മലമൽക്കാവ്

പാലക്കാട് ജില്ലയുടെ ഒരു അതിർത്തി ഗ്രാമമാണ് മലമൽക്കാവ്. ഒരു അയ്യപ്പക്ഷേത്രം ഇവിടെയുണ്ട്. നെല്ലിയോട് മനക്കാരാണ് ഇവിടുത്തെ തന്ത്രിമാർ. നീലത്താമരയുള്ള പ്രശസ്തമായ ഒരു ക്ഷേത്രമാണ് മലമൽക്കാവ് അയ്യപ്പക്ഷേത്രം.പ്രശസ്ത എഴുത്തുകാരൻ എം.ടിയുടെ നീലത്താമര എന്ന സിനിമ ഈ ക്ഷേത്രത്തിലെ ചെങഴിനീർപ്പൂവ് എന്ന അത്ഭുതത്തെ ആസ്പദമാക്കിയെടുത്തതാണ്.

വിശ്വാസം

ഈ ക്ഷേത്രത്തിൽ തലേന്നെത്തി പ്രത്യേക ചടങ്ങുകളോടെ സോപാനത്തിൽ വഴിപാട് അർപ്പിച്ചാൽ പിറ്റേന്ന് അമ്പലക്കുളത്തിലെ ചെങ്ങഴിനീർ ചെടിയിൽ ഒരുപൂവ് വിരിയുമെന്നും ആ പൂ അർപ്പിച്ച് തൊഴുതാൽ ആഗ്രഹം സാധിക്കുമെന്നും വിശ്വാസം.

മലമക്കാവ് ശൈലി

ഇവിടുത്തെ പാരമ്പര്യ വാദ്യക്കാർ വാദ്യകലയിൽ പ്രശസ്തരാണ്. തായമ്പകയിൽ മലമക്കാവ് ശൈലി രീതി തന്നെ അവർ രൂപപ്പെടുത്തിയിട്ടുണ്ട്. തൃത്താല കേശവപ്പൊതുവാൾ, തൃത്താല കുഞ്ഞികൃഷ്ണ പൊതുവാൾ, ആലിപ്പറമ്പ് ശിവരാമ പൊതുവാൾ എന്നിവർ ഈ ശൈലിയിൽ പെടുന്നവരാണ്. ഇപ്പോൾ പനമണ്ണ ശശി, പൂക്കാട്ടിരി ദിവാകര പൊതുവാൾ എന്നിവർ ഈ ശൈലിയുടെ പ്രയോക്താക്കളാണ്.

അവലംബം

• http://panavoor.wordpress.com/2012/02/01/തായമ്പക/
• http://www.deshabhimani.com/periodicalContent1.php?id=668 Archived 2012-05-19 at the Wayback Machine.
• http://malamakkavupost.blogspot.in/2011/01/under-construction.html