ബൊൻബീബി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ബൊൻബീബി , ദേബാങ്കി , 24 പർഗാനാ, പശ്ചിമബംഗാൾ

ബൊൻബീബി, സുന്ദർബൻ നിവാസികളുടെ ഒരു ആരാധനാ മൂർത്തിയാണ്[1]. ജാതിമതഭേദമെന്യെ, ഹിന്ദുക്കളും ഇസ്ലാം മതവിശ്വാസികളും, ക്രൈസ്തവരും, ഗോത്രവർഗക്കാരും bahumanikkunna ബൊൻബീബിയുടെ മറ്റുപേരുകളാണ് ബൊൻചണ്ഡി, ബൊൻദേബി, വ്യാഘ്രദേവി എന്നിവ. സുന്ദർബനിലെ മനുഷ്യഭോജിയായ കടുവയിൽ നിന്ന് ബൊൻബീബി ജനങ്ങളെ സംരക്ഷിക്കുന്നു എന്നതാണ് സങ്കല്പം[2].

ഐതിഹ്യം[തിരുത്തുക]

ഇബ്രാഹിം തന്റെ ആദ്യഭാര്യ ഗുലാൽബായിയെ ഗർഭാവസ്ഥയിൽ കാട്ടിലുപേക്ഷിച്ചു. ഗുലാൽബായിക്ക് ഇരട്ടക്കുഞ്ഞുങ്ങൾ പിറന്നു, ബൊൻബീബിയും ഷാ ജംഗ്ലിയും. അവർ കാട്ടുമൃഗങ്ങളോടൊപ്പം കാടിന്റെ മക്കളായി വളർന്നു. സുന്ദർബൻ പ്രദേശം അടക്കിവാണിരുന്ന ദക്ഷിൺ റായ് , കടുവയുടെ രൂപം പൂണ്ട് മനുഷ്യരെ കൊന്നു തിന്നാൻ തുടങ്ങി. ഈ ഭീകരതക്ക് അറുതി വരുത്താനായി അള്ളാ തെരഞ്ഞെടുത്തത് ബൊൻബീബിയെ ആയിരുന്നു. ബൊൻബീബിയും ഷാജംഗ്ലിയും സുന്ദർബൻ നിവാസികൾക്ക് രക്ഷയായി സദാ കാവൽനിൽക്കുന്നുവെന്നാണ് സ്ഥലവാസികളുടെ വിശ്വാസം[1]. ഈ കഥയുടെ മറ്റു ചെല വകഭേദങ്ങളും പ്രചാരത്തിലുണ്ട്.[3]

ആരാധന[തിരുത്തുക]

അവിൽ, പൊരി മലര്, പഴങ്ങൾ എന്നിവയാണ് ബൊൻബീക്ക് നിവേദിക്കാറ്. ബലി പതിവില്ല. പൗഷ സംക്രാന്തിയും വസന്ത പഞ്ചമിയും സവിശേഷദിനങ്ങളാണ്. ബൊൻബീബിയുടെ ആടയാഭരണങ്ങൾ ഹൈന്ദവരീതിയിലും സഹോദരൻ ഷാ ജംഗ്ലിയുടേത് ഇസ്ലാം രീതിയിലുമാണ്. മൗലവിയാണ് ബൊൻബീബിർ ജൊഹർനാമ ( ബൊൻബീബിയുടെ മഹാദ്ഭുതങ്ങൾ) ചൊല്ലിക്കേൾപിക്കാറുള്ളത്[4].

ബൊൻബീബിയും ഷാ ജംഗ്ലിയും - ദയാപൂർ, 24 പർഗാനാ, പശ്ചിമബംഗാൾ


അവലംബം[തിരുത്തുക]

  1. 1.0 1.1 Schmalz, Mathew N; Gottschalk, Peter, eds. (2011). "3: Beyond National Boundaries and Religious Boundaries: Muslim Hindu Veneration of Bonbibi : Sufia Uddin". Engaging South Asian Religions: Boundaries,Appropriations and Resistances. SUNY Press. pp. 61–84. ISBN 9781438433233.
  2. Jalais, Annu (2010). Forest of Tigers: People, Politics and Environment in the Sundarbans. New Delhi: Routledge:Taylor and Francis Group. p. 69. ISBN 9780415690461.
  3. Mandal, Moushumi (2017-03-17). "Bonbibir Palagan: Tradition, History and Performance". sahapedia.org. ശേഖരിച്ചത് 2020-01-04.
  4. Bera, Gautam Kumar; Sahay, Vijoy S, eds. (2010). In the Lagoons of the Gangetic Delta. New Delhi: Mittal. pp. 7–9. ISBN 8183243436.
"https://ml.wikipedia.org/w/index.php?title=ബൊൻബീബി&oldid=3274062" എന്ന താളിൽനിന്ന് ശേഖരിച്ചത്