ഭരണഘടനാദിനം (ഇന്ത്യ)
| Constitution Day | |
|---|---|
Original text of the Preamble of the Indian constitution | |
| ഔദ്യോഗിക നാമം | Samvidhan Divas |
| ഇതരനാമം | National Law Day |
| ആചരിക്കുന്നത് | India |
| പ്രാധാന്യം | India adopted its constitution in 1950 |
| ആഘോഷങ്ങൾ | Constitution-related activities in schools, Run for Equality, Special Parliamentary Session |
| ആരംഭം | 1950 |
| തിയ്യതി | 26 November |
| അടുത്ത തവണ | 26 നവംബർ 2026 |
| ആവൃത്തി | annual |
| First time | 2015 |
| ബന്ധമുള്ളത് | Constitution of India, Republic Day (India) |

ഇന്ത്യൻ ഭരണഘടന അംഗീകരിച്ചതിന്റെ ഓർമ്മയ്ക്കായി എല്ലാ വർഷവും നവംബർ 26 ഇന്ത്യയിൽ ഭരണഘടനാദിനം ആയി ആഘോഷിക്കുന്നു. ഇത് സംവിധാൻ ദിവസ്, ദേശീയ നിയമദിനം എന്നീ പേരുകളിലും അറിയപ്പെടുന്നു. 1949 നവംബർ 26-ന് ഇന്ത്യയുടെ ഭരണഘടനാ നിർമ്മാണ സഭ ഇന്ത്യൻ ഭരണഘടന അംഗീകരിക്കുകയും 1950 ജനുവരി 26 മുതൽ അത് പ്രാബല്യത്തിൽ വരികയും ചെയ്തു.[1]
2015-ൽ ഇന്ത്യാ ഗവൺമെന്റ് ഗസറ്റ് വിജ്ഞാപനത്തിലൂടെ നവംബർ 26-നെ ഭരണഘടനാദിനമായി പ്രഖ്യാപിച്ചു. മുംബൈയിൽ ബി. ആർ. അംബേദ്കറുടെ സ്റ്റാച്യു ഓഫ് ഇക്വാലിറ്റി സ്മാരകത്തിന് തറക്കല്ലിടുന്ന വേളയിലാണ് പ്രധാനമന്ത്രി നരേന്ദ്ര മോദി 2015 ഒക്ടോബർ 11-ന് ഈ പ്രഖ്യാപനം നടത്തിയത്. ഭരണഘടനാ നിർമ്മാണ സഭയുടെ കരട് നിർമ്മാണ സമിതിയുടെ അദ്ധ്യക്ഷനും ഭരണഘടനയുടെ കരട് തയ്യാറാക്കുന്നതിൽ നിർണായക പങ്കുവഹിച്ചയാളുമായ അംബേദ്കറുടെ 125-ാം ജന്മവാർഷികമായിരുന്നു 2015.[1] മുമ്പ് ഈ ദിനം നിയമദിനമായാണ് ആഘോഷിച്ചിരുന്നത്.[2] ഭരണഘടനയുടെ പ്രാധാന്യവും അംബേദ്കറുടെ ചിന്തകളും ആശയങ്ങളും പ്രചരിപ്പിക്കുന്നതിനായാണ് നവംബർ 26 തിരഞ്ഞെടുത്തത്.
പശ്ചാത്തലം
[തിരുത്തുക]ഇന്ത്യൻ ഭരണഘടനയുടെ പിതാവ് എന്നറിയപ്പെടുന്ന ബി. ആർ. അംബേദ്കറുടെ (14 ഏപ്രിൽ 1891 – 6 ഡിസംബർ 1956) 125-ാം ജന്മവാർഷിക വർഷം ആഘോഷിക്കാൻ 2015 മെയ് മാസത്തിൽ സർക്കാർ തീരുമാനിച്ചു.[3] [4] ഇതിനായി ഇന്ത്യൻ പ്രധാനമന്ത്രിയുടെ അധ്യക്ഷതയിൽ ഒരു പ്രത്യേക സമിതി രൂപീകരിക്കുന്നതായി പ്രഖ്യാപിച്ചു. അംബേദ്കറുടെ ചിന്തകളും ആശയങ്ങളും പ്രചരിപ്പിക്കുന്നതിനായി വിവിധ മന്ത്രാലയങ്ങളും വകുപ്പുകളും വർഷം മുഴുവൻ വിവിധ പരിപാടികൾ നടത്തി.[5] [6] [7][8]
ആഘോഷങ്ങൾ
[തിരുത്തുക]ഭരണഘടനാദിനം പൊതു അവധിദിവസമല്ല. ഇന്ത്യാ ഗവൺമെന്റിന്റെ വിവിധ വകുപ്പുകൾ ഭരണഘടനാദിനം ആഘോഷിക്കുന്നു. എല്ലാ സ്കൂളുകളിലും ഭരണഘടനയുടെ ആമുഖം വായിക്കുന്നു. കൂടാതെ, ഇന്ത്യൻ ഭരണഘടന വിഷയമാക്കി ഓൺലൈനായും ഓഫ്ലൈനായും ക്വിസ്, ഉപന്യാസ മത്സരങ്ങൾ നടത്തുകയും ഭരണഘടനയുടെ സവിശേഷതകളെക്കുറിച്ച് പ്രഭാഷണം സംഘടിപ്പിക്കുകയും ചെയ്യുന്നു. കോളേജുകളിൽ പാർലമെന്റ് സംവാദങ്ങൾ സംഘടിപ്പിക്കാൻ ഉന്നത വിദ്യാഭ്യാസ വകുപ്പ് വിവിധ സർവകലാശാലകളോട് നിർദ്ദേശിച്ചിട്ടുണ്ട്.[8]
2015 നവംബർ 26 ഭരണഘടനാദിനമായി ആഘോഷിക്കാൻ വിദേശകാര്യ മന്ത്രാലയം വിദേശത്തുള്ള എല്ലാ ഇന്ത്യൻ സ്കൂളുകളോടും നിർദ്ദേശിക്കുകയും, ഭരണഘടന അതത് രാജ്യത്തെ പ്രാദേശിക ഭാഷയിലേക്ക് വിവർത്തനം ചെയ്ത് വിവിധ അക്കാദമികൾ, ലൈബ്രറികൾ, ഇൻഡോളജി ഫാക്കൽറ്റികൾ എന്നിവയ്ക്ക് വിതരണം ചെയ്യാൻ എംബസികൾക്ക് നിർദ്ദേശം നൽകുകയും ചെയ്തു. ഇന്ത്യൻ ഭരണഘടന അറബിയിലേക്ക് വിവർത്തനം ചെയ്യുന്ന പ്രവൃത്തി പൂർത്തിയായി.[8] [9] കായിക വകുപ്പ് "റൺ ഫോർ ഇക്വാലിറ്റി" എന്ന പേരിൽ ഒരു പ്രതീകാത്മക ഓട്ടം സംഘടിപ്പിച്ചു.[10] ഭരണഘടനയ്ക്കും അംബേദ്കർക്കും ആദരാഞ്ജലി അർപ്പിക്കാൻ 2015 നവംബർ 26-ന് ഇന്ത്യൻ പാർലമെന്റിന്റെ പ്രത്യേക സമ്മേളനവും നടന്നു. ഈ അവസരത്തിൽ പാർലമെന്റ് മന്ദിര സമുച്ചയം ദീപാലംകൃതമാക്കി.
ഇതും കാണുക
[തിരുത്തുക]അവലംബം
[തിരുത്തുക]- 1 2 "Government of India formally notifies November 26 as Constitution Day". onelawstreet.com. Archived from the original on 20 November 2015. Retrieved 20 November 2015.
- ↑ "Law Day Speech" (PDF). Supreme Court of India. Archived from the original (PDF) on 23 December 2015. Retrieved 20 November 2015.
- ↑ "Government to observe BR Ambedkar's 125th birth anniversary in a big way". IBNLive. 30 May 2015. Archived from the original on 2016-01-25. Retrieved 27 November 2015.
- ↑ "Government to observe Ambedkar's 125th birth anniversary in a big way". The Indian Express. 30 May 2015. Retrieved 27 November 2015.
- ↑ Shishir Sinha. "PM to head panel on Ambedkar's 125th birth anniversary celebrations". Thehindubusinessline.com. Retrieved 27 November 2015.
- ↑ "PM Narendra Modi Lays Foundation Stone of Ambedkar Memorial in Mumbai". Ndtv.com. 11 October 2015. Retrieved 27 November 2015.
- ↑ "PM Narendra Modi to lay foundation stone of Ambedkar memorial today". The Indian Express. 11 October 2015. Retrieved 27 November 2015.
- 1 2 3 "26th November to be observed as 'Constitution Day'". Pib.nic.in. Retrieved 27 November 2015.
- ↑ "First Arabic translation of Indian constitution launched in Egypt". Firstpost. Retrieved 27 November 2015.
- ↑ "Mass Run Held on Constitution Day". The New Indian Express. Archived from the original on 2015-12-08. Retrieved 27 November 2015.