറമടയ്ക്ക് വൻതോതിൽ ഘടനാപരമായ മാറ്റങ്ങൾ വരുത്തി.[2] റങ്കാളാ തടാകം രൂപപ്പെടുന്ന ഭൂഗർഭ ഉറവിടത്തിൽ നിന്ന് വെള്ളം ശേഖരിക്കപ്പെടാൻ കാരണമായി. ഈ തടാകത്തിനരികിൽ നന്ദിയുടെ പ്രതിമയുള്ള ഒരു ശിവക്ഷേത്രം ഉണ്ട്.[3]

ഐതിഹ്യം[തിരുത്തുക]

പ്രാദേശിക ഹൈന്ദവ വിശ്വാസങ്ങൾ അനുസരിച്ച്, ശിവൻ നന്ദിയുടെ പുറത്തേറി റങ്കാളാ തടാകത്തിലേക്ക് ഓരോ ദിവസവും ഒരു ഗോതമ്പുമണിയുടെ നീളം മുന്നോട്ടും ഒരു അരിമണിയുടെ നീളം പിന്നോട്ടും സഞ്ചരിക്കുന്നു. പരമശിവൻ റങ്കാളയിൽ എത്തിയാൽ മഹാപ്രളയം(ലോകാവസാനം) തുടങ്ങുമെന്നാണ് വിശ്വാസം.

വിനോദസഞ്ചാരം[തിരുത്തുക]

കോലാപ്പൂരിലെ ഒരു മുഖ്യ വിനോദസഞ്ചാര ആകർഷണം കൂടിയാണ് ഈ തടാകം. പ്രശസ്തമായ കോലാപ്പൂർ മഹാലക്ഷ്മി ക്ഷേത്രത്തിൽ നിന്നും അര കിലോമീറ്റർ മാത്രം അകലെയാണ് ഇത്. വടക്ക് ഭാഗത്ത് ശാലിനി പാലസ്, വടക്കുകിഴക്ക് പത്മരാജേ ഗാർഡൻ, തെക്കുകിഴക്കൻ തീരത്ത് അടുത്തിടെ വികസിപ്പിച്ച ഒരു പാർക്ക് എന്നിവയും ഈ ഭാഗത്തുള്ള ആകർഷണങ്ങളാണ്. തടാകത്തിന്റെ അടുത്തുള്ള പാർക്കിൽ ഒരു ഫ്രഷ് ഫുഡ് മാർക്കറ്റ് ഉണ്ട്. കുതിരസവാരി, ബോട്ടിംഗ് തുടങ്ങിയ വിനോദങ്ങളും ഇവിടെയുണ്ട്. അതിസങ്കീർണമായ കൊത്തുപണികളുള്ള കരിങ്കല്ലും ഇറ്റാലിയൻ മാർബിളും കൊണ്ട് നിർമ്മിച്ച ഒരു കൊട്ടാരമാണ് ശാലിനി പാലസ്.

അവലംബം[തിരുത്തുക]

  1. https://timesofindia.indiatimes.com/city/kolhapur/1cr-released-for-conservation-work-at-kolhapurs-rankala-lake/articleshow/88961880.cms
  2. https://kolhapur.gov.in/en/ranka-lake/
  3. "Rankala Lake | Kolhapur | India" (ഭാഷ: ഇംഗ്ലീഷ്). ശേഖരിച്ചത് 2021-08-01.

ചിത്രശാല[തിരുത്തുക]

"https://ml.wikipedia.org/w/index.php?title=റങ്കാളാ_തടാകം&oldid=3717123" എന്ന താളിൽനിന്ന് ശേഖരിച്ചത്