മലയാളരാജ്യം
 | |
| തരം | വർത്തമാന ദിനപത്രം |
|---|---|
| എഡീറ്റർ | കെ. ജി. ശങ്കർ |
| സ്ഥാപിതം | 1929 |
| ഭാഷ | മലയാളം |
| ആസ്ഥാനം | കൊല്ലം |
1929-ൽ കൊല്ലത്തുനിന്ന് പ്രസിദ്ധീകരണം ആരംഭിച്ച മലയാള പത്രമാണ് മലയാളരാജ്യം.[1] കോൺഗ്രസ് ആശയങ്ങൾ പ്രചരിപ്പിക്കുക എന്നതായിരുന്നു പ്രധാന ഉദ്ദേശം. കേരളത്തിലെ ആദ്യത്തെ പ്രഭാത പത്രമായി മലയാളരാജ്യം കണക്കാക്കപ്പെടുന്നു. ആദ്യം വാരികയായാണ് പത്രം ആരംഭിച്ചത്. മലയാളരാജ്യം ചിത്രവാരിക എന്നായിരുന്നു പേര്. 1931-ൽ ദിനപത്രമായി. അക്കാലത്തെ ഏറ്റവും പ്രചാരമുള്ള ദിനപത്രമായിരുന്നു മലയാളരാജ്യം. കെ.ജി. ശങ്കറായിരുന്നു ആദ്യ പത്രാധിപർ. കൈരളി എന്ന പേരിൽ സ്വന്തം വാർത്താ ഏജൻസിയും നടത്തി. അനുബന്ധമായി പ്രവർത്തിച്ചിരുന്ന ശ്രീരാമവിലാസം പ്രസിലായിരുന്നു അച്ചടി. കൊല്ലം വടയാറ്റുകോട്ട ശ്രീകൃഷ്ണസ്വാമി ക്ഷേത്രത്തിനു സമീപത്തെ കെട്ടിടത്തിലായിരുന്നു പ്രവർത്തനം. അക്കാലത്തെ പ്രമുഖ എഴുത്തുകാരല്ലാം ഇവിടെയെത്തിയിരുന്നു. കേശവദേവ് തന്റെ ആത്മകഥയായ എതിർപ്പുകളിൽ ഇവിടെയെത്തിയ ഓർമ്മ പങ്കു വയ്ക്കുന്നുണ്ട്.
എ.പി.ഐ (അസ്സോസിയേറ്റഡ് പ്രസ്സ് ഓഫ് ഇന്ത്യ,), റോയിട്ടേർസ്, തുടങ്ങിയ വാർത്താ ഏജൻസികളുടെ സഹകരണത്താൽ ഏറ്റവും ആദ്യം ലോകവാർത്തകൾ റിപ്പോർട്ട് ചെയ്യുകയും, വാർത്താചിത്രങ്ങൾ ഉൾപ്പെടുത്തുകയും ചെയ്തിരുന്നു. കൃത്യസമയത്ത് ഏജന്റുമാരിൽ പത്രം എത്തിക്കുവാൻ സ്വന്തമായി ഗതാഗത സൗകര്യവും ഏർപ്പെടുത്തിയിരുന്നു. സ്വന്തമായി റോട്ടറി പ്രസ്സും, പ്രോസസ്സിങ്ങ് ലാബും തുടങ്ങിയ ആധുനിക സൗകര്യങ്ങളും പത്രത്തിന് ഉണ്ടായിരുന്നു.[2]
പ്രചാരം കുറഞ്ഞതോടെ 1970-കളോടെ മലയാളരാജ്യത്തിന്റെ പ്രവർത്തനം നിലച്ചു.
പത്രവുമായി ബന്ധപ്പെട്ട പ്രമുഖർ
[തിരുത്തുക]സി. വി. കുഞ്ഞുരാമൻ, പണ്ഡിതൻ സി. എസ്. സുബ്രഹ്മണ്യൻ പോറ്റി, സ്വാതന്ത്ര്യസമര സേനാനി ബാപ്പുറാവു, നോവലിസ്റ്റായ കൈനിക്കര പദ്മനാഭപിള്ള, സാമൂഹികപ്രവർത്തകൻ വി. ഗംഗാധരൻ, കടവൂർ ജി. ചന്ദ്രൻ പിള്ള തുടങ്ങി നിരവധി പ്രമുഖർ 'മലയാളരാജ്യം' പത്രവുമായി ബന്ധപ്പെട്ട് പ്രവർത്തിച്ചു.
അവലംബം
[തിരുത്തുക]- ↑ "പത്രപ്രവർത്തന പാരമ്പര്യം". Archived from the original on 2012-02-14. Retrieved 2011-08-30.
- ↑ "ആർക്കൈവ് പകർപ്പ്". Archived from the original on 2014-08-07. Retrieved 2011-08-30.
|
പത്രങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |