മോഹനൻ വൈദ്യർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കേരളത്തിലെ ഒരു വ്യാജവൈദ്യനാണ്[1] മോഹനൻ വൈദ്യർ എന്നറിയപ്പെടുന്ന മോഹനൻ നായർ. ഇദ്ദേഹം നടത്തിയ അശാസ്ത്രീയ ചികിത്സ കാരണമുണ്ടായ മരണത്തെത്തുടർന്ന് നരഹത്യയ്ക്ക് ഇദ്ദേഹത്തിനെതിരേ കേസെടുക്കുകയുണ്ടായിട്ടുണ്ട്.[2][3][4] ഇദ്ദേഹത്തിന് ചികിത്സ നടത്താനുള്ള നിയമപരമായ യോഗ്യതയില്ലെങ്കിലും[5] വിവിധ രോഗങ്ങൾക്ക് ചികിത്സ ചെയ്യുന്നുണ്ട് എന്നാണ് പരാതി. [6] താൻ ആരെയും ചികിത്സിക്കാറില്ല എന്നും ആരുടെ കയ്യിൽ നിന്നും ഫീസ് വാങ്ങാറില്ല എന്നുമാണ് മോഹനൻ നായർ അവകാശപ്പെടുന്നത്.[7]

വൈറസുകൾ ഇല്ല, മരണം ഇല്ല, കാൻസർ എന്ന അസുഖമില്ല എന്നിങ്ങനെയുള്ള അശാസ്ത്രീയമായ അവകാശവാദങ്ങൾ പല വേദികളിലും നടത്തുന്നയാളാണ് മോഹനൻ നായർ. പാരമ്പര്യത്തെക്കുറിച്ചും ജനിതക ഘടകങ്ങളെപ്പറ്റിയും അടിസ്ഥാന ധാരണയില്ലാത്ത പ്രസ്താവനകൾ അദ്ദേഹം നടത്തിയിട്ടുണ്ട്.[8]

വിവാദങ്ങൾ[തിരുത്തുക]

  • പ്രൊപിയോണിക് അസിഡീമിയ എന്ന രോഗം ബാധിച്ചിരുന്ന ഒന്നര വയസ്സുണ്ടായിരുന്ന കുട്ടിയെ അശാസ്ത്രീയ ചികിത്സ നൽകി മരണത്തിനിടയാക്കി എന്ന സംഭവത്തിൽ മോഹനൻ നായർക്കെതിരേ മാരാരിക്കുളം പോലീസ് നരഹത്യയ്ക്ക് കേസെടുക്കുകയുണ്ടായി.[2] ഇതേപ്പറ്റി അന്വേഷണം നടത്താൻ ആരോഗ്യവകുപ്പ് മന്ത്രി കെ. കെ. ശൈലജ മുഖ്യമന്ത്രിക്ക് കത്ത് നൽകിയതിനെത്തുടർന്നാണ് നടപടി.[3] [4]
  • അർബുദരോഗബാധിതനായ ഒരാളോട് സ്വയംഭോഗം ചെയ്തതിനാലാണ് രോഗം വന്നത് എന്ന് മോഹനൻ നായർ പറയുകയും ചികിത്സ വൈകിപ്പിക്കാൻ ഇടയാക്കുകയും ചെയ്തിരുന്നു.[9]
  • ട്വന്റിഫോർ എന്ന ചാനലിൽ നടത്തിയ “ജനകീയ കോടതി” എന്ന പരിപാടിക്കിടെ മോഹനൻ നായർക്ക് ബോധം നഷ്ടപ്പെടുന്ന തരത്തിലുള്ള വെള്ളം നൽകി എന്ന് ഇദ്ദേഹം ആരോപണം ഉന്നയിച്ചിരുന്നു. [10] ഇദ്ദേഹം കൊടുത്ത കേസിനെത്തുടർന്ന് പരിപാടിയുടെ രണ്ടാമത്തെ എപ്പിസോഡ് സംപ്രേക്ഷണം ചെയ്യുന്നത് കോടതി സ്റ്റേ ചെയ്യുകയുണ്ടായി.[11]
  • അർബുദബാധിതനായ ഒരു ചെറുപ്പക്കാരന് മോഹനൻ നായർ അശാസ്ത്രീയമായ ചികിത്സ നൽകി മരണത്തിനിടയാക്കി എന്ന ആരോപണമുണ്ടായിരുന്നു.[12]
  • നിപ്പ രോഗത്തെപ്പറ്റി മോഹനൻ നായർ വിവാദ പ്രസ്താവനകൾ നടത്തിയിരുന്നു. ഇങ്ങനെ ഒരു രോഗമില്ല എന്നും ഇത് വവ്വാലുകളിൽ നിന്ന് പകരുകയില്ല എന്നും ഇദ്ദേഹം അവകാശവാദം ഉയർത്തിയിരുന്നു. ഇത്തരം പ്രചരണങ്ങൾ നടത്തിയാൽ കർശന നടപടി നേരിടേണ്ടിവരും എന്ന് ആരോഗ്യമന്ത്രി പ്രസ്താവന നടത്തിയിരുന്നു.[13]

അവലംബം[തിരുത്തുക]

  1. "'എന്നെ വ്യാജ വൈദ്യൻ എന്നു വിളിക്കാൻ ശൈലജ ടീച്ചർക്ക് എന്താണ് യോഗ്യത, എൽഡിഎഫ് എട്ടുനിലയിൽ പൊട്ടിയതിന് കാരണം ശബരിമല'". സമകാലിക മലയാളം. 25 മേയ് 2019. ശേഖരിച്ചത് 4 സെപ്റ്റംബർ 2019.
  2. 2.0 2.1 "ഒന്നര വയസ്സുകാരി മരിച്ച സംഭവം; മോഹനൻ നായർക്കെതിരെ നരഹത്യക്ക് കേസ്". ട്വന്റിഫോർ. 31 ഓഗസ്റ്റ് 2019. ശേഖരിച്ചത് 3 സെപ്റ്റംബർ 2019.
  3. 3.0 3.1 "ഒന്നര വയസുള്ള കുട്ടിയുടെ മരണം: പോലീസ് അന്വേഷണത്തിന് മുഖ്യമന്ത്രിക്ക് കത്ത് നൽകി". 28 ഓഗസ്റ്റ് 2019. ശേഖരിച്ചത് 3 സെപ്റ്റംബർ 2019.
  4. 4.0 4.1 "Alappuzha: Mohanan 'vaidyar' under police len". DECCAN CHRONICLE. ശേഖരിച്ചത് 3 സെപ്റ്റംബർ 2019.
  5. "മോഹനൻ വൈദ്യർക്കെതിരെ കൂടുതൽ പരാതികൾ". 2 സെപ്റ്റംബർ 2019. ശേഖരിച്ചത് 3 സെപ്റ്റംബർ 2019.
  6. "അവകാശവാദങ്ങൾ വ്യാജം': മോഹനൻ നായർക്കെതിരെ കൂടുതൽ പരാതികൾ". ഏഷ്യാനെറ്റ് ന്യൂസ്. 2 സെപ്റ്റംബർ 2019. ശേഖരിച്ചത് 3 സെപ്റ്റംബർ 2019.
  7. "Doctors seek stringent action after infant death post Kerala naturopath's wrong treatment". 25 ഓഗസ്റ്റ് 2019. ശേഖരിച്ചത് 3 സെപ്റ്റംബർ 2019.
  8. മമ്പള്ളിൽ, ദിലീപ് (31 ഡിസംബർ 2015). "മുറിവൈദ്യന്മാരും അന്ധവിശ്വാസക്കുഴിയിലെ മലയാളിയും". മാതൃഭൂമി. ശേഖരിച്ചത് 3 സെപ്റ്റംബർ 2019.
  9. "'സ്വയംഭോഗം ചെയ്തതുകൊണ്ടാണ് ക്യാൻസർ വന്നതെന്ന് മോഹനൻ വൈദ്യൻ'; വൈറലായി യുവാവിന്റെ പോസ്റ്റ്". ടൈംസ് ഓഗ് ഇന്ത്യ. 2 സെപ്റ്റംബർ 2019. ശേഖരിച്ചത് 3 സെപ്റ്റംബർ 2019.
  10. "'മോഹനൻ വൈദ്യർ പങ്കെടുത്ത ജനകീയ കോടതി എപ്പിസോഡ് പുറത്തുവിടരുത്' ; ട്വന്റിഫോറിന് ഭീഷണി". 4 ഓഗസ്റ്റ് 2019. മൂലതാളിൽ നിന്നും 3 സെപ്റ്റംബർ 2019-ന് ആർക്കൈവ് ചെയ്തത്. ശേഖരിച്ചത് 3 സെപ്റ്റംബർ 2019.
  11. "മോഹനൻ വൈദ്യർ പങ്കെടുത്ത 24 ന്യൂസിൻ്റെ 'ജനകീയ കോടതി' പരിപാടിക്ക് സ്റ്റേ". ഫാക്റ്റിൻക്വസ്റ്റ്. മൂലതാളിൽ നിന്നും 3 സെപ്റ്റംബർ 2019-ന് ആർക്കൈവ് ചെയ്തത്. ശേഖരിച്ചത് 3 സെപ്റ്റംബർ 2019.
  12. "റിവിൻ മരിച്ചതല്ല, മോഹനൻ വൈദ്യന്റെ ഇരകൾ ഇനിയുമുണ്ട്; വൈറൽ കുറിപ്പ്". ശേഖരിച്ചത് 3 സെപ്റ്റംബർ 2019.
  13. "ഇമ്മാതിരി പ്രചാരണവുമായി വന്നാൽ കർശന നടപടി, മോഹനൻ വൈദ്യരടക്കമുള്ളവർക്ക് മുന്നറിയിപ്പുമായി ആരോഗ്യമന്ത്രി". കേരള കൌമുദി. ശേഖരിച്ചത് 3 സെപ്റ്റംബർ 2019.
"https://ml.wikipedia.org/w/index.php?title=മോഹനൻ_വൈദ്യർ&oldid=3213325" എന്ന താളിൽനിന്ന് ശേഖരിച്ചത്