ബൗൾഡ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഒരു ബാറ്റ്സ്മാൻ ബൗൾഡ് ആകുന്നു

ക്രിക്കറ്റ് കളിയിൽ ബാറ്റ്സ്മാൻ പുറത്താകുന്ന ഒരു രീതിയാണ് ബൗൾഡ്. ഒരു ബൗളർ എറിഞ്ഞ പന്ത് ബാറ്റ്സ്മാന് അടിച്ചകറ്റാനോ, പ്രതിരോധിക്കാനോ കഴിയാതെ പിന്നിലെ വിക്കറ്റ് തകർത്താൽ ആ ബാറ്റ്സ്മാൻ ബൗൾഡ് ആയി പുറത്താകുന്നു. ബാറ്റ്സ്മാന്റെ ബാറ്റിലോ ശരീരഭാഗങ്ങളിലോ കൊണ്ടശേഷം വിക്കറ്റ് തകർത്താലും ആ ബാറ്റ്സ്മാൻ ബൗൾഡ് ആയതായി പ്രഖ്യാപിക്കപ്പെടുന്നു. എന്നാൽ ഒരു പന്ത് നോ ബോളോ, ഡെഡ്ബോളോ ആണെങ്കിൽ ആ പന്തിൽ ബാറ്റ്സ്മാൻ ബൗൾഡ് ആയാലും അത് പരിഗണിക്കില്ല. ക്രിക്കറ്റ് നിയമങ്ങളിലെ 30-ആം നിയമമാണ് ബൗൾഡിനെ സംബന്ധിച്ചുള്ളത്.[1] ക്യാച്ചിനുശേഷം ഏറ്റവും പ്രചാരമുള്ള രണ്ടാമത്തെ പുറത്താകൽ രീതിയാണ് ബൗൾഡ്. സധാരണഗതിയിൽ ബൗൾഡിനായി ബൗളർമാർ അപ്പീൽ നടത്തേണ്ടിവരില്ല. ബാറ്റ്സ്മാൻ ബൗൾഡ് ആയത് എല്ലാവർക്കും വ്യക്തമാണ് എന്നതിനാലാണ് ഇത്. ബൗൾഡ് മൂലമുള്ള വിക്കറ്റ് ബൗളറിനെ നേട്ടമായാണ് കണക്കാക്കുന്നത്.

അവലംബം[തിരുത്തുക]

  1. "ക്രിക്കറ്റ് നിയമങ്ങൾ: നിയമം 30 (ബൗൾഡ്)". Archived from the original on 2012-11-25. Retrieved 2013-04-22.

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=ബൗൾഡ്&oldid=3639573" എന്ന താളിൽനിന്ന് ശേഖരിച്ചത്