മിറിയം ഡിഫെൻസർ സാന്തിയാഗോ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
മിറിയം ഡിഫെൻസർ സാന്തിയാഗോ

ഫിനിപ്പീൻസിലെ ഒരു പൊതുപ്രവർത്തകയും, അഭിഭാഷകയുമാണ് മിറിയം ഡെഫെൻസർ സാന്തിയാഗോ(ജനനം: 15 ജൂൺ 1945). ഫിലിപ്പീൻ സർക്കാരിൽ, നീതിന്യായും, നിയനിർമ്മാണം, ഭരണം (Judiciary, Legislature and Executive) എന്നീ മൂന്നു മേഖലകളിലും അവർ പ്രവർത്തിച്ചിട്ടുണ്ട്. 1997-ൽ ഓസ്ത്രേലിയൻ മാസിക സാന്തിയാഗോയെ ലോകത്തിലെ ഏറ്റവും സ്വാധീനമുള്ള 100 വനിതകളിൽ ഒരാളായി എടുത്തുപറഞ്ഞു. പ്രമുഖ അഭിഭാഷകയായ സാന്തിയാഗോ 2012-ൽ അന്തരാഷ്ട്ര ക്രിമിനൽ കോടതിയിലെ ന്യായാധിപയായി തെരെഞ്ഞെടുക്കപ്പെട്ടു. ഫിലിപ്പീൻസിൽ നിന്നും വികസ്വരഏഷ്യൻ രാജ്യങ്ങളെമ്പാടു നിന്നും ആ പദവിയിലെത്തിയ ആദ്യവ്യക്തിയാണവർ. എങ്കിലും ആരോഗ്യപരമായ കാരണങ്ങളാൽ ജൂൺ 2014-ൽ അവർ ആ പദവി ഉപേക്ഷിച്ചു. താമസിയാതെ അവരുടെ ശ്വാസകോശത്തെ അർബ്ബുദം ബാധിച്ചിരിക്കുന്നതായി കണ്ടെത്തി.[1]

സർക്കാർ സേവനത്തിനിടെ അഴിമതി നിർമ്മാർജ്ജനത്തിൽ വഹിച്ച പങ്കിന്റെ പേരിൽ 1988-ൽ അവർ റാമൊൻ മഗ്സാസേ പുരസ്കാരം നേടി. 1992-ൽ ഫിലിപ്പീൻസ് രാഷ്ട്രപതിസ്ഥാനത്തേക്ക് മത്സരിച്ച സാന്തിയാഗോ പരാജയപ്പെട്ടു. തെരെഞ്ഞെടുപ്പിലെ ക്രമക്കേടുകൾ മൂലമാണ് തനിക്കു രാഷ്ട്രപതി പദവിയിലെത്താൻ കഴിയാതിരുന്നതെന്നു വാദിച്ച അവർ ആ പരാജയം സമ്മതിച്ചില്ല. നിയമ-സാമൂഹ്യശാസ്ത്ര വിഷയങ്ങളിൽ പലഗ്രന്ഥങ്ങളും അവർ എഴുതിയിട്ടുണ്ട്. ഫിലിപ്പീൻസിലെ നിയമനിർമ്മാണസഭയുടെ ഉപരിമണ്ഡലമായ സെനറ്റിൽ മൂന്നു വട്ടം അംഗമായിരുന്ന അവർ ഇപ്പോഴും (2015 മാർച്ച്) ആ പദവിയിലാണ്. ഭരണഘടന, രാഷ്ട്രാന്തരനിയമം എന്നീ വിഷയങ്ങളിലെ ഒരു വിദഗ്ദ്ധയായി സാന്തിയാഗോ പരിഗണിക്കപ്പെടുന്നു.

അവലംബം[തിരുത്തുക]

  1. Senate of the Philippines, 16th Congress, Miriam Defensor Santhiago