മഞ്ചേരി ചന്ദ്രൻ

മഞ്ചേരി ചന്ദ്രൻ
ജനനം	എം കെ രാമചന്ദ്രൻ വേങ്ങര, മലപ്പുറം ജില്ല, കേരളം, ഇന്ത്യ
പൗരത്വം	ഇന്ത്യൻ
തൊഴിൽ	ചലച്ചിത്ര അഭിനേതാവ്
സജീവ കാലം	1970 – 2004
ജീവിതപങ്കാളി	സത്യഭാമ
കുട്ടികൾ	റാണി ശരൺ

മലയാള ചലച്ചിത്രരംഗത്തെ ശ്രദ്ധേയനായ നടനും നിർമ്മാതാവുമായിരുന്നു മഞ്ചേരി ചന്ദ്രൻ (എം കെ രാമചന്ദ്രൻ എന്നാണ് യഥാർത്ഥ പേര്). 1970-കളിലും 1980-കളുടെ തുടക്കത്തിലും സജീവമായിരുന്ന ഒരു അഭിനേതാവായ ചന്ദ്രൻ നൂറ്റമ്പത്തോളം ചലച്ചിത്രങ്ങളിൽ അഭിനയിച്ചിട്ടുണ്ട്. പ്രധാനമായും സഹനടനായി അഭിനയിച്ച അദ്ദേഹം, പ്രതിനായക വേഷങ്ങളിലും ശ്രദ്ധേയനായിരുന്നു .

വ്യക്തിജീവിതം

മലപ്പുറം ജില്ലയിലെ വേങ്ങര ഊരകത്താണ് ചന്ദ്രന്റെ ജനനം. മലബാർ മേഖലയിൽ നിന്നും അധികമാരും ചലച്ചിത്ര രംഗത്തേക്ക് കടന്നുവരാതിരുന്ന കാലത്താണ് ചന്ദ്രന്റെ രംഗപ്രവേശനം. പിന്നീട് തെന്നിന്ത്യൻ സിനിമയുടെ കേന്ദ്രമായിരുന്ന മദിരാശിയിലേക്കും പിന്നീട് 1980-കളിൽ മലപ്പുറം മഞ്ചേരിയിലേക്കും ചന്ദ്രൻ കൂടുമാറി. ചലച്ചിത്ര രംഗത്ത് സജീവമായിരുന്ന കാലത്ത് തന്നെയായിരുന്നു ബാങ്ക് ഉദ്യോഗസ്ഥയായിരുന്നു സത്യഭാമയുമായുള്ള വിവാഹം. ഇവരുടെ മകൾ റാണി ശരൺ തെന്നിന്ത്യൻ ചലച്ചിത്ര മേഖലയിൽ സജീവമാണ് . സിനിമാ സീരിയൽ രംഗത്തെ അഭിനേതാവ് ശരൺ പുതുമന മകളുടെ ഭർത്താവാണ്

ചലച്ചിത്രജീവിതം

മലയാള സിനിമയുടെ ഗംഭീരമായ ഒരു കാലഘട്ടത്തിലാണ് ചന്ദ്രൻ അഭിനയത്തിലേക്ക് കടന്നുവന്നത്. പ്രതിനായക വേഷങ്ങളും സ്വഭാവ വേഷങ്ങളുമാണ് കൂടുതൽ അദ്ദേഹം അഭിനയിച്ചത്. തുടക്കത്തിൽ ചെറുവേഷങ്ങളായിരുന്നു കൈകാര്യം ചെയ്തിരുന്നതെങ്കിലും പിന്നീട് അഭിനയ മികവിൽ ഒട്ടേറെ നല്ല വേഷങ്ങൾ ചന്ദ്രനെ തേടിയെത്തി. 1970-ൽ പുറത്തിറങ്ങിയ 'ആ ചിത്രശലഭം പറന്നോട്ടെ' എന്ന ചിത്രത്തിലൂടെയായിരുന്നു മലയാള ചലച്ചിത്ര രംഗത്തേക്കുള്ള ചുവടുവെപ്പ്. പുരാണ ചിത്രങ്ങളിലും സാമൂഹിപ്രസക്തമായ ചിത്രങ്ങളിലും അഭിനയിച്ചതോടെ ചലച്ചിത്ര രംഗത്ത് ചന്ദ്രൻ ശ്രദ്ധിക്കപ്പെട്ടു. പിന്നീട് നിർമ്മാണ രംഗത്തേക്ക് കൂടി തിരിഞ്ഞ ചന്ദ്രൻ നിരവധി ഹിറ്റ് ചിത്രങ്ങളാണ് മലയാള ചലച്ചിത്ര ശാഖയ്ക്ക് സമ്മാനിച്ചത്.

അഭിനയിച്ച സിനിമകൾ

വിവിധ ഭാഷകളിലായി നൂറ്റമ്പതോളം ചിത്രങ്ങളിലാണ് ചന്ദ്രൻ അഭിനയിച്ചിട്ടുള്ളത്.

തിരഞ്ഞെടുത്ത ചലച്ചിത്രങ്ങൾ

ക്രമ നമ്പർ	സിനിമ	വേഷം	സംവിധാനം	വർഷം
1	ആ ചിത്രശലഭം പറന്നോട്ടെ			1970
2	സി.ഐ.ഡി. നസീർ	ഉദ്യോഗസ്ഥൻ	പി വേണു	1971
3	ഗംഗാസംഗമം		ജെ ഡി തോട്ടാൻ, ബി കെ പൊറ്റക്കാട്	1971
4	വിവാഹസമ്മാനം		ജെ ഡി തോട്ടാൻ	1971
5	അനന്തശയനം		കെ സുകുമാരൻ	1972
6	അഴിമുഖം		പി വിജയൻ	1972
7	ടാക്സി കാർ		പി വേണു	1972
8	സംഭവാമി യുഗേ യുഗേ		കെ.ജി. ജോർജ്ജ്	1972
9	ഫുട്ബോൾ ചാമ്പ്യൻ		എ ബി രാജ്	1973
10	പോലീസ് അറിയരുത്		എം എസ് ശെന്തിൽകുമാർ	1973
11	ഭദ്രദീപം		എം കൃഷ്ണൻ നായർ	1973
12	ലേഡീസ് ഹോസ്റ്റൽ		ഹരിഹരൻ	1973
13	അജ്ഞാതവാസം	മാനേജർ	എ ബി രാജ്	1973
14	നഖങ്ങൾ		എ വിൻസെന്റ്	1973
15	ഭൂമി ദേവി പുഷ്പിണിയായി		ടി ഹരിഹരൻ	1974
16	അയലത്തെ സുന്ദരി		ഹരിഹരൻ	1974
17	ഹണിമൂൺ		ഹരിഹരൻ	1974
18	മത്സരം		കെ നാരായണൻ	1975
19	ചീഫ് ഗസ്റ്റ്	ചന്ദ്രൻ	എ ബി രാജ്	1975
20	പാലാഴി മഥനം		ശശികുമാർ	1975
21	അപ്പൂപ്പൻ	വേണുഗോപാൽ	പി ഭാസ്ക്കരൻ	1976
22	രാത്രിയിലെ യാത്രക്കാർ		പി വേണു	1976
23	ലൈറ്റ് ഹൗസ്		എ ബി രാജ്	1976
24	മോഹിനിയാട്ടം		ശ്രീകുമാരൻ തമ്പി	1976
25	പഞ്ചമി		ഹരിഹരൻ	1976
26	ഹർഷബാഷ്പം	ശ്രീധരൻ	പി ഗോപികുമാർ	1977
27	ജഗദ്ഗുരു ആദിശങ്കരൻ	പരമശിവൻ	പി ഭാസ്ക്കരൻ	1977
28	മധുരസ്വപ്നം		എം കൃഷ്ണൻ നായർ	1977
29	പഞ്ചാമൃതം		ജെ ശശികുമാർ	1977
30	സഖാക്കളേ മുന്നോട്ട്		ജെ ശശികുമാർ	1977
31	തോൽക്കാൻ എനിക്ക് മനസ്സില്ല		ഹരിഹരൻ	1977
32	സമുദ്രം		കെ.ജി. ജോർജ്ജ്	1977
33	അഷ്ടമംഗല്യം		പി. ഗോപികുമാർ	1977
34	മുദ്ര മോതിരം		ജെ. ശശികുമാർ	1977
35	സത്യവാൻ സാവിത്രി		പി. ഭാസ്ക്കരൻ	1977
36	അസ്തമയം	ചന്ദ്രൻ	പി ചന്ദ്രകുമാർ	1978
37	ജയിക്കാനായ് ജനിച്ചവൻ		ജെ ശശികുമാർ	1978
38	അവൾക്ക് മരണമില്ല		മേലാറ്റൂർ രവി വർമ്മ	1978
39	ഇതാ ഒരു മനുഷ്യൻ		ഐ വി ശശി	1978
40	ആളമാറാട്ടം		പി വേണു	1978
41	പ്രാർത്ഥന		എ ബി രാജ്	1978
42	ആറു മണിക്കൂർ		ദേവരാജ്, മോഹൻ	1978
43	സ്നേഹത്തിന്റെ മുഖങ്ങൾ	ദേവദാസിന്റെ സുഹൃത്ത്	ടി ഹരിഹരൻ	1978
44	ബ്ലാക്ക് ബെൽറ്റ്		ക്രോസ്ബെൽറ്റ് മണി	1978
45	പിച്ചാത്തി കുട്ടപ്പൻ		പി വേണു	1979
46	അവളുടെ പ്രതികാരം		പി വേണു	1979
47	അഗ്നിപർവ്വതം		പി ചന്ദ്രകുമാർ	1979
48	വാർഡ് നമ്പർ ഏഴ്		പി വേണു	1979
49	കള്ളിയങ്കാട്ടു നീലി		എം കൃഷ്ണൻ നായർ	1979
50	പെണ്ണൊരുമ്പെട്ടാൽ		പി കെ ജോസഫ്	1979
51	അന്തപുരം		കെ.ജെ. രാജശേഖരൻ	1980
52	വേലിയേറ്റം	ഇൻസ്പെക്ടർ	പി ടി രാജൻ‍	1981
53	ഗുഹ	ദാസിനെ ആക്രമിക്കുന്നയാൾ	എം ആർ ജോസ്	1981
54	അഗ്നിശരം	ഇൻസ്പെക്ടർ	എ ബി രാജ്	1981
55	ശാന്തം ഭീകരം		എം. ഹരിഹരൻ	1981
56	താരാട്ട്		ബാലചന്ദ്രമേനോൻ	1981
57	ബെൽറ്റ് മത്തായി	വേലായുധൻ	ടി എസ് മോഹൻ	1983
58	വാശി		എം ആർ ജോസഫ്‌	1983
59	കരിമ്പ്		കെ. വിജയൻ, രാമു കാര്യാട്ട്, മാനുവൽ റൊമേറോ	1984
60	അന്തിച്ചുവപ്പ്		കുര്യൻ വർണ്ണശാല	1984
61	അക്കരെ നിന്ന്		ടി. ഹരിഹരൻ	1984
62	ഒന്നും ഒന്നും പതിനൊന്ന്		രവി ഗുപ്തൻ	1988
63	കണ്ണമ്മ (തമിഴ്)		ശിവചന്ദ്രൻ	1988
64	പൂനിലാവ്		തേജസ് പെരുമണ്ണ	1997
65	മജീഷ്യൻ മഹേന്ദ്രലാൽ ഫ്രം ഡൽഹി		കെ രാധാകൃഷ്ണൻ	1998
66	ആയിരം മേനി	(അതിഥി വേഷം)	ഐ.വി. ശശി	1999
67	ഈ സ്നേഹതീരത്ത് (സാമം)		ശിവപ്രസാദ്	2004
68	നയനം		സുനിൽ മാധവ്	2009
69	ഫാസ്റ്റ് പാസഞ്ചർ			(പുറത്തിറങ്ങിയിട്ടില്ല)
70	സസ്പെൻസ്			(പുറത്തിറങ്ങിയിട്ടില്ല)
71	സ്വരാക്ഷരങ്ങൾ			(പുറത്തിറങ്ങിയിട്ടില്ല)

അവസാനകാലം

2009 ഏപ്രിൽ 14-ന് അന്തരിച്ചു.