മന്ദിര ബേദി
Mandira Bedi | |
|---|---|
 Bedi in 2017 | |
| ജനനം | 15 ഏപ്രിൽ 1972[1] |
| തൊഴിൽ | Actress, television presenter, fashion designer |
| ജീവിതപങ്കാളി(കൾ) | |
| കുട്ടികൾ | 2 |
ബോളിവുഡ് ചലച്ചിത്ര രംഗത്തെ ഒരു അഭിനേത്രിയും, മോഡലും, ടെലിവിഷൻ അവതാരകയുമാണ് മന്ദിര ബേദി. (പഞ്ചാബി: ਮੰਦਿਰਾ ਬੇਦੀ, ഹിന്ദി: मन्दिरा बेदी, ഉർദു: مندِرا بیدی) (ജനനം: 15 ഏപ്രിൽ 1972). 1994 ൽ ദൂരദർശനിൽ സം‌പ്രേഷണം ചെയ്യപ്പെട്ട ശാന്തി എന്ന പരമ്പരയിലെ നായികാകഥാപാത്രമായി അഭിനയിച്ചാണ് മന്ദിര ശ്രദ്ധേയയായത്.
ക്രിക്കറ്റ് ലോകകപ്പിന്റെ അവതരണത്തിലൂടെയും, ടെലിവിഷൻ അവതരണത്തിലൂടെയും മന്ദിര ശ്രദ്ധിക്കപ്പെട്ടിരുന്നു.[3][4].
ആദ്യ ജീവിതം[തിരുത്തുക]
മുംബൈയിലായിരുന്നു മന്ദിരയുടെ ജനനം. വിദ്യാഭ്യാസവും മുംബൈയിൽ തന്നെയായിരുന്നു.
അഭിനയജീവിതം[തിരുത്തുക]
ശാന്തി എന്ന പരമ്പരയിലെ അഭിനയത്തിനു ശേഷം 1995 ൽ മന്ദിര ദിൽ‌വാലെ ദുൽ‌ഹനിയ ലേ ജായേംഗെ എന്ന വൻപ്രദർശനവിജയം നേടിയ ചിത്രത്തിലും അഭിനയിച്ചു. ഇതായിരുന്നു മന്ദിരയുടെ ആദ്യ ഹിന്ദി ചിത്രം. പിന്നീട് ചില ടെലിവിഷൻ പരമ്പരകളിലും മന്ദിര അഭിനയിച്ചിരുന്നു. ചില മാഗസിനുകളുടെ ചിത്രങ്ങൾക്ക് വേണ്ടി മോഡലായും മന്ദിര പ്രവർത്തിച്ചു.
വിവാദങ്ങൾ[തിരുത്തുക]
2007 ലെ ക്രിക്കറ്റ് ലോകകപ്പ് മത്സരങ്ങളുടെ അവതരണത്തിനിടെ മന്ദിര ധരിച്ചിരുന്ന സാരിയിൽ രാഷ്ട്രങ്ങളുടെ പതാക ഉണ്ടെന്ന കാരണത്താൽ ചില വിവാദങ്ങൾ ഉണ്ടായിരുന്നു.[5] ഇതിനെതിരെ മന്ദിരക്കെതിരെ പരാതി ലഭിക്കുകയും ചെയ്തു. ഇത് പിന്നീട് വിവാദമായി. ഈ സാ‍രി രൂപകൽപ്പന ചെയ്ത കമ്പനിയായ സത്യ പോൾ എന്ന കമ്പനിക്കും, മന്ദിരക്കും എതിരെ കേസ് നിലവിലുണ്ടായിരുന്നു.
സ്വകാര്യ ജീവിതം[തിരുത്തുക]
ചലച്ചിത്രസംവിധായകനായ രാജ് കുശൽ ഭർത്താവാണ്. ഇവരുടെ വിവാഹം 14 ഫെബ്രുവരി 1999-ൽ ആയിരുന്നു. ഇരുവരും ഇപ്പോൾ മുംബൈയിലാണ് താമസിക്കുന്നത്.
അവലംബം[തിരുത്തുക]
- ↑ "Birthday Special: Taking fashion lessons from Mandira Bedi". Rediff. 15 April 2014. ശേഖരിച്ചത് 12 June 2016.
- ↑ Dasgupta, Sumit (20 March 2003). "Born in Calcutta, reborn in the Cup". The Telegraph (Calcutta). ശേഖരിച്ചത് 21 April 2016.
- ↑ "Mandira Bedi on the cover of the April 2007 issue of Maxim magazine". മൂലതാളിൽ നിന്നും 2020-01-10-ന് ആർക്കൈവ് ചെയ്തത്. ശേഖരിച്ചത് 2009-01-19.
- ↑ "Mandira Bedi's role as presenter for the cricket matches described in the 30 May 2008 issue of tvnext ". മൂലതാളിൽ നിന്നും 2008-08-08-ന് ആർക്കൈവ് ചെയ്തത്. ശേഖരിച്ചത് 2009-01-19.
- ↑ CNN-IBN impact: Mandira says sorry
