ബർലിൻ കുഞ്ഞനന്തൻ നായർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ബർലിൻ കുഞ്ഞനന്തൻ നായർ
ജനനംകുഞ്ഞനന്തൻ
(26-11-1926)നവംബർ 1926, 26 invalid day
ചെറുകുന്ന്, കണ്ണൂർ
ദേശീയത ഇന്ത്യ
തൊഴിൽപത്രപ്രവർത്തകൻ
പ്രശസ്തിമുൻ കേരള കമ്മ്യൂണിസ്റ്റ് നേതാവ്
ജീവിത പങ്കാളി(കൾ)സരസ്വതി
കുട്ടി(കൾ)ഉഷ

പഴയകാല പത്രപ്രവർത്തകനും കമ്മ്യൂണിസ്റ്റ് അനുഭാവിയുമാണ് ബർലിൻ കുഞ്ഞനന്തൻ നായർ. കമ്മ്യൂണിസ്റ്റ് ആശയ പ്രചരണത്തിനായി അഹോരാത്രം പ്രവർത്തിച്ചിരുന്ന ഇദ്ദേഹം പി. കൃഷ്ണപിള്ള, ഏ.കെ. ഗോപാലൻ തുടങ്ങിയ നേതാക്കളുമായി ഉറ്റബന്ധം പുലർത്തിയിരുന്നു. സ്കൂൾ വിദ്യാർത്ഥിയായിരിക്കുമ്പോൾ തന്നെ രാഷ്ട്രീയപ്രവർത്തനത്തിൽ ഏർപ്പെട്ടു. കോൺഗ്രസ്സിലൂടെ രാഷ്ട്രീയപ്രവേശനം നടത്തിയ കുഞ്ഞനന്തൻ പിന്നീട്, കമ്മ്യൂണിസ്റ്റ് പാർട്ടിയിൽ അംഗമാവുകയായിരുന്നു. കമ്മ്യൂണിസ്റ്റ് പാർട്ടി നിരോധിക്കപ്പെട്ടിരുന്ന സമയത്ത്, പാർട്ടി നേതാക്കളേയും, സന്ദേശങ്ങളും സുരക്ഷിതമായി ഒരിടത്തുനിന്നും മറ്റൊരിടത്തേക്കു കൊണ്ടുപോകുന്ന ചുമതലയാണ് കുഞ്ഞനന്തൻ നിർവ്വഹിച്ചിരുന്നത്.

അടുത്ത കുറെ വർഷങ്ങളായി സി.പി.എമ്മിലെ തെറ്റായ നയങ്ങളെ എതിർത്തതിനാൽ പാർട്ടിയിലെ ഒരു വിഭാഗം നേതാക്കളുടെ എതിർപ്പിനു കാരണമായി. സി.പി.എമ്മിലെ മുതിർന്ന നേതാവ് വി.എസ്. അച്യുതാനന്ദൻ ഈയിടെ അദ്ദേഹത്തെ വീട്ടിലെത്തി സന്ദർശിച്ചത് പാർട്ടിക്കകത്ത് ഏറെ വിവാദങ്ങൾക്കു കാരണമായി. എം എൻ വിജയനെപ്പോലെ ഇദ്ദേഹത്തെയും പാർട്ടിയുമായി യാതൊരു ബന്ധവുമില്ലാത്ത ആൾ എന്നാണ് ചില മുതിർന്ന നേതാക്കൾ വിശേഷിപ്പിച്ചത്.[അവലംബം ആവശ്യമാണ്]

ദീർഘകാലം ജർമ്മനിയിൽ പ്രവർത്തിച്ചിരുന്ന അദ്ദേഹം നാട്ടിലെത്തിയ ശേഷം സി.പി.എമ്മിന്റെ പ്രാദേശിക ഘടകത്തിൽ സജീവമായി. പക്ഷേ 2005 മാർച്ച് മൂന്നിനു അദ്ദേഹത്തിന്റെ പാർട്ടി ഘടകമായ നാറാത്ത് ബ്രാഞ്ച് കമ്മിറ്റിയിലെ മുഴുവൻ അംഗങ്ങളുടെയും എതിർപ്പ് വകവെക്കാതെ മേൽകമ്മിറ്റി തീരുമാനപ്രകാരം കുഞ്ഞനന്തനെ പാർട്ടിയുടെ പ്രാഥമികാംഗത്വത്തിൽ നിന്നും പുറത്താക്കി[1]

ആദ്യകാല ജീവിതം[തിരുത്തുക]

1926 നവംബർ 26 ന് കോളങ്കട പുതിയ വീട്ടിൽ അനന്തൻ നായരുടേയും, ശ്രീദേവി അമ്മയുടേയും മകനായി കുഞ്ഞനന്തൻ ജനിച്ചു. കണ്ണൂരിലെ ചെറുകുന്നു എന്ന ഗ്രാമത്തിലായിരുന്നു പിതാവിന്റെ തറവാടായ കോളങ്കട. രാജവാഴ്ചകാലത്ത് ചിറക്കൽ തമ്പുരാന്റെ വ്യവഹാര കാര്യസ്ഥനായിരുന്നു അച്ഛൻ അനന്തൻ നായർ.[2] ഈ ദമ്പതികളുടെ പതിനാറു മക്കളിൽ അഞ്ചു പേർ മാത്രമേ ജീവിച്ചിരുന്നുള്ളു. നാറാത്ത് ഈസ്റ്റ് എൽ.പി.സ്കൂളിലായിരുന്നു പ്രാഥമിക വിദ്യാഭ്യാസം.[3] എട്ടാം ക്ലാസ്സുവരെ കണ്ണാടിപറമ്പ് ഹയർ എലിമെന്ററി സ്കൂളിലും, തേഡ്ഫോറത്തിൽ കണ്ണൂർ ടൗൺ മിഡിൽ സ്കൂളിലും, ഫോർത്ത് ഫോറം മുതൽ പത്താം ക്ലാസ്സുവരെ ചിറക്കൽ രാജാസിലുമായി സ്കൂൾ വിദ്യാഭ്യാസം പൂർത്തിയാക്കി. രാജാസ് സ്കൂളിൽ പഠിക്കുമ്പോൾ തന്നെ രാഷ്ട്രീയപ്രവർത്തനം തുടങ്ങിയിരുന്നു.[4]

രാഷ്ട്രീയ ജീവിതം[തിരുത്തുക]

പി.കൃഷ്ണപിള്ളയാണ് രാഷ്ട്രീയ ഗുരു. സ്കൂൾ വിദ്യാർത്ഥിയായിരിക്കുമ്പോൾ കൃഷ്ണപിള്ളയുടെ നേതൃത്വത്തിൽ രൂപീകരിച്ച ബാലഭാരതസംഘത്തിന്റെ നേതൃസ്ഥാനത്തേക്ക് കൃഷ്ണപിള്ള നിർദ്ദേശിച്ചത് കുഞ്ഞനന്തനേയായിരുന്നു.[5] 1943 മേയ് മാസത്തിൽ ബോംബെയിൽ വെച്ചു നടന്ന കമ്മ്യൂണിസ്റ്റ് പാർട്ടിയുടെ ഒന്നാം കോൺഗ്രസ്സിലെ ഏറ്റവും പ്രായം കുറഞ്ഞ പ്രതിനിധി 17 വയസ്സുള്ള കുഞ്ഞനന്തനായിരുന്നു. കോൺഗ്രസ്സിൽ ബാലസംഘത്തെക്കുറിച്ചുള്ള റിപ്പോർട്ട് അവതരിപ്പിച്ചത് കുഞ്ഞനന്തനായിരുന്നു. 1942 ലാണ് പാർട്ടി അംഗത്വം ലഭിക്കുന്നത്.[6] 1943ൽ ജാപ്പ് വിരുദ്ധ ബാലസംഘം എന്ന പേരിൽ ജപ്പാനെതിരേ പ്രചാരണം നടത്തി.

സൈനികരെ ദേശീയപ്രസ്ഥാനത്തിന്റെ ഭാഗമാക്കാനായി, സൈനിക ക്യാംപുകളിൽ കമ്മ്യൂണിസ്റ്റ് പാർട്ടിയുടെ ചെറിയ ശാഖകൾ സ്ഥാപിക്കുവാൻ പാർട്ടി തീരുമാനിക്കുകയും, അതിനു വേണ്ടി കുഞ്ഞനന്തനോട് സൈന്യത്തിൽ ചേരാൻ പാർട്ടി നേതൃത്വം ആവശ്യപ്പെടുകയും ചെയ്തു. [7]

കൃതികൾ[തിരുത്തുക]

  • ഏകാധിപതികൾ അർഹിക്കുന്നത്
  • ഒളിക്യാമറകൾ പറയാത്തത്
  • പൊളിച്ചെഴുത്ത് (ആത്മകഥ) [8]

അവലംബം[തിരുത്തുക]

  • ബർലിൻ, കുഞ്ഞനന്തൻനായർ (2012). പൊളിച്ചെഴുത്ത്. മാതൃഭൂമി ബുക്സ്. ISBN 978-81-8265-170-8.
  1. "ബർലിൻ കുഞ്ഞനന്തൻ നായരെ സി.പി.ഐ(എം) പുറത്താക്കി". വൺഇന്ത്യ മലയാളം. ശേഖരിച്ചത് 26-ഫെബ്രുവരി-2014. Check date values in: |accessdate= (help)
  2. പൊളിച്ചെഴുത്ത് - ബർലിൻ കുഞ്ഞനന്തൻ നായർ പുറം 16
  3. പൊളിച്ചെഴുത്ത് - ബർലിൻ കുഞ്ഞനന്തൻ നായർ പുറം 17
  4. പൊളിച്ചെഴുത്ത് - ബർലിൻ കുഞ്ഞനന്തൻ നായർ സ്കൂൾ വിദ്യാഭ്യാസം പുറം 17
  5. പൊളിച്ചെഴുത്ത് - ബർലിൻ കുഞ്ഞനന്തൻ നായർ രാഷ്ട്രീയപ്രവേശം പുറം 20
  6. പൊളിച്ചെഴുത്ത് - ബർലിൻ കുഞ്ഞനന്തൻ നായർ ഒന്നാം കോൺഗ്രസ്സിലെ പ്രായം കുറഞ്ഞ പ്രതിനിധി പുറം 29
  7. പൊളിച്ചെഴുത്ത് - ബർലിൻ കുഞ്ഞനന്തൻ നായർ സൈനികസേവനം പുറം 39
  8. ബർലിൻ, കുഞ്ഞനന്തൻനായർ (2012). പൊളിച്ചെഴുത്ത്. മാതൃഭൂമി ബുക്സ്. ISBN 978-81-8265-170-8.
"https://ml.wikipedia.org/w/index.php?title=ബർലിൻ_കുഞ്ഞനന്തൻ_നായർ&oldid=2284756" എന്ന താളിൽനിന്ന് ശേഖരിച്ചത്