മനു (നർത്തകൻ)

ഒരു മലയാളിയായ നർത്തകനാണ് മനു മാസ്റ്റർ എന്നറിയപ്പെടുന്ന അബ്ദുൾ മനാഫ്.

കൊടുങ്ങല്ലൂരിലാണു ജനനം. കെ.കെ. സരസ, ചിത്രാ വിശ്വേശ്വരൻ എന്നിവരുടെ പക്കൽ ഭരതനാട്യം പഠിച്ചു. വെമ്പട്ടി ചിന്നസത്യത്തിൽ നിന്നും കുച്ചുപ്പുടിയും. തുടർന്ന് കഥകളി, കഥക്, മോഹിനിയാട്ടം എന്നിവയിലും പ്രാവീണ്യം നേടി. ഭരതനാട്യം പഠിച്ചതിനാൽ യാഥാസ്ഥിതിക സമൂഹം ഒറ്റപ്പെടുത്തിയപ്പോൾ അദ്ദേഹം നാടുവിട്ടു പോയിരുന്നു. മുപ്പതു കൊല്ലത്തിനു ശേഷം കേരളത്തിൽ തിരികെയെത്തി. സംഗീതനാടക അക്കാദമി അദ്ദേഹത്തെ ആദരിച്ചിരുന്നു.