മലബാർ സ്പെഷ്യൽ പോലീസ്
| മലബാർ സ്പെഷ്യൽ പോലീസ് | |
|---|---|
 മലബാർ സ്പെഷ്യൽ പോലീസ് ലോഗോ | |
| Active | 1884 – Present |
| Country | India |
| Type | അർദ്ധസൈനിക വിഭാഗം |
| Role | സായുധ പോലീസ്, സ്പെഷ്യൽ പോലീസ് |
| Size | 7 കമ്പനികൾ |
| Headquarters | മലപ്പുറം |
| Commanders | |
| സൂപ്രണ്ട് ഓഫ് പോലീസ് | യു.ഷറഫലി |
കേരള പോലീസിന്റെ അർദ്ധസൈനിക വിഭാഗമാണ്‌ മലബാർ സ്പെഷ്യൽ പോലീസ് (MSP.). ആസ്സാം റൈഫിൾസ്‌ കഴിഞ്ഞാൽ ഇന്ത്യയിലെ ഏറ്റവും പഴയ രണ്ടാമത്തെ[അവലംബം ആവശ്യമാണ്] അർദ്ധസൈനിക വിഭാഗമാണിത്.
ചരിത്രം[തിരുത്തുക]
ബ്രിട്ടീഷ്‌ ഭരണകാലത്ത്‌ മലബാറിലുണ്ടായ അസ്വസ്ഥതകൾ നിയന്ത്രിക്കുന്നതിനു വേണ്ടി 1881-ൽമലപ്പുറം സ്പെഷ്യൽ പോലീസ് സ്ഥാപിതമായി. പിന്നീട്‌ 1921-ൽ മലബാർ കലാപം പൊട്ടിപ്പുറപ്പെട്ടപ്പോൾ അത്‌ അമർച്ച ചെയ്യുന്നതിനു വേണ്ടി മലപ്പുറം സ്പെഷ്യൽ പോലീസ്, പുന:സംഘടിപ്പിക്കുകയും മലബാർ സ്പെഷ്യൽ പോലീസ് (MSP) എന്ന് പുനർ നാമകരണം ചെയ്യപ്പെടുകയും ചെയ്തു. 1921 സെപ്റ്റംബർ 30ന് ആറ് കമ്പനി അംഗബലവുമായി മലബാർ സ്പെഷ്യൽ പൊലീസ് നിലവിൽ വന്നു. 1932ൽ സേനയുടെ അംഗബലം 16 കമ്പനി ആയി ഉയർത്തി. കേരളം നിലവിൽ വന്നതോടെ എം.എസ്.പിയെ രണ്ടായി വിഭജിച്ചു. എം.എസ്സ്‌.പിയുടെ ആദ്യത്തെ കമാന്റന്റ് റിച്ചാദഡ് ഹോവദഡ് ഹിച്ച്‌കോക്ക് ആയിരുന്നു.
സ്വാതന്ത്ര്യസമരം അടിച്ചമർത്താൻ വേണ്ടി ബ്രിട്ടീഷ്‌ സർക്കാർ ആരംഭിച്ച ഈ സേന സ്വാതന്ത്ര്യലബ്ദിക്കു ശേഷം സേവനത്തിന്റെയും സംരക്ഷണത്തിന്റെയും പുതിയ പന്ഥാവിലേക്ക്‌ തിരിഞ്ഞു. 1947 നു ശേഷം മദ്രാസ്‌ ആസ്ഥാനമായ എം.എസ്സ്‌.പി യുടെ 2 ആം ബറ്റാലിയൻ തമിഴ്‌നാട്‌ പോലീസിന്റെ ഭാഗമായി. സൈന്യത്തോടൊപ്പം അതിർത്തിയിലും 60-കളിൽ നാഗാലാന്റിലും എം.എസ്സ്‌.പി. സേവനം അനുഷ്ഠിച്ചിട്ടുണ്ട്‌.
സേവനമേഖല[തിരുത്തുക]
ഒരു സായുധസേനയുടെ കരുത്തും കെട്ടുറപ്പും എന്നും നില നിർത്തിയിട്ടുള്ള എം.എസ്സ്‌.പി യുടെ പ്രവർത്തനമേഖല പ്രധാനമായും മലപ്പുറം, കോഴിക്കോട് ജില്ലകളാണ്‌. എങ്കിലും കേരളത്തിന്റെ മറ്റു ഭാഗങ്ങളിലും പലപ്പൊഴും കേരളത്തിനു പുറത്തും ആവശ്യാനുസരണം എം.എസ്സ്‌.പി യുടെ സേവനം ലഭിച്ചിട്ടുണ്ട്.
സാഹിത്യത്തിൽ[തിരുത്തുക]
ഒ.വി. വിജയന്റെ 'തലമുറകൾ' എന്ന നോവലിന്റെ പശ്ചാത്തലം എം. എസ്. പിയുടെ ഡിറ്റാച്ച്മെന്റ് ക്യാമ്പായ അരീക്കോടാണ്.
ഇതും കാണുക[തിരുത്തുക]
|
ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക. |