മാക്ടൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Mactan
Tropical-area-mactan-philippines.jpg
മാക്ടനിലെ ഒരു റിസോർട്ടിൽ നിന്നുള്ള ദൃശ്യം
Geography
Location സെബു പ്രവിശ്യ, Philippines
Major islands Bohol, Cebu, Leyte, Masbate, Negros, Panay and Samar.
Administration
Philippines
City and Municipality Lapu-Lapu and Cordova
Largest settlement Lapu-Lapu (pop. 350467)
Demographics
Population 430000 (2013)
Pop. density 6,615
Ethnic groups Visayan (Cebuano) and other ethnic groups.

ഫിലിപ്പൈൻസിൽ സ്ഥിതി ചെയ്യുന്ന ജനസാന്ദ്രത കൂടിയ ഒരു ദ്വീപ് ആണ് മാക്ടൻ . ഇത് സെബു പ്രവിശ്യയിലാണ് ഉള്ളത് . ഈ ദ്വീപിനെ ലാപു-ലാപു നഗരം , കോർഡോവ മുനിസിപ്പാലിറ്റി എന്നിങ്ങനെ രണ്ടായി വിഭജിച്ചിരിക്കുന്നു. ഈ ദ്വീപിനെ സെബു ദ്വീപുമായി ബന്ധിപ്പിക്കുന്ന രണ്ടു പാലങ്ങൾ ഉണ്ട്. അവ മാർസെലോ ഫെർനാൻ പാലം,മാക്ടൻ-മാൻടോയ് പാലം എന്നിങ്ങനെ അറിയപ്പെടുന്നു. 65 ചതുരശ്ര കിലോമീറ്റർ വിസ്താരമുള്ള ഈ ദ്വീപിൽ ഏകദേശം 430,000 പേർ അധിവസിക്കുന്നു. [1] ഈ ദ്വീപിൽ മാക്ടൻ-സെബു അന്തർദേശീയ വിമാനത്താവളം സ്ഥിതി ചെയ്യുന്നു.

ചരിത്രം[തിരുത്തുക]

പതിനാറാം നൂറ്റാണ്ടിൽ സ്പെയിൻ കോളനി ആക്കുന്നതിനും മുൻപേ തന്നെ ഈ ദ്വീപിൽ സജീവമായ ജനവാസം ഉണ്ടായിരുന്നു. പോർച്ചുഗീസ് നാവികനായ മഗല്ലൻ 1521 ൽ ഇവിടെ എത്തി. അദ്ദേഹം ഇവിടെ വച്ച് തദ്ദേശീയരായിട്ട് ഉണ്ടായ ഒരു യുദ്ധത്തിൽ കൊല്ലപ്പെട്ടു.

1730 ഓടെ കാത്തലിക് അഗസ്റ്റിനിയൻ സന്യാസ സഭ ഇവിടെ ഒപോൺ എന്ന പേരിൽ നഗരം ഉണ്ടാക്കി. അതാണ്‌ പിന്നീട് ലാപു-ലാപു എന്ന് അറിയപ്പെട്ടത്.

സാമ്പത്തികം[തിരുത്തുക]

വിമാനത്താവളത്തിനു പുറമേ ഈ ദ്വീപിൽ അനേകം വ്യവസായ ശാലകളും ഉണ്ട്. ഫിലിപ്പീൻസ് ലെ മികച്ച വ്യവസായ സ്ഥാപനങ്ങളിൽ പലതും ഈ ദ്വീപിലാണ്. മാക്ടൻ എക്സ്പോർട്ട്‌ പ്രോസസ്സിംഗ് സോൺ (MEPZ) എന്ന നികുതി രഹിത മേഖലയിൽ മുപ്പത്തി അഞ്ചോളം വ്യവസായ സ്ഥാപനങ്ങൾ ഉണ്ട്. അവയിൽ പകുതിയും ജാപ്പനീസ് ഉടമസ്ഥതയിലുള്ളതാന്. ഈ മേഖല 1979 ലാണ് ആരംഭിച്ചത്.

വിനോദ സഞ്ചാരം[തിരുത്തുക]

സെബു പ്രവിശ്യയിലെ പ്രധാന വിനോദ സഞ്ചാര കേന്ദ്രമാണ് ഇവിടം. ഇത് ഒരു പവിഴദ്വീപ്‌ ആണ്. ഇവിടെ ഡൈവിങ്,സ്നോർക്കെലിംഗ്,ഐലൻഡ് ഹോപ്പിംഗ്,ജെറ്റ് സ്കീയിംഗ്,ഉല്ലാസ കപ്പൽയാത്രകൾ തുടങ്ങിയവയ്ക്ക് ഉള്ള സൗകര്യം ഉണ്ട്. ഇവിടെ ഉള്ള പ്രധാന ആകർഷണം ആണ് മാക്ടൻ ഐലൻഡ് അക്വേറിയം

ചിത്രശാല[തിരുത്തുക]

അവലംബം[തിരുത്തുക]

  1. "PHILIPPINES: Administrative Division". 
"https://ml.wikipedia.org/w/index.php?title=മാക്ടൻ&oldid=2276243" എന്ന താളിൽനിന്നു ശേഖരിച്ചത്