യൂസഫ് അറയ്ക്കൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഇന്ത്യയിൽ നിന്നുള്ള ഒരു പ്രശസ്ത ചിത്രകാരനാണ് യൂസഫ് അറക്കൽ(1944 - 4 ഒക്ടോബർ 2016)[1].

ജീവിതരേഖ[തിരുത്തുക]

1944-ൽ, കേരളത്തിലെ തൃശ്ശൂർ ജില്ലയിലെ ഗുരുവായൂരിനടുത്തുള്ള ചാവക്കാട് ആണ് ഇദ്ദേഹം ജനിച്ചത്. രാജകുടുംബമായ അറക്കൽ കുടുംബാംഗമായിരുന്ന മാതാവും വ്യവസായിയായിരുന്ന പിതാവും മരിച്ചതിനെ തുടർന്ന് ബാല്യത്തിൽ തന്നെ ബാംഗ്ലുരിൽ എത്തി. [2] കർണാടക ചിത്ര കലാ പരിഷത്ത് കോളേജ് ഓഫ് ഫൈനാർറ്റട്സിൽ നിന്നു കലാ പരിശീലനം നേടി. ഡൽഹിയിലെ നാഷണൽ അക്കാദമി ഓഫ് കമ്യൂണിറ്റി സ്റ്റുഡിയോയിൽ നിന്ന് ഗ്രാഫ്ക് പ്രിൻറിൽ പരിശീലനം നേടി. ഹിന്ദുസ്ഥാൻ ഏറൊനോട്ടിക്കൽ ലിമിറ്റഡിൽ ജോലി ചെയ്തിരുന്നുവെങ്കിലും 1988 - ൽ ആ ജോലി രാജി വെച്ച് മുഴുവൻ സമയം കലാപ്രവർത്തനങ്ങളിൽ മുഴുകി ബാംഗ്ലുരിലായിരുന്നു സ്ഥിര ജീവിതം. 2016 ഓക്ടോബർ 04 ന് കുന്ദലഹള്ളിയിലെ സ്വവസതിയിൽവെച്ച് ഹൃദയാഘാതത്തെ തുടർന്നായിരുന്നു അന്ത്യം. [3]

ഹൃദയാഘാതത്തെത്തുടർന്ന് 2016 ഒക്ടോബർ 4 ന് അന്തരിച്ചു. [4]

കലാ ജീവിതം[തിരുത്തുക]

ദേശീയവും അന്തർദ്ദേശീയവുമായ ഒട്ടേറെ ചിത്രപ്രദർശനങ്ങളിൽ രചനകൾ പ്രദർശിപ്പിച്ചിട്ടുണ്ട്. ചിത്രങ്ങൾ, പെയ്ൻറിങ്ങുകൾ, മ്യൂറലുകൾ, ശിൽപങ്ങൾ എന്നിങ്ങനെ ചിത്രകലയുടെ വിവിധ മേഖലകളിൽ വ്യക്തിമുദ്ര പതിപ്പിച്ചതിന് പുറമേ ഇതേക്കുറിച്ചുള്ള നിരവധി പുസ്തകങ്ങളും യൂസഫ് അറക്കൽ രചിച്ചിട്ടുണ്ട്.

അവാർഡുകൾ[തിരുത്തുക]

  • ഫ്രാൻസിലെ ലോറെൻസോ ഡി മെഡിസി എന്ന വിഖ്യാത പുരസ്ക്കാരം
  • 2012 - ൽ കേരള സർക്കാരിൻറെ രാജാ രവിവർമ പുരസ്ക്കാരം
  • 2008 - ൽ കേരള ലളിതകലാ അക്കാദമി ഫെലോഷിപ്
  • 2005 - ൽ കർണാടക സർക്കാറിൻെറ വെങ്കിട്ടപ്പ പുരസ്കാരം.
  • 1989 - ൽ കർണാടക ലളിത കലാ അക്കാദമി ഇദ്ദേഹത്തെ ആദരിച്ചു.
  • 1986 - ൽ ധാക്കയിൽ നടന്ന ഏഷ്യൻ ആർട്ട് ബിനാലെയിൽ പ്രത്യേക അവാർഡ്
  • 1981 - ൽ കർണാടക ലളിത കലാ അക്കാദമിയുടെ അവാർഡ്.
  • 1979 - ൽ കർണാടക ലളിത കലാ അക്കാദമിയുടെ അവാർഡ്.

കുടുംബം[തിരുത്തുക]

ഭാര്യ - സാറ

അവലംബം[തിരുത്തുക]

"https://ml.wikipedia.org/w/index.php?title=യൂസഫ്_അറയ്ക്കൽ&oldid=2403854" എന്ന താളിൽനിന്നു ശേഖരിച്ചത്