രുചിര പെരേര

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
രുചിര പെരേര
රුචිර පෙරේරා
വ്യക്തിഗത വിവരങ്ങൾ
മുഴുവൻ പേര്പനഗൊദഗെ ഡോൺ രുചിര ലക്സിരി പെരേര
ജനനം (1977-04-06) 6 ഏപ്രിൽ 1977  (44 വയസ്സ്)
കൊളംബോ
ഉയരം5 അടി 10 in (178 സെ.മീ)
ബാറ്റിംഗ് രീതിഇടം-കൈയ്യൻ
ബൗളിംഗ് രീതിഇടം കൈ-മീഡിയം ഫാസ്റ്റ്
അന്താരാഷ്ട്ര തലത്തിൽ
ദേശീയ ടീം
ആദ്യ ടെസ്റ്റ് (ക്യാപ് 74)24 ഫെബ്രുവരി 1999 v ഇന്ത്യ
അവസാന ടെസ്റ്റ്8 നവംബർ 2002 v സൗത്ത് ആഫ്രിക്ക
ആദ്യ ഏകദിനം (ക്യാപ് 98)29 ജനുവരി 1999 v ഇംഗ്ലണ്ട്
അവസാന ഏകദിനം20 മേയ് 2007 v പാകിസ്താൻ
ആദ്യ ടി20 (ക്യാപ് 9)15 ജനുവരി 2006 v ഇംഗ്ലണ്ട്
അവസാന ടി2026 ഡിസംബർ 2006 v ന്യൂസിലൻഡ്
കരിയർ സ്ഥിതിവിവരങ്ങൾ
മത്സരങ്ങൾ ടെസ്റ്റ് ഏക ടി20ഐ
കളികൾ 8 17 2
നേടിയ റൺസ് 33 8 0
ബാറ്റിംഗ് ശരാശരി 11.00 2.66 -
100-കൾ/50-കൾ -/- -/- 0/0
ഉയർന്ന സ്കോർ 11* 4* 0*
എറിഞ്ഞ പന്തുകൾ 1,130 798 42
വിക്കറ്റുകൾ 17 17 0
ബൗളിംഗ് ശരാശരി 38.88 38.88 -
ഇന്നിംഗ്സിൽ 5 വിക്കറ്റ് - - -
മത്സരത്തിൽ 10 വിക്കറ്റ് - n/a n/a
മികച്ച ബൗളിംഗ് 3/40 3/23 -
ക്യാച്ചുകൾ/സ്റ്റം‌പിംഗ് 2/- 2/- 0/-
ഉറവിടം: ക്രിക്കിൻഫോ, 24 മാർച്ച് 2017

ഒരു മുൻ ശ്രീലങ്കൻ ക്രിക്കറ്റ് കളിക്കാരനാണ്[1] രുചിര പെരേര എന്ന പേരിലറിയപ്പെടുന്ന പനഗൊദഗെ ഡോൺ രുചിര ലക്സിരി പെരേര (സിംഹള: රුචිර පෙරේරා). ശ്രീലങ്കയ്ക്കുവേണ്ടി അന്താരഷ്ട്ര ക്രിക്കറ്റിന്റെ എല്ലാ ഫോർമാറ്റുകളിലും ഇദ്ദേഹം കളിച്ചിട്ടുണ്ട്. ഒരു ഇടം കൈയ്യൻ ബാറ്റ്സ്മാനും ഇടം കൈയ്യൻ മീഡിയം ഫാസ്റ്റ് ബൗളറുമാണ് പെരേര. 1977 ഏപ്രിൽ ആറിന് കൊളൊബോയിൽ ജനിച്ചു.

ആഭ്യന്തര കരിയർ[തിരുത്തുക]

1996/97-ലാണ് പെരേര ഫസ്റ്റ് ക്ലാസ് മത്സരങ്ങൾ കളിച്ചു തുടങ്ങിയത്. സിംഹളീസ് സ്പോർട്സ് ക്ലബ്, കോൾട്സ് ക്രിക്കറ്റ് ക്ലബ്, ബ്ലൂംഫീൽഡ് ക്രിക്കറ്റ് ആൻഡ് അത്ലറ്റിക് ക്ലബ്, ബസ്നാഹിര സൗത്ത് മുതലയാ ടീമുകൾക്ക് വേണ്ടി ഇദ്ദേഹം കളിച്ചിട്ടുണ്ട്. കോൾട്ട്സ് ക്ലബിനായി 2011 ഫെബ്രുവരി 25നായിരുന്നു[2] അദ്ദേഹത്തിന്റെ അവസാന ഫസ്റ്റ് ക്ലാസ് മത്സരം.

അന്താരാഷ്ട്ര കരിയർ[തിരുത്തുക]

1999 ഫെബ്രുവരി 24ന് ഏഷ്യൻ ച്യാമ്പ്യൻഷിപ്പിലെ രണ്ടാം മത്സരത്തിലെ കൊളംബോ സിംഹളീസ് സ്റ്റേഡിയത്തിൽ ഇന്ത്യക്കെതിരെ ആയിരുന്നു പെരേരയുടെ ടെസ്റ്റ് അരങ്ങേറ്റം. ഈ മത്സരത്തിൽ ആദ്യ ഇന്നിംഗ്സിൽ ഒരു വിക്കറ്റ് വീഴ്ത്തിയെങ്കിലും രണ്ടാം ഇന്നിംഗ്സിൽ വിക്കറ്റൊന്നും നേടാൻ കഴിഞ്ഞില്ല. വി.വി.എസ്. ലക്ഷ്മണന്റെ വിക്കറ്റാണ് അദ്ദേഹത്തിന്റെ ആദ്യ ടെസ്റ്റ് വിക്കറ്റ്[3]. എട്ട് റ്റെസ്റ്റുകൾ കളിച്ച പെരേരയുടെ ഒരിന്നിംഗ്സിലെ ഏറ്റവും മികച്ച പ്രകടനം 3/4ഒ ഉം മത്സരത്തിലെ മികച്ച പ്രകടനം 5/138ഉമാണ്. 38.88 ശരാശരിയോടെ 17 വിക്കറ്റുകളാണ് അദ്ദേഹം നേടിയത്. 2002 നംവംബർ എട്ടിന് സൗത്താഫ്രിക്കയുമായുള്ള ആദ്യ ടെസ്റ്റാണ് പെരേരയുടെ ഒടുവിലത്തെ ടെസ്റ്റ് മത്സരം, ഈ മത്സരത്തിൽ വികറ്റുകളൊന്നും വീഴ്ത്താൻ അദ്ദേഹത്തിന് കഴിഞില്ല, ആദ്യ ഇന്നിംഗ്സിൽ ഹഷൻ തിലകരത്നെയുമായി 27 റൺസിന്റെ പത്താം വിക്കറ്റ് കൂടുകെട്ടിൽ അദ്ദേഹം പങ്കാളിയായി.ഒടുവിൽ ഇന്നിംഗ്സ് അവസാനിച്ചപ്പോൾ 11 റൺസുമായി അദ്ദേഹം പുറത്താകാതെ നിന്നു[4].

1999 ജനുവരി 29ന് പെർത്തിൽ നടന്ന കാൾട്ടൺ & യുണൈറ്റഡ് സീരിസിന്റെ പതിനൊന്നാം മത്സരത്തിൽ ഇംഗ്ലണ്ടിനെതിരെ ആയിരുന്നു പെരെരയുടേ ഏകദിന അരങ്ങേറ്റം. ഈ മത്സരത്തിൽ പത്ത് ഓവറിൽ 55 റൺസ് വഴങ്ങിയ അദ്ദേഹം മൂന്ന് വികറ്റുകൾ വീഴ്ത്തി. തന്റെ ആദ്യ ഓവറിന്റെ അഞ്ചാം പന്തിൽ അലക് സ്റ്റ്യുവർട്ടിനെ ബൗൾഡാക്കിയാണ് അദ്ദേഹം തന്റെ കന്നി വിക്കറ്റ് നേടിയത്. ഇംഗ്ലണ്ടിനെ 227/7 എന്ന ചെറിയ സ്കോറിൽ ഒതുക്കാൻ ലങ്കയ്ക്കായെങ്കിലും, മാർക്ക് ഈലത്തിന്റെ 32/5 എന്ന ബൗളിംഗ് മികവിൽ ഇംഗ്ലണ്ട് 128 റൺസിന് വിജയിച്ചു[5]. പതിനേഴ് ഏകദിനങ്ങളിൽ നിന്നായി പതിനേഴ് വിക്കറ്റുകളാണ് അദ്ദേഹം നേടിയത്, ഇതിൽ ബംഗ്ലാദേശിനെതിരായ 7-1-23-3 ആണ് മികച്ച പ്രകടനം. 2007 മേയ് 20ന് അബുദാബിയിൽ പാകിസ്താനെതിരായ ഏകദിന മത്സരമാണ് അദ്ദേഹത്തിന്റെ ഒടുവിലത്തെ അന്താരാഷ്ട മത്സരം. ഈ മത്സരത്തിൽ പത്ത് ഓവരിൽ രണ്ട് മെയ്ഡൻ ഉൾപ്പടെ 67 റൺസ് വഴങ്ങ്നിയെങ്കിലും വിക്കറ്റുകൾ ഒന്നും തന്നെ നേടാനയില്ല. ഈ കളിയിൽ ഉമർ ഗുളിന്റെ പന്തിൽ ഗോൾഡൻ ഡക്കായി. മത്സരത്തിൽ പാകിസ്താൻ 98 റൺസുകൾക്കായിരുന്നു വിജയിച്ചത്[6].

2006-ൽ ശ്രീലങ്കയുടെ ആദ്യ ട്വന്റി -20 അന്താരാഷ്ട്ര മത്സരത്തിൽ ടി20 ഐ ക്യാപ് നമ്പർ ലഭിച്ച കളിക്കാരനാണ് പെരേര, അദ്ദേഹത്തിന്റെ ടി20 ക്യാപ് നമ്പർ ഒൻപതായിരുന്നു. സതാംപ്ടണിൽ ഇംഗൾണ്ടിനെതിരെ അരങ്ങേറ്റം കുറിച്ച പെരേര ആകെ രണ്ട് അന്തരാഷ്ട്ര ടി20 മത്സരങ്ങൾ മാത്രമേ കളിച്ചിട്ടുള്ളു. ഒരു റൺസോ വിക്കറ്റോ ടി20ഐയിൽ അദ്ദേഹത്തിന്റെ പേരിലില്ല.

അന്താരാഷ്ട്ര അവാർഡുകൾ[തിരുത്തുക]

ഏകദിന അന്താരാഷ്ട്ര ക്രിക്കറ്റ്[തിരുത്തുക]

മാൻ ഓഫ് ദ മാച്ച് അവാർഡുകൾ[തിരുത്തുക]

ക്രമം എതിരാളി വേദി തീയതി മത്സരത്തിലെ പ്രകടനം ഫലം
1 ബംഗ്ലാദേശ് ഷഹീദ് ചന്തു സ്റ്റേഡിയം, ബോഗ്ര 20 ഫെബ്രുവരി 2006 7-1-23-3 ; DNB ശ്രീലങ്ക 5 വിക്കറ്റിന് വിജയിച്ചു. [7]

അവലംബം[തിരുത്തുക]

  1. "Ruchira Perera". ശേഖരിച്ചത് 2020-11-19.
  2. "Full Scorecard of Colts Cricket Club vs Sinhalese Sports Club 2011 - Score Report | ESPNcricinfo.com" (ഭാഷ: ഇംഗ്ലീഷ്). ശേഖരിച്ചത് 2020-11-19.
  3. "Full Scorecard of India vs Sri Lanka 2nd Match 1999 - Score Report | ESPNcricinfo.com" (ഭാഷ: ഇംഗ്ലീഷ്). ശേഖരിച്ചത് 2020-11-19.
  4. "Full Scorecard of Sri Lanka vs South Africa 1st Test 2002 - Score Report | ESPNcricinfo.com" (ഭാഷ: ഇംഗ്ലീഷ്). ശേഖരിച്ചത് 2020-11-19.
  5. "Full Scorecard of England vs Sri Lanka 11th Match 1999 - Score Report | ESPNcricinfo.com" (ഭാഷ: ഇംഗ്ലീഷ്). ശേഖരിച്ചത് 2020-11-19.
  6. "Full Scorecard of Pakistan vs Sri Lanka 2nd ODI 2007 - Score Report | ESPNcricinfo.com" (ഭാഷ: ഇംഗ്ലീഷ്). ശേഖരിച്ചത് 2020-11-19.
  7. "2005-2006 Bangladesh v Sri Lanka - 1st Match - Bogra".
"https://ml.wikipedia.org/w/index.php?title=രുചിര_പെരേര&oldid=3475373" എന്ന താളിൽനിന്ന് ശേഖരിച്ചത്