മഞ്ചേരി ആകാശവാണി

മഞ്ചേരി ആകാശവാണി
	മഞ്ചേരി ആകാശവാണിയുടെ കവാടം
നഗരം	മഞ്ചേരി, കേരള
പ്രക്ഷേപണ പ്രദേശം	3550 ച.കി.മി ; Fully Covered: മലപ്പുറം ; Partially Covered: കോഴിക്കോട്, വയനാട്, പാലക്കാട്, നീലഗിരി
ഫ്രീക്വൻസി	102.7 MHz
പ്രൊഗ്രാമിങ്
ഭാഷ(കൾ)	മലയാളം, ഇംഗ്ലീഷ്
Format	വാർത്ത, റേഡിയോ ഡ്രാമ, സംഗീതം
ഉടമസ്ഥത
ഉടമസ്ഥൻ	All India Radio
ചരിത്രം
ആദ്യ പ്രക്ഷേപണം	2006 ജനുവരി 28
Technical information
Transmitter coordinates	11°7′3.14″N 76°7′58.45″E / 11.1175389°N 76.1329028°E
Links
Webcast	Listen live
Website	allindiaradio.gov.in/Station/MANJERI/Pages/default.aspx

കേരളത്തിലെ മലപ്പുറം ജില്ലയിലെ മഞ്ചേരി ആസ്ഥാനമായി പ്രവർത്തിക്കുന്ന റേഡിയോ പ്ര‌ക്ഷേപണ കേന്ദ്രമാണ് മഞ്ചേരി ആകാശവാണി എഫ്എം നിലയം (102.7). മഞ്ചേരി എൻ.എസ്.എസ്. കോളേജ് കുന്നിലാണു ഇത് സ്ഥിതി ചെയ്യുന്നത്. 2006 ജനുവരി 28നാണ് ഈ നിലയം കമ്മീഷൻ ചെയ്തത്. ഇത് ഒരു പ്രാദേശിക നിലയമാണ്. ആകാശവാണിയുടെ കേരളത്തിലെ രണ്ടാമത്തെ പ്രാദേശിക നിലയമാണിത്. മലപ്പുറം, പാലക്കാട് ജില്ലകളിലെയും സമീപപ്രദേശങ്ങളിലേയും ഉദ്ദേശം 85 ലക്ഷം ജനങ്ങളിലേക്കാണ് ഈ നിലയത്തിന്റെ പരിപാടികൾ പ്രക്ഷേപണം ചെയ്യപ്പെടുന്നത്. മൂന്നു കിലോവാട്ടാണു ഇതിന്റെ പ്രസരണശേഷി.^[3]

പ്രക്ഷേപണ സമയം[തിരുത്തുക]

രാവിലെ 05.53 മുതൽ രാത്രി 11:06 വരെ ഇടവേളകളില്ലാത, തുടർച്ചയായാണ് പ്രക്ഷേപണം. 2017 ജനുവരി 26നാണു പ്രഭാതപ്രക്ഷേപണം ആരംഭിച്ചത്. 2019 ജൂൺ 2 നാണ് തുടർച്ചയായുള്ള പ്രക്ഷേപണം (seamless transmission) ആരംഭിച്ചത്. കേരളത്തിൽ ആകാശവാണിയുടെ വിനോദ ചാനലുകളൊഴികെയുള്ള നിലയങ്ങളിൽ തുടർച്ചയായി പ്രക്ഷേപണമുള്ള ഏക നിലയമാണിത്.[1]

ആദ്യ പ്രക്ഷേപണം; പ്രോഗ്രാം എക്സിക്യൂട്ടീവ് ഡി.പ്രദീപ് കുമാറിന്റെ നേതൃത്വത്തിൽ മാത്യു ജോസഫ് (ട്രാൻസ്മിഷൻ എക്സിക്യൂട്ടീവ്), ആർ.കനകാംബരൻ (സ്റ്റാഫ് അനൌൺസർ) എന്നിവരടങ്ങിയ സംഘമായിരുന്നു ആദ്യപ്രക്ഷേപണം നടത്തിയത്.
കെ.എം. നരേന്ദ്രൻ, എം.ബാലകൃഷ്ണൻ, എസ് . രാധാകൃഷ്ണൻ ,ഡി.പ്രദീപ് കുമാർ എന്നിവരെത്തുടർന്ന് 2020 മെയ് 30 മുതൽ ടി.കെ.മനോജൻ (അസി.ഡയറക്ടർ) ആണ് ഇപ്പോഴത്തെ പ്രോഗ്രാം മേധാവി.^{[അവലംബം ആവശ്യമാണ്]}

പ്രക്ഷേപണ പരിപാടികൾ[തിരുത്തുക]

ഓരോമണിക്കൂറിലും എഫ്.എം. വാർത്താബുള്ളറ്റിനുകൾ, സേവനവാർത്തകൾ, തീവണ്ടിസമയം, ചലച്ചിത്രഗാനങ്ങൾ ലളിതഗാനങ്ങൾ, ഗസലുകൾ, നാടകഗാനങ്ങൾ, നാടൻപാട്ടുകൾ, മാപ്പിളപ്പാട്ടുകൾ, കാവ്യാലാപനങ്ങൾ, നോവൽ പാരായണം, സൈബർ ജാലകം, കരിയർ ഗൈഡൻസ് പരിപാടികൾ. കുട്ടികൾക്കും യുവാക്കൾക്കുമുൾപ്പെടെ എല്ലാ ആഴ്ചയിലും 6 ലൈവ് ഫോൺ - ഇൻ പരിപാടികൾ. കൂടാതെ കോവിഡ് സാഹചര്യത്തിൽ ലോക്ഡൗൺ തുടങ്ങിയപ്പോൾ 'ഹലോ ആകാശവാണി വീട്ടുവിശേഷം', 'ഒരു കഥ പറയാം', 'ഒരു പാട്ടു പാടാം', 'വാചകമേള' എന്നീ തത്സമയ ഫോൺ-ഇൻ പരിപാടികളും ആരംഭിച്ചു