ഭസ്മക്കൊട്ട
ചില കേരളീയഭവനങ്ങളിൽ ഉപയോഗിച്ചുവരുന്ന ഒരുതരം പാത്രമാണ് ഭസ്മക്കൊട്ട. അനുഷ്ഠാനപരമായി ശരീരത്തിൽ പൂശുന്നതിനുള്ള ഭസ്മം ശേഖരിച്ചുവെക്കുന്നതിനാണ് ഇതുപയോഗിക്കുന്നത്.
നിർമ്മാണം
[തിരുത്തുക]മരം കൊണ്ടാണ് സാധാരണയായി ഭസ്മക്കൊട്ട നിർമ്മിക്കുന്നത്. എന്നാൽ, ഓടുകൊണ്ടുള്ളതും അപൂർവ്വമായി കണ്ടുവരുന്നുണ്ട്.
ഘടന
[തിരുത്തുക]
പല വലിപ്പത്തിലും ആകൃതിയിലുമുള്ള ഭസ്മക്കൊട്ടകളുണ്ട്. വൃത്താകൃതിയിലും ചതുരാകൃതിയിലുമുള്ളവയും മനോഹരമായ കൊത്തുപണികളോടു കൂടിയവയും ഉണ്ട്.
സ്ഥാനം
[തിരുത്തുക]പൂജാമുറിയോട് ചേർന്നോ കുളിപ്പുരയോടനുബന്ധിച്ചോ ആണ് ഭസ്മക്കൊട്ട തൂക്കിയിടുന്നത്. ചാണകവരടി കത്തിച്ചുണ്ടാക്കുന്ന ഭസ്മമാണ് ഇതിൽ നിറയ്ക്കുന്നത്.