രൂത്ത് പ്ഫൌ

വിക്കിപീഡിയ, ഒരു സ്വതന്ത്ര വിജ്ഞാനകോശം.
HI RM HP NQA SQA

രൂത്ത് പ്ഫൌ
ജനനം
രൂത്ത് കാതറീന മാർത്ത പ്ഫൌ

(1929-09-09)9 സെപ്റ്റംബർ 1929
ലീപ്സിഗ്, വെയ്മർ റിപ്പബ്ലിക്
മരണം10 ഓഗസ്റ്റ് 2017(2017-08-10) (പ്രായം 87)
കറാച്ചി, സിന്ധ്, പാകിസ്താൻ
അന്ത്യ വിശ്രമംഗോര കബാരിസ്ഥാൻ, കറാച്ചി, പാകിസ്താൻ
സ്മാരകങ്ങൾഡോ. റൂത്ത് പ്ഫൌ ഹോസ്പിറ്റൽ
ദേശീയതജർമ്മൻ, പാകിസ്താനി
മറ്റ് പേരുകൾ"പാകിസ്താന്റെ മദർ തെരേസ"
കലാലയംമെയിൻസ് സർവകലാശാല
തൊഴിൽറോമൻ കത്തോലിക്ക് കന്യാസ്ത്രീ, ഫിസിഷ്യൻ, എഴുത്തുകാരി
അറിയപ്പെടുന്നത്മാരി അഡ്‌ലെയ്ഡ് കുഷ്ഠരോഗ കേന്ദ്രത്തിന്റെ സ്ഥാപകൻ
അറിയപ്പെടുന്ന കൃതി
പാകിസ്താനിലെ ദേശീയ കുഷ്ഠരോഗ നിയന്ത്രണ പരിപാടി
പുരസ്കാരങ്ങൾHilal-i-Imtiaz
റാമോൺ മഗ്‌സേസെ അവാർഡ്
ഹിലാൽ-ഐ-പാകിസ്താൻ (1989)
നിഷാൻ-ഐ-ക്വയ്ദ്-ഐ-ആസാം (2010)
സീതാര-ഐ-ക്വയ്ദ്-ഐ-ആസാം

ഒരു ജർമ്മൻ-പാകിസ്താനിയായിരുന്ന റൂത്ത് കാതറീന മാർത്ത പ്ഫൌ (9 സെപ്റ്റംബർ 1929 - 10 ഓഗസ്റ്റ് 2017) [1]സൊസൈറ്റി ഓഫ് ദ ഡോട്ടേഴ്സ് ഓഫ് ഹാർട്ട് ഓഫ് മേരിയുടെ കത്തോലിക്കാ കന്യാസ്ത്രീയും [de; fr; it], ഒരു ഭിഷഗ്വരയും ആയിരുന്നു.[2][3]1961-ൽ ജർമ്മനിയിൽ നിന്ന് പാകിസ്താനിലേക്ക് താമസം മാറിയ അവർ തന്റെ ജീവിതത്തിന്റെ 55 വർഷത്തിലേറെ പാകിസ്താനിലെ കുഷ്ഠരോഗത്തിനെതിരെ പോരാടാനായി നീക്കിവച്ചു. ഹിലാൽ-ഐ-പാകിസ്താൻ, ഹിലാൽ-ഐ-ഇംതിയാസ്, നിഷാൻ-ഐ-ക്വയ്ദ്-ഐ-ആസാം, സീതാര-ഐ-ക്വയ്ദ്-ഐ-ആസാം എന്നിവയുൾപ്പെടെ നിരവധി അവാർഡുകൾ പാകിസ്താൻ അവർക്ക് നൽകി ആദരിച്ചു. പാക്കിസ്ഥാനിൽ രാഷ്ട്രബഹുമതിയോടെ സംസ്കരിക്കപ്പെട്ട ഏക ക്രിസ്ത്യാനി ഡോ. രൂത്ത് മാത്രമാണ്. ആ രാജ്യത്തിന്റെ ഏറ്റവും ഉന്നതമായ രണ്ട് സിവിലിയൻ അവാർഡുകൾ (ഹിലൽ–ഈതുംതിയാസ്, ഹിലൽ–ഇ–പാക്കിസ്ഥാൻ) ആ മഹതിക്കു ‌‌‌‌‌‌‌‌‌‌‌‌‌ലഭിച്ചു . ആ രാഷ്ട്രത്തിന്റെ ആദരവും, ബഹുമാനവും, അംഗീകാരവും ഏറ്റുവാങ്ങാൻ തക്ക ജീവിതവും സേവനവുമായിരുന്നു .[4] "പാകിസ്താന്റെ മദർ തെരേസ" എന്നറിയപ്പെടുന്ന പ്ഫൌ, പാകിസ്താനിലുടനീളം 157 കുഷ്ഠരോഗ ക്ലിനിക്കുകൾ സ്ഥാപിക്കുന്നതിന് സംഭാവന നൽകി. 56,780 ൽ അധികം ആളുകൾക്ക് ചികിത്സയും നൽകി.[5][6]

ഫാസിയ റൂത്ത് പ്ഫൌ മെഡിക്കൽ കോളേജിനും ഡോ. റൂത്ത് പ്ഫൌ ഹോസ്പിറ്റലിനും കറാച്ചിയിൽ അവരുടെ കാലശേഷം അവരുടെ പേരാണ് നൽകിയിരിക്കുന്നത്.

ആദ്യകാല ജീവിതം[തിരുത്തുക]

1929 സെപ്റ്റംബർ 9 ന് [7]ജർമനിയിലെ ലീപ്സിഗിൽ ലൂഥറൻ ക്രിസ്ത്യൻ മാതാപിതാക്കൾക്ക് പ്ഫൌ ജനിച്ചു. [8][9] അവർക്ക് നാല് സഹോദരിമാരും ഒരു സഹോദരനും ഉണ്ടായിരുന്നു. രണ്ടാം ലോകമഹായുദ്ധസമയത്ത് ബോംബാക്രമണത്തിലൂടെ അവരുടെ വീട് നശിപ്പിക്കപ്പെട്ടു.[10]കിഴക്കൻ ജർമ്മനിയിലെ യുദ്ധാനന്തര സോവിയറ്റ് അധിനിവേശത്തെത്തുടർന്ന് അവർ കുടുംബത്തോടൊപ്പം പശ്ചിമ ജർമ്മനിയിലേക്ക് മാറി. ഭാവി ജീവിതമായി വൈദ്യശാസ്ത്രം തിരഞ്ഞെടുത്തു.[11] 1950 കളിൽ മെയിൻസ് സർവകലാശാലയിൽ നിന്ന് മെഡിസിൻ പഠിച്ചു.[12]ഈ കാലയളവിൽ ഒരു ഡച്ച് ക്രിസ്ത്യൻ സ്ത്രീയെ പ്ഫൌ പതിവായി കണ്ടുമുട്ടി, തടങ്കൽപ്പാളയത്തിൽ നിന്ന് രക്ഷപ്പെട്ട അവൾ "സ്നേഹവും ക്ഷമയും പ്രസംഗിക്കാൻ" ജീവിതം സമർപ്പിക്കുകയായിരുന്നു. "അവളുടെ ജീവിതത്തെ മാറ്റിമറിച്ച അനുഭവത്തിന്" ശേഷം, പ്ഫൌ "റൊമാന്റിക് അസോസിയേഷൻ" ഉപേക്ഷിക്കുകയും ഒരു സഹ വിദ്യാർത്ഥിയുമായി മെയിന്റെ തത്ത്വചിന്തയിലും ക്ലാസിക്കൽ സാഹിത്യ വിഭാഗത്തിലും ചർച്ചകളിൽ ഏർപ്പെട്ടു.[9]ക്ലിനിക്കൽ പരീക്ഷ പൂർത്തിയാക്കിയ ശേഷം, ക്ലിനിക്കൽ പഠനം തുടരുന്നതിനായി പ്ഫൌ മാർബർഗിലേക്ക് മാറി. 1953-ൽ റോമൻ കത്തോലിക്കാ മതത്തിലേക്ക് പരിവർത്തനം ചെയ്യുന്നതിന് മുമ്പ് 1951-ൽ ഇവാഞ്ചലിക്കൽ പ്രൊട്ടസ്റ്റന്റ് ആയി സ്നാനമേറ്റു.[13][14] സെന്റ് തോമസ് അക്വിനാസിൽ നിന്ന് "മനുഷ്യനാകാനുള്ള ധൈര്യം" ജോസഫ് പൈപ്പറിന്റെ രചനയിലൂടെ പഠിച്ചതായി പ്ഫൌ പ്രസ്താവിച്ചു.[15]അവർ ഒരു കത്തോലിക്കാ ഇടവകയിൽ ചേർന്നു. ഈ കാലഘട്ടത്തിൽ റൊമാനോ ഗാർഡിനിയുടെ ദി ലോർഡ് അവരെ വളരെയധികം സ്വാധീനിച്ചു.[9]

1957-ൽ, [14] പാരീസിലേക്ക് പോയ പ്ഫൌ കത്തോലിക്കാ ക്രമപ്രകാരം ഡോട്ടേഴ്‌സ് ഓഫ് ദി ഹാർട്ട് ഓഫ് മേരിയിൽ ചേർന്നു.[9]അവർ പറഞ്ഞു, "നിങ്ങൾക്ക് അത്തരമൊരു വിളി ലഭിക്കുമ്പോൾ, നിങ്ങൾക്ക് അത് നിരസിക്കാൻ കഴിയില്ല, കാരണം നിങ്ങളല്ല തിരഞ്ഞെടുപ്പ് നടത്തിയത്. ദൈവം നിങ്ങളെ തനിക്കായി തിരഞ്ഞെടുത്തു."[14]നിയമക്രമം പിന്നീട് അവരെ ദക്ഷിണേന്ത്യയിലേക്ക് അയച്ചു. എന്നിരുന്നാലും, 1960-ൽ ഒരു വിസ പ്രശ്‌നത്താൽ അവർക്ക് കറാച്ചിയിൽ തന്നെ കഴിയേണ്ടിവന്നു.[16] പാകിസ്താന്റെ വിവിധ ഭാഗങ്ങളിലേക്ക് അവർ യാത്രയായി.[17]ജീവിതകാലം മുഴുവൻ കുടുംബങ്ങൾ ഉപേക്ഷിക്കുകയോ ചെറിയ മുറികളിൽ പൂട്ടിയിടുകയോ ചെയ്ത രോഗികളെ രക്ഷിക്കാൻ അഫ്ഗാനിസ്ഥാന്റെ അതിർത്തി കടന്നു.[18]

പാകിസ്താനിലെ ജീവിതം[തിരുത്തുക]

Not all of us can prevent a war; but most of us can help ease sufferings—of the body and the soul.(‘നമുക്ക് എല്ലാവർക്കും ഒരു യുദ്ധം തടഞ്ഞു നിറുത്താനാവുകയില്ല; എന്നാൽ നമ്മിൽ എല്ലാവർക്കും തന്നെ മറ്റുള്ളവരുടെ ശരീരത്തിന്റെയും മനസ്സിന്റെയും വേദന ശമിപ്പിക്കാനായി പ്രവർത്തിക്കുവാനായി സാധിക്കും')

— രൂത്ത് പ്ഫൌ[11]

1960-ൽ, 31 വയസ്സുള്ള പ്ഫൌ തന്റെ ജീവിതകാലം മുഴുവൻ പാകിസ്താനിലെ ജനങ്ങൾക്കായി സമർപ്പിക്കാനും കുഷ്ഠരോഗത്തിനെതിരായി പോരാടുന്നതിനും തീരുമാനിച്ചു. കറാച്ചിയിൽ ആയിരിക്കുമ്പോൾ, സിറ്റി റെയിൽ‌വേ സ്റ്റേഷന് സമീപമുള്ള മക്ലിയോഡ് റോഡിന് (ഇപ്പോൾ I. I. ചുണ്ട്രിഗർ റോഡ്) പുറകിലുള്ള ലെപ്പേഴ്സ് കോളനി സന്ദർശിച്ചു.[19] രോഗികളുടെ പരിചരണം അവരുടെ ജീവിത വിളിയാണെന്ന് ഇവിടെ അവർ തീരുമാനിച്ചു. ഈ പ്രദേശത്തെ ഒരു കുടിലിൽ കുഷ്ഠരോഗികൾക്ക് അവർ ചികിത്സ ആരംഭിച്ചു. മാരി അഡ്‌ലെയ്ഡ് കുഷ്ഠരോഗ കേന്ദ്രം [20]സ്ഥാപിക്കപ്പെട്ടു (ഇത് പിന്നീട് ക്ഷയരോഗം, അന്ധത തടയൽ പരിപാടികളായി വിഭജിക്കപ്പെട്ടു). [19] കുഷ്ഠരോഗികൾക്കും അവരുടെ കുടുംബാംഗങ്ങൾക്കുമായി സാമൂഹിക പ്രവർത്തനങ്ങൾ ആരംഭിച്ചത് ഡോ. ഐ കെ ഗിൽ ആണ്. 1963 ഏപ്രിലിൽ ഒരു കുഷ്ഠരോഗ ക്ലിനിക് വാങ്ങി, കറാച്ചിയിലെമ്പാടും, പാകിസ്താനിലെ മറ്റിടങ്ങളിൽ നിന്നും, അഫ്ഗാനിസ്ഥാനിൽ നിന്നും രോഗികൾ ചികിത്സയ്ക്കായി എത്തി.[21]അരനൂറ്റാണ്ടു കാലം ഡോ. രൂത്തിന്റെ നിസ്തന്ദ്രവും നിസ്തുലവുമായ സേവനത്തിന്റെ ഫലമായി ആ രാജ്യത്തെ മഹാദുരന്തം നിയന്ത്രണവിധേയമായി. രാജ്യവ്യാപകമായി പ്രവർത്തകരെ സംഘടിപ്പിക്കാനും ആസൂത്രിതമായി കുഷ്ഠരോഗത്തെ പ്രതിരോധിക്കാനും യത്നിച്ചു. വളരെ വിജയകരമായ അവസ്ഥ കൈവന്നു. ഏഷ്യൻ രാജ്യങ്ങളിൽ കുഷ്ഠരോഗം നിയന്ത്രിക്കുന്നതിൽ ഏറ്റവും കൂടുതൽ വിജയംവരിച്ച രാജ്യം പാക്കിസ്ഥാനെന്ന് 1996ൽ ലോകാരോഗ്യ സംഘടന (World Health Organization) പ്രഖ്യാപിച്ചു[22]

അവലംബം[തിരുത്തുക]

  1. ↑ Dr Pfau to be honoured today, DailyTimes.com.pk, 11 April 2003; retrieved 6 July 2010.
  2. ↑ https://www.firstpost.com/world/google-doodle-celebrates-the-90th-birth-anniversary-of-german-pakistani-physician-dr-ruth-pfau-7308631.html/amp&ved=2ahUKEwjJu5WN_sLkAhVPWxoKHWjbBmsQyM8BMBZ6BAgFEAg&usg=AOvVaw1RBRXNueUJXZ0g5mr33zOD&ampcf=1[പ്രവർത്തിക്കാത്ത കണ്ണി]
  3. ↑ Google doodle celebrates the 90th birth anniversary of German-Pakistani physician Dr Ruth Pfau Firstpost, 10 September 2019, accessed 10 September 2019
  4. ↑ https://www.manoramaonline.com/education/expert-column/moral-stories/2018/02/03/dr-ruth-pfau-german-born-pakistani-physician-pakistans-mother-teresa.html
  5. ↑ PFAU, RUTH; HAQ, GHAZALA (1986). "Leprosy in Pakistan". Leprosy Review. 57 (4). doi:10.5935/0305-7518.19860036. ISSN 0305-7518.
  6. ↑ "400 to 500 new leprosy cases reported annually in Pakistan". Dawn. 29 January 2017. Retrieved 20 August 2017.
  7. ↑ "Dr. Ruth Pfau". Ruth-pfau.schule.de. Retrieved 2017-08-10.
  8. ↑ "Sister Ruth Pfau, 'Mother Teresa of Pakistan' – obituary". The Telegraph. 14 August 2017.
  9. ↑ 9.0 9.1 9.2 9.3 Aqeel, Asif (12 August 2017). "Master of her own destiny, saviour of others". Daily Times.
  10. ↑ Gorn, Elliott J. (2000-02). Jones, Mother (01 August 1837–30 November 1930), labor organizer. American National Biography Online. Oxford University Press. {{cite book}}: Check date values in: |date= (help)
  11. ↑ 11.0 11.1 Rahman, Faiza (2 March 2014). "Dr Ruth Pfau: The magic healer". Express Tribune. Retrieved 11 August 2017.
  12. ↑ "State funeral announced for Dr Ruth Pfau". The News International. 10 August 2017. Retrieved 10 August 2017.
  13. ↑ Pfau (2007), pp. 49–50
  14. ↑ 14.0 14.1 14.2 Roberts, Sam (15 August 2017). "Dr. Ruth Pfau, Saviour of Lepers in Pakistan, Dies at 87". The New York Times. Retrieved 16 August 2017.
  15. ↑ Pfau (2007), pp. 48–49
  16. ↑ "Ruth Pfau: Pakistan's 'Mother Teresa' dies aged 87". BBC News. 10 August 2017.
  17. ↑ Kazi, Mudaser (10 August 2017). "Pakistan's magic healer Dr Ruth Pfau passes away". Express Tribune. Retrieved 11 August 2017.
  18. ↑ Rafi, Haneen (22 December 2015). "Dr Ruth Pfau honoured by German govt". Dawn. Retrieved 11 August 2017.
  19. ↑ 19.0 19.1 Mustafa, Zubeida (9 June 2017). "Candle of hope". Dawn. Retrieved 10 August 2017.
  20. ↑ "History". Archived from the original on 2017-08-14. Retrieved 10 August 2017.
  21. ↑ "Leprosy in Pakistan contained, says Dr Ruth Pfau". Dawn.com. Retrieved 10 August 2017.
  22. ↑ https://www.manoramaonline.com/education/expert-column/moral-stories/2018/02/03/dr-ruth-pfau-german-born-pakistani-physician-pakistans-mother-teresa.html

കൂടുതൽ വായനയ്ക്ക്[തിരുത്തുക]

  • Mutaher, Zia (2004). Serving the Unserved: The Life of Dr Ruth Pfau. Karachi: City Press. ISBN 9698380728.
"https://ml.wikipedia.org/w/index.php?title=രൂത്ത്_പ്ഫൌ&oldid=3807957" എന്ന താളിൽനിന്ന് ശേഖരിച്ചത്