മാവേലി സ്റ്റോർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
മാവേലി സ്റ്റോർ ലോഗൊ

കേരള സംസ്ഥാന സിവിൽ സപ്ലൈസ് കോർപ്പറേഷന്റെ ഒരു സംരംഭമാണ് മാവേലി സ്റ്റോർ. സർക്കാറിന്റെ കീഴിൽ പ്രവർത്തിക്കുന്ന ഒരു നൂതന വിപണനകേന്ദ്രമാണ് ഇത്. സർക്കാർ നിശ്ചയിച്ചിട്ടുള്ള പ്രത്യേക സഹായധന നിരക്കിൽ ആവശ്യക്കാരന് ഇവിടെ നിന്ന് അവശ്യസാധനങ്ങൾ വിൽക്കപ്പെടുന്നു. മഹാബലിയുടെ സ്മരണാർത്ഥം ആരംഭിച്ച ഈ സ്റ്റോറുകൾ ഇപ്പോൾ കേരളീയ വിപണികളിൽ ഒരു പ്രമുഖ സ്ഥാനം വഹിക്കുന്നു. മാവേലി സ്റ്റോറുകളും, മൊബൈൽ മാവേലി സ്റ്റോറുകളും ഇപ്പോൾ കേരളത്തിൽ എല്ലാ പഞ്ചായത്തുകളിലും പ്രവർത്തിച്ച് വരുന്നു. ഗുണമേന്മയുള്ള ഉല്പന്നങ്ങൾ ശരാശരി നിരക്കിൽ ആവശ്യക്കാരന് ലഭ്യമാക്കുന്നു എന്നുള്ളതാണ് മാവേലി സ്റ്റോറുകൾ നൽകുന്ന ആനുകൂല്യം.[1]

മാവേലി സ്റ്റോറുകളുടെ വിപണി കൂടുതൽ സജീവമാകുന്നത് ഉത്സവ കാലഘട്ടങ്ങളിലാണ്, ഓണം, ക്രിസ്തുമസ്, റംസാൻ തുടങ്ങിയ ഉത്സവ കാലഘട്ടങ്ങളിൽ അവശ്യസാധനങ്ങളുടെ വിലവർദ്ധനവ് സാധാരണമാണ്. ഈ അവസരങ്ങളിൽ മാവേലി സ്റ്റോറുകളിൽ സാധാരണ മറ്റ് കച്ചവട സ്ഥാപനങ്ങളിൽ നിന്ന് വ്യത്യസ്തമായി പരമാവധി മിതമായ നിരക്കിൽ അവശ്യസാധനങ്ങൾ ആവശ്യക്കാരന് നൽകാൻ വേണ്ടി ശ്രദ്ധിക്കുന്നു. അതുകൊണ്ട് മാവേലി സ്റ്റോറുകൾ, ഇത്തരം ഉത്സവ കാലഘട്ടങ്ങളിൽ ജനങ്ങളെ കൂടുതൽ ആഘർഷിക്കുന്നു.[1]

പുറത്തേക്കുള്ള കണ്ണികൾ[തിരുത്തുക]

അവലംബം[തിരുത്തുക]

  1. 1.0 1.1 "കേരള സംസ്ഥാന സിവിൽ സപ്ലൈസ് കോർപ്പറേഷന്റെ വെബ്സൈറ്റ്". Archived from the original on 2018-07-04. Retrieved 2009-11-10.
"https://ml.wikipedia.org/w/index.php?title=മാവേലി_സ്റ്റോർ&oldid=3640985" എന്ന താളിൽനിന്ന് ശേഖരിച്ചത്