മീര കുമാർ
മീര കുമാർ | |
|---|---|
 | |
| ലോക്‌സഭാ സ്പീക്കർ | |
പദവിയിൽ | |
| പദവിയിൽ വന്നത് ജൂൺ 3, 2009 | |
| മുൻഗാമി | സോംനാഥ് ചാറ്റർജി |
| പിൻഗാമി | സുമിത്ര മഹാജൻ |
| മണ്ഡലം | സസാറാം, ബിഹാർ |
| ലോക്‌സഭാംഗം | |
പദവിയിൽ | |
| പദവിയിൽ വന്നത് 2004 | |
| വ്യക്തിഗത വിവരണം | |
| ജനനം | 31 മാർച്ച് 1945 പാറ്റ്ന, ബിഹാർ |
| രാഷ്ട്രീയ പാർട്ടി | ഇന്ത്യൻ നാഷണൽ കോൺഗ്രസ് |
| പങ്കാളി | മഞ്ജുൾ കുമാർ |
| മക്കൾ | 1 മകൻ, 2 പെൺമക്കൾ |
| വസതി | ന്യൂ ഡെൽഹി |
| As of ജൂൺ 3, 2009 ഉറവിടം: [1] | |
ഇന്ത്യയിലെ പതിനഞ്ചാം ലോക്‌സഭയിലെ സ്പീക്കറാണ് മീര കുമാർ (ജനനം: മാർച്ച് 31, 1945). ഇന്ത്യൻ പാർലമെന്റ് ചരിത്രത്തിൽ ആദ്യത്തെ വനിതാ സ്പീക്കറാണ് ഈ ദളിത് വനിത.[1]
ജീവിതരേഖ[തിരുത്തുക]
മുൻ ഉപപ്രധാനമന്ത്രിയും പ്രമുഖ ദലിത് നേതാവുമായിരുന്നു ബാബു ജഗ്ജീവൻ റാമിന്റെയും സ്വാതന്ത്ര്യസമരസേനാനി ഇന്ദ്രാണി ദേവിയുടെയും മകളായി 1945 മാർച്ച് 31-ന് പാറ്റ്നയിലാണ് മീര കുമാർ ജനിച്ചത്. ഡെൽഹി സർവകലാശാലയിൽനിന്ന് എം.എ., എൽ.എൽ.ബി ബിരുദങ്ങൾ കരസ്ഥമാക്കി.[2]
1973-ൽ ഇന്ത്യൻ ഫോറിൻ സർവീസിൽ ചേർന്ന ഇവർ സ്പെയിൻ, യുണൈറ്റഡ് കിങ്ഡം, മൗറീഷ്യസ് എന്നീ എംബസികളിൽ സേവനമനുഷ്ഠിച്ചിട്ടുണ്ട്. ഇന്തോ-മൗറീഷ്യസ് ജോയിന്റ് കമ്മീഷനിലും അംഗമായിരുന്നു. 1976-77 കാലഘട്ടത്തിൽ മാഡ്രിഡിലെ ഇന്ത്യൻ എംബസിയിലും 1977-79 കാലഘട്ടത്തിൽ ലണ്ടനിലെ ഹൈക്കമ്മീഷനിലും ജോലിനോക്കി. 1980 മുതൽ 85 വരെ വിദേശകാര്യമന്ത്രാലയത്തിൽ കൺസൾട്ടേറ്റീവ് കമ്മിറ്റി അംഗമായിരുന്നു.[2]
1968 നവംബർ 29-ന് സുപ്രീം കോടതി അഭിഭാഷകനായ മഞ്ജുൾ കുമാറിനെ വിവാഹം കഴിച്ചു. അൻഷുൽ, സ്വാതി, ദേവാംഗന എന്നിവർ മക്കളാണ്.
രാഷ്ട്രീയജീവിതം[തിരുത്തുക]
വിദേശമന്ത്രാലയത്തിലെ സേവനത്തിനുശേഷം ഇവർ ഇന്ത്യൻ നാഷണൽ കോൺഗ്രസ്സിൽ ചേർന്നു. 1990-92, 1996-99 കാലയളവുകളിൽ എ.ഐ.സി.സി. ജനറൽ സെക്രട്ടറിയും 1990-2000, 2002-04 കാലയളവുകളിൽ കോൺഗ്രസ് വർക്കിംഗ് കമ്മിറ്റി അംഗമായും പ്രവർത്തിച്ചു.[2]
1985-ൽ ബിഹാറിലെ ബിജ്നോറിൽ നിന്ന് എട്ടാം ലോക്‌സഭയിലേക്ക് ആദ്യമായി തിരഞ്ഞെടുക്കപ്പെട്ടു. പിന്നീട് 1996-ൽ പതിനൊന്നാം ലോക്‌സഭയിലും 1998-ൽ പന്ത്രണ്ടാം ലോക്‌സഭയിലും ഡെൽഹിയിലെ കരോൾ ബാഗ് മണ്ഡലത്തെ പ്രതിനിധീകരിച്ചു. 1999-ലെ പതിമൂന്നാം ലോക്‌സഭാ തിരഞ്ഞെടുപ്പിൽ ബിഹാറിലെ സസാറാം മണ്ഡലത്തിൽ മത്സരിച്ചെങ്കിലും പരാജയപ്പെട്ടു. എന്നാൽ 2004-ൽ പതിനാലാം ലോക്‌സഭയിലും 2009-ൽ പതിനഞ്ചാം ലോക്‌സഭയിലും ഇതേ മണ്ഡലത്തിൽനിന്നുതന്നെ വിജയിച്ച് അംഗമായി.[2][3]
1996-98 കാലയളവിൽ പബ്ലിക് അക്കൌണ്ട്സ് കമ്മിറ്റി അംഗം, ഹോം അഫയേഴ്സ് കമ്മിറ്റി അംഗം, സ്ത്രീശാക്തീകരണത്തിനുള്ള സമിതി അംഗം എന്നീ നിലകളിൽ പ്രവർത്തിച്ചു. 1998 മുതൽ 99 വരെ ഭക്ഷ്യ-ഉപഭോക്തൃകാര്യ സമിതി, പരിസ്ഥി-വന സമിതി അംഗം എന്നീ നിലകളിലും പ്രവർത്തിച്ചിട്ടുണ്ട്.[2][4]
മന്ത്രിപദവിയിൽ[തിരുത്തുക]
2004 മുതൽ മൻമോഹൻ സിങ്ങിന്റെ നേതൃത്വത്തിലുള്ള കേന്ദ്രസർക്കാരിൽ സാമൂഹ്യനീതിന്യായ വകുപ്പിൽ സഹമന്ത്രിയായിരുന്നു.[2] 2009-ലെ മൻമോഹൻ സിങ് സർക്കാരിൽ ജലവിഭവമന്ത്രിയായി നിയമിതയായെങ്കിലും സ്പീക്കർ സ്ഥാനത്തേക്ക് പരിഗണിക്കപ്പെട്ടതിനെത്തുടർന്ന് 2009 മേയ് 31-ന് മന്ത്രിസഭയിൽനിന്ന് രാജിവെച്ചു.[5]
അവലംബം[തിരുത്തുക]
- ↑ "India gets its first woman Speaker in Meira Kumar" (ഭാഷ: ഇംഗ്ലീഷ്). IBNLive. ജൂൺ 3, 2009. ശേഖരിച്ചത് ജൂൺ 3, 2009.
- ↑ 2.0 2.1 2.2 2.3 2.4 2.5 "Fifteenth Lok Sabha Members Bioprofile" (ഭാഷ: ഇംഗ്ലീഷ്). Loksabha. ശേഖരിച്ചത് ജൂൺ 3, 2009.
- ↑ "Meira Kumar's brief profile" (ഭാഷ: ഇംഗ്ലീഷ്). മേയ് 30, 2009. ശേഖരിച്ചത് ജൂൺ 11, 2009.
- ↑ http://www.manoramaonline.com/news/latest-news/2017/07/17/Presidential-election-today-ram-nath-kovind-meira-kumar.html
- ↑ "Meira meets Sonia, set to become LS Speaker, SG calls on her" (ഭാഷ: ഇംഗ്ലീഷ്). Indopia. മേയ് 31, 2009. ശേഖരിച്ചത് ജൂൺ 1, 2009.
പുറത്തേക്കുള്ള കണ്ണികൾ[തിരുത്തുക]
- ലോക്‌സഭാ സ്പീക്കർമാർ
- 1945-ൽ ജനിച്ചവർ
- മാർച്ച് 31-ന് ജനിച്ചവർ
- ഇന്ത്യൻ നാഷണൽ കോൺഗ്രസ് പ്രവർത്തകർ
- പതിനഞ്ചാം ലോക്‌സഭയിലെ അംഗങ്ങൾ
- പതിനാലാം ലോക്‌സഭയിലെ അംഗങ്ങൾ
- എട്ടാം ലോക്‌സഭയിലെ അംഗങ്ങൾ
- പതിനൊന്നാം ലോക്‌സഭയിലെ അംഗങ്ങൾ
- പന്ത്രണ്ടാം ലോക്‌സഭയിലെ അംഗങ്ങൾ
- മുൻ കേന്ദ്രമന്ത്രിമാർ
- ഇന്ത്യയിലെ വനിതാ രാഷ്ട്രീയപ്രവർത്തകർ
- ജീവിച്ചിരിക്കുന്ന പ്രമുഖർ
- ദലിത് രാഷ്ട്രീയനേതാക്കൾ