മൈത്രി (2015-ലെ ചലച്ചിത്രം)
| മൈത്രി | |
|---|---|
 ചലച്ചിത്രത്തിന്റെ പോസ്റ്റർ | |
| സംവിധാനം | ബി.എം. ഗിരിരാജ് |
| നിർമ്മാണം | എൻ.എസ്. രാജ്കുമാർ |
| രചന | ബി.എം. ഗിരിരാജ് സംഭാഷണം: സുദാംസു |
| അഭിനേതാക്കൾ | മോഹൻലാൽ പുനീത് രാജ്കുമാർ അർച്ചന അതുൽ കുൽക്കർണി രവി കാലെ ഭാവന ജഗദീഷ് എച്ച്.എം. |
| സംഗീതം | ഇളയരാജ |
| ഛായാഗ്രഹണം | എ.വി. കൃഷ്ണകുമാർ കിരൺ |
| ചിത്രസംയോജനം | കെ.എം. പ്രകാശ് സാഗർ |
| സ്റ്റുഡിയോ | ഓംകാർ മൂവീസ് |
| വിതരണം | കിഷോർ ഫിലിംസ് |
| റിലീസിങ് തീയതി |
12 ജൂൺ 2015 |
| രാജ്യം |  ഇന്ത്യ |
| ഭാഷ | കന്നഡ മലയാളം |
| സമയദൈർഘ്യം | 137 മിനിറ്റ് |
ബി.എം. ഗിരിരാജ് തിരക്കഥയെഴുതി സംവിധാനം ചെയ്ത് 2015-ൽ പുറത്തിറങ്ങിയ കന്നഡ ചലച്ചിത്രമാണ് മൈത്രി (കന്നഡ : ಮೈತ್ರಿ).[1] ഓംകാർ മൂവീസിന്റെ ബാനറിൽ എൻ.എസ്. രാജ്കുമാർ നിർമ്മിച്ച ഈ ചിത്രം മൈ ഹീറോ മൈത്രി എന്ന പേരിൽ മലയാളത്തിലും പുറത്തിറക്കിയിരുന്നു. പേര് സൂചിപ്പിക്കുന്നതു പോലെ ഒരു സൗഹൃദത്തിന്റെ കഥയാണ് ചിത്രം പറയുന്നത്.[2]
സ്ലംഡോഗ് മില്യണേർ എന്ന ചിത്രത്തിലേതുപോലെ ഒരു പ്രശ്നോത്തരി മത്സരമാണ് ഈ ചിത്രത്തിന്റെ കഥാപശ്ചാത്തലം. 'കോടിപതി ജൂനിയർ' എന്ന പ്രശ്നോത്തരി മത്സരത്തിൽ പങ്കെടുക്കുവാൻ ജുവനൈൽ ഹോമിൽ നിന്നെത്തുന്ന സിദ്ധാർത്ഥൻ എന്ന കുട്ടിയിലൂടെയാണ് ചിത്രത്തിന്റെ കഥ പുരോഗമിക്കുന്നത്. സിദ്ധാർത്ഥൻ ഈ മത്സരത്തിലെ ചോദ്യങ്ങൾക്കെല്ലാം ശരിയുത്തരം നൽകുന്നു. മത്സരത്തിനിടയിൽ വച്ച് സിദ്ധാർത്ഥൻ ഒരു കൊലപാതകിയാണെന്നു വെളിപ്പെടുന്നതും അതേത്തുടർന്നുണ്ടാകുന്ന സംഭവവികാസങ്ങളുമാണ് ചിത്രത്തിന്റെ ഇതിവൃത്തം.[3]
മോഹൻലാൽ, പുനീത് രാജ്കുമാർ എന്നിവർ കേന്ദ്രകഥാപാത്രങ്ങളായി എത്തുന്ന ചിത്രത്തിൽ അർച്ചന, അതുൽ കുൽക്കർണി, ഭാവന എന്നിവരും അഭിനയിച്ചിരിക്കുന്നു.[4][5] മോഹൻലാൽ അഭിനയിക്കുന്ന രണ്ടാമത്തെ കന്നഡ ചലച്ചിത്രമാണ് മൈത്രി.[6] ഈ ചിത്രത്തിൽ ഡി.ആർ.ഡി.ഓ. ശാസ്ത്രജ്ഞനായ മഹാദേവ് ഗോഡ്കേ (മലയാളത്തിൽ മഹാദേവ മേനോൻ) എന്ന കഥാപാത്രത്തെയാണ് മോഹൻലാൽ അവതരിപ്പിക്കുന്നത്.
എച്ച്.എസ്. വെങ്കടേഷ മൂർത്തിയും ബരഗുരു രാമചന്ദ്രപ്പയും രചിച്ച ഗാനങ്ങൾക്ക് ഇളയരാജ സംഗീതം നൽകിയിരിക്കുന്നു. 2015 ഫെബ്രുവരി 20-ന് പ്രദർശനത്തിനെത്തിയ ചിത്രം മികച്ച അഭിപ്രായം നേടിയിരുന്നു.[7][8] 2015 ജൂൺ 12-ന് പുറത്തിറങ്ങിയ ചിത്രത്തിന്റെ മലയാളം പതിപ്പിൽ 'കാള പ്രതാപൻ' എന്ന വില്ലൻ കഥാപാത്രത്തെ അവതരിപ്പിച്ചത് കലാഭവൻ മണിയായിരുന്നു.
അഭിനേതാക്കൾ[തിരുത്തുക]
കന്നഡ:
- മോഹൻലാൽ - മഹാദേവ് ഗോഡ്കേ
- പുനീത് രാജ്കുമാർ - തന്നെത്താൻ
- അതുൽ കുൽക്കർണി - രവി പ്രകാശ്
- ആദിത്യ - സിദ്ധരാമ
- ജഗദീഷ് എച്ച്.എം. - ജോൺസൺ
- അർച്ചന - മഹാദേവിന്റെ ഭാര്യ
- ഭാവന - അതിഥി താരം
- രവി കാലെ - ഗൂലി പ്രതാപ്
- സാധു കോകില
മലയാളം:
- മോഹൻലാൽ - മഹാദേവ് മേനോൻ
- ആദിത്യ - സിദ്ധ മേനോൻ
- കലാഭവൻ മണി - കാളപ്രതാപൻ
- അനു ജോസഫ്
- സജിത ബേട്ടി
ബോക്സ് ഓഫീസ്[തിരുത്തുക]
കർണാടകയിലെ 250 തീയറ്ററുകളിലാണ് ചിത്രം പ്രദർശനത്തിനെത്തിയത്. കർണാടകയിൽ നിന്ന് ആദ്യ ദിവസം 1.75 കോടി രൂപ സ്വന്തമാക്കിയ ചിത്രം സംസ്ഥാനത്ത് 150 ദിവസം പ്രദർശിപ്പിച്ചിരുന്നു.[9][10][11][12]
പുരസ്കാരങ്ങൾ[തിരുത്തുക]
- കർണാടക സംസ്ഥാന ചലച്ചിത്ര പുരസ്കാരം 2015
- മികച്ച മൂന്നാമത്തെ ചലച്ചിത്രം.[13]
അവലംബം[തിരുത്തുക]
- ↑ "Mohanlal wraps up Puneeth's Mythri". The Times of India. 1970-01-01. ശേഖരിച്ചത് 2013-07-09.
- ↑ Muralidhara Khajane (2013-05-30). "Namaskaram to namaskara". The Hindu. ശേഖരിച്ചത് 2013-07-09.
- ↑ "മൈത്രി തീയറ്ററുകളിലേക്ക്". സിനി ഡയറി. മൂലതാളിൽ നിന്നും 2018-01-23-ന് ആർക്കൈവ് ചെയ്തത്. ശേഖരിച്ചത് 2018-01-23.
- ↑ "ആർക്കൈവ് പകർപ്പ്". മൂലതാളിൽ നിന്നും 2013-04-22-ന് ആർക്കൈവ് ചെയ്തത്. ശേഖരിച്ചത് 2018-01-22.
- ↑ Prathibha Joy (19 February 2015). "Puneeth, Mohanlalm Atul share the screen". The Times of India.
- ↑ "മോഹന്ലാലും പുനീതും ഒന്നിച്ച് മൈത്രി; ആവേശത്തോടെ ആരാധകർ". മാതൃഭൂമി ദിനപത്രം. 2015-02-25. മൂലതാളിൽ നിന്നും 2018-01-23-ന് ആർക്കൈവ് ചെയ്തത്. ശേഖരിച്ചത് 2018-01-23.
- ↑ Shekhar H. Hooli (20 February 2015). "'Mythri' Movie Viewers and Critics Review: Live Update". International Business Times. ശേഖരിച്ചത് 20 February 2015.
- ↑ "'Mythri' Movie Review and Critics Review, Box Office Collection". മൂലതാളിൽ നിന്നും 2015-02-20-ന് ആർക്കൈവ് ചെയ്തത്. ശേഖരിച്ചത് 20 February 2015.
- ↑ Shekhar H. Hooli (21 February 2015). "Puneeth Rajkumar's 'Mythri', 'Benkipatna' First Day Collection at Box Office". International Business Times. ശേഖരിച്ചത് 21 February 2015.
- ↑ Upadhyaya, Prakash (25 February 2015). "Will Superstar Nagarjuna Agree to Feature in Telugu Remake of Puneet Rajkumar-Mohanlal's 'Mythri'?". International Business Times. ശേഖരിച്ചത് 12 September 2016.
- ↑ "'Mythri' going Good". Indiaglitz.com. 27 February 2015.
- ↑ Sharadhaa, A (16 April 2015). "'Mythri' To Be Released as 'My Hero Mythri'". The New Indian Express. ശേഖരിച്ചത് 12 September 2016.
- ↑ Prakash Upadhyaya (19 May 2016). "'Thithi,' Puneeth Rajkumar, Mohanlal's 'Mythri' win Karnataka State Awards". International Business Times (ഭാഷ: ഇംഗ്ലീഷ്). ശേഖരിച്ചത് 19 May 2016.