മണ്ണെണ്ണക്കുഴമ്പ്

കീടങ്ങൾക്കെതിരേ തളിയ്ക്കാൻ പറ്റിയ ഒരു സ്പർശന കീടനാശിനിയാണ് മണ്ണെണ്ണക്കുഴമ്പ്.

ചേരുവകൾ

മണ്ണെണ്ണക്കുഴമ്പിൽ ബാർസോപ്പും(അലക്കു സോപ്പ്) മണ്ണെണ്ണയുമാണ് പ്രധാന ചേരുവകൾ.

തയ്യാറാക്കുന്നവിധം

250 ഗ്രാം ബാർസോപ്പ് ചെറുതായി അരിഞ്ഞ് രണ്ടു ലിറ്റർ ചെറുചൂടുവെള്ളത്തിൽ തരികൾ ഇല്ലാത്തവിധം നന്നായി ലയിപ്പിയ്ക്കുക. ലായനി തണുത്തുകഴിയുമ്പോൾ നാലരലിറ്റർ മണ്ണെണ്ണ ഇതിലേയ്ക്ക് കലർത്തി യോജിപ്പിയ്ക്കണം.

ഉപയോഗം

ഈ കീടനാശിനി ചെടികളുടെ നീരൂറ്റികുടിയ്ക്കുന്ന കീടങ്ങൾക്കെതിരേ ഫലപ്രദമാണ്. 10 പ്രാവശ്യമെങ്കിലും നേർപ്പിച്ച് ഇത് ഉപയോഗിയ്ക്കാം. കീടനാശിനി ഇലകളിൽ വീഴാതെ സൂക്ഷിക്കണം.