മർദ്ദിതരുടെ ബോധനശാസ്ത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(മർദിതരുടെ ബോധനശാസ്ത്രം എന്ന താളിൽ നിന്നും തിരിച്ചുവിട്ടതു പ്രകാരം)
മർദ്ദിതരുടെ ബോധനശാസ്ത്രം
Cover
കർത്താവ്Paulo Freire
യഥാർത്ഥ പേര്Pedagogia do Oprimido
പരിഭാഷരാജു അഞ്ചേരി
ഭാഷമലയാളം
വിഷയംവിദ്യാഭ്യാസം
പ്രസിദ്ധീകരിച്ച തിയതി
1968
ആംഗലേയത്തിൽ
 പ്രസിദ്ധീകരിക്കപ്പെട്ടത്
1970
ISBN9780826412768

ബ്രസീലിയൻ വിദ്യാഭ്യാസ പണ്ഡിതനായിരുന്ന പൗലോ ഫ്രെയർ എഴുതിയ കൃതിയാണ് മർദ്ദിതരുടെ ബോധനശാസ്ത്രം എന്നർഥം വരുന്ന Pedagogy of the Oppressed (പോർച്ചുഗീസ്: Pedagogia do Oprimido), അധ്യാപിക/അധ്യാപകൻ, വിദ്യാർഥി,സമൂഹം എന്നീ ബന്ധങ്ങളെ പുതിയ തലത്തിൽ നിർവചിക്കുകയാണ് ഇദ്ദേഹം ഈ കൃതിയിലൂടെ ചെയ്യുന്നത്.1968-ൽ പോർച്ചുഗീസ് ഭാഷയിലാണ് ഇതാദ്യം പ്രസിദ്ധീകരിച്ചത്. മൈറ റമോസ് ആണ് 1970-ൽ ഈ കൃതി ഇംഗ്ലീഷിലേക്ക് വിവർത്തനം ചെയ്തത്.[1] വിമർശനാത്മക ബോധനശാസ്ത്രത്തിന്റെ അടിസ്ഥാന കൃതിയായി ഈ കൃതിയെ പരിഗണിച്ചുവരുന്നു.

അടിച്ചമർത്തപ്പെട്ടവർക്കാണ് ഫ്രെയർ ഈ കൃതി സമർപ്പിക്കുന്നത്. ബ്രസീലിലെ പ്രായമായ ജനങ്ങളെ എഴുതാനും വായിക്കാനും ശ്രമിച്ച അദ്ദേഹത്തിന്റെ അനുഭവത്തിന്റെ വെളിച്ചത്തിലാണ് ഈ കൃതി എഴുതപ്പെടുന്നത്.സാമ്രാജ്യത്വ രാജ്യക്കാരും കോളനികളിലെ ജനങ്ങളും തമ്മിലുള്ള ബന്ധത്തെ വിശദമായ മാർക്സിയൻ ക്ലാസ് അവലോകനത്തിലൂടെയാണ് വീക്ഷിക്കുന്നത്.

പരമ്പരാഗതമായി തുടർന്ന് പോന്നിരുന്ന വിദ്യാഭ്യാസത്തെ " വിദ്യാഭ്യാസത്തിന്റെ ബാങ്കിംഗ് മോഡൽ" എന്നാണ് ഇദ്ദേഹം ഈ കൃതിയിൽ വിശേഷിപ്പിക്കുന്നത്. പഠിതാവായ കുട്ടിയെ അറിവുകളെ നിക്ഷേപിക്കുവാനുള്ള വെറും ഒഴിഞ്ഞ പാത്രമായിട്ടാണ് പരിഗണിക്കുന്നത് എന്നാണ് ഫ്രെയർ നടത്തുന്ന വിമർശനം. പഠിതാക്കളെ അറിവിന്റെ സഹ-നിർമ്മാതാക്കളായി (co-creator of knowledge) പരിഗണിക്കണമെന്നാണ് ഫ്രെയർ വാദിക്കുന്നത്.

ലോക വ്യാപകമായി ഈ കൃതിയുടെ 750,000 കോപ്പികളാണ് വിറ്റഴിഞ്ഞത്.[2]

അവലംബം[തിരുത്തുക]

  1. "About Pedagogy of the Oppressed". Archived from the original on 2011-10-12. Retrieved 2011-06-01.
  2. Publisher's Foreword in Freire, Paulo (2000).

പുറത്തേക്കുള്ള കണ്ണികൾ[തിരുത്തുക]