Jump to content

മഹീന്ദ്ര & മഹീന്ദ്ര ലിമിറ്റഡ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
മഹീന്ദ്ര & മഹീന്ദ്ര ലിമിറ്റഡ്
Public
Traded as
ISINISIN: [http://www.isin.org/isin-preview/?isin=INE101A01026 INE101A01026]
വ്യവസായംഓട്ടോമോട്ടീവ്
സ്ഥാപിതം2 ഒക്ടോബർ 1945; 78 വർഷങ്ങൾക്ക് മുമ്പ് (1945-10-02)
സ്ഥാപകൻs
ആസ്ഥാനംമുംബൈ, മഹാരാഷ്ട്ര,
ഇന്ത്യ
സേവന മേഖല(കൾ)ലോകമെമ്പാടും
പ്രധാന വ്യക്തി
ഉത്പന്നങ്ങൾ
Production output
Decrease 14,076,043 വാഹനങ്ങൾ (2022)
വരുമാനംIncrease 1,22,475 കോടി (US$19 billion)[2] (FY2023)
Increase 12,554 കോടി (US$2.0 billion)[2] (FY2023)
Increase 11,187 കോടി (US$1.7 billion)[2] (FY2023)
മൊത്ത ആസ്തികൾIncrease 2,05,891 കോടി (US$32 billion)[2] (FY2023)
Total equityIncrease 67,082 കോടി (US$10 billion)[2] (FY2023)
ജീവനക്കാരുടെ എണ്ണം
140,619 (2022)[2]
മാതൃ കമ്പനിമഹീന്ദ്ര ഗ്രൂപ്പ്
അനുബന്ധ സ്ഥാപനങ്ങൾ
വെബ്സൈറ്റ്auto.mahindra.com
കേരളത്തിൽ നിന്നുള്ള ഒരു മഹീന്ദ്ര സി.എൽ 550 എംഡിഐ. അമേരിക്കൻ ജീപ്പിൽ നിന്നുള്ള ലൈസൻസിൽ പുറത്തിറക്കിയത്.
മഹീന്ദ്ര സി ജെ 340
മഹീന്ദ്ര സി ജെ 340
ആദ്യ തലമുറയിലെ മഹീന്ദ്ര സ്‌കോർപിയോ

വാഹന നിർമ്മാണം, കാർഷികോപകരണങ്ങളുടെ നിർമ്മാണം, വ്യാപാരം, ലോജിസ്റ്റിക്സ്, വിവരസാങ്കേതിക വിദ്യ, ധനകാര്യ സേവനങ്ങൾ എന്നീ രംഗങ്ങളിലെ അതികായന്മാരായി അറിയപ്പെടുന്ന മഹീന്ദ്ര ഗ്രൂപ്പിന്റെ ഒരു അനുബന്ധ സ്ഥാപനമാണ്‌ മഹീന്ദ്ര & മഹീന്ദ്ര ലിമിറ്റഡ് (ബി.എസ്.ഇ:500520 , എൻ.എസ്.ഇ:MNM) . സ്‌പോർട്ട്സ് യൂറ്റിലിറ്റി വാഹനനിർമ്മാതാക്കാളിൽ ഇന്ത്യയിൽ ഒന്നാമതു നിൽക്കുന്ന സ്ഥാപനമാണ്‌ മഹീന്ദ്ര & മഹീന്ദ്ര ലിമിറ്റഡ്. 1945 ൽ ലുധിയാനയിൽ മഹീന്ദ്ര & മുഹമ്മദ് എന്ന പേരിലാണ്‌ ഈ വാഹന നിർമ്മാണ സ്ഥാപനം തുടങ്ങിയത്. ഇന്ത്യാവിഭജനത്തെ തുടർന്ന് ഗുലാം മുഹമ്മദ് പാകിസ്താനിലേക്ക് പോകുകയും അവിടുത്തെ ആദ്യത്തെ ധനകാര്യ മന്ത്രിയാവുകയും ചെയ്തു. ഇതിനെ തുടർന്നാണ്‌ 1948 ൽ ഈ സ്ഥാപനത്തിന്റെ പേര്‌ മഹീന്ദ്ര & മുഹമ്മദ് എന്നതിൽ നിന്ന് മഹീന്ദ്ര & മഹീന്ദ്ര എന്നാക്കിയത്.

പ്രാരംഭഘട്ടത്തിൽ വിവിധോദ്ദേശ്യ വാഹനങ്ങളുടെ നിർമ്മാണം ലക്ഷ്യമിട്ട മഹീന്ദ്ര & മഹീന്ദ്ര , ഇന്ത്യയിലെ വില്ലി ജീപ്പിന്റെ ലൈസൻസിൽ വാഹനങ്ങളുടെ അസംബ്ലിംഗിലൂടെയാണ്‌ അറിയപ്പെട്ടു തുടങ്ങിയത്. പിന്നീട് സ്ഥാപനം വ്യാപാരാവശ്യത്തിനുള്ള ലഘു വാഹനങ്ങളൂം (Light Commercial Vehicles) കാർഷികാവശ്യത്തിനുള്ള ട്രാക്ടറുകളും നിർമ്മിക്കുന്ന അതിന്റെ ശാഖ തുറന്നു. സൈനിക വാഹനങ്ങളും ട്രാക്ടറുകളും നിർമ്മിക്കുന്ന സ്ഥാപനത്തിൽ നിന്ന് ആഗോള വിപണിയിലെ വമ്പൻ വാഹന നിർമ്മാതാക്കളായി ദ്രുധഗതിയിലാണ്‌ മഹീന്ദ്ര & മഹീന്ദ്ര ലിമിറ്റഡിന്റെ വളർച്ച. സ്‌കോർപിയോ പോലുള്ള വാഹനങ്ങൾ, മഹീന്ദ്ര & മഹീന്ദ്രയെ യൂറ്റിലിറ്റി വാഹന നിർമ്മാതാക്കളൂടെ മുൻനിരയിൽ എത്തിച്ചു. ഇന്ത്യൻ വിപണിയിലെ അതിന്റെ പ്രധാന എതിരാളികളിൽ മാരുതി സുസുക്കി ഇന്ത്യയും ടാറ്റ മോട്ടോഴ്‌സും ഉൾപ്പെടുന്നു.[3]

അതിന്റെ യൂണിറ്റായ, മഹീന്ദ്ര ട്രാക്ടേർസ്, വോളിയം അനുസരിച്ച് ലോകത്തിലെ ഏറ്റവും വലിയ ട്രാക്ടറുകളുടെ നിർമ്മാതാവാണ്.[4] 2018-ൽ ഫോർച്യൂൺ ഇന്ത്യ 500-ന്റെ ഇന്ത്യയിലെ മികച്ച കമ്പനികളുടെ പട്ടികയിൽ ഇത് 17-ാം സ്ഥാനത്താണ്.[5] കമ്പനിയുടെ തന്നെ ചെറുവിമാനങ്ങളുടെ നിർമ്മാണത്തിനുള്ള ഒരു വിഭാഗമാണ് മഹീന്ദ്ര എയറോസ്‌പേസ്.

ചരിത്രം

[തിരുത്തുക]

സഹോദരങ്ങളായ കൈലാഷ് ചന്ദ്ര മഹീന്ദ്രയും ജഗദീഷ് ചന്ദ്ര മഹീന്ദ്രയും മാലിക് ഗുലാം മുഹമ്മദിനൊപ്പം ചേർന്ന് 1945 ഒക്ടോബർ 2 ന് ലുധിയാനയിൽ മഹീന്ദ്ര & മുഹമ്മദ് എന്ന പേരിൽ ഒരു സ്റ്റീൽ ട്രേഡിംഗ് കമ്പനിയായായാണ് ഇത് സ്ഥാപിച്ചത്.[6] മഹീന്ദ്ര ഗ്രൂപ്പിന്റെ ഇപ്പോഴത്തെ ചെയർമാൻ ആനന്ദ് മഹീന്ദ്ര ജഗദീഷ് ചന്ദ്ര മഹീന്ദ്രയുടെ ചെറുമകനാണ്. 1948-ൽ കമ്പനി അതിന്റെ പേര് മഹീന്ദ്ര ആൻഡ് മഹീന്ദ്ര എന്നാക്കി മാറ്റി.[7]

ജീപ്പിൽ നിന്നുള്ള തുടക്കം

[തിരുത്തുക]

വലിയ എം‌യു‌വികളുടെ നിർമ്മാണത്തിലേക്കും വിൽപ്പനയിലേക്കും വ്യാപിക്കുന്നതിനുള്ള ഒരു വ്യാപാര അവസരം അവർ കണ്ടെത്തിയതോടെ, ഇന്ത്യയിൽ വില്ലിസ് ജീപ്പിന്റെ ലൈസൻസിന് കീഴിൽ വാഹനങ്ങൾ അസംബിൾ ചെയ്യാൻ തുടങ്ങി. താമസിയാതെ, എം ആൻഡ് എം ഇന്ത്യയിൽ ജീപ്പ് നിർമ്മാതാവായി സ്ഥാപിക്കപ്പെടുകയും പിന്നീട് ലഘു വാണിജ്യ വാഹനങ്ങളും (എൽസിവി) കാർഷിക ട്രാക്ടറുകളും നിർമ്മിക്കാൻ തുടങ്ങുകയും ചെയ്തു. 1970-ൽ അമേരിക്കൻ മോട്ടോഴ്സ് കോർപ്പറേഷൻ ജീപ്പ് വാങ്ങി; 1987-ൽ ക്രിസ്‌ലർ എഎംസിയെ വാങ്ങിയതിന് ശേഷം എഎംസിയുടെ ലൈസൻസിന് കീഴിൽ മഹീന്ദ്ര ജീപ്പുകൾ നിർമ്മിക്കുന്നത് തുടർന്നു.

അവലംബം

[തിരുത്തുക]
  1. "Mahindra appoints Anish Shah as the MD and CEO, effective from April 2". Livemint. 26 March 2021. Retrieved 12 July 2021.
  2. 2.0 2.1 2.2 2.3 2.4 2.5 "Annual Report 2022-23" (PDF). bseindia.
  3. "Top Competitors for Mahindra & Mahindra Limited". Hoovers. Retrieved 2 February 2014.
  4. "Indian Tractor Maker Mahindra Takes On Deere". Business Week. 1 August 2013. Archived from the original on 3 August 2013. Retrieved 2 February 2014.
  5. "Mahindra & Mahindra in Fortune India list". Rediff.com. 22 December 2011. Retrieved 2 February 2014.
  6. "How we got here". Mahindra Corporate website. Archived from the original on 2015-07-04. Retrieved 30 August 2019.
  7. "Edelweiss | About Mahindra & Mahindra Ltd". Edelweiss (in ഇംഗ്ലീഷ്). Retrieved 19 November 2019.