ബുഗ്യാൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
 രൂപ്കുണ്ഡിലേയ്ക്കുള്ള വഴിയോരത്തുള്ള ബേദ്നി ബുഗ്യാലിന്റെ ദൃശ്യം,

ഇന്ത്യൻ സംസ്ഥാനമായ ഉത്തരാഖണ്ഡിലെ ഹിമാലയമലനിരകളിൽ കാണുന്ന പുൽമേടുകളാണ് ബുഗ്യാലുകൾ. സമുദ്രനിരപ്പിൽ നിന്നും 3,300 മീറ്ററിനും (10,800 അടി) 4,000 മീറ്ററിനും (13,000 അടി) ഇടയ്ക്ക് സ്ഥിതി ചെയ്യുന്ന ഈ പ്രദേശങ്ങൾ "പ്രകൃതിയുടെ സ്വന്തം പൂന്തോട്ടങ്ങൾ" എന്നും അറിയപ്പെടുന്നു.[1] സമതലമോ, ചരിഞ്ഞപ്രതലമോ ആയിട്ടുള്ള ഈ പ്രദേശങ്ങളുടെ ഉപരിതലം മുഴുവൻ പച്ചപുല്ലും പൂക്കളും കൊണ്ട് മൂടപ്പെടുന്നു. തദ്ദേശീയരായ ഇടയന്മാർ ഈ പ്രദേശങ്ങളെ അവരുടെ കന്നുകാലികളുടെ മേച്ചിൽപ്പുറങ്ങളായി ഉപയോഗിക്കാറുണ്ട്. മഞ്ഞുക്കാലത്ത് പുൽമേടുകൾ മഞ്ഞുമൂടുകയും വേനൽക്കാലത്ത് പൂക്കളും പച്ചപ്പുല്ലും നിറയുകയും ചെയ്യുന്നു.  പരിസ്ഥിതിലോല പ്രദേശങ്ങളായ ഇവയുടെ ആവാസവ്യവസ്ഥയ്ക്ക് പ്രത്യേക സംരക്ഷണം ആവശ്യമാണ്.[1]

ചില ശ്രദ്ധേയമായ ബുഗ്യാലുകളാണ്: ഓലി (ജോഷിമത്തിനടുത്ത്) ഗാർസി, ക്വാൻരി, ബേദ്നി, പൻവാലി & കുഷ് കല്യാൻ, ദയര, മുൻസിയാരി.[2]

അവലംബം[തിരുത്തുക]

  1. 1.0 1.1 Tmh, p. 93.
  2. Tmh. General Knowledge Digest 2010. Tata McGraw-Hill Education. pp. 1–. ISBN 978-0-07-069939-7.
"https://ml.wikipedia.org/w/index.php?title=ബുഗ്യാൽ&oldid=2484727" എന്ന താളിൽനിന്ന് ശേഖരിച്ചത്