മന്തി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
കുഴിമന്തി
Chicken Mandi Rice during Cooking.JPG
കുഴിമന്തി
Origin
Place of originയമൻ, സൗദി അറേബ്യ
Details
Courseരാത്രി/ഉച്ച ഭക്ഷണം
Main ingredient(s)ചിക്കൻ, ബസ്മതി അരി, മന്തി സ്പൈസസ്

യെമൻ‌നിൽ നിന്നുള്ള അറേബ്യൻ ഭക്ഷ്യ വിഭവമാണ് മന്തി അല്ലെങ്കിൽ കുഴിമന്തി. വിവാഹ സദ്യകളിലും മറ്റ് ആഘോഷാവസരങ്ങളിലും മന്തി അറബ് ജനതക്ക് വിശേഷപ്പെട്ടതാണ്.‌ കേരളത്തിലും പ്രചാരം നേടിയ കുഴിമന്തി, കുഴിയിൽ വെച്ച് വേവിക്കുന്നുവെന്നതാണ് പ്രത്യേകത. വ്യത്യസ്ത രുചി, കുറഞ്ഞ കൊഴുപ്പ് എന്നിവയും മറ്റ് ഘടകങ്ങളാണ്. ആട്ടിറച്ചിയോ കോഴിയിറച്ചിയോ ഉപയോഗിച്ച് ഉണ്ടാക്കുന്ന ബിരിയാണിയുടെ ഒരു ചെറുപതിപ്പാണിത് എന്ന് പറയാം.

തയ്യാറാക്കുന്ന വിധം[തിരുത്തുക]

ചേരുവകൾ

ചിക്കൻ - ഒരു കിലോ

ബസ്മതി അരി - 2 കപ്പ്

മന്തി സ്പൈസസ് - 2 ടീസ്പൂൺ

സവാള - 4 എണ്ണം

തൈര് -4  ടീസ്പൂൺ

ഒലിവ് എണ്ണ - 4 നാല് ടീസ്പൂൺ

തക്കാളി (മിക്‌സിയിൽ അരച്ചെടുത്തത്)- 2 എണ്ണം

ഇഞ്ചി- വെളുത്തുള്ളി പേസ്റ്റ്- 2 ടീസ്പൂൺ

നെയ്യ്  - 2 ടീസ്പൂൺ

പച്ചമുളക്- 5 എണ്ണം

ഏലയ്ക്ക -5  എണ്ണം

കുരുമുളക് -  10 എണ്ണം[1]

ഒന്നരമീറ്ററോളം ആഴമുള്ള, ഇഷ്ടികകൊണ്ടു കെട്ടിയ വ‍ൃത്താകാര  കുഴിയടുപ്പുകളാണ് കുഴിമന്തി ഉണ്ടാക്കാനായി ഉപയോഗിക്കുന്നത്. ആദ്യ പടി, കുഴിയിൽ കനലെരിക്കുന്നതാണ്. കനലിന് പുളിമരം ഉപയോഗിക്കുന്നു. വിറകു കത്തി കനലാകുമ്പോഴേക്കും അരി കരയിൽ പകുതി വേവിച്ചു വയ്ക്കുന്നു. ഇതിലേക്കു ഗ്രാമ്പൂ, കറുവപ്പട്ട, ഉള്ളി ഇത്യാദികൾ ചേർക്കും. നീളം കൂടിയ ബസുമതി അരിയാണ് വേണ്ടത്.  

വിറകു കത്തി കനൽ പഴുത്തു വരുമ്പോൾ പാതിവെന്ത അരി കുഴിവട്ടത്തിനൊത്ത ചെമ്പിലാക്കി ഇറക്കി വയ്ക്കും. തുറന്ന ചെമ്പിനു മുകളിൽ വയ്ക്കുന്ന ഗ്രില്ലിലാണ് ചിക്കൻ വെക്കുന്നു.  മുപ്പതും നാൽപതും കോഴികൾ പ്രത്യേക മസാലക്കൂട്ടുകൾ പുരട്ടി ഗ്രില്ലിൽ പൂക്കളമൊരുക്കുന്നതുപോലെ അടുക്കി വയ്ക്കും. ഏറ്റവും അടിയി‍ൽ കനൽ, അതിനു മുകളിൽ ചോറിൻചെമ്പ്, അതിനും മുകളിൽ ഗ്രില്ലിൽ മസാല പുരട്ടിയ ചിക്കൻ. ശേഷം കുഴി ഭദ്രമായി അടക്കുന്നു. ചൂടൽപം പോലും പുറത്തു പോകാത്ത വിധം ഇരുമ്പടപ്പു കൊണ്ട് അടുപ്പ് മൂടി വയ്ക്കും.

കുഴിക്കുള്ളിലെ എരിപൊരിയിൽ ഗ്രില്ലിൽ കിടക്കുന്ന ചിക്കൻ മുഴുവൻ വേവും. കോഴിയുടെ ദേഹത്തെ കൊഴുപ്പും നീരുമെല്ലാം നല്ല പാകത്തിൽ താഴെക്കിടക്കുന്ന ചോറിനു മുകളിൽ തൂകി വീഴും. കൂട്ടത്തിൽ ചോറും വെന്തു പാകമാകും. ചിക്കനിലെ ഈ കൊഴുപ്പല്ലാതെ വേറെ നെയ്യോ, എണ്ണയോ ഒന്നും മന്തിയിൽ ചേർക്കുന്നില്ലെന്നതാണ് പ്രത്യേകത. രണ്ട് മണിക്കൂർ കഴിഞ്ഞ ശേഷം ആദ്യം ചിക്കൻ ഗ്രില്ലും പിന്നീട് ചോറിന്റെ ചെമ്പും കമ്പികൾ കൊളുത്തിൽ കുടുക്കി  പൊക്കി മുകളിൽ എത്തിക്കുന്നു.[2]

അവലംബം[തിരുത്തുക]

  1. "കുഴിമന്തി ഇനി വീട്ടിലുണ്ടാക്കാം". mathrubhumi.com.
  2. "രുചിയിൽ മന്ത്രിയല്ല, രാജാവാണ് കുഴിമന്തി!". manoramaonline.com.
"https://ml.wikipedia.org/w/index.php?title=മന്തി&oldid=3269503" എന്ന താളിൽനിന്ന് ശേഖരിച്ചത്