മലയാംകൊല്ലം (മഹാകാവ്യം)
കൊടുങ്ങല്ലൂർ ഗുരുകുലത്തിലെ പ്രശസ്തപണ്ഡിതനും കവിസാർവ്വഭൗമൻ എന്ന ബഹുമതിപ്പേരും നേടിയ കവിയായ കൊടുങ്ങല്ലൂർ കൊച്ചുണ്ണിത്തമ്പുരാന്റെ പഞ്ചമഹാകാവ്യങ്ങളിൽ ഒന്നാണ് 'മലയാംകൊല്ലം'.
പ്രതിപാദ്യം
[തിരുത്തുക]ചിങ്ങം മുതലുള്ള പന്ത്രണ്ട് മലയാളമാസങ്ങളെ കുറിച്ചുമുള്ള വർണ്ണനയാണ് ഇതിലെ പ്രതിപാദ്യം. 1082-ാമാണ്ടു ചിങ്ങമാസം മുതൽ രസികരഞ്ജിനി എന്ന മാസികയിൽ ഈ കാവ്യം പ്രസിദ്ധീകരിച്ചു തുടങ്ങി. കേരളത്തിൽ ഓരോ മാസത്തിലുമുള്ള പ്രകൃതിവിലാസങ്ങൾ തുടങ്ങിയവ വർണ്ണിച്ചു് അതതു മാസത്തിനു് അനുരൂപമായ ഒരു ദേവതാസ്തുതിയോടുകൂടി അവസാനിക്കുന്നതും അങ്ങനെ 12 സർഗ്ഗങ്ങൾ ഉൾക്കൊള്ളുന്നതുമായ ഈ കാവ്യം കൊച്ചുണ്ണിത്തമ്പുരാന്റെ സൂക്ഷ്മനിരീക്ഷണം, വർണ്ണനാചാതുര്യം, കല്പനാവൈഭവം തുടങ്ങിയ വിവിധ സിദ്ധികളുടേയും, വൈദ്യം ജ്യോത്സ്യം, സ്മൃതികൾ, ഇതിഹാസപുരാണങ്ങൾ മുതലായവയിലുള്ള അസാധാരണമായ അവഗാഹത്തിന്റേയും വിസ്മായാവഹമായ നിദർശനമാകുന്നു എന്ന് കേരള സാഹിത്യ ചരിത്രത്തിൽ ഉള്ളൂർ രേഖപ്പെടുത്തുന്നു.[1] സ്വഭാവോക്തിയെ ചിലപ്പോൾ ശ്ലേഷോക്തി പുറംതള്ളുന്നു എന്നും, വെണ്മണിക്കൃതികളിലെന്ന പോലെയുള്ള ദീർഘമായ സ്ത്രീസംബോധനം ചില ശ്ലോകങ്ങൾക്കു മാറ്റു കുറയ്ക്കുന്നു എന്നും ചില വൈകല്യങ്ങളില്ലെന്നില്ല. എന്നാൽ അവ മറ്റുള്ള ഗുണസാമഗ്രിയിൽ മറഞ്ഞുപോകുക തന്നെ ചെയ്യുന്നു. താഴെക്കാണുന്ന ഭാവഗർഭമായ ശ്ലോകം മങ്ഗലാചരണരൂപത്തിൽ ഘടിപ്പിച്ചിട്ടുള്ളതാണു്.
| “ | തുങ്ഗശ്രീസിംഹവാഹേ! തുഹിനശിഖരിതൻ കന്യകേ! നിസ്തുലാഭേ! |
” |
ആദ്യന്തം വസന്തതിലക വൃത്തമാണു് പ്രയോഗിച്ചിരിക്കുന്നതു്.
അവലംബം
[തിരുത്തുക]- ↑ "49.9മലയാംകൊല്ലം". സായാഹ്ന. സായാഹ്ന. Retrieved 10 June 2025.
{{cite web}}:|first=missing|last=(help)