രാധേ മാ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Radhe Maa
ജനനംGurudaspur, Punjab, India
ദേശീയതIndian
സംഘടനShri Radhe Guru Maa Charitable Trust
വെബ്സൈറ്റ്radhemaa.com

ഇന്ത്യയിലെ ഒരു സ്വയംപ്രഖ്യാപിത ആൾദൈവമാണ് രാധേ മാ എന്ന പേരിൽ പ്രശസ്തയായ സുഖ്വീന്ദർ കൗർ (ജനനം: 1965 ഏപ്രിൽ 4).[1][2][3] കടുംവർണ വസ്ത്രങ്ങൾ ധരിച്ചും കൈകളിൽ തൃശൂലവും പൂവും പിടിച്ചുമാണ് രാധേ മാ തന്റെ ഭക്തർക്കു ദർശനം നൽകിയിരുന്നത്. ബോളിവുഡ് പാട്ടുകൾക്കനുസരിച്ചു നൃത്തം ചെയ്താണ് ഇവർ ആളുകളെ അനുഗ്രഹിക്കുക.[4] രാധേ മായ്ക്കു ബോളിവുഡിലും രാഷ്ട്രീയത്തിലും വലിയ സ്വാധീനമുണ്ടായിരുന്നു. മുംബൈയുടെ പ്രാന്തപ്രദേശമായ ബോറിവാലി ആസ്ഥാനമാക്കിയാണ് ഇവർ പ്രവർത്തിച്ചിരുന്നത്.

രാധേമായുമായി ബന്ധപ്പെട്ട് പല വിവാദങ്ങളും ഉണ്ടായിട്ടുണ്ട്. 2017 സെപ്റ്റംബറിൽ ഇവർക്കെതിരെ എഫ്.ഐ.ആർ. തയ്യാറാക്കുവാൻ പഞ്ചാബ്-ഹരിയാന ഹൈക്കോടതി ഡെൽഹി പോലീസിനോട് ആവശ്യപ്പെട്ടിരുന്നു.[5] ഹൈന്ദവ സംഘടനയായ അഖില ഭാരതീയ അഖാര പരിഷദ് തയ്യാറാക്കിയ 14 കപട ആൾദൈവങ്ങളുടെ പട്ടികയിൽ രാധേ മായും ഉൾപ്പെട്ടിട്ടുണ്ട്.[6]

ആദ്യകാല ജീവിതം[തിരുത്തുക]

പഞ്ചാബിലെ ഗുരുദാസ്പൂർ ജില്ലയിലെ ദോറാങ്കല എന്ന ഗ്രാമത്തിലാണ് രാധേ മായുടെ ജനനം. സുഖ്വീന്ദർ കൗർ എന്നായിരുന്നു ഇവരുടെ യഥാർത്ഥ പേര്.[7] നാലാം ക്ലാസുവരെ മാത്രമാണ് ഔപചാരിക വിദ്യാഭ്യാസം.[8] കുട്ടിക്കാലത്ത് ഗ്രാമത്തിലെ കാളി ക്ഷേത്രത്തിൽ ഇവർ ധാരാളം സമയം ചെലവഴിച്ചിരുന്നുവെന്നും അങ്ങനെയാണ് ആത്മീയതയിലേക്കു പ്രവേശിച്ചതെന്നുമാണ് അനുയായികൾ വിശ്വസിക്കുന്നത്.[7] എന്നാൽ കുട്ടിക്കാലത്ത് യാതൊരുവിധ അത്ഭുതശക്തികളും രാദേ മാ പ്രദർശിപ്പിച്ചിരുന്നില്ലെന്നു ഗ്രാമവാസികൾ സാക്ഷ്യപ്പെടുത്തുന്നു.[8]

പതിനേഴാം വയസ്സിൽ മോഹൻ സിങ്ങുമായുള്ള വിവാഹം നടന്നു. ഭർത്താവിന്റെ തുണിമില്ലിൽ വസ്ത്രങ്ങൾ നെയ്യുവാനും മറ്റും രാധേ മാ പോയിരുന്നു. കുടുംബത്തിനു വളരെ തുച്ഛമായ വരുമാനം മാത്രമാണ് ലഭിച്ചിരുന്നത്.[8] ഭർത്താവ് ഒരു ജോലിതേടി ഖത്തറിലേക്കു പോയ സമയത്താണ് രാധേ മാ ആത്മീയതയിലേക്കു തിരിയുന്നത്. 23-ആം വയസ്സിൽ ഗുരു റാം ദീൻ ദാസിന്റെ ശിഷ്യത്വം സ്വീകരിച്ചു. അദ്ദേഹം തന്നെയാണ് 'രാധേ മാ' എന്ന പേരുനൽകിയത്.

ആൾദൈവമായതിനു ശേഷം[തിരുത്തുക]

പരമഹംസ് ദേരാ ആശ്രമത്തിൽ വച്ച് രാധേ മാ ദൈവമാണെന്നു സ്വയം പ്രഖ്യാപിച്ചു. ഇവർ പിന്നീട് തന്റെ ആശ്രമം മുംബൈയിലേക്കു മാറ്റി. അവിടെവച്ച് മൻമോഹൻ ഗുപ്ത ഇവരുടെ ശിഷ്യനായി. അതോടെ ഗുപ്ത കുടുംബത്തിലേക്കു രാധേ മായ്ക്കു പ്രവേശനം ലഭിച്ചു.[9] ഏതാണ്ട് പന്ത്രണ്ടു വർഷത്തോളം അവർ അവിടെ കഴിഞ്ഞുവെന്നു പറയപ്പെടുന്നു.[8] [9] മുംബൈയിൽ വച്ച് ധാരാളം ആളുകൾ രാധേ മായുടെ അനുയായികളായിത്തീർന്നു.[10] ദുർഗ്ഗാ ദേവിയുടെ അവതാരമാണെന്നു രാധേ മാ സ്വയം പ്രഖ്യാപിച്ചതും അവിടെവച്ചാണ്. ഈ പ്രഖ്യാപനത്തിനെതിരെ ഫഗ്വാരയിലുള്ള ഒരു ഹൈന്ദവ സംഘടന രംഗത്തുവന്നിരുന്നു.[8] പക്ഷേ രാധേ മായുടെ ദർശനത്തിനായി രാജ്യത്തിന്റെ വിവിധ ഭാഗങ്ങളിൽ നിന്നു നിരവധി ഭക്തർ മുംബൈയിലേക്ക് എത്തിക്കൊണ്ടേയിരുന്നു.[8]

വിവാദങ്ങൾ[തിരുത്തുക]

2015 ജൂലൈയിൽ ഗുപ്ത കുടുംബാംഗമായ നിക്കി ഗുപ്ത എന്ന യുവതി രാധേ മായ്ക്കെതിരെ രംഗത്തുവന്നു.[11] നിക്കി ഗുപ്തയുടെ വിവാഹസമയത്ത് വലിയൊരു തുക സ്ത്രീധനമായി വാങ്ങുവാൻ തന്റെ ഭർത്താവിനോട് രാധേ മാ ആവശ്യപ്പട്ടുവെന്നും വിവാഹശേഷം ആശ്രമത്തിൽ വച്ച് തന്നെ പീഡിപ്പിച്ചുവെന്നുമാണ് നിക്കി ഗുപ്ത പരാതിപ്പെട്ടത്.[9][12] ഇതുമായി ബന്ധപ്പെട്ട് 2015 ഓഗസ്റ്റിൽ രാധേ മായ്ക്കെതിരെ മുംബൈ പോലീസ് ലുക്ക് ഔട്ട് നോട്ടീസ് പുറപ്പെടുവിച്ചു.[13][14] നടി ഡോളി ബിന്ദ്രയെ ഭീഷണിപ്പെടുത്തിയതിനും ലൈംഗികബന്ധത്തിനു നിർബന്ധിച്ചതിനും രാധേ മായ്ക്കെതിരെ മറ്റൊരു കേസും ഫയൽ ചെയ്തു.[15] രാധേ മായും അനുയായികളും തമ്മിലുള്ള ലൈംഗിക ദൃശ്യങ്ങൾ 2015 ഓഗസ്റ്റിൽ പുറത്തുവന്നു. മതത്തിന്റെ മറവിൽ വ്യഭിചാരം നടത്തിയതിനു പോലീസ് കേസെടുത്തു.[16] രാധേ മാ ഉൾപ്പെട്ട പല ലൈംഗിക കുറ്റകൃത്യങ്ങളും പിന്നീട് പുറത്തുവന്നു.[7][8][17][18][8][19]

അവലംബം[തിരുത്തുക]

  1. "Radhe Maa". starsunfold.com. ശേഖരിച്ചത് 2018-06-17.
  2. "From Gurmeet Ram Rahim to Radhe Maa: Top 5 controversial 'Gurus' of India".
  3. "From Gurmeet Ram Rahim to Radhe Maa: Top 5 controversial 'Gurus' of India".
  4. "നവരാത്രിക്ക് രാധേ മായെ സ്റ്റേഷനിൽ 'സ്തുതിച്ച്' ഡൽഹി പൊലീസ്, വിവാദം". മലയാള മനോരമ. 2017-10-05. ശേഖരിച്ചത് 17-06-2018. Check date values in: |accessdate= (help)
  5. "राधे मां के खिलाफ FIR दर्ज करने का आदेश" (ഭാഷ: Hindi). Navbharat Times. ശേഖരിച്ചത് 5 September 2017.CS1 maint: Unrecognized language (link)
  6. "Asaram, Ram Rahim, Rampal: The 14 fake babas put on boycott list". Hindustan Times (ഭാഷ: ഇംഗ്ലീഷ്). 2017-09-11. ശേഖരിച്ചത് 2017-09-12.
  7. 7.0 7.1 7.2 "Who is Radhe Maa? Everything you wanted to know about the 'god-woman'". DNA. 2015-08-06.
  8. 8.0 8.1 8.2 8.3 8.4 8.5 8.6 8.7 Gagandeep Dhillon (2015-08-07). "How Sukhwinder Kaur became Radhe Maa". Mumbai Mirror.
  9. 9.0 9.1 9.2 "Controversial godwoman Radhe Maa in trouble". Deccan Herald. 2015-08-07.
  10. "Radhe Maa and her small screen connection".
  11. "Kaur accused of ruining woman's marriage, booked for harassment". News 18. 2015-07-27.
  12. Gagandeep Dhillon (2015-08-06). "Poster god-woman, who blesses by hugging and dancing, in dowry row". Mumbai Mirror.
  13. Self-appointed godwoman Radhe Maa booked in dowry harassment case, absconding
  14. Police Issues Lookout Notice Against Self-Styled ‘Godwoman’ Radhe Maa
  15. "Mumbai police files criminal case against Radhe Maa following Dolly Bindra's complaint". DNA. 2015-09-01.
  16. Self-styled godwoman Radhe Maa in legal trouble, charged with obscenity & abetting dowry
  17. Shocking pic revealed: Now, Rahul Mahajan embarrasses Godwoman Radhe Maa
  18. Why Radhe Maa, Controversial Godwoman, is the Talk of Social Media
  19. "Rishi Kapoor slams godmen and Radhe Maa".
"https://ml.wikipedia.org/w/index.php?title=രാധേ_മാ&oldid=3016520" എന്ന താളിൽനിന്ന് ശേഖരിച്ചത്