രജിത രാമചന്ദ്രപ്പുലവർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
രജിത രാമചന്ദ്രപ്പുലവർ
ജനനം
രജിത
ദേശീയതഇന്ത്യൻ
തൊഴിൽതോൽപ്പാവക്കൂത്ത് കലാകാരി
അറിയപ്പെടുന്നത്തോൽപ്പാവക്കൂത്ത്

ഫോക് ലോർ യുവ പുരസ്‌കാരം നേടിയ തോൽപ്പാവക്കൂത്ത് കലാകാരിയാണ് രജിത രാമചന്ദ്രപ്പുലവർ.

ജീവിതരേഖ[തിരുത്തുക]

പ്രശസ്ത തോൽപ്പാവക്കൂത്ത് കലാകാരൻ കവളപ്പാറ രാമചന്ദ്രപ്പുലവരുടെയും രാജലക്ഷ്മിയുടെയും മകളാണ്. ഒറ്റപ്പാലം മുനിസിപ്പാലിറ്റിയുടെ കീഴിലുള്ള തോൽപ്പാവക്കൂത്ത് പഠനകേന്ദ്രത്തിലെ അധ്യാപികയാണ്. തോൽപ്പാവക്കൂത്തിലെ സ്ത്രീസാന്നിധ്യം ആധുനിക വേദിയിൽ എന്ന വിഷയത്തിൽ നടത്തിയ പഠനത്തിനാണ് രജിത രാമചന്ദ്രപ്പുലവർക്ക് 2020 ൽ ഫോക് ലോർ യുവ പുരസ്‌കാരം ലഭിച്ചത്. തോൽപ്പാവ നിർമാണത്തിലൂടെയാണ് രജിത ഈ കലാരംഗത്തേക്ക് കാലൂന്നുന്നത്. പിന്നീട് അവതരണത്തിലേക്കും പ്രവേശിച്ച് പിതാവിനൊപ്പം മഹാബലി ചരിതം, ചണ്ഡാലഭിക്ഷുകി, കൊറോണ പാവക്കൂത്ത് [1]തുടങ്ങി ഒട്ടേറെ പുതുമയാർന്ന പരിപാടികൾ ആവിഷ്‌കരിക്കുന്നതിൽ മുഖ്യപങ്ക് വഹിച്ചു. സിങ്കപ്പൂർ, തായ്‌ലാൻഡ്, യൂറോപ്പ് തുടങ്ങിയ വിദേശ രാജ്യങ്ങളിലും തോൽപ്പാവക്കൂത്ത് അവതരിപ്പിച്ചിട്ടുണ്ട്. സംസ്ഥാന സർക്കാരിന്റെ 1000 യുവ കലാകാരൻമാർക്കുള്ള ഫെല്ലോഷിപ്പും ലഭിച്ചിട്ടുണ്ട്.[2]

പുരസ്കാരങ്ങൾ[തിരുത്തുക]

  • കേരള ഫോക് ലോർ അക്കാദമി യുവ പുരസ്‌കാരം (2018)
  • സംസ്ഥാന സർക്കാരിന്റെ 1000 യുവ കലാകാരൻമാർക്കുള്ള ഫെല്ലോഷിപ്പു്

അവലംബം[തിരുത്തുക]

  1. https://www.mathrubhumi.com/palakkad/news/23mar2020-1.4637689
  2. https://www.mathrubhumi.com/print-edition/kerala/article-1.4914022
"https://ml.wikipedia.org/w/index.php?title=രജിത_രാമചന്ദ്രപ്പുലവർ&oldid=3390122" എന്ന താളിൽനിന്ന് ശേഖരിച്ചത്