മിനൂ മൊഹ്‌റാസ്
മിനൂ മൊഹ്‌റാസ് | |
|---|---|
مينو محرز | |
 മൊഹ്‌റാസ് 2020ൽ | |
| ജനനം | 19 ജനുവരി 1946 |
| ദേശീയത | ഇറാനിയൻ |
| തൊഴിൽ | വൈദ്യൻ, ഗവേഷക, പ്രൊഫസർ |
| അറിയപ്പെടുന്നത് | എയ്ഡ്സ് വിദഗ്ധ, പകർച്ചവ്യാധി വിദഗ്ധ |
മിനൂ മൊഹ്‌റാസ് (പേർഷ്യൻ: مينو محرز, ജനനം 19 ജനുവരി 1946) ഒരു ഇറാനിയൻ വൈദ്യനും ഗവേഷകയും എയ്ഡ്സ് രോഗ വിദഗ്ധയുമാണ്. അവർ ടെഹ്റാൻ യൂണിവേഴ്‌സിറ്റി ഓഫ് മെഡിക്കൽ സയൻസസിലെ സാംക്രമിക രോഗങ്ങളുടെ ഒരു പൂർണ്ണ പ്രൊഫസറും (എമെറിറ്റസ്) ഇറാനിയൻ സെന്റർ ഫോർ എച്ച്ഐവി/എയ്‌ഡ്‌സിന്റെ മേധാവിയുമാണ്. എച്ച്ഐവി/എയ്ഡ്സുമായി ബന്ധപ്പെട്ട ഇറാനിലെ ഏറ്റവും മികച്ച മെഡിക്കൽ വിദഗ്ധയായി മൊഹ്‌റാസിനെ കണക്കാക്കുന്നു.[1]
ജീവചരിത്രം[തിരുത്തുക]
1946 ജനുവരി 19 ന് ഇറാൻറെ തലസ്ഥാനമായ ടെഹ്‌റാനിലാണ് മൊഹ്‌റാസ് ജനിച്ചത്. 1970-ൽ ടെഹ്റാൻ മെഡിക്കൽ സ്‌കൂളിൽ നിന്ന് വൈദ്യശാസ്ത്ര ബിരുദം നേടിയ അവർ 1973-ൽ പബ്ലിക് ഹെൽത്ത് പരിശീലനവും പകർച്ചവ്യാധികളിൽ വൈദഗ്ധ്യവും പൂർത്തിയാക്കി.[2] അതേ വർഷം തന്നെ ടെഹ്റാൻ യൂണിവേഴ്‌സിറ്റി ഓഫ് മെഡിക്കൽ സയൻസസിൽ സാംക്രമിക രോഗ വിഭാഗത്തിൽ പ്രൊഫസറായി നിയമിക്കപ്പെട്ടു.
ഇറാനിലെ എച്ച്ഐവി/എയ്ഡ്സ് കമ്മ്യൂണിറ്റിയെ പ്രതിനിധീകരിക്കുന്ന ഒരു തീവ്ര പ്രചാരകയായ മൊഹ്‌റാസ്, രോഗത്തെക്കുറിച്ചുള്ള ബോധവൽക്കരണ കാമ്പെയ്‌നുകളെ പിന്തുണയ്‌ക്കാൻ രാഷ്ട്രീയക്കാർക്കിടയിലും പുരോഹിതന്മാർക്കിടയിലും ലോബിയിംഗ് നടത്തുന്നു. 2001-ൽ മൊഹ്‌റാസ്, ലൈംഗിക പെരുമാറ്റത്തെക്കുറിച്ചും എച്ച്ഐവി/എയ്ഡ്‌സിനെക്കുറിച്ചുമുള്ള അവബോധം പ്രചരിപ്പിക്കുന്നതിനായി ഇറാനിയൻ ദേശീയ ടെലിവിഷനുമായുള്ള അഭിമുഖത്തിന് ക്ഷണിക്കപ്പെട്ടു. അവളുടെ സംസാരം സെൻസർ ചെയ്യേണ്ടതില്ല എന്നതായിരുന്നു അവളുടെ മുൻവ്യവസ്ഥ. ബ്രോഡ്കാസ്റ്റിംഗ് മീഡിയയിൽ നിരോധിച്ചിട്ടുണ്ടെങ്കിലും, അവളുടെ സംഭാഷണത്തിനിടെ 'കോണ്ടം' എന്ന വാക്ക് മൊഹ്‌റാസ് ലൈവ് ആയി ഉപയോഗിച്ചിരുന്നു.[3]
എച്ച്ഐവി/എയ്‌ഡ്‌സിനോടുള്ള മൊഹ്‌റാസിന്റെ പ്രായോഗിക സമീപനം, മതേതര സ്വത്വം, പൊതു ബോധവൽക്കരണ കാമ്പെയ്‌നുകളുടെ പ്രോത്സാഹനം, സുരക്ഷിതമായ ലൈംഗിക സമ്പ്രദായങ്ങൾ പ്രോത്സാഹിപ്പിക്കൽ എന്നിവ ഇറാനിലെ എയ്‌ഡ്‌സിനെതിരെയുള്ള പ്രചാരണത്തിൻറെ അംഗീകൃത മുഖമാകാൻ അവളെ സഹായിച്ചു.[4] 2007-ൽ, എച്ച്ഐവി/എയ്ഡ്സുമായി ബന്ധപ്പെട്ട ഇറാനിലെ ഏറ്റവും മികച്ച മെഡിക്കൽ വിദഗ്ധയായി മൊഹ്‌റാസിനെ കണക്കാക്കിയിരുന്നു.[5] ടെഹ്‌റാനിലെ ഇമാം ഖൊമേനി ഹോസ്പിറ്റൽ കോംപ്ലക്സിൽ അവർ നടത്തിയിരുന്ന ഒരു പ്രത്യേക എച്ച്ഐവി/എയ്ഡ്സ് ക്ലിനിക്ക് രാജ്യത്തെ ഏറ്റവും വലിയ ക്ലിനിക്കായി കണക്കാക്കപ്പെടുന്നു.[6]
അവലംബം[തിരുത്തുക]
- ↑ Williams, Ian (5 April 2007). "Doctor leads fight against AIDS in Iran". msnbc.com (in ഇംഗ്ലീഷ്). NBC. Retrieved 9 July 2018.
- ↑ "50 Iranian Women you Should Know: Minoo Mohraz". IranWire. 23 September 2015. Retrieved 9 July 2018.
- ↑ Macfarquhar, Neil (4 April 2002). "Condom as a Problem Word: Iran Grapples With a Surge in AIDS". The New York Times. Retrieved 14 July 2018.
- ↑ Nguyen, Vinh-Kim; Klot, Jennifer F. (2011). The fourth wave : violence, gender, culture & HIV in the 21st century. Paris: UNESCO. p. 330. ISBN 9789231041587.
- ↑ Williams, Ian (5 April 2007). "Doctor leads fight against AIDS in Iran". msnbc.com (in ഇംഗ്ലീഷ്). NBC. Retrieved 9 July 2018.
- ↑ Williams, Ian (5 April 2007). "Doctor leads fight against AIDS in Iran". msnbc.com (in ഇംഗ്ലീഷ്). NBC. Retrieved 9 July 2018.