മുഹമ്മദ് ഇസ്മായിൽ

ഇംഗ്ലീഷ് വിലാസം

https://ml.wikipedia.org/wiki/Muhammad_Ismail

"Quaid-e-Millat" Muhammad Ismail
Member of the Madras State Legislative Assembly
ഓഫീസിൽ 1946–1952
Member of the Indian Constituent Assembly
ഓഫീസിൽ 1946–1952
Member of the Rajya Sabha
ഓഫീസിൽ 1952–1958
Member of the Lok Sabha
ഓഫീസിൽ 1962–1972
മണ്ഡലം	Manjeri
വ്യക്തിഗത വിവരങ്ങൾ
ജനനം	5 June 1896 Tirunelveli, Tamil Nadu
മരണം	5 April 1972 Chennai
അന്ത്യവിശ്രമം	Indian baranagadanayil ellamathavum rashtreeya partikalum roopikarikkanum pravarthikkanum ulla avakasham
രാഷ്ട്രീയ കക്ഷി	Muslim League (till 1947) Indian Union Muslim League
പങ്കാളികൾ	Jamal Hameeda Bi
കുട്ടികൾ	Jamal Miakhan (son)
മാതാപിതാക്കൾ	Indian baranagadanayil ellamathavum rashtreeya partikalum roopikarikkanum pravarthikkanum ulla avakasham
വസതിs	Chennai

ഇന്ത്യൻ യൂനിയൻ മുസ്ലിംലീഗിന്റെ പ്രഥമ അദ്ധ്യക്ഷനും ഇന്ത്യൻ ഭണഘടനക്ക് രൂപം നൽകിയ ഇന്ത്യൻ കോൺസ്റ്റിറ്റ്യുവെന്റ് അസംബ്ലി അംഗവുമായിരുന്നു മുഹമ്മദ് ഇസ്മയിൽ. ഖാഇദെ മില്ലത്ത് മുഹമ്മദ് ഇസ്മയിൽ സാഹിബ് എന്ന പേരിൽ സുപരിചതൻ. തമിഴ്നാട് നിയമസഭ, രാജ്യസഭ, ലോകസഭ എന്നിവയിലും അംഗമായിട്ടുണ്ട്. ജന്മനാടായ തമിഴ്നാട്ടിലും കേരളത്തിലും ഖാഇദെ മില്ലത്ത് (രാഷ്ട്രത്തിന്റെ നേതാവ്) എന്നപേരിൽ പ്രസിദ്ധനായി.

ആദ്യകാലം

തമിഴ്നാട്ടിലെ തിരുനൽവേലിയിൽ 1896 ജൂൺ 5 ന് മൗലവി കെ.ടി. മയ്ഖാൻ റാവുത്തറിന്റ മകനായി ജനനം. തിർനൽവേലിയിലെ സി.എം.എസ് കോളേജ് എം.ഡി.ടി ഹിന്ദു കോളേജ് ട്രിച്ചിയിലെ സെന്റ് ജോസഫ് കോളേജ്, മദ്രാസ് ക്രിസ്ത്യൻ കോളേജ് എന്നിവിടങ്ങളിൽ നിന്നായി വിദ്യാഭ്യാസം പൂർത്തിയാക്കി. 1923 ൽ ജമാൽ ഹമീദ ബിയെ വിവാഹം ചെയ്തു. ഒരു രാഷ്ട്രീയക്കാരനെന്നതോടൊപ്പം നല്ലൊരു വ്യാപാരികൂടിയായിരുന്നു ഇസ്മയിൽ സാഹിബ്.

രാഷ്ട്രീയ ജീവിതം

യംഗ് മുസ്ലിം സൊസൈറ്റി എന്നൊരു സംഘടനക്ക് തിരുനൽവേലി പേട്ടയിൽ 1909 ൽ ഇസ്മയിൽ സാഹിബ് തുടക്കമിട്ടു. 1918 ൽ സ്ഥാപിതമായ മജ്ലിസുൽ ഉലമ (ഇസ്ലാമിക പണ്ഡിതരുടെ കൗൺസിൽ) സ്ഥാപിക്കുന്നതിലു ഇസ്മയിൽ സാഹിബ് പങ്കുവഹിച്ചു.അദ്ദേഹം മുസ്ലീം ലീഗിൽ അംഗമായി അതിന്റെ റാങ്കുകളിലൂടെ ഉയർന്നു.1945 ൽ അദ്ദേഹം മുസ്ലിം ലീഗിന്റെ മദ്രാസ് പ്രസിഡൻസി യൂണിറ്റിന്റെ പ്രസിഡന്റായി.1946-ലെ നിയമസഭാ തെരഞ്ഞെടുപ്പിൽ മദ്രാസ് സ്റ്റേറ്റ് മുസ്ലീം ലീഗിന് നേതൃത്വം നൽകി. ആ തിരഞ്ഞെടുപ്പിൽ ലീഗ് 28 സീറ്റ് നേടി (പ്രസിഡൻസിയിൽ മുസ്ലീങ്ങൾക്കായി സംവരണം ചെയ്ത എല്ലാ സീറ്റുകളും).ഇന്ത്യൻ നാഷണൽ കോൺഗ്രസിന് ശേഷം നിയമസഭയിലെ രണ്ടാമത്തെ വലിയ പാർട്ടിയായി ലീഗ് ഉയർന്നുവന്നു.1946-52 കാലഘട്ടത്തിൽ നിയമസഭയിൽ പ്രതിപക്ഷത്തിന്റെ നേതാവായി ഇസ്മായിൽ മാറി. ഇന്ത്യൻ ഭരണഘടനാ സമിതിയിൽ അംഗങ്ങളായുള്ള പ്രവിശ്യാ സമ്മേളനങ്ങൾ സ്വതന്ത്ര ഇന്ത്യയുടെ ആദ്യ പാർലമെൻറ് ആയി ഇരട്ടിയാക്കിയപ്പോൾ, മദ്രാസ് പ്രസിഡൻസിയിൽ നിന്നുള്ള ഭരണഘടനാസമിതിയിലേക്ക് ഇസ്മായിൽ സാഹിബ് തെരഞ്ഞെടുക്കപ്പെട്ടു.

1947 ആഗസ്റ്റിൽ ഇന്ത്യ വിഭജനം സംഭവിച്ചപ്പോൾ മുസ്ലീം ലീഗ് ഇന്ത്യയിലെയും പാകിസ്താനിലെയും വിഭാഗങ്ങളായി വിഭജിച്ചു. ലീഗിലെ ഇൻഡ്യൻ അംഗങ്ങൾ പാകിസ്താനിലേക്ക് കുടിയേറിയില്ലെങ്കിലും ഇൻഡ്യൻ യൂണിയൻ മുസ്ലീം ലീഗ് (ഐയുഎംഎൽ) രൂപീകരിച്ചു. ഇസ്മായിൽ സാഹിബ് അതിന്റെ ആദ്യത്തെ പ്രസിഡന്റായി.1952-ൽ രാജ്യസഭയിലേക്ക് തിരഞ്ഞെടുക്കപ്പെട്ട ഇസ്മായിൽ സാഹിബ്1958 വരെ അംഗമായി തുടർന്നു.മഞ്ചേരി പാർലമെൻററി മണ്ഡലത്തിൽനിന്ന് 1962, 1967,1971കാലഘട്ടത്തിൽ ലീഗിനെ പ്രതിനിധീകരിച്ചു ലോക്സഭയിലേക്ക് തിരഞ്ഞെടുക്കപ്പെട്ടു .

പാർലമെന്റിൽ ആദ്യമായി നാഷണൽ ഡിഫൻസ് ഫണ്ടിനു വേണ്ടി ശബ്ദം ഉയർത്തിയത് ഇസ്മായിൽ സാഹിബാണ്.തമിഴ് ഭാഷയുടെ സമ്പന്നമായ ചരിത്രവും സാഹിത്യവും കാരണം തമിഴ് ഒരു സാധാരണ ഭാഷയായി ഭരണഘടന അസംബ്ലിയിൽ പ്രസ്താവിക്കുന്ന ആദ്യത്തെ നേതാവായിരുന്നു ഇദ്ദേഹം.രാജ്യസഭയിൽ ആയിരുന്നപ്പോൾ ഇന്ത്യൻ മുസ്ലിംകൾക്കായി ശരിയ നിയമത്തെ നിലനിർത്തി അദ്ദേഹം പിന്തുണച്ചു.1956 ൽ സംസ്ഥാന പുനഃസംഘടന ആക്റ്റ് പ്രകാരം കേരള സംസ്ഥാന രൂപീകരണം നടന്നപ്പോൾ ഇസ്മായിൽ സാഹിബ്കേരള രാഷ്ട്രീയത്തിലേക്ക് മാറി.തന്റെ രാഷ്ട്രീയ കാഴ്ചപ്പാടുകളിൽ ഉറച്ചുനിൽക്കുമ്പോഴും മറ്റുള്ളവരെ വാക്കാലോ പ്രവർത്തിയാലോ ഒരിക്കലും മുറിവേൽപ്പിച്ചിട്ടില്ല എന്നുള്ളത് അദ്ദേഹത്തിന്റെ മഹനീയഗുണങ്ങളിൽ ഒന്നാണ് .ധാർമ്മിക മൂല്യങ്ങളോടുള്ള അദ്ദേഹത്തിന്റെ ഉയർന്ന സത്യസന്ധതയും അനുസരണയും അദ്ദേഹത്തെ തമിഴ് നാട്ടിലെ എല്ലാ സമുദായ അംഗങ്ങളിൽ നിന്നും ആദരവ് അർഹിക്കുന്ന 'Ganniyathirkuriya' എന്ന പദവി നേടി.തമിഴ്നാട്ടിലെ മുൻ മുഖ്യമന്ത്രി എം. ഭക്തവളത്സലം പ്രതിപക്ഷ നേതാക്കൾക്ക് മാതൃകയാക്കിയത് ഇസ്മായിൽ സാഹിബിനെയായിരുന്നു.ഇന്ത്യൻ ഭരണഘടന രൂപീകരിക്കുന്നതിൽ ബി. ആർ. അംബേദ്കർ, വല്ലഭായി പട്ടേൽ, തുടങ്ങിയവർക്കൊപ്പം ഇസ്മായിൽ സാഹിബ് പ്രവർത്തിച്ചു.

ചൈനയും പാകിസ്താനും ഇന്ത്യയെ ആക്രമിച്ചപ്പോൾ തന്റെ രാജ്യത്തെ സംരക്ഷിക്കാൻ വേണ്ടി ഏകമകൻ ജെ.എം.മിയാ ഖാനെ സൈന്യത്തിന് വേണ്ടി വാഗ്ദാനം ചെയ്തു കൊണ്ട് ഇന്ത്യൻ മുസ്ലീങ്ങളുടെ ദേശസ്നേഹം അദ്ദേഹം സമൂഹത്തിൽ ഉയർത്തിക്കാട്ടി .പാർലമെൻറിൽ അദ്ദേഹത്തിൻറെ പ്രസംഗം അദ്ദേഹത്തിന്റെ ദേശസ്നേഹം, ദേശസ്നേഹത്തിന്റെ അചഞ്ചലമായ വിശ്വാസം, ദേശത്തിന്റെ അന്തസ്സിനെ കാത്തുസൂക്ഷിക്കുന്നതിനുള്ള ആഴമായ ഉത്കണ്ഠ, മതസൗഹാർദ്ദത്തിലുള്ള അനിയന്ത്രിതമായ വിശ്വസ്തത എന്നിവ വെളിപ്പെടുത്തുന്നതായിരുന്നു .സ്വാതന്ത്ര്യത്തിന്റെ കാലത്ത് അദ്ദേഹത്തിന്റെ സാന്നിദ്ധ്യവും പൊതു പ്രവർത്തനങ്ങളിലെ സജീവമായ പങ്കാളിത്തവും ദക്ഷിണേന്ത്യയിൽ വർഗീയ സൗഹാർദം നിലനിർത്തുന്നതിൽ പ്രധാന പങ്കുവഹിച്ചു.മദ്രാസിലെ അന്നത്തെ ഗവർണ്ണർമാർ ആയിരുന്ന Sir Archibold Nye , Dr Prakasam,മറ്റു പ്രമുഖരും ഇന്ത്യയുടെ തെക്കൻ ഭാഗങ്ങളിൽ സമാധാനവും വർഗീയ സൗഹാർദവും നിലനിർത്തുന്നതിൽ ഇസ്മയിൽ ബിസാഹിനെ പ്രകീർത്തിച്ചിരുന്നു .

മരണം

ഇസ്മയിൽ സാഹിബ് 1972 ൽ മരണമടഞ്ഞു. അദ്ദേഹത്തോടുള്ള ബഹുമാന സൂചകമായി തമിഴ്നാട്ടിലെ നാഗപട്ടണത്തെ ""Nagai Quaid -E- Millet"" എന്ന് പുനർനാമകരണം ചെയ്തിരുന്നു .(പിന്നീട് 1997 ൽ ജില്ലകളുടെയും ട്രാൻസ്പോർട്ട് കോർപ്പറുകളുടെയും പേരുകളിൽ നിന്ന് എല്ലാ പേരുകളും ഉപേക്ഷിക്കപ്പെട്ടപ്പോൾ അദ്ദേഹത്തിന്റെ പേരും നീക്കം ചെയ്തു).2003 ൽ തമിഴ്നാട് സർക്കാർ ഇസ്മയിൽ സ്മാരക ഹാൾ നിർമ്മിച്ചു.Quaid-e-Millath Government College for Women-Chennai and Quaid-e-Milleth College- Medavakkam തുടങ്ങി ഒരുപാട് കോളേജുകൾ അദ്ദേഹത്തിന്റെ പേരിൽ സ്ഥാപിക്കപ്പെട്ടിട്ടുണ്ട് .