മനീഷ് തിവാരി
മനീഷ് തിവാരി | |
|---|---|
 | |
| വാർത്താ വിതരണ പ്രക്ഷേപണ മന്ത്രി | |
പദവിയിൽ തുടരുന്നു | |
| ചുമതലയേറ്റത് 28 ഒക്ടോബർ 2012 | |
| പ്രധാനമന്ത്രി | മൻമോഹൻ സിംഗ് |
| മുൻഗാമി | അംബിക സോണി |
| പാർലമെന്റ് അംഗം | |
| പദവിയിൽ 2009 | |
| മുൻഗാമി | ശരഞ്ജിത് സിംഗ് ധില്ലൺ |
| മണ്ഡലം | ലുധിയാന |
| പ്രസിഡന്റ് ഇന്ത്യൻ യൂത്ത് കോൺഗ്രസ് | |
| പദവിയിൽ 1998 - 2000 | |
| മുൻഗാമി | സത്യജിത് ഡി. ഗെയ്ക്വാദ് |
| പിൻഗാമി | രൺദീപ് സുർജേവാല |
| President NSUI | |
| പദവിയിൽ 1986 - 1993 | |
| മുൻഗാമി | മുകുൾ വാസ്നിക് |
| പിൻഗാമി | സലിം അഹമ്മദ് |
| വ്യക്തിഗത വിവരങ്ങൾ | |
| രാഷ്ട്രീയ കക്ഷി | ഇന്ത്യൻ നാഷണൽ കോൺഗ്രസ് |
| പങ്കാളി | നാസ്നിൻ ബി. ഷാഫ |
| വെബ്വിലാസം | www.manishtewari.info |
As of ജൂൺ 19, 2009 | |
വാർത്താവിതരണം, പ്രക്ഷേപണം എന്നീ വകുപ്പുകളുടെ സ്വതന്ത്ര ചുമതലയുള്ള കേന്ദ്ര സഹമന്ത്രിയാണ് മനീഷ് തിവാരി (ജനനം: ഡിസംബർ 8, 1965). ഒരു അഭിഭാഷകനും രാഷ്ട്രീയക്കാരനും ഇന്ത്യൻ നാഷണൽ കോൺഗ്രസ് അംഗവുമായ അദ്ദേഹം നിലവിലെ 18-ാമത് ലോക്സഭയിൽ ചണ്ഡീഗഢിനെ പ്രതിനിധീകരിക്കുന്നു.[1] പതിനേഴാമത് ലോക്സഭയിൽ ആനന്ദ്പൂർ സാഹിബിനെയാണ് പ്രതിനിധീകരിച്ചിരുന്നത്. 2012 മുതൽ 2014 വരെയുള്ള കാലത്ത് അദ്ദേഹം വാർത്താവിനിമയ പ്രക്ഷേപണ മന്ത്രിയും 2009 മുതൽ 2014 വരെ ലുധിയാനയിൽ നിന്നുള്ള പാർലമെന്റ് അംഗവുമായിരുന്നു. 2024 ലെ ഇന്ത്യൻ പൊതുതെരഞ്ഞെടുപ്പിൽ അദ്ദേഹം ചണ്ഡീഗഢിൽ നിന്ന് മത്സരിച്ച് വിജയിച്ചു.[2]
ജീവിതരേഖ
[തിരുത്തുക]1965 ഡിസംബർ 8 ന് ഇന്ത്യയിലെ ചണ്ഡീഗഡിൽ, പഞ്ചാബി ഭാഷാ എഴുത്തുകാരനും പഞ്ചാബ് സർവകലാശാലയിലെ പ്രൊഫസറുമായിരുന്ന വി.എൻ. തിവാരിയുടെയും ജാട്ട് സിഖ് വംശജയും ദന്തഡോക്ടർ, ഓറൽ ഹെൽത്ത് സയൻസസ് സെന്ററിൽ പ്രൊഫസർ, ഹെഡും പോസ്റ്റ് ഗ്രാജുവേറ്റ് ഇൻസ്റ്റിറ്റ്യൂട്ട് ഓഫ് മെഡിക്കൽ എഡ്യൂക്കേഷൻ ആൻഡ് റിസർച്ചിൽ ഡീൻ എന്നീ നിലകളിൽ ജോലി ചെയ്തിരുന്ന അമൃത് തിവാരിയുടെയും മകനായി മനീഷ് തിവാരി ജനിച്ചു..[3][4]
1984 ൽ ഖാലിസ്ഥാനി തീവ്രവാദികൾ അദ്ദേഹത്തിന്റെ പിതാവിനെ കൊലപ്പെടുത്തി. 2018 ൽ ഹൃദയാഘാതത്തെ തുടർന്ന് അമ്മ മരിച്ചു.[5] 1984 ൽ ഖാലിസ്ഥാനി തീവ്രവാദികൾ അദ്ദേഹത്തിന്റെ പിതാവിനെ കൊലപ്പെടുത്തി. 2018 ൽ ഹൃദയാഘാതത്തെ തുടർന്ന് അമ്മ മരിച്ചു. തിവാരിയുടെ മാതൃപിതാവ് സർദാർ തിരാത് സിംഗ് പഞ്ചാബിലെ കോൺഗ്രസ് സർക്കാരിൽ അഭിഭാഷകനും മന്ത്രിയുമായിരുന്നു. യൂത്ത് കോൺഗ്രസ് വഴി രാഷ്ട്രീയത്തിലേക്ക് വന്നു. 1998-2000 കാലത്ത് യൂത്ത് കോൺഗ്രസ് പ്രസിഡന്റായി. 2004 ൽ ലോക്സഭയിലേക്ക് മത്സരിച്ച് തോറ്റു, 2009 ൽ ലുധിയാനയിൽ നിന്ന് എം.പി.യായി. 2008-ൽ കോൺഗ്രസ് വക്താവായി ചുമതലയേറ്റു.
ചണ്ഡീഗഡിലെ സെന്റ് ജോൺസ് ഹൈസ്കൂളിൽ നിന്നാണ് അദ്ദേഹം പഠനം നടത്തിയത്. ചണ്ഡീഗഡിലെ പഞ്ചാബ് സർവ്വകലാശാലയിൽ നിന്ന് ബാച്ചിലർ ഓഫ് ആർട്സ് ബിരുദവും പിന്നീട് ഡൽഹി സർവ്വകലാശാലയിൽ നിന്ന് നിയമ ബിരുദവും നേടി.[6] പഞ്ചാബ് സർവ്വകലാശാലയിലെ പഠനകാലത്ത് നീന്തലിലും വാട്ടർ പോളോയിലും അദ്ദേഹം സ്പോർട്സ് ടീമുകളെ നയിച്ചിരുന്നു.[7] തിവാരി 1996 മാർച്ചിൽ ഒരു പാഴ്സി വംശജയായ നസ്നിൻ ഷിഫയെ വിവാഹം കഴിച്ചു. ഇപ്പോൾ ന്യൂഡൽഹിയിലെ ലോധി ഗാർഡൻസിൽ താമസിക്കുന്ന ദമ്പതികൾക്ക് ഇനേക തിവാരി എന്നൊരു മകളുണ്ട്.[8]
കരിയർ
[തിരുത്തുക]1988 മുതൽ 1993 വരെ[9] നാഷണൽ സ്റ്റുഡന്റ്സ് യൂണിയൻ ഓഫ് ഇന്ത്യയുടെയും 1998 മുതൽ 2000 വരെ ഇന്ത്യൻ യൂത്ത് കോൺഗ്രസ് (ഐ) യുടെയും പ്രസിഡന്റായിരുന്നു തിവാരി. 2004 ലെ ലോക്സഭാ തിരഞ്ഞെടുപ്പിൽ അദ്ദേഹം പരാജയപ്പെട്ടുവെങ്കിലും 2009 ലെ ലോക്സഭാ തിരഞ്ഞെടുപ്പിൽ ശിരോമണി അകാലിദളിന്റെ സ്ഥാനാർത്ഥി ഗുർചരൺ സിംഗ് ഗാലിബിനെ ഒരു ലക്ഷത്തിലധികം വോട്ടുകൾക്ക് പരാജയപ്പെടുത്തി വിജയകരമായി തിരിച്ചുവന്നു. അദ്ദേഹം കേന്ദ്ര വാർത്താ വിതരണ പ്രക്ഷേപണ മന്ത്രിയായിരുന്നു. തൊഴിൽപരമായി ഒരു അഭിഭാഷകനായ തിവാരി നിലവിൽ സുപ്രീം കോടതിയിലും ഡൽഹി ഹൈക്കോടതികളിലും പഞ്ചാബ്, ഹരിയാന ഹൈക്കോടതികളിലും പ്രാക്ടീസ് ചെയ്യുന്നു.
അവലംബം
[തിരുത്തുക]- ↑ Sethi, Chitleen K. (2024-06-04). "Congress's Manish Tewari wrests Chandigarh from BJP after 10 yrs, Sanjay Tandon loses by slim margin". ThePrint (in അമേരിക്കൻ ഇംഗ്ലീഷ്). Retrieved 2024-06-17.
- ↑ The Economic Times (6 June 2024). "Bullish Wins & Bearish Losses: Here are the key contests and results of 2024 Lok Sabha polls". Archived from the original on 27 July 2024. Retrieved 27 July 2024.
- ↑ @ManishTewari (Nov 21, 2018). "Actually Prabhu ji @PrabhuChawla "I am half a Jat Sikh too - from my mother's side & proud of the Hindu- Sikh syncretism that is my DNA. My Late Father called it Punjabiyat. While I was growing up religion, caste & the rest of it was alien to me. I discovered that I was a Hindu1/2"" (Tweet). Retrieved Sep 14, 2024 – via Twitter.
- ↑ Singh, Robin (15 January 2018). "Prof Amrit Tewari, former PGI Dean, passes away at 80". The Tribune. Retrieved 24 February 2020.
- ↑ Singh, Robin (15 January 2018). "Prof Amrit Tewari, former PGI Dean, passes away at 80". The Tribune. Retrieved 24 February 2020.
- ↑ "Detailed profile: Shri Manish Tewari". Government of India. Retrieved 16 October 2019.[പ്രവർത്തിക്കാത്ത കണ്ണി]
- ↑ "Detailed profile: Shri Manish Tewari". Government of India. Retrieved 16 October 2019.[പ്രവർത്തിക്കാത്ത കണ്ണി]
- ↑ "Detailed profile: Shri Manish Tewari". Government of India. Retrieved 16 October 2019.[പ്രവർത്തിക്കാത്ത കണ്ണി]
- ↑ "Tewari, Shri Manish". Parliament of India. Retrieved 24 February 2020.
 |
ഇന്ത്യൻ രാഷ്ട്രീയപ്രവർത്തകരെ കുറിച്ചുള്ള ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |