യു.ആർ. അനന്തമൂർത്തി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(യു. ആർ. അനന്തമൂർത്തി എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
യു.ആർ അനന്തമൂർത്തി
യു.ആർ. അനന്തമൂർത്തി.jpg
ജനനം21 ഡിസംബർ 1932
മെലിഗേ, തീർത്ഥഹള്ളി താലൂക്ക്, ഷിമോഗ ജില്ല, കർണ്ണാടക
മരണംഓഗസ്റ്റ് 22, 2014(2014-08-22) (പ്രായം 81)
ദേശീയതഇന്ത്യ
തൊഴിൽപ്രൊഫസ്സർ, എഴുത്തുകാരൻ
പുരസ്കാര(ങ്ങൾ)ജ്ഞാനപീഠം
രചനാ സങ്കേതംആഖ്യായിക
സ്വാധീനിച്ചവർറാം മനോഹർ ലോഹ്യ
ഗോപാലകൃഷ്ണ അഡിഗ
ശാന്താവെരീ ഗോപാലഗൊവ്ഡ
എം.കെ. ഗാന്ധി

ഉഡുപ്പി രാജഗോപാലാചാര്യ അനന്തമൂർത്തി (കന്നട: ಯು. ಆರ್. ಅನಂತಮೂರ್ತಿ; ജനനം: ഡിസംബർ 21, 1932- ഓഗസ്റ്റ് 22, 2014) എന്ന യു.ആർ. അനന്തമൂർത്തി അറിയപ്പെടുന്ന സാഹിത്യകാരനും, കന്നഡ സാഹിത്യത്തിലെ നവ്യ പ്രസ്ഥാനത്തിന്റെ പ്രമുഖ വക്താവുമാണ്.[1] കന്നടയിൽ നിന്നും ജ്ഞാനപീഠം നേടിയ 7 പേരിൽ ആറാമൻ ആണ് ഇദ്ദേഹം[2].ഇദ്ദേഹത്തിന്‌ പദ്മഭൂഷൺ പുരസ്കാരം ലഭിച്ചിട്ടുണ്ട്. മഹാത്മാഗാന്ധി യൂണിവേഴ്സിറ്റിയിൽ 1980 കളിൽ വൈസ് ചാൻസലർ ആയി പ്രവർത്തിച്ചിരുന്നു. വൃക്ക സംബന്ധമായ അസുഖത്തെത്തുടർന്ന് 2014 ഓഗസ്റ്റ് 22 ന് അന്തരിച്ചു.[3]

ആദ്യകാല ജീവിതം[തിരുത്തുക]

കർണാടകത്തിലെ ഷിമോഗ ജില്ലയിലെ തീർത്ഥഹള്ളി താലൂക്കിലുള്ള മെലിഗെ എന്ന ഗ്രാമത്തിൽ രാജഗോപാലാചാരിയുടെയും സത്യഭാമയുടെയും മകനായി 1932 ഡിസംബർ 21-ന് ജനിച്ചു.[4]ദൂർ‌വസപുര എന്ന സ്ഥലത്തെ സംസ്കൃത വിദ്യാലയത്തിലാണ്‌ ഇദ്ദേഹം പ്രാഥമിക വിദ്യാഭ്യാസം നേടിയത്.അതിനു ശേഷം യൂനിവേഴ്‌സിറ്റി ഓഫ് മൈസൂരിൽ നിന്നും ബിരുദാനന്തര ബിരുദവും,ഇംഗ്ലണ്ടിൽ നിന്നും തുടർ പഠനവും നേടി.യൂനിവേഴ്‌സിറ്റി ഓഫ് ബർമ്മിങ്ഹാമിൽ(University of Birmingham) നിന്നും 1966-ൽ ഇംഗ്ലീഷ് ആന്റ് ലിറ്ററസി ക്രിട്ടിസിസം(English and literary criticism) എന്ന വിഷയത്തിൽ ഡോക്ടറേറ്റ് നേടി[1]. എം.ജി സർവകലാശാലയിൽ വൈസ് ചാൻസലറായി സേവനമനുഷ്ടിച്ചിട്ടുണ്ട്.

'സംസ്‌കാര' എന്ന കൃതിയിലൂടെയാണ് നോവൽ രംഗത്തേക്ക് പ്രവേശിക്കുന്നത്. 1996-ൽ പുറത്തിറങ്ങിയ 'സംസ്‌കാര' അടക്കം അഞ്ച് നോവലുകളും എട്ട് ചെറുകഥാ സമാഹാരങ്ങളും മൂന്ന് കവിതാ സമാഹാരങ്ങളും എഴുതിയിട്ടുണ്ട്. 'ഭാരതിപുര' എന്ന നോവൽ 2012-ലെ ദക്ഷിണേഷ്യൻ സാഹിത്യത്തിനുള്ള ഡി.എസ്.സി. പുരസ്‌കാരത്തിന്റെ ചുരുക്കപ്പട്ടികയിലും 2013-ലെ മാൻ ബുക്കർ പ്രൈസ് പുരസ്കാരത്തിൻറെ ചുരുക്കപ്പട്ടികയിലും ഉൾപ്പെട്ടിരുന്നു.[5]

പുരസ്കാരങ്ങൾ[തിരുത്തുക]

  • 1984: കർണാടക രാജ്യോത്സവ പുരസ്കാരം
  • 1994: ജ്ഞാനപീഠം പുരസ്കാരം പുരസ്കാരം
  • 1995: മാസ്തി പുരസ്കാരം
  • 1998: പദ്മഭൂഷൺ[6]
  • 2008: കന്നഡ സർവ്വകലാശാല നൽകുന്ന നാഡോജ പുരസ്കാരം[7]
  • 2012 ഡി.ലിറ്റ്. കോൽക്കത്ത സർവ്വകലാശാല നൽകുന്ന ഹോണറിസ് കാസ [8]

കൃതികൾ[തിരുത്തുക]

ചെറുകഥാ സമാഹാരങ്ങൾ[തിരുത്തുക]

  • എന്ദെന്ധിഗു മുഗിയാദ കതെ
  • മൗനി
  • പ്രഷ്നെ
  • ക്ലിപ് ജോയിന്റ്
  • ഘാത ശ്രദ്ധ
  • ആകാശ മട്ടു ബേക്കു
  • എറാഡു ദാഷകദ കതെഗാലു
  • ഐദു ദാഷകദ കതെഗാലു

നോവലുകൾ[തിരുത്തുക]

  • സംസ്കാര
  • ഭാരതിപുര
  • അവസ്തെ
  • ഭാവ
  • ദിവ്യ
  • ഭാരതിരത്‌ന

നാടകങ്ങൾ[തിരുത്തുക]

  • അവഹാനെ

കവിതാസമാഹാരങ്ങൾ[തിരുത്തുക]

  • 15 പദ്യഗലു
  • മിഥുന
  • അജ്ജന ഹെഗാല സുക്കുഗാലു

അവലംബം[തിരുത്തുക]

  1. 1.0 1.1 "യു.ആർ.അനന്തമൂർത്തി". ഇന്റർനാഷണൽ ലിറ്ററേച്ചർ ഫെസ്റ്റിവൽ ബെർലിൻ. ഫൗണ്ടേഷൻ ഫോർ ആർട്ട് ആന്റ് പൊളിറ്റിക്സ് ആന്റ് ബെർലിനർ ഫെസ്റ്റിപിൽ, ജർമ്മൻ യുനെസ്കോ കമ്മിറ്റി. ശേഖരിച്ചത് 2007-06-28.
  2. "Jnanapeeth Awards". Ekavi foundation. Ekavi. ശേഖരിച്ചത് 2007-06-28.
  3. "ജ്ഞാനപീഠം ജേതാവ് യു.ആർ.അനന്തമൂർത്തി അന്തരിച്ചു". മാതൃഭൂമി ഓൺലൈൻ. 2014-08-22. ശേഖരിച്ചത് 2014-08-22.
  4. "അനന്തമൂർത്തിക്ക് ഇന്ന് 80 ആം പിറന്നാൾ". മാതൃഭൂമി ഓൺലൈൻ. 2012-12-21. ശേഖരിച്ചത് 2014-08-22.
  5. "മാൻ ബുക്കർ പുരസ്‌കാരം നാളെ; യു.ആർ. അനന്തമൂർത്തി ചുരുക്കപ്പട്ടികയിൽ". മാതൃഭൂമി. 2013-05-21. ശേഖരിച്ചത് 2013-05-21.
  6. "Bharat Ratna given to CS". Online webpage of Indian Express. Indian Express. ശേഖരിച്ചത് 2007-06-29.
  7. "Bellary: 'Nadoja' Awards Announced". Daiji World. 25 December 2008. ശേഖരിച്ചത് 15 December 2010.
  8. "Annual Convocation". University of Calcutta.



"https://ml.wikipedia.org/w/index.php?title=യു.ആർ._അനന്തമൂർത്തി&oldid=3091500" എന്ന താളിൽനിന്ന് ശേഖരിച്ചത്