മൊബൈൽ ഫോൺ ചലച്ചിത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.

വീഡിയോ റെക്കോർഡ് ചെയ്യാൻ സാധിക്കുന്ന മൊബൈൽ ഫോണിൽ (ക്യാമറ ഫോൺ) ചിത്രീകരിക്കുന്ന ചലച്ചിത്രത്തെയാണ് മൊബൈൽ ഫോൺ ചലച്ചിത്രം എന്ന് പറയുന്നത്. മൊബൈൽ ഫോണിനെ പൊതുവെ സെൽ ഫോൺ എന്നും സ്മാർട്ട് ഫോൺ എന്നും പറയുന്നതിനാൽ ഇത്തരം ചലച്ചിത്രങ്ങളെ സെൽ ഫോൺ ചലച്ചിത്രം എന്നും സ്മാർട്ട് ഫോൺ ചലച്ചിത്രം എന്നും പറയുന്നു[1].

ചരിത്രം[തിരുത്തുക]

ക്യാമറ ഫോണുകളുടെ തുടക്കത്തിൽ, അതിൽ എടുക്കുന്ന വീഡിയോകൾക്ക് ടീവിയിലും സ്ക്രീനിലും മറ്റും ഡിസ്പ്ലേ ചെയ്ത് കാണാൻ തക്ക ഗുണനിലവാരം (പിക്സൽ റെസൊല്യൂഷൻ) ഇല്ലായിരുന്നു. പിന്നീട്, ക്യാമറ ഫോണുകളിലെ പിക്സൽ റെസൊല്യൂഷനിൽ വന്ന വർദ്ധനവ് ഈ ന്യൂനതയും പരിഹരിക്കുന്നതായിരുന്നു. അതിനെത്തുടർന്ന്, ആദ്യകാല ക്യാമറ ഫോണുകൾ ഉപയോഗിച്ചു തന്നെ ലോകത്തിന്റെ പലഭാഗങ്ങളിലും ചലച്ചിത്രപരീക്ഷണങ്ങൾ നടക്കുകയുണ്ടായി.

ലോകത്തിലെ ആദ്യത്തെ മൊബൈൽ ഫോൺ ചലച്ചിത്രം ഏതാണെന്നക്കാര്യത്തിൽ ആധികാരികമായ ഒരു തീരുമാനമോ നിഗമനമോ ഉണ്ടായിട്ടില്ലെങ്കിലും ഇറ്റലിയിൽനിന്നും നെതർലന്റ്സിൽനിന്നും സൗത്ത് ആഫ്രിക്കനിന്നും ഇന്ത്യയിൽനിന്നും ബോസ്നിയയിൽ നിന്നും ഒക്കെ ഫസ്റ്റ് ജനറേഷൻ ക്യാമറ ഫോണുകളിലൂടെ പരീക്ഷിച്ചു വിജയിച്ച ചലച്ചിത്രങ്ങൾ റിപ്പോർട്ട് ചെയ്യപ്പെട്ടിട്ടുണ്ട്.[2][3].

ആഗോളതലത്തിൽ[തിരുത്തുക]

2006 നവംബർ 12ന്, മാർസെല്ലോ മെൻകാരിണി, ബാർബറ സെഗേസ്സി എന്ന രണ്ട് ഇറ്റാലിയൻ സംവിധായകർ, പീയർ പവോലോ പസ്സോളിനിയെക്കുറിച്ച് 1965-ൽ ഇറങ്ങിയ ലവ് മീറ്റിംഗ്സ് എന്ന ഡോക്യുമെന്ററിയെ നോക്കിയ യുടെ എൻ 90 ഫോൺ ഉപയോഗിച്ച് ന്യൂ ലവ് മീറ്റിംഗ്സ് എന്ന പേരിൽ 93 മിനിട്ട്സ് ദൈർഘ്യമുള്ള ഒരു ഡോക്യുമെന്ററിയായി പുനഃരാവിഷ്ക്കരിച്ചു.[2] പിന്നീട്, ഡച്ച് ഭാഷയിൽ, നെതർലന്റ്സിൽ നിന്നും 2007 മെയ് 25ന് സൈറസ് ഫ്രിഷ് പുറത്തിറങ്ങിയ വൈ ഡിഡിന്റ് എനിബഡി ടെൽ മി ഇറ്റ് വുഡ് ബികം ദിസ് ബാഡ് ഇൻ അഫ്ഘാനിസ്ഥാൻ എന്ന 70 മിനിട്ട് ദൈർഘ്യമുള്ള ഡോക്യുമെൻററി ഫീച്ചർ ഫിലിം സാംസങ്ൻറെ ഷാർപ്പ് 902, 903 ഫോണുകളിലും ചിത്രീകരിക്കപ്പെട്ടു. തുടർന്ന്, സൗത്ത് ആഫ്രിക്കയിലെ ആര്യൻ കഗനോഫ് 2008 മാർച്ചിൽ, സോണി എറിക്സ്സൺ ൻറെ W900i സീരീസിലുള്ള എട്ട് ഫോണുകളിലായി 81 മിനിട്ട് ദൈർഘ്യമുള്ള എസ്എംഎസ് ഷുഗർ മാൻ എന്ന ഫിക്ഷൻ ഫീച്ചർ ഫിലിം ഇംഗ്ലീഷ് ഭാഷയിൽ പുറത്തിറക്കി. 2011 ജൂലൈയിൽ, ബോസ്നിയ ഹെർസെഗോവിനയിൽ നിന്നും നെദ്സാദ് ബിഗോവിക് പുറത്തിറങ്ങിയ എ സെൽ ഫോൺ മൂവി എന്ന 62 മിനിട്ട് ദൈർഘ്യമുള്ള ഡോക്യുമെന്ററി എൽജി വ്യൂവ്റ്റി ക്യാമറ ഫോണിൽ ചിത്രീകരിച്ചിരിക്കുന്നു.

ഇന്ത്യയിൽ[തിരുത്തുക]

2008 ജൂലൈ 20ന്, സതീഷ് കളത്തിൽ പുറത്തിറങ്ങിയ, വീണാവാദനം മലയാളം ഡോക്യുമെന്ററി, നോക്കിയയുടെ 2 മെഗാപിക്സൽ റെസൊല്യൂഷൻ ഉള്ള എൻ70 മ്യൂസിക് എഡിഷൻ മൊബൈൽ ഫോണിൽ ചിത്രീകരിച്ചിരിക്കുന്നു. 2010 ജൂൺ 6ന്, സതീഷ്തന്നെ പുറത്തിറങ്ങിയ ജലച്ചായം എന്ന മലയാളം ഫിക്ഷൻ ഫീച്ചർ ഫിലിം നോക്കിയയുടെ 5 മെഗാപിക്സൽ റെസൊല്യൂഷൻ ഉള്ള എൻ95 മൊബൈൽ ഫോണിൽ ചിത്രീകരിച്ചിരിക്കുന്നു. ഈ സിനിമ, കേരള സംസ്ഥാന ചലച്ചിത്ര വികസന കോർപ്പറേഷൻറെ തൃശ്ശൂരിലെ ശ്രീ തിയ്യറ്ററിൽ പ്രദർശിപ്പിക്കുകയുണ്ടായി.[4]

മുഖ്യധാരാ ചലച്ചിത്ര നിർമ്മാണത്തിൽ[തിരുത്തുക]

ക്യാമറ ഫോൺ ഉപയോഗിച്ചുള്ള ചലച്ചിത്ര നിർമ്മാണരംഗത്ത്, ഫസ്റ്റ് ജനറേഷൻ ക്യാമറകളെ അപേക്ഷിച്ചു റെസലൂഷൻ കൂടിയ സ്മാർട്ട് ഫോണുകളുടെ യുഗം ആരംഭിച്ചതോടെ, ഇത്തരം ചലച്ചിത്രനിർമ്മാണങ്ങൾ പരീക്ഷണാത്മകതലത്തിൽ നിന്നും വ്യാവസായിക തലത്തിലേക്കുയർന്നു. അതോടുകൂടി, തിയ്യറ്റർ റിലീസിങ്ങ് സിനിമകളിൽ പോലും പൂർണ്ണമായോ ഭാഗികമായോ ഐഫോൺപോലെയുള്ള സ്മാർട്ട് ഫോണുകളുടെ ഉപയോഗം സാർവ്വത്രികമായി.[3][1] അതോടെ, മൊബൈൽ ഫോണുകൾക്കു വേണ്ടിയുള്ള ട്രൈപ്പോഡ് സ്റ്റാൻഡുകൾ തുടങ്ങിയ സജ്ജീകരണങ്ങളും വിപണിയിലെത്തി.

ചലച്ചിത്രോത്സവങ്ങൾ[തിരുത്തുക]

ഇന്ന്, മൊബൈൽ ഫോൺ ചലച്ചിത്രങ്ങൾ ധാരാളമായി നിർമ്മിക്കപ്പെട്ടുകൊണ്ടിരിക്കുന്നതിനാൽ പലരാജ്യങ്ങളും മുഖ്യധാരാ ചലച്ചിത്രോത്സവങ്ങൾ പോലെ മൊബൈൽ ഫോൺ ചലച്ചിത്രോത്സവങ്ങളും സംഘടിപ്പിച്ചു വരുന്നു. അമേരിക്കയിലെ 'ഇന്റർനാഷണൽ മൊബൈൽ ഫിലിം ഫെസ്റ്റിവൽ'[5], 'ടോറോണ്ടോ സ്മാർട്ട് ഫോൺ ഫിലിം ഫെസ്റ്റിവൽ'[6], 'മൊബൈൽ മോഷൻ ഫിലിം ഫെസ്റ്റിവൽ (എംഓഎംഓ)'[7], 'മൊബൈൽ ഫിലിം ഫെസ്റ്റിവൽ (എംഎഫ്എഫ്)'[8][9]തുടങ്ങിയവ ഇത്തരം ഫെസ്റ്റിവലുകളിൽ ചിലതാണ്.

ഇതും കാണുക[തിരുത്തുക]

അവലംബം[തിരുത്തുക]

  1. 1.0 1.1 "Tamil films shot on iPhone!" (in ഇംഗ്ലീഷ്). Times of India. Archived from the original on 2023-03-06. Retrieved 2023-06-08.{{cite web}}: CS1 maint: bot: original URL status unknown (link)
  2. 2.0 2.1 "Full-length film shot on phone". The Guardian. Retrieved 2006-06-14.
  3. 3.0 3.1 "Full-length film shot on phone". filmi Beat. Retrieved 2008-08-22.
  4. "jalachhayam film". Yola.
  5. "International Mobil Film Festival". Film Free Way.
  6. "Toronto Smartphone Film Festival". Toronto.
  7. "Mobile Motion Film Festival (MOMO)". MOMO Film Fest.
  8. "Mobile Motion Film Festival (MOMO)". MOMO Film Fest.
  9. "Cinema Perpetuum Mobile". Film Fest. Archived from the original on 2018-06-02. Retrieved 2018-05-29.

പുറത്തുനിന്നുള്ള കണ്ണികൾ[തിരുത്തുക]

"https://ml.wikipedia.org/w/index.php?title=മൊബൈൽ_ഫോൺ_ചലച്ചിത്രം&oldid=4013945" എന്ന താളിൽനിന്ന് ശേഖരിച്ചത്